أمي طردت صديقتي من البيت !!

[Perfect J]

يا اختي تعوذي من ابليس وعلى فرض خاصمتي امج اسبوع
وبهالاسبوع انتي ولا امج لا قدر الله بعيد الشر واحدة فيكم ماتت

والله بتندمين أشد الندم بالآخرة ما يسوى عليج

ورفيجتج امبيييه لي 10:30 عندج شدعوة واهلها وينهم عنها
حدها 8 وأصلااا ماله دااعي ترجع معاج ع البيت كانت موجودة عندج بالنهار وطلعتوا ليش ما تروح بيتها !!
امج يمكن سببت لج احراج يعني كان الأفضل لو تكلمج بعد ما البنية تمشي
بس معقولة السهرة كانت بتطول عن 10 !!

اسمحيلي انتي غلطانة

 

[سعوديه 1]

اهم شء رضا امك , وكلمي امك وفهمي ليه تضايقت رغم انه واضح ويمكن يكون الاتي ...

* جت صحبتك الصبح
جت صاحبتك الثانيه العصر وجالسه للعشره ؟



طيب يمكن امك كانت تبيك بشغل او بتطلع معاكم او حابه تجلسو جلسه عائليه ,


حاولي تفهمي اسباب تصرف امك كذا ,, والله يصلح حالك مافي شي يسوا تزعلي امك عشانه

 

[وُهْـمَّ #]

الصراحه امك معاها حق ... ابغى افهم البنات هذولي وين اهلهم .

المفروض الوحده تحترم الناس لي رايحه لهم .

العاده تروح الوحده ساعتين ثلاث ساعات وبس مو من الصبح لاخر اليل .

 

[مخدوشة الوريد]

اولا .. هذي امج لو تكسر راسج بعد جدام رفيجتج ماتنطقين بحرف الان ربج قال { لاتقل لهم اف ولا تنهرهما }
حتى لو بنظرج امج غلطانه تحمليها ., وصديقتج اهيا الغلطانه الان طولت عندج اعرف الزواره ساعه ساعتين طولت بالكثير تتعشاء وتمشي مو من صباح الله خير لمن انصاف الليول ., والله امج بالها طويل اصلا .. وحده داخله وحده طالعه .. بعد اهيا لها حق فيج وتعلمج صح من الغلط .. وعلى فكره امج مايت لرفيجتج بويها وقالت لها طلعي بره سكتت انتي الي وصلتي هالفكره حق صديقتج
يعني المفروض انتي الي طبطبين على الموقف .. وثانيا صديقتج لو تقدرج لو 1بالميه وتشوفج موقف جذي ماتقعد تتفلسف .. امج ماتبيني وحلفي على القران وادز لج فلوس العشاء شهالصديقه ... ما اقول الا الله يهديكم

 

[طيشن على جديه]

اول شي صديقتج ترفع الضغط يااختي حسيتي انج ثقيله ضفي وجهج ليش قاعده تحلفج ع القران !! شكلها تدورها ..
وامج ماالومها فيج مو لهدرجه ..
من الاخر انتي الغلطانه مو امج ..​

 

[قمرية الفيس]

مها يكون حبيبتي الام ترى هم تخاف ع بنتها اذا رافجت وحده تاخذ راحتها بالطلعات والروحات انا ما اقول رفيجت هايته ومالها والي بس مها يكون عيييييب بنت البيوت تقعد عند الناس لي الليل
يابخت من زار وخفف

 

[عادت ذكرياتي]

الله يهديج أمج يمكن محتاجتج ولا شي وإنتي معظم وقتج مع رفيجاتج هذا اللي فهمته

خليج مع أمج حبوبة