أم البنات

[غرور وايل]

بصراحة اييه في نااااااااااس جذي واردى و ناس اجناس والدنيا عجايب
ولا تستغربووون في نااااس وااايد جذي

يسلمووو

 

[fa6m al-s]

والله قريبة من واقعنا لان غانم الصالح من ريايل اول فمربي عيالة على هالطريقة لان يمكن اهو في بيتهم جذي تربى فتعلم وفي واااااايد ناس مثله شديدين واكثر لان متعودين اهم من ريايل اول لازم البنت اهي الي تكرف و الولد مدلع بس بعضهم حتن اولد يعطي حجي ناشف علشان يعتمد على نفسة ويحملة المسؤلية

فشي مو بعيد

يسلموو

 

[cherry kisses]

البيوت اسرار احنا ماندري يمكن في ناس جذي
بس تدرون الشي الوحيد الي اثر فيني انه صج احمد ربي الف مره على النعمه الي انا فيها
يعني انا بنت بين 3 صبيان كبار وابوي عمرهم ما سوووا ربع الي يسويه
صج احمد ربي الف مرررررررره
بالعكس امي وابوي مدلعيني انا
وبالعكس ترا في ناس مايدلعون الصبي حتى لو كان وحيد علشان يطلع ريال و وايد ناس يقولون الدلع مو للريال لوول
وفديت امي و ابوي من الحين لي باجر

 

[Judy abbott]

اي اكييد فيي بس مو ليي هالدرجه

يعني ياكل وبناته يطالعونه وياكلون الفضله يقعد من النوم يغسلون ريله انا خبري يغسل ويها واسنانسه مو ريله ههههههه

وعمرهم ما جافو الشاارع بس حق الدوام اقلتهاااا حق طبيب ولا حق مناسبه حيل قريبه

في مبالغه بس ما نقدر نقول هلافئه مو موجوده يمكن تقريبا مافي بنات ما يكملون دراستهم بسس في بنات ما يقدرون يختارون اهما شنو يبون مثلا اهلهم يقولوهم يا تربيه ولا شريعه ولا ماكوو او ماكو سياره او ماكو دواام تدرسين وتقعدين بالبيت في نماذج واايد بالمجتمع

بس ابو جذي متسلط والام تماشيه احسها قويه لازم الام تكون شويه صوب بناتها يكسرون خاطرها على لااقل مو كلا موافقته الراي واييه نسيت فيي ناس يفرقون بين البنت والولد تفرييق اعمى

بس بهالزمن وبهالوقت يمكن صار اقل من قبل

وانا اتبعه المسلسل لانه عجيب انشاءالله نهايته تكون حلووه وانا نفسكم ضاق خلقي لما ماات صقر

 

[Dr.SoS]

اشكركم على ردودكم.....و ماقصرتوا.

 

[[[ عيون جابر ]]]

اي طبعا في نفس الشخصيات الزمن تغير حيل

 

[LadyFizZ]

اي في ناس جذي وعايشين بعد اردى من اللي بالتيفي

وبصراحة انا ماحب الرياييل اللي من نفس نمونة

غانم الشي اذا زاد عن حدة انقلب ضدة ومالوم اللي تغلط دام العيشة بهالطريقه

وبهالحكرة اللي ماتييب اي نتيجه

 

[الزيــن عذروبى]

الصراحه خووش مسلسل حيل هادف وفى ناس كثيره نفس هالحاله تطورنا اوكى ..

بس للحين فى ناس عقليتهم قديمه ومتحجره بعد والمرأه عندهم ولا شئ تاكل تشرب تنام وتقوول اى على كل شئ ..

بس حسافه صقر ليش يموت بالمسلسل بجيت عليه لين دخت *_* ​

 

[دلوله_العسوله]

انا اعرف ناس جذي بس مو لهدرجه يعني مايسوقون والأخو يوديهم السوق بس لظروره ومسموح لهم العزايم والعروس ...بس ماكو لا كفيهات ولا تمشي ولا سينما



بس حسب الي فهمته بلمسلسل ان شرووف شخصيتها ضعيفه وان الكل عايش على خير ريل شرووف حتى اختها واخوهاا ..عشان جذي شريفه واخوها ساكتين وراضين لانه راس المااال وراعي النعمه الي اهم فيها

 

[hellokitty3307]

صديقتي روح بالروح حياتها جذي بالضبط هي واختها .......
كنت اجوفها بأيام المدرسة .. عقب لما تخرجنا ماجفتها 5 سنين .. آخر مرة جفتها قبل سنة ونص ياتلي ملجتي بالغصب وبالصياح ..قعدت ساعة وابوها كان واقف عند بيتنا ناطرها وماخلاها اكثر من ساعة .. حتى ماجافت ولاشي .. مالحقت تجوف المعرس .. ماتجوف السكة ... ماتجوف احد .. البنت صادها القولون العصبي وتقول قامت تقرع بعد .......اترجاها اجوفها 5 دقايق عند باب بيتهم .. تصيح تقولي تكفين لاتيين لايجوفج ابوي .. مايرضى يطلعون ولا احد يزورهم ..... قاعدة اقولكم وانه فيني الصيحة .. لو وحدة غيرها انحرفت من زمااااان وسوت كل شي من ورى الأبو ...
صديقتي روح بالروح .. حياتها دمار .. كل يوم اصيح على حالها .. بس اكلمها بالتلفون .. تخيلو .. صداقتنا بالتلفون .. بنت مثل الذهب مافي احسن منها هي واختها ماشاءالله عليهم وعباقرة !!!! ماشاءالله عليهم !!! اشطر ناس في المدرسة .. اختها جريب الثلاثين ليحين قاعدة وياهم في البيت .. محد يجوفهم شلون يعرسون ؟؟ ......
واخوهم العود مدلل وحالته حالة من الدلع كل شي يسوي ولا احد يدري فيه وعنده بلااااوي الله يستر عليه
.. امها بعد مالها شخصية ابد جدام ريلها .. حتى الريال اكبر منها بواااااايد ..
اصدق المسلسل ونص .. لأنها قصة حياة صديقتي حبيبتي .....الله يسامحني اني قلت لكم .. بس لازم تعرفون ان في ناس عايشة جذي ..... والمسلسل ممكن تكون قصة واقعية....

 

[فـــخـــر]

في ليش مافي .. مو الكل نفس الشي مثل مافي فري حيــــــــــل في ناس متشدده حيــــــــــــــــــــل ..

وكلهم غلط ...

صقر ليش يمووت

7
7
7
حدي متأثره بالمسلسل ... هههههه

 

[الملكيييية]

شخصية الام

تذكرني بشخصية مراة اخوي

اللي لدرجة اخوووووي مل منها وطلقها

واااااااايد تحن تحن تحن وماتفك عنه وراه وراه بالبيت تبي جذي مرتاح مو مرتاح الله ياخذني زعلتك اكيد مو زعلان علي
اكيد مو زعلان ترددها لمدة اسبوع 24ساعه

لغايه ماانقلب الشي عن حده وطلقها

يبي وحده عندها شخصيه نفس الناس

 

[gold girl]

embala fe!!

mthl w7da wyay blmdrsa oboha chthi matro7 ela almdrsa mskena tksr al5a6r oo mat3rf shy 3n aldnya

alaa y3enha oo alkatb ma yktb 89a mo mwjoda fe aldnya ;pP~ oo thx

 

[مزونة]

فية بس مو بهوالت الكاتبة

هذول ماخذين قصة سي السيد محمود مرسي معدلين فيها,منو الي بمهاتنا توقف اتغسل رجول زوجها وتوقف هية وبناتها لين يخلص من الاكل وبعدها ياكلون


وتنحاش البنت بجنطة!!كلش احسة غباء​

 

[غـــلا دبي]

الصراحه انا متابعه المسلسل وما اشوف ان المسلسل بعييد عن الواقع او ان الناس تقدمت والناس تحضرت وما قامت اتسوي نفس جذي في نااس كثيرة مثل شخصية عقاب <غانم الصالح > ظالم ما يخاف الله ومعقد ويفرق بين البنت والولد وفي بعد نفس شخصية شريفة <سعاد عبدالله> الي تخدم زوجه والي اوامر زوجها كلها مطاعه وانا صادفت نااس وااااااايد من النوعيين

يسلمووووووو غلاتي ع الموضوع

والصراحه ام البنات كسر الدنيا واحلى مسلسل في الرمضان

 

[عاشقه مودي]

أهو شوي بعيد عن الواقع ..
صج أكوووو ناس تخاف على بناته ويمنعهم من أشياء واجد بس مو لدرجة يقفل الباب ويمنعهم من الناس والطلعات وبعدين الحين مافي حريم نفس شخصيتة سعاد عبدالله مستحييييييييييييييييل الحريم الحيل عوووبه:krkrkr: < بتنطق هذي سوالف حريم قبل الي تقدس الزووووج وتحسب له ألف حساب :ggdw:

 

[ورد الطايف]

مسلسل واقعي حييييل

اعرف واحد ماخذ شهادته من الخارج لندن وبيته مافيه خدامه والبنات يشتغلون في البيت وحتى تلفزيون ماعندهم ولا كمبيونر اهو مو مطوع بس متحجر

بناته بس رابع ثانوي بعدين يقعدون ويتزوجون وزوجته ماعندها موبايل ولا حتى بناتها ممنوع وعنده ولدين ادرسمهم مدارس خاصه

 

[Dr.SoS]

والله صج الدنيا فيها اشياء الواحد ما يدري عنها على الرغم من ان العالم صار صغير...بس في ناس عايشه و مو عايشه....الله يعين الجميع. و مشكورين على ردودكم.

 

[الامل با الله]

انا بعد ضاق صدري حيل حيل على موت صقر وفيه ناس با الواقع يعيشون نفس الحياة

 

[خلودي نظر عيني]

فيه ناس جذي بس مو نفس قساوة ابوهم يميز الولد على البنات