أم جهال وسافرتي لماليزيا .. الله لايحرمج الجنة

[مساء الورد]

السلام عليكم
بإذن الله رايحين ماليزيا هالصيف وبغيت نصايحكم
أولا : معاي طفل سنة ونص شنو آخذله هناك وهل البامبرز وحليب الأطفال متوفر نفس الماركات اللي عندنا ؟؟؟
ثانيا : معاي اطفال مابين 5 وعشر سنين شنو أهم شي احرص عليه آخذه معاي من لبس أكل اي شي آخر ؟؟
ثالثا : شنو الأماكن اللي تصلحلهم ومكيفة مو رطبه لأن معاي طفل معاه ربو
رابعا : هل النوادي والحضانات الملحقة بالفنادق هناك أمان ونظيفة ؟؟
وياليت تعطونا برنامج حلو لهم

 

[ArEEj]

السلام عليكم
بإذن الله رايحين ماليزيا هالصيف وبغيت نصايحكم
أولا : معاي طفل سنة ونص شنو آخذله هناك وهل البامبرز وحليب الأطفال متوفر نفس الماركات اللي عندنا ؟؟؟
ثانيا : معاي اطفال مابين 5 وعشر سنين شنو أهم شي احرص عليه آخذه معاي من لبس أكل اي شي آخر ؟؟
ثالثا : شنو الأماكن اللي تصلحلهم ومكيفة مو رطبه لأن معاي طفل معاه ربو
رابعا : هل النوادي والحضانات الملحقة بالفنادق هناك أمان ونظيفة ؟؟
وياليت تعطونا برنامج حلو لهم

هلا اختى انا بنتى الله يخليها عمرها 5 سنين فما انتبهت لسوالف البامبرز والحليب بس اتوقع البامبرز متوفر لكن الحليب لا تعتمدين وايد اخذيه معاج افضل وحتى الجبن الكرافت الكاسات ما فيه يعنى اذا عيالج متعودين عليه اخذيه افضل وهم حليب الكرنيشن ما فيه لدرجة انى اضطريت هناك انى استخدم النستله المحلى هذا اللى لقيته يعنى تعرفين سوالفهم تختلف شوي عنا
ثانيا : تحرصين انج تاخذين ادوية الحرارة اهم شي مع العلم ان كل شي متوفر بصيدلياتهم - اخذى لهم المايوهات لانه كله سباحه هناك - اللبس كله خفيف هناك الا في جنتنغ بارده شوي يبيلها بلوفرات خفيفه وجينز
ثالثا : اغلب اماكنهم مفتوحه والرطوبه ترى خفيفه واتكلى على الله واخذى ادويته معاج
رابعا : انا جربت النادي بفندق هوليدى ان بييانج يهبببل بنتى مالها امل تطلع الا اذا انا خذيتها من هناك واصلا ماتبي تطلع كله العاب ورسم وفيديو مستانسه حيل

برنامج حلو شوفي بكل مكان راح تروحين له في ماليزيا لازم يكون فيه مكان للاطفال
بمولات كولالمبور اما العاب واما سينمات
وبجنتنغ كلها العاب في داخليه وفي خارجيه
وبييانج كلها حمامات سباحه وبحر وانشطة بحرية وركوب خيل وجيتي سكي وبقيات
وافاموسا كلها عروض للاطفال
يعنى ما راح تحتارين فيهم

 

[معلمة انجليزي]

هلا و الله حبيبتي انا اخذت بنتي كان عمرها 4 سنوات
اخذن لها ملابس عملية و خفيفة و نفانيف علاق و طبعا روب و مايوه و صنادل خفيفة و دراجة عشان ماتتعبني بالمشي وحتى احط عليها الاكياس عشان ما اتعب
و اخذت لها البفك الي تحبة و بسكوت تك و عصير منجا كي دي دي لاانها ماتصبر بدونه
وحق جنتنق و الكاميرون اخذت لها بلوزة كم طويل و فوقها بلوزة صوف بكبوس و جوتي رياضة و دلاغ عالي مو قصير عشان ماتبرد.
وشريت لها من هناك طفاحات لان بكل مكان سباحة
انا رفيقتي اخذت معاها الrice maker اللي بالكهرباء لان عيالها يحبون العيش المسلوق مع الروب

 

[مساء الورد]

شكورين خواتي الله يجزاكم خير ولايحرمنا واياكم الجنة
بغيت أسأل عن الكاميرون تصلح لليهال ؟ لأن زوجي يقول ماله داعي نروح لها مافيها شي لهم وهالسفرة احنا مخصصينها لهم ومانبي نتعب عالفاضي شرايكم

 

[احلى من الحلى]

شوفى حبيتى

انا خذيت البامبرز من اهنى ولولدى مايشرب حليب قطعه من 8 شهور فماشفت الحليب بس اخذ البامبرز معاج ولاتحاتين الوزن اهنى بالكويت يطوفون الرده الى ملاقه

وانا خذيتله جبن كرافت وجذيتله الشوربه الى يحبها وخذيت جبن سلايس الى يحبه بس صج صج انفعونى خصوصا انه باليل اذا ياع مااعرف شنو اسويله
فاسويله صمونه جبن قلاصات ةطبعا الخبز فى اهناك خبز لبنانى بس لاتحاتين تقزر انشاله

واخذيلهم بدله وحده ثقيله مع جاكيت واحد حق جنتق بس خو اهى المنطقه الوحيده الى برد لانها جبل

واى استفسار انا حاضر

 

[مساء الورد]

شكورة ياأحلى من الحلا )
كم قطعة ملابس تكفي الطفل سفرتنا اسبوعين تقريبا ؟؟

 

[*peace*]

لااااااااااااااااااااااااااااااااااااااااااااا

لاتروحين كاميرون تبط الجبد تغث تغث تغث

رحت يومين بغيت اموووووووووووووووووووووووووووووووووت من الملل

جو حلو ومناظر طبيعيه وفراولة وبس

تخيلي من القراده اخترنا فندق من الانترنت وحنيت عليه وزوجي حجزة بالسفريات

تخيلي

كاميرون مافيها شي جبلية وريفيه وماكو تسوق ولااااااااااااااااااااااشي

وفوق هذا

الفندق مافيه انرنت بالغرف

ومافيه تلفزيون همن

ولي نزلنا اللوبي نشبك

كله اجانب وسكارى

وع وع تلوع الجبد كل مااتذكرها تلوووووووووع جبدي لا والطريج ثلاث ساعات من حلاتها عاد

اسم الفندق ليك هاوس ياحظي

لاتروحين كاميرون ولابتندمين طول عمرج لوووووووووووووووووول

 

[سلمى الخير]

شوفي ياروحي انتي


انا للامانه مااخذت عيالي معاي والسبب نفس سببج ولدي ربو


بس اكتشفت شي من مرضى الربو انهم راحو ورجعو من ماليزيا مااحتاجو كمام ولا شي


هم عندي خدامتي فيها ربو وتستخدم كمام تحلف وتكفر ان رغم ان ديرتهم رطوبه نفس ماليزيا بس هناك ابدا ابدا ماتستعمله


وعلى هالاساس هالسنه فكرت اروح بس بسبب انفلونزا الخنازير كنسلت


اما عن الاماكن عندج جنتق بارده ومنطقه جبليه تبعد عن كوالمبور ساه وشوي تقريبا واهيا مدينة العاب تناسب عيالج

يكفيها يوم وانتي حره تباتين فيها او تروحين لها من الصبح للمغرب


تايم سكوير مدينة العاب مكيفه واهيا مجمع قريب يم شارع العرب بكوالمبور وفيه هم سينما ايماكس بنفس المجمع


الماينز وعروض الليزر لاتطوفج وكونها بالليل فالجو يكون فيها معتدل حلو مو رطب بالليل


واذا تبين جزيرة لنكاوي احلى بس بينانج تناسبج اكثر كونها اقل رطوبه من لنكاوي وتمتعي برحلات صيد السمك وغيرها من الاماكن


وبالنسبه للاكل لاتحاتين المطاعم العربية بشارع العرب اكثر من شعر راسج غير مطاعم الوجبات السريعه

واي شي من عيوني حاضرين راسليني بس ومايردج الا الكي بورد