أم دلوعه :$ :$ الامهات بليز دشو

[ام خدود ورديه]

السلام عليكم
شلونكم فديتكم ؟
بنات بقولكم شغله بعضكم راح يشوفها سخيفه
الحمدالله انا حامل بالشهر الخامس وفيني بنوته وهذي بجري حملت بعد شهرين زواج الف الحمدالله وعمري شهر 4 يصير 22قلتلكم بياناتي كامله لوول

المهم
انا احب الدلع يعني مايصير يمر يوم ما اتدلع على ريلي مو الدلع البايخ لا بالعكس مادري شلون اوصفلكم طبي بس احب اتدلع عليه واهوا يحب يدلعني الحمدالله والحين من سويت سونار ودريت اني بنت ريلي حده تشقق من الوناسه فديته وكله يقولي البنت تاخذ قلب الابو والبنت نعمه والبنت والبنت لاتفهموني غلط ما اغار بس خايفه عقب الولاده مايدلعني نفس قبل واصلا انا احس اني راح استحي اتدلع وانا ام احس اني بصير عيوزه لوول انا احب اللون الوردي واغراضي كلها ورديه الحين احس لازم اكبر واغير اغراضي وتصرفاتي
تخيلو ذاك اليوم يه من الدوام جان يقولي ها حبيبتي يوعانه جان اقوله حبيبي شفيج مو قلتلك طلبت من المطعم جان يقولي لا حبيبتي قصدي عن بنتي انا ويهي:s141::s141::s141: حسيت اندقرت ويهي قام يقط الوان اهوا مو قصده ادري حبيبي بس مادري شلون احس انه خلاص لازم ما اتدلع عقب الولاده واحسسه اني صرت ام وكبيره انتو شرايكم اظل على طبعي ولا اغير ه :ch12: طولت عليكم وماعندي سالفه صح :yaaaaaarb:

 

[sharshora80]

رد : أم دلوعه :$ :$ الامهات بليز دشو

الله ييسر امورج
عادي الامهات بعد يدلعود ما فيها شئ
تصدقين انا عندي بنت وحده والباقي اصبيان وهي ما شاء الله عليها حيل تلصق في ابوها عمرها 2 عاد انا اوخرها من حضن ابوها واقعد بحضنه واقولها هذا مالتي اانا باباتي انا
ههههههههه
تعصب بالعكس المرى كل ما تكبر تصير انثى اكثر بحركاتها وهدوئها

 

[لحظآتَ]

رد : أم دلوعه :$ :$ الامهات بليز دشو

هههههههههههههه
ياحياتي
الله يقومج بالسلامه اولا !
ثانيـآ ياقلبي .. هذي بنوتتج غلاها من غلاج اصلا
من كثر ماهو يغليج ويحبج الله لايغير عليكم يارب
يحب بنتوتتكم .. اللي بتاخذ من طبايع امهـآ
بالعكس الدلع حلوو .. وانتي بعز شبابج .. مو معقوله عشان صرتي ام تبطلين دلع وتصيرين جديه!!
يعني فرضا بنت ام 19 سنه جابت بنت .. ها تبطل دلع؟
طيب متى تعيش شبابها وتتدلع على زوجهـآ ؟؟
لا ياقلبي الامومه مو معناته انج تتغيرين وتبطلين دلع .. طالما انتي عفويه وخلقتج جذي تحبين الدلع والغنج
خلج على طبعج ماله داعي تتصنعين انج كبرتي وثقلتي
:hjy5jewf:
والله يوفقج ويهنيج ياقلبي :wqedqw:

 

[om.fhody]

نو نو نو

بالعكس تدلعي عاااااااااااااااااااااااااااااااااااااااااااااااااااادي
لاتكبرين نفسج ترا بعدج صغيره
ولا تنحرجين شنو يعني ام !! الام تكون تكانه برا البيت بس داخل البيت ومع ريلها اهيا مرأه وانثى قبل لا تكون ام

شيلي هذي الافكار
وبعدين بالعكس خل يحبها الحمدلله ترا هذي نعمه شوفي باجر شلون بياخذنها منج وشلون راح يخاف عليها ويحطها بعيونه ان شاءالله
بعدججججججججججججججججج عروس

 

[شيخة الحلوة]

فديتج والله
عادي حياتي
ولا تغيرين شي فيج ريللج يحبج جذي دلوعه وكله وردي


استمري جذي عادي
وخليج على الوردي والالوان الفريش

وبنتج يمكن صج بعدين تغارين لووول بس عادي اهيا بنتج وتغارين مو منها بس لان الابو راح يتعلق فيها وايد
بس عادي طوفي ياقلبي

والله يسخرلج ريلج يارب ويحفظكم حق بعض يارب

ويرزقكم من خيره ذرية صالحة يارب بنين وبنات:friends:

 

[غيمه ظميانه]

ههههههههههههههههههه اصلا ما يجيج الهبال الا اذا جبتي عيال ههههههههههههههههه

وماعليج دلع البنت الصغيره غير عن دلع المرا الانثويه وانتي عارفه الحركات ما يحتاج :lololoe:

بعدين توج عروس باجر يطلع ابداعات الدلع الحقيقي مو وردي وخرابيط ههههههههههههههههه شعللها ولعها

 

[Miss McDonald]

رد : أم دلوعه :$ :$ الامهات بليز دشو

,



اظل على طبعي ولا اغيره ..؟



.


اذا تطبع راح تنكشفين
واذا طبع ماراح تيوزين ,


اللي فيج غيره _03ba:

آلله يهون عليج

 

[حلوه ولمآحه]

رد : أم دلوعه :$ :$ الامهات بليز دشو

ههههه
ياحليلج،،
انا نفس عمرج وعندي بنوته عمرها 7 شهور
عادي حبوبه بالعكس تعطيكم جو ــ وتدلعي اكثر شنو صرت عيوزه،،

 

[G!RLooNa]

ههههه لا حبيبتي شكو تكبرين و تحسسينه انج كبرتي بالعكس حسسيه انج بعدج صغيرونه قوليله هذي بنتك وانا بنتك

و الوردي لا تغيرينه خلج عالالوان الفرايحيه وردي فاتح فوشي اصفر برتقالي ازرق الوان ترد الروح شبابيه مو كله اسود بني و هالالوان الكئيبه على بو صرتي ام لوول

 

[العفاسيه]

هههههههه لا تغيرين طبعج تدلعي عالآخر

بعد ماتشرف البنوته اصلا راح يحبج اكثر

 

[عذآب إلـ أنآ]

واااااااااااي لازم تتدلعين الحين انتي الغاليه انتي ام عياله
استانسي وونسي اللي في بطنج معاج دامج مستانسه

 

[الأماكن]

رد : أم دلوعه :$ :$ الامهات بليز دشو

اذا هذا طبعج صدقيني ماراح تقدرين تغيرينه

خليج على طبيعتج أحسن و أريح

وش فيه الدلع ...!!!! حلوووو:ggdw:

 

[حـنـيـن 83]

رد : أم دلوعه :$ :$ الامهات بليز دشو

الله يتمم عليج وتقومين بالسلامه
وحبيبتي تدلعي انتي وبنتج :jumpon: وخلج علي الالوان والاغراض شفيها ليش تبينين له ان عيزتي توج عروس *

 

[ام خدود ورديه]

واي وناسه ونستوني والله حدي استانست كنت وايد احاتي لوول حسيت انه ماعندي سالفه ان ماشريت نفنوفين ورديين نفس الشي انا وبنتي ما اطلع ام خدود ادعولي اييب بنت نفس خدوودي:yaaaaaarb: ثانكس فديتكم والله

 

[ديانا سبنسر]

ههههههههههههههههههه يحليج حسستيني انج لاولدتي ان شاء الله راح تصكين الالف شكو ماله شغل
تدلعي وبالغي بالدلع بس الظاهر هرمونات الحمل زايدة عليج خخخخخخ

الله يهون عليج ويقومج بالسلامة وتفرحون بالبنوتة يارب

 

[السهل الممتنع]

حبيبتى اولا الله يتمم حملج ع خيرر ويسهل لج ولادتج ..
واحب اقوولج رفيجة امى تخيييلي للحين اشووفه ع انها مره كبيرة الا دلوووعه وكله زوجي وزوجي وتتدلع وكل يومين تتغلا وتبي سفرره وتخيلي بنتها وولدها متزوجين ولما سألت امي قالت هذي رفيجتى من خذت زوجها جذي اهي المره طبيعتهاا دلووعه وزوجها مدلعه وتحسين للحين جنها بنته ... لدرجه ان مره كنا رايحيين عمره وصدفه شفناهم ع نفس الرحلة تتمشى اهي معاه بالمطار جنها امس متزوجه حركاتها ونظراتها ههههههههههه الله لا يغير عليهم قولوا امين ..