أنا بالروضة ويا اصحابي&&&&&&&&&&

[:: عائشه بقلبي ::]

الله يعين

 

[الصابرة المحتسبة]

معلمة صغيرة: تبارك الرحمن والله يوفقج
الخنساء يعل ربي يهون عليج ويقر عينج بالضنى المتعافي الصالح

 

[الصابرة المحتسبة]

رفع

 

[*أبلة*]

السلام عليكم ورحمة الله وبركاته.........................

اتمنى لكم الصحه والعافيه ........... والتقدم والنجاح............

حبيت اطلعكم من جو الشغل وتجاوبوون على بعض الأسئلة ولا عليكم أمر.
- أحلى شي بالروضه؟
- طفل سنة اولى ,اول يوم يداوم اشلون تعاملينه؟
- تحبين التجديد بصفج حتى لو بشي قليل؟
- تملين بسرعه من الحنة والبجي ؟
- في تعاون بالأفكار بينج وبين الأبلات ؟
- اشلونج مع الأمهات؟
وسلامتكم..................

احلى شي بالروضة .. الى جانب الطفل .. الطفولة اللي تعيشينها بالروضة .. وتنسين الدنيا ومشاكلها وتعيشين انتي .. بمعنى تعيشين طفولتج وموهبتج وحبج واهتمامج وتكونين انتي .. انتي .
طفل سنة اولى .. استقبله بابتسامه ولعبه وترحيب حار فيه وفي امه .. ونلعب لعبة الاركان لما تقريبا يمكل العدد او يكون في حضور لاباس فيه .. واهي خريطه دايما اسويها اول السنه والطفل فيها يكتشف الاركان مع ولي امره او امه ويحطون صح يم الاشياء اللي يكتشفونها .
تصوير اول يوم شي ضروووووري علشان اذكِّر الام والطفل باول يوم ويقعدون يضحكون اهو وامه على طريقته بالبجي :dddds:
دائما بطاقتي مميزة وتخلي الطفل يحافظ عليها .. علشان جذي يحرص انه يوريني انها معاه كل يوم
التجديد بالفصل شي ضروري علشان لا الطفل يمل ولا انا امل .. انا بطبيعتي احب التجديد .
بالنسبة للبجي : ما اقص عليج واقولج اني ما امل .. بس احاول قدر الامكان ان ما ابيض امتعاضي او الملل اللي احسه تجاه بجي الطفل او حنته
التعاون مطلوب وموجود الحمد لله ..ويعين الله :eh_s(6):
الامهات علاقتي معاهم فوق الزينه وعلى طول اخذ موبايلها للتواصل السريع .. والحمد لله ان الاغلبيه تسجل عيالها عندي بالفصل على اساس السمعه اللي واصلتهم .. او على اساس اني مدرسه عيالهم من قبل فيعرفوني .
واللي تحبه الناس ربه يحبه الحمد لله على هالنعمة .
ويسلمج ربي على الاسلة
***​

 

[الصابرة المحتسبة]

مشاءالله تبارك الرحمن ولا إله إلا الله
عيني عليج باردة وكثرالله من أمثالج وهذا دين ومردود
سؤالي انتي بأي روضة علشان أسجل عيال عيالي عندج ؟؟؟؟؟؟؟؟؟؟؟؟؟؟(هههه نشبة)
عساج على القوة حبيبتي

 

[الصابرة المحتسبة]

رفع

 

[الصابرة المحتسبة]

السلام عليكم
شلونكم معلمات؟

شلون الروضة من غير عيالكم؟

 

[المستغفرة 74]

ياهلا بالصابرة والفين مرحبا
احلى شيء بالروضة طبعا اطفالي صفي تصدقين احس اني صج امهم واحن عليهم حييل وما ارضى عليهم شيء لان كل طفل سبحان الله احس ان في شبهة حييل من واحد من عيالي الي جبتهم من بطني.ويوم التخرج احس بحزن لاني راح افارقهم من غير شر.بس على فكرة لليوم هذا اخذ اخبارهم بعد ما راحو للمدرسة.واكبر جييل درستة صار الحين بثانية ثانوي.واي كبرنا.
السؤال الثاني :انا الحين ادرس ثانية وفي غالبية الاطفال يكونون توهم يداومون يعني ما داومو باولى وبداية السنة بجي وخوف .يسكسرون خاطري لاني اشوف بعيونهم الخوف ويحسبون ان اهلهم قطوهم انا احسسهم بالحب والحنان واعطيهم الامان .
سؤال التجديد. اموت بالتجديد واحاول اني اغير كل شيء من فترة لفترة لان هذا التغيير يحسسني بالنشاط .
سؤال الحنة ؟اكيد امل من الحنة والبجي .بس مثل ما اسلفت احاول احسس الطفل بالحنان والامان واخلية ما يبجي .بس لما اروح غرفة المدرسات ابي اتريق كل الاطفال يقعدون يبجون علي ما يبوني اطلع من الصف (وهقة)
سؤال التعاون بين الابلات .الحمد لله كل روضتنا اخوات وعلى قلب واحد والتعاون من عاداتنا .
سؤال الامهات.آآآآآآآآآآآآآههههههههههه وما ادراك بالامهات والله في بعض القليل جدا من الامهات الي اذا حطيتيها عالجرح يبرا والبعض الغالب الله لا يوريج قلة ادب ةقلة ذوق وتكلمج كانج سيلانيتها .والله حتى سيلانيتي ما اكلمها جذي بس الله يعين .
ولما شفت نكج قلت لازم اجاوب على اسالتج يالغالية
لانج ما تقصرين دايما تجاوبيني عن اسالتي بقسم ذوو الاحتياجات الخاصة.

 

[الصابرة المحتسبة]

ياهلا بام ضاري

عسى ربي يعطيج على نيتج

 

[ملاك-77]

السلام عليكم ورحمة الله وبركاته.........................
وعليكم السلام ورحمة الله وبركاته
اتمنى لكم الصحه والعافيه ........... والتقدم والنجاح............
أجمعين ان شاءالله وكل عام وانتي بخير
حبيت اطلعكم من جو الشغل وتجاوبوون على بعض الأسئلة ولا عليكم أمر.
- أحلى شي بالروضه؟
ضحكة الاطفال ووناستهم معاي لما يتعودون علي ولما احس ان تعبي ماراح هدر فيهم
- طفل سنة اولى ,اول يوم يداوم اشلون تعاملينه؟
بحب وحنان وبابتسامه له ولامه وبهديه
- تحبين التجديد بصفج حتى لو بشي قليل؟
طبعا احب التجديد وأضيف لمساتي ولو بشي بسيط لاني ملوله
- تملين بسرعه من الحنة والبجي ؟
أحيانا امل وأصدع منهم بس مستحيل ابين للاطفال هالشي وأصبر عليهم ليما يتعودون علي وعلى الصف
- في تعاون بالأفكار بينج وبين الأبلات ؟
أكيد في تعاون مستمر بيننا وان شاءالله يستمر أكثر
- اشلونج مع الأمهات؟
الحمدلله علاقتنا طيبه وفي تعاون بيننا لدرجه يطلبوني بالاسم ويحطون عيالهم عندي لانهم مجربيني من قبل

وسلامتكم..................

الله يسلمج يالغالية
وماقصرتي

 

[غروك وغيروك]

* أحلى شي بالروضه ؟
الأطفال أحلى شي أمووووت عليهم وأحب لمة المدرسات إذا طبعاً مافيه :23_asmilies-com:

* طفل سنة اولى ,اول يوم يداوم اشلون تعاملينه؟
توني ثاني كورس لي بس حاطه فبالي المسابقات والهدايا والألعاب :ceaf32e183:

* تحبين التجديد بصفج حتى لو بشي قليل؟
إي أحب أغير وأجدد من أول ما تعينت وأنا أحاول جم شغله بالصف وأضيف شغلات

* تملين بسرعه من الحنة والبجي ؟
لأ الحمدلله بالي طويل :eh_s(15):

* في تعاون بالأفكار بينج وبين الأبلات ؟
يعني مرات الحمدلله :friends:

*اشلونج مع الأمهات؟
بعضهم زينين بعضهم الله يكافيكم شرهم


ومشكوره يا حبيبتي ما قصرتي
:sfg:​

 

[دخون ازرق]

رد : أنا بالروضة ويا اصحابي&&&&&&&&&&

زهقنا من الروضة ----ليش تذكرونا فيها

 

[*أم*خالد*]

هاي دوري دوري

وخرو اهوو دنو لي خل اقعد واجاوب لوول

- أحلى شي بالروضه؟

احلى شي بالروضة لمه العب مع اليهال سواء بالحلقه او اللاصفي او حتى الفرصة لمه اشوفهم مشتتين ايمعهم والعبهم طاق طاق طاقيه او خروف مسلسل

- طفل سنة اولى ,اول يوم يداوم اشلون تعاملينه؟

طبيعي بحنان وحب .. ادعولي

- تحبين التجديد بصفج حتى لو بشي قليل؟

اممم مو وايد
احسها اشياء سخيفه
اوكى اجدد بأركاني .. الاركان الميته أحييها مثل المكتبة المفروض نسميها مقبره لول

- تملين بسرعه من الحنة والبجي ؟

قبل سنتين لأ كان بالي طويل .. بس اللحين لا مالي خلق دلع ماصخ بس شسوي اضغط على نفسي لأن يظلون اطفال

- في تعاون بالأفكار بينج وبين الأبلات ؟

على حسب الشغل واللي معاي

- اشلونج مع الأمهات؟

علاقة رسمية حتى النخاع واحاول اقلل احتكاكي فيهم .. اقطها براس اللي معاي حبيبتي ماتقصر والله

 

[*أم*خالد*]

رد: رد : أنا بالروضة ويا اصحابي&&&&&&&&&&

زهقنا من الروضة ----ليش تذكرونا فيها

حجية هذا قسم معلمات رياض الاطفال يعني روضة بروضة :s142:

 

[دخون ازرق]

رد : أنا بالروضة ويا اصحابي&&&&&&&&&&

توني ماحجيت هالسنة أن شاء الله وبعدين تكفين 14 سنة بهالمجال ماتبني أقول زهقت شويت فضفضة حلوة تريح الوحده من هالمجال المضغوط

 

[*أم*خالد*]

وعليه عسى الله يعطيج الصحة والعافية

ميخالف ميخالف فضفضي طلعي اللي بقلبج
ناظرة مدرسة مشرفه موجهة اولياء امور صرف فلوس حارس دلوع

نصيحه روحي قسم الهدوم والكشخه مادري شسمه توني أهب فيه تلقينا انا وليلاس

حده شي

 

[ملاك-77]

ام خالد قطاتج عجيبه
لووووووووووووووووول

 

[اسمي بين الاسامي]

مومعلمة روضه بس موضوعكم يونس الله يرزق بنتي يأبلات مثلكم

 

[الصابرة المحتسبة]

رد : أنا بالروضة ويا اصحابي&&&&&&&&&&

حياكم الله

وعسى ربي يوفقكم ويسمح دروبكم ويرزقكم بناظرة طيبة سمحة.