أنا غبية و لا شنو

[lovkom]

لا تقوليله دام يعطيج ..

بس بين فتره وفتره قوليله بخاطري جنطه او خنسافر وساعتها بيعرف شلون يخصم من هالـ 90% ويصير اوكي ..

 

[shak!shoka]

من صجج والله !!


عندج معاش و يعطيج واكيد اذا نقصج يزيدج

خلصنا ، يعني انتي عايشه ملكه ليش زعلانه


في شي اسمه خصوصيات و هذا معاشه دام مو مقصر معاج انتها الكلام



بييج يوم و تخشين او توفرين اكيد ماراح يعجبج لو تدخل


عادي يا قلبي انا ما اشوف في مشكله كلللللش



بالعكس شي حلو قاعد يخطط و يفكر بعياله




تدرين زوج اختي يقط فوق ال 500 دينار على ألعاب البليستيشن و خرابيط ثانيه

ومعاشه قوي بس للاسف كله خراااابيط



قولي الحمدالله وخلي الريال يخطط و يوفر كله من صالحج

 

[ام فارس ولولوه]

لا يا عمري لا غبية ولا شي
بالعكس اللي اشوفه اهو الصح ومعطيج حقج بعد لا بخل ولا شي اهو حسن تدبير
بس انتي تشوفين انه عنده فلوس وايد ومايصرف الا بالمعقول تقولين بخيل
اوكي خلينا حبه حبه
خليه يسوي مشاريع خيريه مثل كفاله يتيم او صدقه جاريه او مساعدة ناس محتاجين
بناء ماء سبيل
وايد المشاريع
وعسى الله يفتحها عليكم من اوسع ابوابه
وسافروا وغيروا جو وساعديه بكل شي

 

[sh_mashael]

معاشج لج و فوقهم 200 يتراوالي كافي و بلا طمع
فلوسه و اهو حر فيهم

الله يوفقكم

 

[Um Tuki]

ياريت ريلي فيه نص ريلج ..

نادرا ما تحصلين الحين ريال يفكر بالمستقبل

الناس صارت تعيش حياتها يوم بـ يوم

و تنسى ان وراها يهال و مجبورة تبني لهم مستقبل

تبين تعيشين كـ ملكة !!

تبين كل شهر شناط ماركة .. و سفرات .. و ألماس

انزين لي متى بيدومون لج

تركي عنج الماديات

ولا تكرهين الريال فيج

الريال باني هدف جدامه لا اتيين تخربين كل شي

و تخلينه يفكر انج قبلتيه طمـــــــــــــع

دام كل شهر يعطيج 200

و موظفة

يعني مو قاصرج شي
حمدي ربج

ريلي حتى 20 دينار كل شهر مايعطيني ههههههه

والله هالناس صارت همها لفلوس وبس

الحمدلله ع الصحة

 

[lulu_q88]

وين المشكله


دامج موظفه يعني عندج معاش خاص فيييج وفوقه يعطيج 200 بشنو مقصر !!!!

احمدي ربج .....

لو غيره بيقولج كافي عليج معاشج ليش 200 ؟

وزين انه يفكر فيهم تبين تطيرين الفلوس واعيالج بعد جم سنه تحرمونهم !!

والله انتي اشوفج طماعه وعندج خير مصرف فوق معاشج فكري باعيالج شوي

 

[عاشقة هواك]

ليش زعلانه الحين الريال يعطيج مصروفج وهذا اهم شي في ريايل يعطون بالشهر 20 بس ويذلها قولي الحمد الله على النعمة

 

[شهد الفيلكاوي]

مشكورين خواتي على الردود
و الله يسامح الي اتهمني بالطمع

 

[لوولوو_88]

حبيبتي شهد .. اهم شي انه مو مقصر عليج يعطيج 200 فوق راتبج .. ولا يقصر على بيتج .. ولا على وناستكم الطلعات و التشري و السفر .. ف انا اشوف ما في مشكله .. و شنو الحرمان الي حارمج منه يعني شنو الي ودج فيه .. مو شرط يوفر حق العيال بس ما تبين بيت يبينلج بيت فيهم ما تبين باجر قرض الاسكان و غيره يسدد و اهوا مرتاح .. ما تبين لا صار شي لا سمح الله بالبيت اخترب بالسيااره يصلح لج و ما يحتاج من احد .. باجر لا حملتي او مرضتي تروحين مستشفى خاص ترتجعين و تولدين فيه .. الف شي و شي ناطره و انا اشوف هالتوفير صح و لا تخلين هالشي يلهيج عن زوجج و يخليج ابليس تناجرين على اشياء مالها داعي .. و كلام ام فارس حلو حثيه يتصدق يبني مسجد ذكريه و لج الاجر انسالله .. و ربي يهنيكم و يسخره لج حبيبتي

 

[((غلاي))]

بالعكس حبيبتي
خليوفر افضل لكم مليون مره
من السلف و الدين و القروض
باجر لي احتجتو لاسمح الله طبيب او ظرف قوي
الا عندكم
تبون لكم بيت
وتاثيث البيت و سوالف ماتخلص
وحلو ان قالج لعيالنا
بعدين لي حملتي ان شاء الله بيصرف عليهم احلا صرف

الله يتمم عليكم ياااارب
وماله داعي تسوين مشكله على هالموضوع
دام مو مقصر وموفر اساسيات و احتياجات الشقه

الله يخليكم البعض حبيبتي

 

[زيين العبادي]

حياتي الحمد الله على فضل ربي بعطائه لج والله يهديكم لبعضكم الله يجزاه خير زوجج يوم يعطيج ٢٠٠الحمدالله هذي نعمه احفظي عليها وحاولي تفهمين زوجج أنج معاه تفكرين بالمستقبل وخلي سعادتكم هي الثقه والحب لللله ثم لبعضكم والله يوفقكم تري ماتسوي تخسرين زوجج عشان فلوس

 

[sh_mashael]

مشكورين خواتي على الردود
و الله يسامح الي اتهمني بالطمع

حبيبتي انا اسفه ان چان اتهمتچ بالطمع على قولتچ
بس الريال عقب ماتزنين وتبينين له انه مو كافيتچ ال ميتين بيقول عنچ طماعه و ممكن مايعطيچ عقب
?
خلاص سحبت كلامي و چني ما رديت على موضوعچ

 

[مشتطـه]

الحين موظفة ويعطيج 200 ؟

شتبين اكثر

حمدي ربج اعرف وحده فوق انه يخش معاشه ماخذ معاشها وخاشه ويعطيها ب 350 منه
يبون بيت تقول

حد امه ماكو مشكله عندج

بس تبين تلعبين بالفلوس !

اذا انتي رابعه متوسط معاشج 600 وفوقهم 200
هدا 800 دينار ؟

 

[أميرة-]

والله انا ماشوف فيه مشكله

اذا يصرف على البيت والماجله ويعطيج على كلامج 200 وانتي موظفه مشالله يعني مو مقصر الرجال .. رياجيل هالوقت اغلبهم اذا مرته موظفه مايعطيها ولا فلس سواء عنده ولا ماعنده

فأنا أقول لا تخلقين مشكلة من ولا شي ..

 

[ملح الكون]

ماشاء الله .. الله لايغير عليكم .. انا اشوف انه مومقصر الا اذا مايسفرج ولايجيبلج هدايا ..
اذا كان يجيب ويسفر .. تعوذي من ابليس والله يخليكم حق بعض

 

[زوجة عزيز]

قولي الحمدلله وانا رايي من راي امج ولا تضيقين على الريال عيشته راتبج عندج ويعطيج 200 وخليه ايمع لكم حق المستقبل شي اهو شايف شي انتي موشايفته ومن حقه ايمع حق عيالكم

 

[عروسة اكتوبر]

دامج موظفه وعندج معاش وفوق معاشج جزاه الله خير يعطيج 200 بصراحه ما اشوف قاصرج شي الحمدالله خلي الرجال يفكر بمستقبل عيالكم أحسن

 

[~ بنت الهدى ~]

بالعككككس تفكيره سليييييم يفكررر في مستقبلكم و يبي يأمن حياتكم

المفروض تستانسين ياحبيبتي

و الحمد لله عندج مصروف و عند معاش الحمد لله عالنعمه حالج احسن من غيرج بألف مره :*

القناعه كنز لا يفنى

 

[بكيزة هانم]

ولا شنو

 

[الغلاااااا]

انتي موظفه وعندج معاشج خلاص اشتبين منه بروحه يمشيلج مصروف مايقصر جزاه الله خير


لو منج اقوله خلاص مابي هالمصروف بس خلينا نستغله طلعات ووناسه شاليهات مطاعم سينما


مو موظفه واخش معاشي واخذ مصروف وابي بعد منه يدلعني ويشتري لي كل شي


سوري بس اسمحيلي انتي طماعه


اذا اهو رفض اوك اخذي المصروف اللي يعطيج اياه وانتي حجزي تذاكر للسينما هالاسبوع والاسبوع اللي وراه مسرحيه او طلعوا مطعم طلعوا كافيهات


دامه مو مقصر ماطري شنو تبين بالضبط تبينه يكون مبذر واخر الشهر تطرون او تصير نفسيته اكس انه ماعنده شي ومعاشه حده حده

حمدي ربج عالوضع الي انتي فيه انتي اللي منرفزج انه ليش يجمع فلوس جذي تبينه يصرف بالهبل

يامعوده عالاقل انتي تعرفين فلوسه وين يوديهم غيرج حتى معاش زوجها ماتدري جم