رد: أنا هذي مشترياتي َََ وانتي وريني شنو مشترياتج ؟؟ الكل يشارك (متجدد)
صباح الورد بنات
اعذروني عالمقتطفات البسيطه اللي مصورتها بعضهم اليوم شريتهم والبعض ماصارلي اسبوع من استلمتهم والاغلب قبل العيد < بدت تحشش كاااك
بنات فيني النوم فـ سوري يعني .. ايه واللي تشوف مني شي تستر ع ماواجهت :eh_s(4):
هالدفعه البسيطه انزلها ألحين وعطوني دقايق وانزل صور الحمر اللي شريتهم اليوم وقبل فتره وجيزه بس ..
اول شي هذولي باليتات طالبتهم من التاجره Uniqueness فديتها تبارك الرحمن قمه بالتعامل والاسلوب علاقتي فيها من قِدمي الأزلي ع قوله محمد الحملي
< مو مصلحه والله بس جد خوش وحده
بسم الله
باليت من كوستل سنس امممم ماذكر اسمه والله بس اشوفه لكم .. والحلو فيه انج تقدرين تشترين الشدوات وتردينهم ونفس سايز شدوات ماك الريفيل .. الوانهم حلوه .. عندي باليت ثاني اسمه ع ما اعتقد winterberry حق الشتا وايد حلو لأن الالوان بنفسجيه كلها تقريباً ومثل محنا عارفين يازينه البنفسجي بالشتا
اشوفه لكم مادري وين طاس ألحين ..
هذا الباليت الثاني من Cargo وهو مصكر ..
وهو مبطل .. جد روووعه هالباليت .. الوانه عمليه " جودتها مو واو بس وايد حلوه للصبح وحتى الليل " فـ بليز بنات هذاني اقولها جودتها مو من جوده شدوات سي ري بس زينه ومو شرط تحتاجين بيس لهم ..
الباليت اللي عاليسار اسمه Go palette Beijing من كوستل سنس باليت هالالوان ما اذكر اسمه بصراحه بس اشوفه لكم ولا تزعلون
.. امممم وعاليمين باليت من ايسدورا روعه روعه روعه ومن كثر ماهو حيييييييييييييل روعه صكيت نفسي بعين يحبها قلبي وانكسر اللون اللي بالنص " حبيبي هذا مامداه ينكسر
" كاااااااااااااااااك بروح ابشي < بنات تكفون عرفتوا البنت اللي يجيبها طارق العلي بمسرحياته
عموماً باليت ايسدورا سعره 7 دنانير ماذكر إذا كان وقتها فيه خصومات او لا .. والوانه قريبه جداً من اللي يمّه ثاني سطر من اليمين " الشدوين الثاني والثالث "
استرن ع ماواجهتن
هالغريضات اليوم شريتها من بودي شوب .. قلوسين " بنك واورنج " .. شدو للحواجب " احبه دايم عندي واحد بالجنطه والثاني بالبيت " .. بودره برونز رقم 1 مطفي مافيه لمعه " حلو والله " انا عندي رقم 4 بعد فيه لمعه خفيفه بسيطه .. ست جديد الاول سموكي اسود وسلفر والثاني سموكي بني وذهبي ماجربتهم ليلحين بس اللي ملاحظته ع بودي شوب ان قاموا فعلاً يشتغلون بشدواتهم اول والله لو تحكين الشدو حك مايطلع لج شي .. ألحين صج واضحين وبدون بيس بنظري .. مسكرا ورديه امممم مشي حالك " عمليه " .. فرشه للحواجب حلوه ..
1- كونسيلر من غارنييه يهبلللللللللل !! ماشاء الله جنج مو حاطه شي تحت عينج وفيه درجتين .. فاتح وغامج انا آخذ رقم 2 للفواتح طبعاً .. احبه وما استغنى عنه .. علمتني عليه رفيجتي !!
2- برونز من غيرلان .. صج ان لمعته وايد بس يهبل وعادي تستخدمينه بليل بس مو الصبح أكيد .. ولمعته الوايده تشوفينها لا قربتي صوب الفيس عدددل غير جذي مايبين حييل = ) رقمه 1 .. كنت ماخذه 2 بالغلط تالي رديته واخذت 1 بس ديزاينه اقدم من 2 لأن الظاهر ماكانوا مخلصين كميه القديم فـ اخذته
3- آيلاينر اكوا بلاك من ميك اب فور افر .. فظيييييييييييع يهبل صج .. وكميته تغطي ع كميه بلاك تراك من ماك وزود سعره ما اذكره بس يمكن حول الـ 7 وربع يمكن او شي جذي ..!
4- بلشر احمر من فلورينا .. عاجبني حدده < لا تستغربون عادي ;P
5- بلشر من ديبورا حسافه يوم لحقت عليه كان آخر حبه ومن بعدها كل ما اروح افرع المنصور ما الاقيه قالولي روحي المنصور الفحيحيل .. ماسوت علي كاااااااك :eh_s(4):
6- بيس للبراطم من توفيسد اسمه lip primer .. بنات اللي تعرف عليه خل تقولي يمكن خانني التعبير وياه .. :eh_s(10):
7- بيس شدو اسمه شادو إنشورنس معروف في توفيسد .. امممم مو وااااو مليق بس الاكيد انه احسن من اوربن ديكي < تكرهه ;P
8 +9 مسكرات من كارولينا هريرا كل وحده فيهن تقول الشين عندي .. والقهر انج تشترين ع كل وحده 16 دينار ع شنو مااااااااااااااا ادري !! بس الحق ينقال .. التايقر وايد احسن !!
10 مسكرا لانكوم اليديده اسمها doll eyes صج انها مو صوب الدول آيز كلش بس عمليه وكويسه حبتين ;P
11 مسكرا ديور اسمها DiorShow Extase عندي السامبل وايد احسن من العاديه < ادري ان شكووو بس والله صج اداء السامبل وايد احلى من الكبيره العاديه ..!!
وشريت كحل كاجل من بودي شوب نازل توه " نسيت لا اصوره " .. ولك شنووو فااااااااااااشل
برب بنات
:eh_s(7):
