أنا هذي مشترياتي َََ وانتي وريني شنو مشترياتج ؟؟ الكل يشارك الجزء (2)

[iswerah]

*


اليوم رحت سنتر بوينت و مسوين تنزيلات هع

وماركه NYX مطيرين كل شي فييها -.-

المهم هاي مشترياتي




علبه شدو من NYX حبيت الوانها .. والاثنين البيض بعد شدو .. وقلم حكل فيه قلتر ، روج




هاي الوان الشدوات



لون الحمره .. تبين انها وايد غامجه بس لما حطيتها ع الشفايف تكون افتح من جذي

وبسسس ^^


​

 

[krkooora]

^^

عليج بالعافيه
حلوة الوان الشدو صيفيه
و حمر ديبورا يهبلون انا احب حمرة رقم 7 من عندهم

 

[سالم الروح]

عليكم بالعافيه
.
.
.

 

[ذكرى الفجر]

>ماشاء الله الله يوفقكم خواتي

 

[Dr.Nouf]

ويني انا عن هالموضوع :d

عوافي جميعا

 

[zqertya]

اسويره الحمره تشوق
كركورا انا ماعندي مسام بويهي واحس مايسوي شي تحسفت شريته

الله يعافيكم ياحلوين

 

[انثى الكويت]

هاي بنات بحطلكم الصور

هذا محلول العدسات نمبر ون عندي

والعدسات بحط لكم بالترتيب اول شي رمادي - اخضرفاتح -رمادي فيه ٣ الوان- وعسلي

طبعا التصوير مستحيل يبين الوانهم عدل

وبعدين شريت شدو شانيل النحاسي على بني الكريمي وصار عندي ٦ الوان منهم حبيتهم

واخر حمر نوبا بس احطهم ينشفون يصيرون مااات بس صراحه روعه لا يشققون الشفايف ومنظرهم روعه

ولا الالوان خطيره انصحكم فيها وبشدددددده <<<<< نركز على كلمه وبشددده اوكي خخخخخخخ

وهاذي غريضاتي خلصوووو

 

[أبلة فاتن]

بنات رحت مكياجي الفنار اخذت شنطة الميك اب عندهم وناسه خذت الكبيره المشجره ب 3ونص يمكن
واخذت مقلمتين حلوين احطهم داخلها كله صار ب 9 و300 مليت من الستاند بحط بكل مقلمه الاشياء فرش شدو بروح والقلوسات بروح والمسكره والاي لاينر واقلام الكحل بروح وبداخل الشنطه الاي شدو وهالسوالف وبس بوقف اشتري ميك اب خلاص للابد خسااااااير ما جاب لي الا العين تدرون بنات انا فيني حاله لووول اهم شيء حاله صايره انام بالميك اب امبيه اقوم
من النوم متسممه بنات ديرو بالكم ترى يدخل باللعاب من جم شهر غلبني النعاس وانا حاطه كريم اساس ارماني غالي اهو والبودر ب 50 سعره مو له صراحه بس حلونوعا ما بس لمن قمت النوم عيوني حمره وجبدي تقلب واستنفرت وراسي بنات خفت اموت وقتها احس باحتقان بالبلعوم سوري بس لازم انبهكم ديروا بالكم لا يقعد الميك اب على وجوهكم مده طويله هذا انا نمت بس ساعه يمكن فيه جذي تسممت ولا تخيلو يطلع الكريم من لعابي هذا دليل ان المواد يمتصها الجلد بسرعه بس من شنو يصنعون الكريم الاساس ودي اعرف لان الطعم موصج

وبالنسبه حق ماركة مكياجي هالاسبوع اخر اسبوع خصومات وهذا عطر منى امرشا اللي مدحته وحده من كم يوم ما يسوى

ريحته جنه عطر اسكادا القديم منجا هالماركه ما يعجبني شغلهم مع ان فيه فناتك بس احسها حلوه للزينه وعلب المكياج تعجبني ههه قلت خل اجرب روجهم حطيت الروج الفوشي وقلت احط قلوس فوقه يماااااي شفايفي قامت تحرقني جان تقعد تضحك علي قتلها شنو هذا تقولي هذا فيه فلفل علشان يكبر الشفايف حشى براطم ياسر عرفات مو شفايف ههههههههههههههههههههه ،،،
يمكن ارد بعديييييييييييييييين اشتري من ارواجهم يمكن

بنات وقفو مكياج خلاص لا تشتري قاطعوه هههههههههه

 

[iswerah]

*



الله يعافيكم بنات <3

ابله فاتن : ويييه شلووون ترقدين بالميك اب @@

انا لو احسس اني بموووت وفيني النوم ماقدر افتح عيوني لازم لازم اشيل الميك اب

حاسبو بنات ترى يخرب البشره كفايه الجووووو اللي عندنا ...​

 

[om MaRyooM]

انثى
عمري ماجربت حمر نوبا تصدقين @@
شوقتيني عليهم هالفترة يمدحونهم وايد

بالعافية عليج

 

[*باربي*]

عواااافي ..

 

[عسوله ودلوعه]

بناات

امس شريت ايلاينر كحلي من بووتس N7 اول مرة اجرب هالماركة

هذا شكل اللاينر

بس مو هاللون ماحصلته بقوقل
انا ماخذه النيلي عجييييييييييييييب
ومايروح طول اليوم


وهذي الوانه

انصحكم فيه وفرشته ناايس
سعره4دنانير

وااااااااااااااي الألوان تيننننن :eh_s(2):عليج بالعافية

 

[انثى الكويت]

ام مريوم صراحه هالنوعيه من حمر نوبا واااااااااااااااااااااااايد اعجبتني عشان جذي خذيت لونين

انصحج فيهم اهم ب 7 دنايير جنه وكسور

 

[zqertya]

انثى الكويت انا توني شاريه منهم 3 الوان طبعا ماركتي المفضله للحمر جان خذيتي البنفسجي الغامج اينن عندهم كله خالص هو واللحمي والاحمر مغيرين شكل الحمره انا عندي الحين الشكل احلى من قبل

عليكم بالعافيه

 

[Roty]

بالعافيه بنات

صاجه انثى حلوين حمر نوبا اللي ينشفون عندي ٤ الوان لو شنو كليتوا مايروحون
عاد الحين مدحناهم اكيد بيخلصون من السوق
ام مريوم لحقي عليهم


فتوون بدعتي هههههه

 

[Roty]

زقرتيه بالعكس عندي الشكل القديم احلا

 

[ذكرى الفجر]

الله يوفقكم خواتي

 

[PINKIA_STYLE]

عليكم بالعاافيه :*

 

[عسوله ودلوعه]

عليكم بالعافية

 

[أبلة فاتن]

هاي بنات والله فلست منكم اقول مابي اشتري واشتري ههههههههههه رحت جمعية الخالدية خذت هذا اخر حبه لعبت بالتستر مالهم ترى زيت تلميع مكتوب عليه يعني مو تان ولا برونز غامق لا بس يعطي لمعه مخملية بسيييييطه للجلد ب 7 طبعا رج العبه جيدا قبل الاستخدام لوول ،،، لمن رحت فنار وشرق و كيفان خالص من كل الافرع جذابين مادري مايبون نشري ولا اللي بشرق فلبينية اي جيكد مافي تبين روحي مارينا ذي هاف قتلها فاضيه افتر عالمجمعات ،،،المهم ما اطول عليكم خذته وبعدها من الصيدلية بس جمعية ثانية لوول اخذت القلوس اللي يكبر الشفايف اللي جربته درجه 535 خالصه حسافه كل شيء ابيه خالص خخخخ طلعت لي درجه ثانية طبيعية رقم 506 سعره ب 3و300 والروج البنفسجي الحلو نايس ب 1.750 خوش ماركه اسمها catrice كل الالوان عندهم شكلي الشهر الجاي بروح اخذ كل الالوان منها حدها تونس ودي اصور لكم شفتي لووول ،،، رقم الروج 150 اسمه lovely lilac حلو يعني لو كنت ماخذه القلوس التكبير بعد بنفسجي يطلع وااو بعد خخخ ​

​