أنا هذي مشترياتي َََ وانتي وريني شنو مشترياتج ؟؟ الكل يشارك (متجدد)

[Roty]

انثى لاتشيشيني عالمكياج انا على طرييف خربتوووني بس خلاااص خلوني ايمع بشتريلي ملابس بدال هالمكياج اللي مايخلص

المهم عليج بالف عافيه حبي

دام اول مره بتروحين دبي عيل بسجلج كل شي انا بعد رحتلها شهر يناير بداية هالسنه كانت اول مره اروحلها وترا كافي عليها ٥ او ٦ ايام
اذا طبعا باليوم رحتي ٣ اماكن خل اسجلج كل شي وبعدين ادزلج عالخاص

 

[dandooosh]

أم مريوم::
البريمر حق شنو ؟؟

 

[LiL LiLeY]

نااايس . . .

 

[مملكه الرشاقه]

عليكم بالعافيه

 

[krkooora]

مشترياتي الخفيفه اليوم من الجمعيه

مريت كليرز و خذيت سيت الاصباغ القليتر ... جربتهم يهبلون و عندهم بعد الوان الباستيل اتينن بس ماخذيته لانه عندي هالدرجات
و مريت الهندي خذيت بلشر و اضاءة
البلشر يعقققد حد بيغمنتيد انصدمت من قوته من لمسه وحده كافي .. ماركة سيلفر ليدي قالي نوعية يديده شكلي بروح اخذ باجي الالوان كلها
و خذيت اضاءة من فلومار وااااايد حلوة صوب شامبين و صوب برونز و لما تخلطينهم مع بعض يطلع لون حلو

هذا الاضاءة

[/url][/IMG]
هذا البلشر

[/url][/IMG]
بالطبيعه اغمج

 

[Roty]

كركورة عجيبين اغراضج كل شي حلو
وانا غرامي الاصباغ

عوااااافي حبي

 

[krkooora]

^^

حياتي الله يعافيييييج

 

[انثى الكويت]

كركوره حلوين الاصباغ خذيت اثنين من الطفاقه خفت ماحصل منهم مره ثانيه

عليج بالعافيه حلوين الاغراض

 

[Sparkle]

يضحكون مشترياااتي لقيت اب مركز سلطان سوق شرق مرطب الشفايف lipsmackers على كولا بالكرز الي أحبه ويايبين وايد على كولا شكله يقرون تجمعنا ما لقيت الشيري كولا ينباع اب بروح لقيته اب سيت يمكن أعطيهم حق أختي الصغيره الا ال cherry هذي مالتي


وخذيت جيل من بانتين حق الشعر الكرلي أول مرا أشتريه

 

[Roty]

عليييج بالعافيه سوووسووو

 

[om MaRyooM]

شلووونكم بنات

شوفو موظوعي اليديد


امبي انقص ظهري وانا اسويه
ههههههه

http://www.q8yat.com/t1024320.html

 

[Sparkle]

ام ميمي اي لازم يتدلعون البنات هههه الله يخليها لج يااارب

بنات الجل الاخضر من كريولاين احط بعده بيس ولا علا طول فونديشن؟؟

يعااافيج حبيبتي:eh_s(22):

هذا الي لقيته عن الجل
http://www.q8yat.com/t827158.html
http://www.q8yat.com/t875297.html

 

[مملكه الرشاقه]

سباركل .. عليج بالعافيه

كركورة .. عليج بالعافيه شكلي بأخذ من هالأصباغ والبلشر حده يهبل .. من أي جمعيه مأخذته ؟ وجم رقمه ؟

 

[Roty]

مشكووووورة سباركل

 

[{ سحر الوَرد *]

عليييكم بالعااافية بنااات

مشترياتي الجديدة

​

هلا باللي لفاني يا هلا به


صباااح الورد

هالمرة صرت نشيطة وسريعة وصورتلكم أغراضي بنفس اليوم

خخخخخ على فكرة كل مرة بصور أعاني عشان أحصل خلفية

أمس سحبت شرشف من الكبت.. وأمي تطالعني جذي @@ وانا افرشة وهي تقوللي شتسوين؟

هههههه حالات!

عدلتهم وكل شي وكنت بحطهم البارحة بس بطلت اللابتوب ونمت هههههه

زين إني سويتهم آبلود.. الحين بنزلهم لكم

أول شي أوردري كله

وزوووم للغاليين اللي طال إنتظارهم <<< شفيني شاعرية من صباح الله خير

تراتاتااا

زوووم زوووم زووووم

طلبت 5 ألوان

كنت أساساً بطلب 8

زيادة على هالاثلاث كنت أبي البنفسجي والبني المات والأخضر الاميرالد

البني التوب كان آوت اوف ستوك.. والاثنين الباجين مو وايد مستعيلة عليهم

فطلبت 5 والمرة الياية بطلب الباقي

سواتشز

ملاحظة: أنا للحين ماضبطت طريقة مضبوطة لتصوير السواتشز واضحين .. يبيلي ادور درس.. ><

السواتشز من مسحة وحدة.. على الجلد مباشرة

زووم

صورة جماعية <<< جنه يدي تخرع؟

تقييمي..

بالنسبة للألوان وااايد حلوو وناعمة

وتنحط بسهوولة.. مسحة صغيرة تكفي

بصراحة كل الألوان الخمسة عجبوني..

عجبني اللون الذهبي وااايد.. درجته حلووة مب فاتحة ولا فاقع

والأبيض بعد.. رغم اني كنت مترددة فيه لاني احب الصدفي للاضاءة اكثر
بس الحمدلله اني خذته

الأزرق لونه حلووو.. خاصة لتحت العين بيطلع عجييب

البرونز.. كنت خايفة يطلع وايد برونز وانا ماحب الالوان البرونزية..

بس طلع لونه بني هادئ مب وايد برونزي برتقالي.. لاستعمال كل يووم عجييب

العلب زجاجية شفافة "أحب العلب الزجاج أكثر من البلاستيك بوايد"

واللون يبين واضح.. بس فيه عيب بسيط إن اسم اللون مكتوب على الغطا مب على الزجاج نفسه

بالنسبة للاستخدام..

اليوم جربتهم للدوام وبخبركم بالنتيجة عقب

طبعا مكتوب انهم يتمون لمدة 24 ساعة وانا اكيد مابحتاجهم 24 ساعة متواصلة شدعوة ههههه

حطيت للدوام اللون البرونز على الجفن المتحرك ودمجته لفوق الجفن الثابت

وتحت الحاجب حطيت شوووي من الأبيض ودمجته عدل.. عطا اضاءة شفافة تقريباً مو أبيض واضح

أحس بيطلع وااايد حلوو مع شدو مات على الكسرة ولون صدفي فوق الأبيض

بس كنت أبي اجربهم بروحهم.. فماستخدمت اي نوع ثاني

حطيتهم على الجفن مباشرة.. بدون بيس ولا شي تحتهم

ولا أي نوع من انواع الشدو فوقهم

دوامي 9 ساعات..

من الحين لي بعدين بشوف الثبات وبخبركم بالنتايج

انا جفني احيانا يصير دهني بس بنسبة بسيطة مب اوفر دهني

يتبع،،

​

​

 

[{ سحر الوَرد *]

البااقي

باقي المنتجات


اول شي خل اقولكم

انا اوردري من دراق ستور..

طالبة باليت وت اند ويلد بو 8 واضائتين من عندهم

ونسييييت اقولهم غلفوهم عدل

وصلت الاضاءة وحدة معدووومة تكسرت

والشدو انكسر منه اثنين

<<< مرااوي نفس اللي انكسر عندج

وطرشتلهم ايميل شرشحتهم

ردوا علي ان احنا مو مسئولين عن الشحنات اللي تطلع برة امريكا@ كلمي الشركة وتامينهم
انزيييين غلفوا عدل

منقهررة عليهم بس ماقدر استغني عنهم..

بس شكلي مابطلب منهم اشياء تتكسر هالمرة..

نكمل الصور.. ماصورت اللي تكسروا لانهم مو حقي

اسمحوولي الصورة بفلاش كللش مو مطلعة الالوان عدل

أصلا مادري ليش صورتهم بدون الغطا @@ مو طالع حتى شكل العلبة عدل

<<< بحاول اصورلكم صورة ثانية باجر في إضاءة النهار

من ريفلون الـ lip butters

تذكرون من فترة حطيت إنه خاطري فيهم؟

عاد خسارة مو كل الألوان كانت موجودة! في الالوان اللي وايد فاتحة.. والغامجة

اخترت لونين..


lollipop

فووشي غامج فاقع

امممم انا شفت صورة سواتش وعجبني بس توقعت اللون أهدأ.. طلع افقع واغمج من اللي شفته

بس كيوت يعني.. يمكن احتاج اخلط معاه غلوس يفتحه.. بشوف مع الاستخدام


pink truffle

عجييييب.. بني لحمي.. حطيته اليوم للدوام خوش لون

أنا عادة لازم أحط مرطب.. بس أبي أجرب الترطيب فحطيتها بدون

ترطيبها عجييب.. بسرعة تمشي جنها مرطب.. وبنفس الوقت قوة اللون جنها روج

عاد بشوف شلون تنشف ولا تجفف من الحين لعقب وبخبركم طبعاً

ومن أرواجهم moon drops العلبة من برة خضرا

خذت درجة persian melon

اللون فوشي بس حسيته مميز.. ربعي طالبين منه وحسوه فااقع

بس انا احب الفوشيات والورديات ماعندي مشكلة

والحلوو بأرواج ريفلون انها سهلة التخلط ويا ألوان ثانية

سواتشز:

بعد السواتشز بفلاش صورتهم

من اليمين

lip butter pink truffle

lip butter lollipop

moon drops persian melon

وآخر شي

ماسكرا كفر قيرل وهالمرة خذت الوتر بروف

واسفنجات تنظيف وتقشير مالت جهاز نيتروجينا

هالجهاز عندي من زمااان بس من خلصت القطنات اللي تيي وياه ماشريت ريفيل او يمكن شريت مرة وحدة!

شفتهم بدراق ستور هالنوع قلت يالله خل أشتريهم

استعملتهم امس.. بس ماطلعوا رغوة مادري طبيعيين او لا

بس حسيت بشرتي أنعم عقبهم

ووبس هذي كانت مشترياتي

للتذكير

المشتريات من موقع

www.drugstore.com

شحنتهم على عنواني أرامكس أمريكا

الأوردر ما أخذ له أسبوع ووصل.. سويته يوم الخميس ووصل الثلاثا

دفعت له 7.350 دينار.. عن كيلو

* الموقع زين وعنده ماركات واااايد واسعار حلوووة بس تغليفهم فااااشل.. :eh_s(14)::eh_s(14): إسألوا مراوي!

مادري هل بجازف وبطلب شدوات وبلاشرات مرة ثانية وبخبرهم.. او بكتفي بطلب الاشياء اللي ماتتكسر :eh_s(14):

​

​

 

[miss habona]

بنات منو تقدر تطلب لي من ً drugstore

​

. :'( ماشالله مشترياتكم تنين بل عافيه عليكم

 

[مملكه الرشاقه]

سحر الورد عليج بالعافيه حدهم يهبلون شدوات ميبيلين خصوصا الذهبي والبرونز

 

[om MaRyooM]

مشالله المشتروات رووووووووووعة



انا بطلب انشالله بلشرات سليك
و باليت نيكس اسمه نيكيد وايد عاجبني
و فرش ايكوتووولز في سيت ماحصلته هني لقيته بامازون
وريل تكنيك ..سعرهم بامازون حلوووووووو


هذا حاليا اللي بمخي

 

[om MaRyooM]

سحر الورد

بادات نيتروجينا غير عن اللي عندنا ليش
اللي متوفر عندنا الفوشي هذا برتقالي شنو يفرق؟؟؟