أندونيسيات أشكناني

[*جبرني الوقت*]

حظك نصيبك
موكلهم سواء

 

[Q8T.Q8T]

وبينى وبينج ترا الخدامات حظوظ
وربي يرزقج على قد نيتج

 

[MassComm]

امي طلبت منهم 3 وحده اتينن والثنتين الله لايراويج

اختي طلبت منهم وحده شاطرة بالطباخ وبالنظافة بس كانت تطق بنت اختي وسفرتها ويابت ثانية هم من اشكناني بس حدها خادرة مو مال شغل كلش

يعني اهوا حظ بالنهاية

 

[مــ_ــا مــ_ــي]

انا سمعت ان خدم اشكناني خريجات سجوون


.

 

[ms.mercedes]

صراحة انا ما انصح بأشكناني وخصوصا هالمصاروه الى عنده نصابين وجذابين ما احبهم وأشكناني اهو بكبره نصاب وبياع حجي ....

 

[سمرة كويتية]

نصيحة لوجه الله خواتي تعاملوا مع اي مكتب بالكويت الا اشكناني ... كلمة نصابين شوية عليهم

وخل اقولج قصتي معاهم .

من سنتين بديت التعامل معاهم ... تخيلي الخدامة اوديها لهم عشان يزفونها يشيشونها علي ويقوون باسها ويخلونها ترفض الشغل

عشان ترد لهم ويبيعونها مرتجع أغلى واغلى

تخيلي حلال شهر واحد نحشوا خدامتين مني

اول وحدة دقوا علي وقالوا لي انها وصلت وباجر مرينا عشان تدفعين قيمة الفحص

لمن رحت لهم ثاني يوم من الصبح قالوا لي تخلص من الفحص بالليل ... بالليل دقوا علي وقالوا لي انها بالمنافذ وطلعت اشتباه

وطوفت السالفة (الكذبة) بمزاجي ... وطلبت وحدة ثانية ... جتني تمت 3 ايام ورابع يوم انحاشت بس لأني كنت رادة البيت برمضان تعبانة

وعلمتها شلون تستخدم كرت الاتصال الدولي وتدق على اهلها ... وطلبت منها تكوي شيلتي وتجهز الأكل وتنظف جوتيي عزكم الله

تخيلوا طلعت من الحمام وهي قاعدة بداري وتبي تواصل الهذرة بالتلفون بعد ماشبعت ... بس عاتبتها ما وعيت ولا تصرخ علي

وتقوللي انا ماني قاعدة بروح المكتب.. قامت الحقيرة وفتحت باب السكة وانحاشت وهي حافية ...

وبالليل لقيتها بالمكتب ... طبعا هم قالوا انها بالسفارة ..

بالعقل شلون خدامة ماصار لها اسبوع بالكويت اول مرة تدش الكويت تعرف ارقام السفارة والمكتب

بالعقل مكتب اشكناني بس يدخل الخدم ويحرضهم انهم يسوون اي مشكلة مع الكفيل وينحاشون عشان يبيعونهم بسعر اعلى على اعتبار انهم مرتجع

والله ما تتصورون يا بنات شكثر تعبت وانا اعلمها .. حتى القلاص الوصخة جايبة لي ماي لونه ابيض .. موغاسلته من الحليب ..

ووقفت معاها بالسكة اعلمها شلون تغسل السيارة , والحمام .. ومغسلة المطبخ علمتها شلون تخليها تلق من التنظيف ...

وعلمتها الكوي .. تعبي كله ضاع على الفاضي ... لا والحقيرة يوم تنحاش نست تلبس نعال وما نست تبوق كرت الاتصال بو 5 دنانير

وما رضت ترده لي ..

والله يا بنات الساعة 6 اخليها تنام ... انا ما عندي يهال ولا شغل ... حتى الفوط من ايكيا جايبتهم لها .. وجايبة لها كريمات للوجه واليد ..

جايتني لابسة هالبنطلون الضيق والقميص القصير ... ويع تفشل ... شافت ماكو ريال بالبيت ما عجبها الوضع ..

الزبدة ... ديروا بالكم يا بنات من اشكناني تراهم حرامية ونصابين ولا تتعاملون معاهم

لا وعقب كل اللي سووه فيني داقين علي يبوني اخذ منهم خدامة ثانية .. طبعا رفضت وهددتهم وشكيت عليهم بالعمالة المنزلية عشان يردون ال700 قيمة الخدامة ... لأنهم كانوا يبون انطر لمن تتحول ... بس على مين يا بابا . لايلدغ المؤمن من جحر مرتين

انا اصريت اي اخذ فلوسي بالأول وبعدين احول الخدامة ...

والحين ما تتتورون شكثر مرتاحة بلا خدامة بلا بطيخ

اشكر صاحبة الموضوع هاي سبيريت على موضوعها اللي جا على الجرح ومكني من اني اطلع اللي بقلبي ...

 

[منارة الإيمان]

حبيبتى خدم أشكناني .. حالهم حال الخدم الثانيين .. هم مسوين حق نفسهم بهرج .. وكله خرابيط .. بعدين الأبلكيشن عندهم .. كلام فاضي .. يعني يحطون معلومات عشوائية وليست حقيقية .. ثلاث مرات يبت من عندهم وخدمهم فااااااااااشلين بمعنى الكلمة .. غير الغش عندهم والأسعار الناااار ..
فى مكاتب أحسن منه واااايد .. والخدم حظظظ .. وبهالوقت ناااادر تلاقين الأمين والمخلص فيهم .. الله يوفقج يارب ..

 

[sSho-sSho]

والله الخدامه انتى وحظج ماله شغل المكتب بطبع الخدامة كل وحدة على طبعها ونفسيتها عموما انا ما احب الاندونسيات هالجنسية احس انهم يحبون الرياييل وفى دمهم السحر