أنسب وقت للحمـــــــل الثاني فرأيــــك ...؟؟؟

[ماريا 1986]

مرااااحب ..

أنا وحدة تهمني مواضيع الاطفال والانجاب وأقراها بحماااس ..بالذات مسألة الفارق بين الاطفال ..قريت كثير وكلن له رايه ..

لكن أنا ودي أعرف أنسب وقت فرايكم للحمل بالبيبي الثاني ..؟

بالنسبة لي عندي ولد واحد فديته عمره 3 سنوات ..والحين بديت أحس ان الوقت مناسب ..وأوقات أوسوس واقول لا لسى بدري ...!!

لكن قررت اني خلاص أوقف المانع ..والي كاتبه ربي بيصير ..على ما احمل واولد صار عمره 4 سنوات ..احسه فرق حلووو ..

يلا خبرونا عن تجاربكم ..​

​

 

[الحسن الرقيق]

انااا احب يكون سنتيـن بين كل طفل والثانـي ...

وايي والحيــن وقت مناسب تحمليــن ..وبعدين احسن ما يكون في فرق كبير بينهم عشان يقدرون يكونون قراب من بعـض ...

 

[حرم_طيار]

انا بنتي عمرها 5 سنين وانا الحين حامل بالشهر السابع بس انا كنت بالجامعه عشان جذي ما حملت

انا اقول حملي خوش وقت

 

[Creamy Girl]

انا احب يكون بين واحد وثاني 3 سنوات فولدي عمره سنتين و9 شهوور وانا حامل باخر الثامن يعني علة ما اوولد يكون 3 او 3 الا شهر

 

[دلوعة المطران]

حلو الفرق بين الاول والثاني سنتين ..

 

[moltencake]

بالنسبه لي أفضل يكون من 3الى 4 سنوات
علشان يكون الكبير في المدرسه و الصغير في البيت فما توهقين و تحاتينهم خاصة اذا انت موظفة
اما اذا انت ربة بيت فافضل شي يكون بينهم من 2 الى 3 سنوات

 

[روحي زوجي]

انسب وقت للحمال الثاني اكيد بعد سنتين بالضبط وما ودج تكثرين بعد علشان الاخوان اعمارهم متقاربه ويكونون متفاهمين ماايب ولد وعقبه بست سنين ولد ثاني او بنات ماكو فايده احس راح يربونهم مايصاحبونهم بين كل سنتين حلو وحلو حيل بعد

 

[حشمه]

انا اشوف الفرق بينهم يكون سنتين الى 3 سنين مناسب

يعني لو عمر الولد سنه او سنه وشوي وتحملين يكون

عمره سنتين معقوله او حتى لو اكبر

 

[اشتياق]

فترة الرضاعة يعني سنتين

 

[farah-q8]

بعد سنتين

 

[ام كوكه]

يعد سنتين افضل

 

[om_dodo]

رفع

رفع

 

[Mort 7aSSon]

انا بعد اقول سنتين الى 3 سنوات

 

[زكيه زكريا]

بعد 3 سنوات افضل شي

 

[شوكولااته]

الأطفال نعمه من رب العالمين عسى الله مايحرمنا منهم ويرزق كل الي تتمنى انها تحمل
بس مسألة الترتيب بين الأولااد المفروض تكون بين الزوجين يعني مايكون القرار لك بس
سنتين لالالالالا هذا من وجهة نظري يعني بيكون عندك 2بحاجه لرعايه شديده واهتمام وحرام تجيبين الثاني وتهملين وهذا يكون لاشعوري لأن الثاني يبيله اهتمام اكثر بحكم انه رضيع وغير ان الزوج بيتضايق من حنة اليهال ووجع الراس وانتي ماصرتي تهتمين بروحج وماكو سفر وخذي من هالكلاام
5 سنوات الى 6 بيكون الولد الأول خذ حقه من الرعايه والدلع والوقت هذا بيكون مناسب للحمل

 

[حور الجنان]

سنتين مناسب

 

[ترتر زري]

المفروض البيبي الثاني على طول ورا البيبي الأول وبعدين تصير فترة راحه

عشان يكبرون ويا بعض ويونسون بعض بالبيت ومايصير البيبي الأول دلوع وفي فرق بينه وبين الثاني وبالنسبه لك 3 سنين كافيه وزياده المفروض تكونين حاااااامل من زمان

 

[سما الكويت]

انا حملت بالثانى وبجري عمره سنه و4 شهور..

يعنى على الولاده كمل شهرين..وكان احسن قرار ..