أنظمة غذائية من (عيادة التغذية بالصباح) متجدد

[jolie_q8]

السلام عليكم

اليوم بحط لكم كذا نظام من (عيادة التغذية) من أخصائية التغذية سميرة دشتي

انا كنت اراجع عندها والحمدلله.. نظامها صحي ومتكامل وينزل ..

والحين رجعت لها من جديد... وكل رجيم تعطيني اياه بحطه لكم

علشان الكل يستفيد... ونوصل للجسم المثالي بصحة جيدة

ورجاءا

الموضوع خاص فيني...

واللي حابة تنقله لأي منتدى ... تذكر انه منقول من منتديات كويتيات النسائي

***************************


النظام الأول


صباحا على الريق : كوب ماء

الفطور:

كوب حليب خالي الدسم + 3 تمرات

قبل الغداء : كوب ماء + 3-4 قطع رقي

الغداء :

صحن سلطه كبير (ملح قليل- ليمون- رشه كمون- ملعقة صغيره زيت زيتون)
+ 2 توست اسمر أو كوب عيش مشخول أو 1 خبز خفيف أسمر
+ قطعه لحم أو سمكه وسط أو 1 قطعه دجاج بدون جلد أو كوب عدس
+ كوب لبن خالي الدسم

العصر:

تفاحة أو برتقالة أو عرموطه أو 2 كيوي

العشاء:

1- روب وخيار + 1 حبه فاكهة
2- سلطه + جبن ابيض + كوب لبن خالي الدسم
3- كوب حليب خالي الدسم + 5 تمرات
4 كوب لبن خالي الدسم + حبة فاكهة + ماعون خس

قبل النوم ب 3 ساعات (عند الاحساس بالجوع) << مو ضروري

روب خالي الدسم (صغير) + تفاحة أو 3 حبات تمر


هالرجيم كنت اسويه لما كنت اسهر وايد ... نزلت عليه 2 كيلو بالاسبوع

*******************************


النظام الثاني


على الريق : كوب ماء

الفطور:

كوب حليب خالي الدسم + شاي
+ 1 توست اسمر
+ شريحة جبن قليل الدسم أو 3 ملاعق لبنة قليلة الدسم أو بيضة مسلوقه
+ خيار وطماط وخس

الضحى:

كوب ماء
+تفـــــــــــــــــاحة


الغداء :

كوب ماء << قبل الوجبه بربع ساعه أو نص ساعة

+صحن كبير سلطة أو خضار مسلوقه
+ دجاج أو سمك أو لحم << مشوي بالفرن أو مرق
+ كوب لبن خالي الدسم

العصر:

كوب ماء

حبة تفاحة أو برتقالة

العشاء

نفس الفطور


****************************

النظام الثالث


على الريق: كوب ماء


الفطور:

كوب حليب خالي الدسم + 3 تمرات


الضحى:

كوب ماء
+ حبة فاكهة

الغداء:

كوب ماء

+ طبق سلطه أو تبولة أو روب وخيار أو سلطة باذنجان مشوي مع روب
+ صدر دجاجة أو تونة أو لحم (1 كباب) أو 4 ملاعق فول أو فاصوليا
+ 4 ملاعق عيش مشخول أو 1 توست
+ لبن خالي الدسم
+ خضره (جرجير- بقدونس- ريحان -خس...الخ)

العصر:

كوب ماء

+ 1 حبة فاكهة

العشاء:

كوب حليب خالي الدسم + شاي
+ 1 توست اسمر
+ شريحة جبن قليل الدسم أو 3 ملاعق لبنة قليلة الدسم أو بيضة مسلوقه
+ خيار وطماط وخس

***************************
*** ملاحظات:

- مشي يوميا لدة نص ساعة على الاقل

- عدم النوم مباشرة بعد أي وجبة إلا بساعتين

- عدم شر الماء مع الوجبة إلا بعد وقبل الوجبه بنص ساعة


يتبع...

 

[jolie_q8]

مشاركة: أنظمة غذائية من (عيادة التغذية بالصباح) متجدد

النظام الرابع


على الريق: كوب مـــــاء


الفطور:

كوب حليب خالي الدسم
+ 1 توست اسمر + شريحه جبنة (قليل الدسم) أو 3 ملاعق لبنه أو بيضة
+ شرائح خيار وطماط وخس


الضحى:

كوب مــــــاء
+ حبه تفاحة أو برتقالة أو 2 كيوي أو 5 حبات تمر


الغداء

كوب مــــــاء

+ سلطه أو خضار مسلوقة
+ دجاج أو سمك أو لحم (مشوي بالفرن أو مرق) أو 6 ملاعق فول أو 6 ملاعق نخي أو شوربة عدس


العصر

كوب ماء + حبى فاكهة


العشاء

روب خالي الدسم +1 حبة فاكهة

أو

سلطة خضراء + حبة فاكهة


*******************************************

النظام الخامس


على الريق: كوب مـــــــــاء


الفطور:

كوب حليب خالي الدسم + ملعقه سكر صغيره
+ باكيت صغير كورن فليكس

أو

كوب حليب خالي الدسم + 3 حبات تمر + 1 كيوي

أو

كوب حليب خالي الدسم + 1 توست اسمر + شريحة جبن(قليل الدسم) + زعتر+ 2 حبه تمر


الضحى:

كوب مــــــــاء

كوب لبن خالي الدسم أو روب خالي الدسم
أو
تفاحه أو برتقالة أو 4 حبات فراولة أو حبه جريب فروت

الغداء

كوب مـــــــاء

+ طبق سلطه أو تبولة+اوراق خس أو سلطه روب بخيار
+ 2 همبرجر(لحم أو دجاج) + 1 خبز خفيف اسمر + كوب لبن خالي الدسم
أو
سلطه تونه بالماء +1 خبز خفيف اسمر + 3 حبات تمر
أو
ستيك مشوي (قطعه) + 6 ملاعق عيش مشخول + كوب لبن خالي الدسم
أو
كوب معكرونه مسلوقه + سلطه + اي نوع صلصه(2 ملعقه) + كوب لبن خالي الدسم


العصر

نسكافيه + كوفي ميت(قليل الدسم)


العشاء

روب خالي الدسم + 2 كيوي

أو

روب وخيار

أو

كوب حليب خالي الدسم + 2 حبه تمر



يتبع....

 

[jolie_q8]

مشاركة: أنظمة غذائية من (عيادة التغذية بالصباح) متجدد

النظام السادس << اليوم أول يوم ماشية عليه


على الريق: كوب مــــــــاء


الفطور:

كوب حليب خالي الدسم + شاي
+ 1 توست اسمر + شريحة جبن قليل الدسم + زعتر + شرايح طماط وخيار
+ 2 حبة تمر

الضحى:

كوب ماء + تفاحة

الغداء:

كوب ماء << قبل الوجبه بنص ساعه

طبق سلطه كبير + دجاج بدون جلد مشوي

أو تونه +سلطه + 2 حبة تمر

أو 2 قطعه هامور فيله + سلطة + 2 حبة تمر

أو 3 قطع ريش أو 7 قطع تكا أو 1 كباب

+ كوب لبن خالي الدسم


العصر

حبة برتقالـــــــــــة


العشاء

روب خالي الدسم + 1 فاكهة

**************************************

وأي رجيم جديد تعطيني أياه بنزله في الحلقات القادمه

وشكرا


أختكم / جولي

 

[جارة القمر]

مشاركة: أنظمة غذائية من (عيادة التغذية بالصباح) متجدد

jolie_q8


مشكوووووره يا قلبي

وتسلمييييين

 

[jolie_q8]

مشاركة: أنظمة غذائية من (عيادة التغذية بالصباح) متجدد

جارة القمر

العفو... وحياج الله

 

[المرفأ~~]

مشاركة: أنظمة غذائية من (عيادة التغذية بالصباح) متجدد

مشكوررره جولي ...
والله يقوي ارادتنا ...ونكمل مشواار الرجيم..

 

[^^دموع الكويت^^]

مشاركة: أنظمة غذائية من (عيادة التغذية بالصباح) متجدد

مشكككورة جولي وماكو احلا من انظمة الصباح

يعطيج العافية

 

[xxx]

مشاركة: أنظمة غذائية من (عيادة التغذية بالصباح) متجدد

مشكورة جولي على هالانظمة الحلوة

وعسى الله يوفقج

بس ماقلتيلنا كل نظام شكثر نزلتي عليه ؟؟!!

 

[أغلى حبيبه]

مشاركة: أنظمة غذائية من (عيادة التغذية بالصباح) متجدد

يعطيج العافيه

 

[jolie_q8]

مشاركة: أنظمة غذائية من (عيادة التغذية بالصباح) متجدد

شمعة ليل اليأس

العفو حبيبتي

وصج أهم شي الإراده

الله يقوينا ان شاءالله

 

[jolie_q8]

مشاركة: أنظمة غذائية من (عيادة التغذية بالصباح) متجدد

^^دموع الكويت^^

اي والله صاجه

بس احنا نحب ندفع فلوس عالفاضي والمليان

وترى صج يهتمون كل شهرين يسوون لج تحليل يديد

يشوفون تأثير الرجيم عليج ...

 

[jolie_q8]

مشاركة: أنظمة غذائية من (عيادة التغذية بالصباح) متجدد

^^بنت الكويت^^

شوفي حبيبتي

انا يوم اراجع عندهم كان وزني 86 كيلو

عقب شهرين كان وزني 76 كيلو

يعني 10 كيلو

بس بصراحه ما كنت انتظم 100%

وفي هذي الانظمه 1200-1300 كالوري

كنت انزل من 1.5 الى 2.5 بالاسبوع

وايد زين ... بس للأسف ما كملت ... والحين انا ماشيه من يديد (النظام السادس)

وموعدي الثلاثاء.. وبقول لكم جم نزلت هالمره

 

[jolie_q8]

مشاركة: أنظمة غذائية من (عيادة التغذية بالصباح) متجدد

أغلى حبيبه

الله يعافيج ..حبيبتي

وحياكم الله ..

وان شاءالله تستفيدون من هالأنظمه

وشكرا

 

[@ الرسامة @]

مشاركة: أنظمة غذائية من (عيادة التغذية بالصباح) متجدد

ماشاء الله عليج


موفقة وان شالله تنزلين وزنج

وما شاء الله الانظمة وايد حلوة

 

[jolie_q8]

مشاركة: أنظمة غذائية من (عيادة التغذية بالصباح) متجدد

@ الرسامة @

تسلمين يا عمري

والله يوفق الجميع انشالله

 

[أنا وين ؟؟]

مشاركة: أنظمة غذائية من (عيادة التغذية بالصباح) متجدد

ثانك يو جولي


موفقه

 

[jolie_q8]

مشاركة: أنظمة غذائية من (عيادة التغذية بالصباح) متجدد

أنا وين ؟؟

العفو... متى بتسوين وياي رجيم !!

 

[أنا وين ؟؟]

مشاركة: أنظمة غذائية من (عيادة التغذية بالصباح) متجدد

جولي

سويت رجيم يوم واحد بس ... جان اخربه بالليل

 

[jolie_q8]

مشاركة: أنظمة غذائية من (عيادة التغذية بالصباح) متجدد

أنا وين ؟؟

والله الحال من بعضه !!

الله يعينا

 

[المرفأ~~]

مشاركة: أنظمة غذائية من (عيادة التغذية بالصباح) متجدد

جولي الحين جم وزنج..؟
>>ياشيين هالسؤااااااال