أنعمي أحسن

[emankuwaiti]

السلام عليكم بنات

أول ماتعينت بالداخلية حطوني بمركز و الحمد لله الكل يشهد على شغلي بس مافي شي يتم على حاله قاموا يطلعون عني ان أخز أدري يتستغربون بس و الله العظيم انه ماخزيت أحد تحملت لين انبطت جبدي و نقلت بعد ماقطيت ويهي لفلا و علان
و الحمد لله نقلت الحين المكان اللي انا فيه معاي بنات مكتبي كان مجابل الباب و همن الكلام نفسه أني اخز قمت غيرت مكتبي مجابله البارتيشن و همن ما خلصت
و الحين غيروا أماكن المكاتب مره ثانية و شالوا البارتيشن و ييه حظي عند الباب مجابلتهم حطيت كمبيوتري يمين نفس الشي حطيت كمبيوتر يسار ماني خالصة من حجيهم الزفت و الله العظيم يابنات اني مظلومه ماني عارفه شسوي بفتك منهم حسبي الله و نعم الوكيل فيهم أطالع على شي قالو تخز وأنا بالممر همن نفس الشي وانا موقاعدة أطالعهم

بتقلون معقولة البنات كلهم غلط و انتي صح
و الله يابنات اطالع على الشي يحسبون اني أطالعهم هاذه أنا و هاذي طريقتي شسوي أنعمي عشان يرتاحون

حاولت أنقل التعبان مديري يبي بديل و أدري انه يتهيبل احنا بالقسم أكثر من 10 بنات أقوله احنا أكثر من 10 يقزلي لازم بديل و سألني ليش تبين تنقلين قلتله أسباب خاصة وخفت انه مايصدقني


بنات شوروا علي شسوي و الله مظلومة و تعبت و الله تعبت

 

[منوة القلب]

ليش مالك علاقه فيهم يعني ماتجلسين وياهم ماتسولفين

حاولي تكسبينهم تدخلين معاهم تصادقينهم صدقيني راح تتغير نظرتهم عنك

لان فيه ناس للاسف تحكم من شكل الوحده من نظراتها من لبسها من جلستها ( والله سطحيين)


انتي حاولي تتقربين منهم عشان يغيرون نظرتهم عنك


والله يكون بعونك يارب

 

[monmon12]

انزين حتى لو تخزينهم؟؟؟ وبعدين شنو المشكله؟؟

انا بعرف شسالفتنا مجتمعنا من الخز؟؟؟؟ أتف موضوع مر علي انه البنات او الشباب يعصبون ليش؟؟
والله قاااعد يخز؟؟

انزين مثلا مشبه عليك مثلا شايفك بمكان مثلا يمكن الأخ حول

يعني انا بعرف الي يخز يطلع من عينه أشعة ليزر وتحرق والا شنو بالضبط؟؟؟؟؟

أنا اقولكم ليش الناس تتضايق من الخز من ضيج صدرها على الناس الثانيه

من كثر ما ايهو نفسه وصدره ضايجه وما يبي يتحمل غيره فحتى اذا شافه يطالع تضيج الله يا كافي نفسه

تعوذو من ابليس

صاحبة الموضوع

قوليلهم خير نعم انا أخزكم ليش مافي عندي شغل غيركم؟؟؟

ولو انا منج ولا أغير مكتبي ولا أتصدد والي عنده مشكله بالطقاق يروح يشوفلها طبيب نفسي والا مشعوذ يفك الحاله الي ايهو فييه
أعوذ بالله من الناس

حتى بالنظر يهااوشون الآوادم

 

[أم غازي_الكويت]

<الي مايعرفك مايثمنك >

تقربي للناس اكثر وخليج بشوشه واجتماعيه اكيد نظرتهم بتتغير صدقيني

موفقه..

 

[brettey]

رد : أنعمي أحسن

اي شي ماعليج منهم يستريحون
قولي لهم وايد ماخذين بروحكم مقلب شتبون ؟ماكو شغل اقعد اخزكم يلا مو فاضيه لكم
جعميهم ومردهم بينطموووووون
ان لم تكن ذئبا اكلتك الذئاب

 

[توفـــا]

من منو سمعتي كلمه تخز اذا احد قاالج اياااها لااااا تسكتين قوليلهم شنو ماعندي شغل الا ااخزكم ولا شسالفه وبعدين قوليلهم اشدراكم علي قولتكم ااني ااخزكم الااااا انتو قاعدين تخزوني وتطااالعوني ردي عليهم سكتيهم واالله يعينج علي هل مرضي :\

 

[Tom ♥ Jerry]

.


انتي الي تخلينهم يتمآدون و انتي الي عطيتيهم وي !
لو انا منج و الله العظيم سكب دآم ربي يشهد علي آني مآ آخز شعلي من كلآم الناس !
سمعي من هني و طلعي من هني ! و صدقيني يمكن منقهرين منج :/
مآلج شغل فيهم و لا تغيرين مكآنج و لا هم يحزنون
حقريهم خليهم آهمه و الطوف وآحد ريحي قلبج

 

[Sama Kuwait]

رد : أنعمي أحسن






خلي ثقتج بنفسج قويه

دام انج متأكده من نفسج خلي الناس تولي

و لا تنقلين ولاشي

 

[lailosh]

يمكن انتي نوعج ان سرحتي تخزين من غير ما تحسين اقري جريده شغلي وقتج اكثر بالشغل عشان تتحاشين كلامهم

 

[أم حوور]

قوليلهم اوكي خزيتكم شتبون الحين


شسوي احاول اطلع الاخطاء السبعه بينكم



غير شغله هذه ...


وخلي عندج ثقه بنفسج .. ووقفيهم عند حدهم واللي مو عاجبها تذلف من جدامج وتغير مكانها

 

[روح مغليهآ]

رد : أنعمي أحسن

خل يقولون اللي يقولونه مالج شغل فيهم
حتى لو قالوا تخزين قولي كيفي بطالع ليش مسوين شي غلط!
والله الناس مايعجبهم العجب ضربيهم بالطوفه يردون لج

 

[أنا Top أنا]

رد : أنعمي أحسن

اذا مظلومه ادعي عليهم ربي ياخذ حقج منهم

وبس ~

 

[Ƒɭσωȩʁ]

رد : أنعمي أحسن

وشنـو يعني
خزيتي ولا ماخزيتي اهم شكو ،
إمبيه شدعوه ملكآت جمال الي قاعدين < بدت تتنرفز !
قوليلهم إي اخز ؟
شالمشكله إمبيه وين قاعدين هالناس
والله عيب عيب عيب
خزيت ولا ماخزيت شنو شبصير ؟ بيتغير شي يعني ولآ بيزيد من جمالها شي ولا بينقص
بعرف شالعقـول الناقصصصصصصصصصصه !!

يآحبيبتي ماعليج من إحد
كلآم الناس ما يودي ولا ايب ،
ولا تسكتين ردي !!

 

[جوزائيه مغروره]

من صجج

طنشي طنشي

واللي يسال قوليله سرحانه واصلا ماكو شي يسوى اخزه

 

[رنه خلخال]

من صجج حاره نفسج عشان هالسالفه ايه انا اخز اشتبووون؟؟؟ واي الله يعينج

 

[3sho0o8a]

رد : رد: أنعمي أحسن

شكو منتقله جذي عطيتيهم مجال يتمادون

 

[pretty sarona]

شنو هالاستسلام ؟ كل ما ضايقج شي هديتي شغلج انتقلتي ,ما يصير , دامج على حق خلج بمكانج والله ينصرج على اللي ظلمج

 

[bride collection]

ادعي ان الله يفرجها

 

[وهج الخير]

رد : أنعمي أحسن

حتي لو انحلت هالمشكله اللي متعبتك ماراح تخلصين من الناس حبيبتي بيطلعون شغلات ثانيه الله يعينك

 

[bitter-sweetness]

مالج شغل فيهم
ولا تغيرين نفسج عشانهم
و خليج واثقه من نفسج