أنقذووني والله مليت من البامبرز شلون أعلمهم على تكرمون (الحمام)

[frketa1]

والله اني طفرت حفلة روحة الحمام مو راضين يروحون مااابي ومابي شسوي ولا يرضى يقعد

 

[UM M&M]

تسلموون خواتي عالردود بس اختي من وين الصروال اللي داخله نايلون والله عيزت أدوره بالجمعيات ومحلات اليهال ما لقيته من وين شريتيه؟؟؟؟

والله انا اشتريه من مذركير و تلقينه يمكن بعد بمحلات الجميع بالمباركيه

 

[*sweetgirl*]

شوفي لاحظت ان الصبيان تعليمهم اصعب من البنات

عندي انا 3 مشاء الله ولدي البجر علمته بو سنتين بس كان يأذيني وصار خلاص اوك لمن صار عمره سنتين ونص

وبنتي سنتين و3 شهور مشاء الله عليها بنفس اليوم تعلمت وماتأذيت وياها ا حتى بالطلعه والنومه بنفس الاسبوع بس الا تكرمين بالكبيره تخاف تسويها وصار معاها امساك شديد لمن شوي شوي صرت اقول لها الله خل نسحب السيفون يالله خل نسوي جذي قولي باي باي ههههههه وحبت الفكره والحين دخلت الخمس سنوات


والحين مع ولدي الصغير اااه شقوول واحد كسووول يروح الحمام دام اني اوديه بس اذا نسيته مايفكر ولا شي يسويها بالاندر وير الي جنه حفاظه

عمره سنتين ونص قبل رمضان علمته بو جم يوم زهقني ادخله الحمام ماكو شي اطلعه خمس دقايق سواها على نفسه فقلت انطر عليه بس صراحه زهقت من البامبرز ابي اصير خفيفه ماحاتي اطلع ويسويها ووين اغير له وجذي

رجعت اعلمه وفهم السالفه ان لازم نروح الحمام بس دام اني انا كل ربع ساعه اوديه بس مثلا اخليه ماوديه مايقول يسكت ويسويها عادي مايفكر لوووول

الله يعيين بس بشوف بكمل وياه شهر مانفع بخليه لي بعد الشتى


قرقت وايد ههههههههه

 

[حرم سي السيد]

انا صارلي فتره احاول بولدي عمره سنتين وثلاث شهور

موراضي يقتنع الله يصلحه

 

[Tosta M7mSha]

اول شي يبيلها صبر انا عن نفسي بنتي علمتها عالحمام والي فادني ازياده ان بنت اخوي كبرها فقاعدين يتسابقون عالحمام لووول حتى لو ما فيهم شي نفنعنا انا واخوي ههههه قاموا يشجعون بعضهم واحنا ارتحنا
بس فالبدايه تودينهم الحمام تقعدينهم حتى لو ما فيهم رشي شوية ماي لعل وعسى يسونها وقتها (صوت الماي يشجع هههه)
وعندج الاندر ويرات الي بمذركير وسنتر بوينت حق التعليم يصير فيه بلاستيك من بره عشان ما يسرب كودي منهم ولبسيهم حتى اذا بال عااادي لا تزفينه وتخرعينه وجنه شي عيب وغلط لانه مهما كان هذا ياهل ولازم يتعلم مو غلطته اذا ما مسك بولته تكرمين ولكن غلطتج اذا ما صبرتي عليه وعلمتيه لان هذا دورج---اعجبتني الفلسفه
حببيه بسالفة الحمام اشتريله القيصريه يسمونها؟ المهم الكرسي شكل حلو برستيج وجذي ههههه---شكو
المهم ونسيه وخليه يقعد يسوي فيه واذا بال على اهدومه حاولي تفهمينه انه اهدومك كلها بتوصخ وتخلص يصير ماعندك اهدوم وتقعد بدون اهدوم بعدين بس مو تزفين وتطقين لأ ديري بالج كل شي بالصبر والمسايس ايي هذي التربيه الله يعينا عليها
واذا تعودو ان يسونها بالحمام طول النهار تبدين تشيلينه عنهم بليل وتحطين بد شيت مخصوص حق اليهال عشان اذا بال ما ينزل للاسفنجه ما يسرب (موجود بتروفاليو) وشوي شوي راح اهوه يتضايق من بولته ويتعلم على الحمام
ونصيحه لا تفجيييييين مو تملين وتردينلهم البامبرز ما جنج سويتي شي ومرده غصب طيب بيتعلم عالحمام فا لا تحاتين خلج صبوره وسلسه معاهم والله يعينج

 

[BShaYeR]

رد : أنقذووني والله مليت من البامبرز شلون أعلمهم على تكرمون (الحمام)

انا ولدي بعد شهر يكمل سنتين جنني اذا شلت البامبرز عشان يتهوى البسه اندر وير يكون ماسك شوي عشان مايسرب وكل شوي اقول له بوله حماااام زين حبيبي ويرد ايييييييييي وبس الهى عنه ثواني الا هو جايني ماما بوله ولا هو مسويها على نفسه وخالص تعبت والله عكس اخته والله ماتعبت معاها لان امي الله يخليها لي هي اللي علمتها فتره ماكنت نفاس بولدي والله ماطولت بسرعه تعلمت لاحظت البنات اسهل من الصبيان الله يعينا

 

[in style]

نفس حالتي

 

[ღ❤سـنــيـــڪـرز❤ღ]

انا اقول لش طريقه شفتها ببرنامج الملاكه الصغار المربيه حطت حق البنت لوحه حلوه فيها رسومات وخنات وزينت الكرسي
وجابت نجوم كل مايدخل الحمام تحط نجمه وبل اخير هديه

وبعد كم يوم المربيه تقول خلاص الحين اهي تعودت حتى لومافي هديه
وعليك بصبر ترى هاذي احد المراحل الصعبه والله يعناء