رد: رد : أوعدج بعد قراءه هذا الموضوع ماتتأخر عنج أجابه الدعوه أكثر من أيام - موضوع من
شلون غاليتنا اليوم
يعل ربي يسعدج وينولج كل خير ويفتحلج القلوب والجيوب إنتي وآنا وكل مسلم يااااااااااااااارب
قلتيلي أركز على الفكرة اللي تسعدني .. إنزين.. آنا أبي أملاكي المغصوبة ترجعلي من ريلي ,, فشنو الفكرة اللي أحطها براسي أهيئ نفسي عشان أكون سعيدة فيها ,, يعني شقووووووووول ؟؟؟؟
أقول ريلي رجعلي أملاكي وأكلمه وأضحك معاه عادي جنة مو غاصب مني شي والقضايا بيننا شغالة بالمحاكم ؟؟
أحس إن هالشي مو طبيعي إقنعيني تكفين ترا وربي ايامي تمر علي بين عبادة ولجأ إلى الكريم وبين هروب من واقع بيتي إلى برة لكن مافي مفر راجعة راجعة أشوف الغاصب جدامي أهو وكل تهديداته الزايدة بالزواج إن ماتعدلت وعشت بافصام شخصية معاه ///// مو اللي يبيه مني يعتبر عيشتي بشخصيتين ؟؟؟؟
آنا قربت أصير مينونة :lololoe:
ربي يستر
هلا وغلا حبيبتي
وياج ان شاء بقدره العظيم الحليم تبشريني قرييييييييييب اللهم امين
شوفي اول شي
الهروب انتي عارفه ضعف
نبي حياتج طبيعيه كأن مااافي مشكله كلش
اذا عندج عيال او تحبين هوايه مارسي بشكل طبيعي
ليش؟؟
طول ما انتي طالعه لهدف الهروب والانشغال مو من قلب ترفيه
طول ما انتي تفكرين وتتصددين
لااا
ابي مشاعرج معتدله تزعلين تفرحين بشكل طبيعي
الشي الثاني
وانتي بالذاااات بدش هالتحدي معاج لان مشكلتج كبيره
حلها كأني حليت مشكلتي
كل يوم بليل
تدخلين فراشج
تتنفسين 15 مره
شهيق وزفير
التنفس راح خلي اعصابج طووول اليوم ريلاكس +افكارج ايجابيه هم طول اليوم
ويكون احسن لو مرتين باليوم تسوين هالحركه
بعدين وهذا المهم
لمده ماتقل عن اسبوع ولاتقطعين وان شاء الله تشوفين تغيرات خلال شهر بالكثير بس هم اذا ماصار وهذا مسبعد كملي كفايه راحتج النفسيه
كل يوم قبل النوم تتخيلين الصوره الي تريحج
مثلا ريلج ندمان واقف جدامج يايبلج اوراق الملكيه ويتأسف منه
مده التخيل ماتقل عن 10 دقايق وكل ماطولتي وصلتي نص ساعه افضل حييييييييل حييييل
اهني شنو تحسين
نفس الصوره
حسي فيها
خلي مشاعرج تتحرك ودموع الفرح الحزن تنزل اي شي
المهم مابي جمود مع الصوره
ابي تفاعل معاها
مابي تتكلمين مع ريلج بس حسي الصوره
تخيلي مواقفكم وذكرياتكم الحلوه
مشاعر شوق مشاعر الم مشاعر حب اي مشاعر بينج وبين ريلج ولو اني افضل تركزين على الحب والعشره
راح تشوفين الصوره مبهمه او بعيده
مع الايام بتقرب لجسمج كل ماتخيلتي
واليوم الي تشوفين فيه ريلج بينج وبينه شبر بشري بالخير:eh_s(9):
انا كنت اشوفها صعبه بالاول بس شنو اسوي اتكلم شوي شوي بس عشان احرك شعوري
افكر بعقلي انا زعلانه من كذا وكذا واسكت
اوقف اي كلام اي خاطره بالعقل واركز على المشاعر بصدري وكل ماخفت ارد اتكلم واسكت واحس بالمشااعر
بقولج شي
تفاؤل قوي + دعاء + هدف واضح يعني صورتج الي تخيلتيها واضحه = تحقيق الامنيه بسرعه
تشكك يصير او مايصير + دعاء + هدف واضح = تصير الامنيه بس متأخره
شك كبير + دعاء + صوره واضحه = الهدف ماراح يتحقق
ايااااااااااااج والحرمااااااان
رددي زوجي ولد حلال بس فتره وتعدي واعو يعاند والله يهديه
لو بالجذب
ايااااااااج اطالعينه بنظره حقد
صلحي مابداخلج يتصلح اهو معاج
ضروري تقرين وايد في منتدى بلقيس وهذا سبب من الاسباب عشان نصلح حياتج الزوجيه
كل يوم دخليه واقري محاظرات ناعمه الهاشمي
ما اوصيج الله يسمعج ويشوفج
كوني لله مايحب
يكون لك كما تحبين
قراءه القرآن وميزانج نبيه يثقل لو 5 صفحات باليوم+الوتر بالثلت الاخير يعني وحده ونص تقريبا بالكويت
والدعاااء بتفائل وثققققققه
مووو حرمان
الله يحقق لج كل ما تتمنين ويسخرلج الارض وماعليها يارب
بناااااااااااااات
كل ماابي اضيف هالاضافه انسى
لو صار معاج شي حلو حتى لو صغييييييييير يعني ما انحلت المشكله بدت تنحل
سجده شكر + صدقه صغيره حمد وشكر
حطوا في البيت صندوق صغير للصدقات
الي تغلب عليها اليأس ومو قادره تتوازن بمشاعرها
سوره الكافرون 10 مرات
ايه الكرسي 10 مرات
المعوذات والصمد كل وحده 10 مرات
وبسرج
وبسرررررررررج
بدون حتى صوت خفيف
وقولي حق اليأس باي باي
لان هذا وسواس قهري من الشيطان
لي عوده :eh_s(17):
