أول عيالج ؟ جربي فيه وعليه !!

[ناتشوو]

بين الاول والثاني فرق كبير
صج الابن الاول محط تجارب
تجربين عليه الامومة والادوية والتطعيمات​

اذكر بنتي الاولى
طول الاربعين وعقبه رايحة المستوصف ورادة علشان غازات ودايما تبجي ​

بعدين تعلمت : باختصار
غيري الحليب
قلبيه على بطنه فترة يريح فيها ويعزف براحته
:O_SHH_:​

اول تطعيم !
قالو بتحوشها حرارة
ماتتخيلون فيلم الرعب اللي عشته معاها
ماسكة الميزان وادول
واعطيها
تخيلو كل نص ساعة اعطيها ادول!
زين ماماتت من تجمد الحرارة مو ارتفاعها
وكنت ضابطة المنبه كل نص ساعة وماكنت انام !
لما مر يوم تقريبا ماقدرت اكمل
تخيلو ادق على زوجي بالدوام
علشان يطلع يقعد معاها مو قادرة انام يمكن ترتفع حرارتها!
:ceaf32e183:​

اول مرة حاشتها صخونة قالو مضاد كل 12 ساعة
اممم
حسيت الوضع صعب ومافيها شي لو استعنت باحد
رحت نمت اسبوع عند اهلي ليما يخلص المضاد
وطبعا طول الاسبوع لاصقة فيها والمنبه شغال​

:s141:
ومرة حسيت فيها حرارة وكان عندي حزتها الميزان العادي مو براون
مجرد ماوصلت الحرارة 37 .1
حذفت الميزان وطيران ع الطبيب
(كنت بطلب علاج بالخارج )
لا واخفف من لبسها بالطريق لا ترتفع الحرارة
آه اتذكر شكلي بالمستوصف جنه حرارتها 40!
والطبيبة لما شافتها قالت شوفي جم وزنها علشان اعطيج مقدار المضاد
قلت اخاف تصك حرارتها ال38
قالت ماتخافيش مش ح تصك!
:O_SHH_:​

لا وفي شي يضحك
لما اوديها الطبيب حتى بحزة الفجر
اكشخها بالبدل والوق الباند بعد
وتشوفون بالمستشفى الكل بالبيجامة وترجيع وكمامات وانا شكلي بزور احد
:cxxxp:​

ومواقف كثيرة بعد
ودايما بالطبيب
كحت رحنا الطبيب
ضحكت رحنا الطبيب
:lololoe:​

وفعلا واحد من الاطبا لما شاف اسئلتنا السخيفة
سألنا : طفلكو الاول؟
ردينا : ايه
قال : جربو فيه !​

وهو ماحصل فعلا
:jumpon:
شاركوني مواقفكم وتجاربكم مع الطفل الاول الله يعوضه اللي شافه
:yaaaaaarb:​

 

[سموره 87]

لوووووووووووووووول
امبيه نفس سوالفي البنت تعبانه الفير اكشخها واوديها الطبيييييييييييييب :krkrkr:

 

[دمثة]

اول طفل تعلمين فيه في كل شي تربيه علاج تغذية لبس

 

[ناتشوو]

رد : أول عيالج ؟ جربي فيه وعليه !!

يعني كلنا بالهوى سوى:denya:

 

[آهات الليل]

رد : أول عيالج ؟ جربي فيه وعليه !!

ياحبي لمواضيعج ولردود:fun:

واي نفس حالتي ابنتي البجر واي حتى لما تبجي ابجي معاها خصوصا كنت صغيره ماعرف هههههههه ولا نفاسي ابناتي بشقتي بعد يعني عدي وخربطي من المواقف
والحين يبت البنوته الثانيه وقبل جم شهر البنوته ال3 صار عادي عندي يبجون حراره ترتفع وجذي اعرف شسوي مو نفس بنتي البجر ههههههههههه اكثر وحده خفنا عليها وتدلعت حتى لاطاحت لما كانت تخطي ابوها يزفني وتصك هوشه ههههههههه
ايام والله نضحك هههههههههه

 

[ناتشوو]

رد : أول عيالج ؟ جربي فيه وعليه !!

هاي اهات
الله يحفظهم ويجعلهم من اسباب سعادتنا دنيا واخرة

 

[::كيك وعسل::]

رد : أول عيالج ؟ جربي فيه وعليه !!

الله يعينا
جزى الوالدين الجنه

 

[$ بنت علمي $]

هههههههههههههههههه نااتشو كك

انا مو ام<< ليش دااشه

هههههههههههه بس والله نكته:dddds:

 

[ريماا]

رد : أول عيالج ؟ جربي فيه وعليه !!

لووووووووووووووووووووووول

انا اذكر ولدى البجر اول ماطعمتة قالتى النيرس سويلة كماداات لله وكيلج واحطلة كماداات ثلج عبالى تقصد بااردة اهى ماحددت ولما دريت انها تقصد كماداات ماى داافى بغى يوقف قلبى من الخرعة بس ستحيت لاروح المستوصف يضحكون على هههههه
ثانى ولد هم كنت اول مارد اكمدة بماى داافى واعطى ادوول وثالث ولد اخر تطعيمة لة لعمر3سنين ونص مااااالى خلق عطيتة بادية فيها ماى داافى وفوطة قتلى كمد روحك ماما هههههههههههه ومسكين يبجى ويكمد واخونا يواسوونة :friends:
صج البجر بكل شى غيرررر:hjy5jewf:
انا اتوقع رااح استخف على البنت واااى اكيد الانها بتكون بجرى:hjy5jewf: لله يرزقنى:wqedqw:

 

[om al ghaleen]

دايما البجر الضحيه لووول بس والله الواحد يكون متوتر وخايف وماعليه شرهه :s141:

 

[ناتشوو]

رد : أول عيالج ؟ جربي فيه وعليه !!

الله يحفظهم ويبارك لنا فيهم
:yaaaaaarb:

 

[حرم راشد الماجد]

خو انا بدععععععععععععععععععت

انا كثر اهتمامي يقولون لي جنج وحده عيوز يايبه ياهل على كبر :rgewrg:

تخيلي يوم بالمستشفى رجعت جان اقعد ابجي ليش بنتي ترجع وقاعده ادعي طول الليل انها ما ترجع

ويوم طلعت من المستشفى ورحت بيت امي كان صيف شهر 4 تخيلي انام بالحر ماكو تكيف عشان بنتي لا يصير فيها شي

كنت البسها شتوي اخاف عليها من البرد

ولما بغو يسوون لها تحليل بو صفار قمت ابجيييييييييييييييييييي وما وديتها

خلصت الاربعين قبل تطعيمها بشهر وانا احاتي التطعيم

لدرجة اني فكرت اشتري لها مخدر عشان ما تعورها الابره

والا لو شايفه يوم وداها ريلي يطعمها جنه واحد بايقها ماسكتها حيل وهو يحاول ياخذها من ايدي وانا اعيييييييييييييييييييييييييييط

يوم طعموها انهرت :yaaaaaarb: حمدالله والشكر مينونه
وعقب التطعيم مناحه تخيلي هي نايمه ما فيها شي وانا ابجي :s141:

والا اول مره صار فيها انفلونزا ماكو تكييف شهر 8 وانا مطفيه السنترال وريلي يتحلطم واعطيها الدوا بالدقيقه بالثانيه

والا كله كوم ولما شكيت انها ما تسمع كوووووووووووووووم

بغيت امووووووووووووووووووووووووووووووووووووووووووووووووووت الناس صايمه وانا ابجي

وأسأل ريلي اذا طلعت ما تسمع راح تعالجها برا ؟؟؟؟؟


وهو يقول لي اي انشالله يقص علي

وانا اعيييييييييييييييييييييييط

وادعي وابجي ومسويتها حسينيه

وعدت على خير

وبعدين طلعت لهم طلعه بنتي ما تشوف يعني ياهل بالاربعين تبينها تشوف عدل شلووووووون واحنجها بنتي ما تشوف

الا تودوني الطبيب اشوف شفيها ونفس الطريقه طلع ما فيها شي


لا وهدومها اغسلهم على ايدي وبعدين بالغساله مالتها وبعدين اغسلهم بيدي مره ثالثه <<<<<<<<< عشان يتعقمون

غسالتها يوميا اغسلها بماي وديتول
العابها نفس الطريقه يوميا ماي وديتول وصابون
قفشتها اغسلها واسبعها بماي حاااااااااااااااااااااار وخل عشان تتعقم
وصحنها اغسله واحطه شوي بالمايكروويف عشان يتعقم

ريلي يقول لي تحسسيني بمستشفى موبيت


ادري مبالغه وايد بس شسوي مينونه


وكلام بيني وبينكم ما اانام الا لما المها على قلبي :friends:


اما الهدوم والباندات والفناتق فحدث ولا حرج وما حب اشتري شي ممكن الاقي احد نفسها بعدين ادور وين المحلات الي ما في منها بالكويت الا فرع واحد والا اطلب لها من برا

وعلى قولتج رايحين الطبيب على سنقة عشره
والطبيب يقولي عملالي فيها انسه

اصلا الطبيب مالها من كثر ما اسأل فيه يقول لي يا ام حور لو تين تتوظفين عندنا وايد احسن

حتى الاكل رحت له <<<<<<<<< شنو اوكلها

ووزنها كل ما زادت ربع كيلو سويت مسيره والمشكله ضعييييييييييييييييفه

احس اذا رحت بوشهري كلينك هالمره بيصكون الباب بويهي بيقولون لنا ما عندنا دكاتره لج يلا بيتكم

لو عت جبدهم على قولت ريلي لازم يسوون لي بصمه وياهم

والا حور لما صار عيد الفطر كان عمرها 3 شهور تخيلي موديتها يحطون لها حنه نقش وناطره دووووووووووور جان تقول لي مالت الصالون لا حرام عليج توها صغيره :rgewrg: حقدت عليها

وهم عمرها 3 شهور وملبستها مايوه ونظاره شمسيه صرنا طماشه بالخيران



عشان جذي ما افكر مجرد تفكير اييب ياهل ثاني ياويلي تعبت نفسيا

وشكرا ناتشو عالموضوع التوحفه

 

[ناتشوو]

رد : أول عيالج ؟ جربي فيه وعليه !!

حروم
بصراحة عن جد ضحكتيني
:wqedqw:
صج بدعتي
الله يخلي لج حور ويحفظها
ومايضيع تعبج
:denya:

 

[@ دهن العود @]

هههههههههههههههههه ياحلوج

انا والله عكسج مع انى حملت عقب 8 سنين بس مخليه كل شى على الله

ترتفع الحراره اعالجها بالبيت ليما توصل 39 اروح الطبيب

المضاد احط منبه مره اعطيهم ومره اكمل النومه هههههههههههههه

يعنى فعلا اسمع ان الام اول بيبى حيل وسواسيه بس انا العكس:dddds:

 

[ناتشوو]

رد : أول عيالج ؟ جربي فيه وعليه !!

الله يخليها لج دهن العود
والدنيا سهالات oster_av1:

 

[أميرة طفولتي]

رد : أول عيالج ؟ جربي فيه وعليه !!

واااااااااااااي قاعده أعيش هاللحظات حاااااالياااااااا
هذا بجري عمره الحين ٣ شهور واسبوع تقريبا
كل ما قال اه ركضت فيه الطبيب
وقت الاربعين فبيت اهلي كنت مسويه حظر تجول بالطابق كله هههههههههه
مسكين اخوي مرض ماخليته يصعد غرفته نزلت فرشه تحت ونام بالصاله خخخخخ خفت يعاديه
اول تطعيم فلم وديته وانا ابجي وبالطريج ابجي وقبل لا يطعمونه بجييييييي وكل ماتيي بتغز الابره أقولها لااااااااااااااا لحظه واشيله وأسولف معاه ماما حبيبي لاتخاف أنا أهني ماراح اخلي احد يعورك لووووووول السستر مصريه ارفعتلي الحاجب جنها تقول شقصدج يعني ههههههه
وعقب التطعيم طبعا انهيار عصبي لي درجه أمي ماخلتني أخذه معاي الشقه خذته معاها واهيا حطتله كمادات وعطته الادول
والللللللللله لاااااااااا يوريكم يوم الي وديته بطهره وااااااااااي ايام صعبه
تخيلي الياهل ميت بجي وانا لامته عقب التطهير وريلي يقولي يلا ماعليه انشالله كلها جم ساعه ويروح العوار واناااااااااا جدام الدكتوووور
انت ماااااااتحس لو احد يسويلك جذي ماراح تتعور :eh_s(13):
اهوا ويهه @@ حسيته انبيره ضرب بس مسك نفسه
عقبها بجم يوم قالي والله لو مو ادري مو قصدج وخايفه على الياهل جان رنيتج بكس خليت ضروسج تحت هههههههههه :dddds:
انشالله تعدي هالايام ويكبر بسرعه لأني صج تعبت والي تعبني زياده أني يبته باول الثامن وكان توه صغير كيلو ونص وظل بالحضانه أسبوعين
عشان جذي كنت كل شي اسويه احاسب عليه وما اغير شي الا لمن اسأل الدكتور
وسلامتج ههههههه

 

[الأميرة جوري]

رد : أول عيالج ؟ جربي فيه وعليه !!

اذكر بنتى كانت بليل ماتتنفس خشمها مسكر وانا زوجى ركض عالمتشفي وداخلين علي الدكتور انا اشتكي وزوجى يشكى والدكتور مخترع هههههههههههه قال سؤال اول بيبي لكم قلنا ايه:wqedqw: خلاص وضحك قال اخذوا لها قطره هههههههه وفعلا اول بيبي حتى بالتربيه انواع االتربيه نجرب عليه اما الثانين يخلونا نرضي بكل شيء يسيطرون علينا :rgewrg:

 

[حرم راشد الماجد]

هههههههههههههههههههههههههههههههههههههههههه


اشوا يعني مو بس انا استخفيت :yaaaaaarb:

 

[naba6a]

هههههههههههههههههههههههه موضوعج ذكرني في ما مضا ابجري كان عندي موسوعه الفراشه للطفل قبل لا اولد حفظتها صم وبعد ماولدت اول ما اشوف على ولدي اي تغير ابطل الموسوعه

واول مره صار بولدي اسهال واتصل على زوجي بليل ابجي خخخخخخ قتله تعال ولدي فيه اسهال بيصير فيه جفاااف ونوديه الساعه 3 الفير الطبيب اقوله في اسهال اخاف يصير فيه جفاف ! :krkrkr:
وثاني مره مرض كان فيه احتقان وحراره واي مت من البجي وعند الطبيب ابجي وبالبيت لامته وابجي واكلم امي اقولها قلبي معورني اخاف يصير بولدي شي والي يضحك ان زوجي كان متاثر معاي ويقولي خلاص لاتبجين اذا مانزلت حرارته نوديه الطبيب مره ثانيه واهو حرارته 38

بس ثاني واحد صرت دكتوره قمت اعالجهم بالبيت من فتره رحت اخذ وصفه مضاد من الصيدليه حق ولدي الصغير قاعد يعلمني شلون اخلطه مع الماي قتله تدري دكتور انا من زود الخبره اقولك قوم وانا اقعد مكانك

 

[@سيدة نفسي@]

ناتشوووووووو انا متتت من الضحك لما بغيتي

تطلبين لها علاج بالخااارج ههههههههه

سكتي انا قصتي مع بنتي الكبيرة عذاااااااااب

ماكان عندي خدامة وحاطة روحي سوووبر ماااااااااام

والله اني تعذبت أكثر منهاا وكلما أتذكر معاناتي أكسر خاطر

روحي ..