أول عيالج ؟ جربي فيه وعليه !!

[.دمعتي الحزينه.]

وااااي لا تذكروني بنتي البجر

وهي ببطني بمجرد عرفت انها بنت رحت شريت السرير الكشخه والملابس والمميات والصحن والقفشه
ولما وصلت بدعت فيها عمرها شهر وملبستها حفر ورح عند خالتي وتقعد تصارخ علي ولو بس تبجي شوي نوديها المصتوصف
جنت قعد ابوها قبل صلاة الفجر يوديها الطبيب ولما نصل لطبيب يقول غازات وييب لها ماي غريب ونرد البيت
جان شعرها سم الله عليها حرير ولما صار عمرها سنه بدا شعرها يلف شوي وقمت لج بحمام الزيت والبلسم خربت شعرها وقام شعرها يطيح جانت ماشاء الله عليها متبتبه حيل وصار اسمها بلبيت دبة انس اسم ابوها انس ههههههههههه ماجنت بقي شي ما اكلها اياه
بس يا خساره قبل لا تمشي ولدت ويبت تؤم ماشاء الله واهملتها واهتميت بتؤم لانهم خدج والبنت جانت تنقهر ولي داخل والحين صاااايره عصاااايه حتى الحليب عقب مايبت اخونها عافته وكل شي يها تحطم والحين حدي مقهوره اشوف صورها شلون جانت وشلون صارت الحين واموووت قهر والي يقهرني اكثر ان بنات اعمامها وعماتها للحين ينادونها دبة انس والله والله اسمع هلكلمه وطااالع فيها وامووووت من القهر

 

[حبـ admant ـك]

وااااي يبتيها على الجرح
بصرااااحه الامومه صعبه صعبه صعبه
ماتوقعت انها جذي ولا توقعت اني اصير جذي
اذا تمرض اصييييح وادعي على نفسي اني انا اللي امرض ولا اهي
وبنتي من اول مايبتها واهي بس ترجع ماتشد الاكل ولا الحليب
لو تجوفون الهالات السوده وصلت لي رقبتي لوووول
ما ارقد كله افز من نومي اتطمن عليها فوق الخمس مرات
من يبتها لي الحين مارقدت رقادي الطبيعي
لدرجه ساعات افرش لي بالارض وارقد انا وياها عشان احس فيها لو تكح لو يصير لها شي
اكون يمها ماخليها عندي بالسرير اخاف تطيح
لو اكتب اللي بقلبي ماخلص لوووول

 

[0oR0R0 honeyo0]

لوووووول ذكرتوني بنفسي يوم كنت بلاربعين كل شي تسويه امي للبيبي احسه تعذيب خخخخخخ كانت تمسح وجهه بالماي وانا
اموووت خووف عليه وماابيها تجيسه ولاابي احد يسبحه كل ماجوو يحظرون الباث اعملهم افلام من اليوم يكح خشمه مسكر مادري شنو خخخخ كنت اخليه فووق الاسبوع مايتسبح وعادي عندي وبمااني ماعندي احد يعلمني بالمستشفى طلبتهم يعلموني هذا كووووم والرضاعه الطبيعيه كوووم ثاني خالتي الي اهيا ام ريلي خلتني فرجى للي يسوا والي مايسوا كل السسترات تناديهم وحدا وحدا علموها اشلون ترضع وهاتك ياتفغيص بصدري وانا اصارخ صج صج ايام تقهر كل مااذكرها انقهر ..

 

[opera]

يا حليلكم يا امهات

هذي مو تجارب هذي خوف عالبيبي وحرص


انا عيل اللي غير :\

انا جربت فيه كل شي من لبس واكل و ادويه و كريمات والعاب وكل شي يخطر على بالكم .. حتى السفر جربته معاه... سواء اعشاب او كيميكالز المهم اني اجرب لين اشوف شنو اللي صلحله والحين حق البيبي الثاني صار عندي خبره



انا ريلي اللي يحاتي ويخاف .. وانا من كثر ما مجربه فيه الامور عاديه عندي

الابو اللي كان يخاف ويحاتي اكثر مني عسى ما كح الا قال قومي خنوديه الطبيب

وانا ويهي :eh_s(14): مافيه شي ليش طبيب

وعسى ما خدش ويهه بظفره ولا احد جرحه الا تلاقين الابو كل شوي حاطله فيوسدين عشان لا يظل اثر على ويهه

وعلى هالموال للحين :eh_s(4):