أول يوم برمضان ,, سفرتك وش راح تكون ؟؟ خبرينا

[جولينار]

مســــــــاكم زهــــــر


يمكن أقل من اربع وعشرين ساعه ويدخل علينا شهر رمضان المبارك,,,



موضووعي بكل بساطه ,,,,,,,,, وش ناوية تسوين في أول يوم من رمضان


انا عن نفسي ..


ناويه اسوي سمبوسه باللحمه << شي اساسي عندنا

وكوسا باللبن << لأني مشتهيتها مره


ومكرونه فتوتشيني بالربيان << زوجي يبغاها


بالنسبه للحلو كنافه بالقشطه << شي اساسي بعد


وكيكه سمسميه اللي بالكت كات << ودي اكشخ بها صراحه _03ba:


والسطله لحد الان محتاره ,,

يالله بنات وانتو .. وشهي السفره اللي خططتو لها ,,


ارجو التفاعل

 

[أم ريوف 1400]

هلا بك حبيبتى

كل عام وانتوااااااااا بالف خير

اول يوم بكون عند اهلى
ثانى يوم ابشري
شوربه جريش
سمبوسه لحم وجبنة

سلطه نوعين
سيزار وفتوش
حلى للحين ماقررت
بسوى لازانيا

 

[جارة القمر]

شوربه


واحتمال ورق عنب

 

[ام بنتها]

ماادري ليلحين ما قررت لأني ودي اطبخ و امي ما تقصر قايله بتطرش لنا الفطور مع السايق كل يوم و متردده ارتاح و مااسوي شي ولا اطبخ شرايكم ؟؟ لأ، اصلا مو ممجله شي حق رمضان

 

[جرووح الرووح]

كل عام وانتو بخير مقدما حبيباااتي
فطوري اول يوم انشالله بيكون شوربة شوفاان ادري قديمه بس يحبها ريلي
هريس
جبنيه
شعيريه كويتيه(بلاليط بالبيض)
سمبوسه طبعا باللحم وبالجبنه هذا شي اساسي يوميا
والكبه مفرزنتها بقليها على طول وتبوله
والحلا للحين ماقررت بس اكيد بيكون سريع + كريم كرمل وااااي اموت فيه خخخخخخخ
والله يعيده علينا وعليكم بالعافيه يارب
يالله اللي وراااي اعترفي مانبي كسل
يالله نبي هبة ريح وفنااتق بس سريعه بليييز

 

[الحراير]

الشوربه شي اساسي مع ورق عنب ومجبوس دجاج ومعكرونه وسمبوسه انواع ولازم فطاير يمكن اللي بتوست اسهل والحلويات بسبوسه وكيكه لعيد ميلاد ولدي وسلطات

 

[مس كيوت]

انشالله انا ناويه اسوي تشريبه +شوربه+جبنيه+قيمات ويمكن معكرونه

 

[كبرت قبل اكبر]

مبروووك الشهر على الجميييييع
انا ناويه اسوي >>>>تشيييييز كيك بالقهوه وتبوله وسمبوسة لحم ومكرونه بالباشايل
وملوخيييييييييه oster_av1:

 

[ارستقراطيه]

انا ان شاء الله ناويه الاتى :

شوربه دياى
مطبق زبيدى
سلطة فتوش
سلطه اى نوع
سمبوسه وكبه
لقيمات

والله يتقبل صيامنا

 

[جودي ابوت]

مبروك عليكم الشهر ..


طبعا انا راح ادش مع مامتي المطبخ

بسوي حلو

وبساعدها باللي تسويه


اهي تسوي لقيمات

والشروبه

والهريس

والمرق<<< اكل شعبي عشان الوالد مايكل الا جذي


ومعكرونه

واهم شي حبيب قلبي الفيمتو

ومادري هع


ومن عواده يارب

 

[شوشو الشقيه]

تسلمي ياق مر
سفرتي لرمضان
للحين احاتي شكلي بنقع في المطبخ
افكر شوربه الفطر
سلطه فتوش
سمبوسه جبن وسمبوسه سبانخ بالكريمه
ما ادري يا بسوه معجنات مع امي
بقي الف ورق عنب
وارز طبق رئيسي
كبه روبيان
لما افكر تجيبني الكابه يحتاج وقت وجلسه في المطبخ
ثريد نفس المرقوق
طبق حلو
افكر شفت طبق حلو بالبسكوت بكاكاو جلكسي شكلي بجربه
جيلي ووكاسترد
قيمات هذا طبق حلو رئيسي مهم
بصراحه هذه الي بالي
في الليل بتظهر اطباق اخري
ههههههه
بعد الي عندي ما يعجبهم عجب ولا صيام في رجب
هههههه
من اختج شوشو الشقيه

 

[همسات ليالي]

مبااااااااااااااااااااااااااااااارك عليكم الشهر

انا ناويه تشريبه مع شوربه عدس وورق عنب وكبب وسمبوسه و بلاليط
وما ادري شنو بعد

 

[shai5at al3arab]

مجبوس لحم

شوربة عدس شعرية

وشوارما دياي صمون صغار

وصمون بزاليا

وسمبوسة

وكبة برغل

وفيمتو طبعا

الحلو للحين جاري التفكير

^

^

^

بس هذا مو كله انا ، سئلت امي شبتسوون باجر

 

[LUXURY]

انا اول يوم عند امي
طبعا باسوي كريم كراميل وباحطه بالثلاجه من اليوووووم
ن شاء الله
وثاني يوم تشريبه ومعجنات مشكله مع دونات (لان العجينه وحده نصها دونات ونصها معجنات) خذيت الفكره من فتافيت احسنلي فكه
والشوربه ما فكرت شكلي باسوي شوربة فطر لان ريلي يحبها
وبس سلامتكم وتعيشون اهو حلاو بعد؟؟؟ خخخخخخخ

 

[akadenia]

احنا باذن الله

شوربة فريكة
مجبوس دياي
تشريب لحم
سويس رول خضار
سمبوسة خضار
لقيمات
سمبوسة جبن حلو بالشيرة
بعدددددد شنو

مادري يمكن يطلع بحزتها

الله يبلغنا وياكم

 

[أم شواقه]

مبااارك عليييكم الشهر

انا بسوي تشريبه لحم

شوربه ذرة بالكريمه

مقالي ،، سمبوسه ، كبب ، افخاذ الدجاج بالبف بستري

وسلطه


ويمكن اسوي كريم كراميل

 

[هـنـوـوـوده]

مباااارك عليكم الشهر ..

راح يكون الفطور اللي فكر اسويه ..

ميني سويتز بالزعتر
وشوربه لحم
سمبوسه جبن و بيض
لقيمات
ورق عنب

وأغلبهم أرسله لجيراني لأن زوجي ما يحب الاكل كثير برمضان ..

وان شاء الله راح اصور لكم سفرتي لما يكون الفطور عندنا ..

صياما مقبولا وافطار شهيا

 

[الحنونهـ]

انا ناويه اسوي

شوربه شوفان

فطاير جبن ودجاج

كبسة دجاج

وقيمات

وطبعا عصير برتقال تانج


بس لانها انا وزوجي

 

[ترووفه]

شوربة دياي

معكرونه باشميل

صينة خضار

جيوب التاجر

 

[shai5at al3arab]

ترى امي استانست على موضوعكم

تقول لي اقري شكاتبين اكلات عشان ناخذ افكار