أيهما اهون على المرأه...الطلاق...أم لقب الزوجة الأولى

[علولي]

شفيكم خايفين من الطلاق .. ترا يوونس << مجربتة

يطلقنى وبعدها يتزوج اربع بس مو على راسى .. وترى الدنيا ماتووقف على الزواج والرجال .. كاهم المتزوجات متلعوزين مع اشباة الريايل ..

يسلمووو على المووضوع

مو كلهم والله بعضهم يعز كل حريمه ويعيشهم احسن عيشة

صراحة استغرب من الردود
اولا وايد بنات يقولون الزواج مو كل شي ومن زين الرياييل كلهم اشباه رجال والزوج غثا
يوم انه الزواج مو كل شي والزواج غثا ليش تزعلون لما ازواجكم يتزوجون عليكم ؟؟؟؟؟؟!!!!!!!!!! هذا واحد
2) ماسمعت وحدة تزوج عليها ريلها وطلبت الطلاق بس كلام وحتى لو طلقها فترة وبعدين تركض وراه عشان يرجعهااا
3) اغلب البنات حاطين ادعية بتواقيعهم واستغفر الله وايات قرآنية وكل وحدة مسوية روحها متدينة أليس الزواج الثاني حلال وستر على بنات المسلمين ؟؟؟؟!!!!!!!!!!!!! اعتبري زوجك ستر على بنت ارملة مطلقة كبرت وماتزوجت يتيمة شلون بالله
الدين حلل 4 زوجات لانه عدد النساء اكثر من الرجال وهذا شرع الله يعني تؤمنون بالحجاب والصيام والصلاة ماتؤمنون بتعدد الزوجات أتؤمنون ببعض الكتاب وتكفرون ببعضه؟؟؟!!!!!!!!! يا ناخذ الدين كله يا نتركه كله مو تقعدون تنقون اللي تبونه تاخذونه واللي ماتبونه طاف

والله تقوول يتزوج اسيوية ولا فلبينية شفيها الصحابة لما فتحوا بلاد الهندوالسند تزوجوا منهم ليش ماهم بشر
كلنا ابناء حوا وادم وعلى فكرة سيدنا ادم هبط في الهند يعني هندي لووول
علي بن ابي طالب كان بيتزوج على فاطمة
الرسول تزوج على امهات المؤمنين
ليش دائما النظرة للزواج الثاني انه انتقاص من الاولى او انها مقصرة ؟؟؟؟!!!!!!!!


وعن نفسيافضل ان اكون زوجة اولى

صادقة وربي في كل كلمة قلتيها الكللام سهل بس الفعل صعب
باذات في مجتمعنا صعبة المطلقة
ومشكورين جميعا

 

[-مذهلهـ-]

الله لايقوله انشالله
بس الزوجه الاولى احسن من مطلقه
لسبب
هو ان عيالي يتربون عند ابوهم ومع اخوانهم اللي بيجون من الزوجه الاخرى
طلاقي
يعطيني فرصه للزواج واكون زوجه ثانيه فقط >> مع اني رفضت ان اكون الاولى و هل اقبل ان اكون شريكه امراه اخرى بزوجها مشكله بحد ذاتها
يعني نفس الدائره بس انتقل مسماي من زوجه اولى الي زوجه ثانيه
لان مستحيل يجي ولد بقراطيسه يتزوج وحده عندها عيال >> وهني اتكلم عن الحريم اللي عندهم عيال اما اللي ماعندها يمكن تلقى

 

[علولي]

الله لايقوله انشالله
بس الزوجه الاولى احسن من مطلقه
لسبب
هو ان عيالي يتربون عند ابوهم ومع اخوانهم اللي بيجون من الزوجه الاخرى
طلاقي
يعطيني فرصه للزواج واكون زوجه ثانيه فقط >> مع اني رفضت ان اكون الاولى و هل اقبل ان اكون شريكه امراه اخرى بزوجها مشكله بحد ذاتها
يعني نفس الدائره بس انتقل مسماي من زوجه اولى الي زوجه ثانيه
لان مستحيل يجي ولد بقراطيسه يتزوج وحده عندها عيال >> وهني اتكلم عن الحريم اللي عندهم عيال اما اللي ماعندها يمكن تلقى

كلامك سليم وعقلاني
نفس كلام بمبه المفترسة

 

[ˆώ• اح ـساس المطر •ώˆ]

استصعبت السؤال وهو مو صج !!

اجل شلون لو صااار ..

بيصير فيني شي قبل لا اقرر ههههههههههههههههه


لانه كل واحد اصعب من الثاني

 

[أهبل أجنن]

لو صج آحبه حييييل ولاتخيل انه ياخذ غيري صج هالمره بتطلق

آما لو إنه عادي يعني راح ولا جا نفس الشئ بكيفه إن شاء الله يسطر لي ثلاثه فوقي ماهمني

للعلم انا بنيه توني للحين مو متزوجه

 

[المكسيكيه]

والله تبين الصج ثنيناتهم يعورون القلب
بس عندي الزوجه الاولى اهون لان على الاقل اكون بحامية ريال ولو مطلقه الكل بيتكلم بالطلعه والداخله
يعني العوض ولا القطيعه

 

[sha!o0oma]

الطلاق بلاشك

 

[SeLf^CoNfiDeNce]

اب
اب
اب
للرفع

 

[mrs.q8]

الطلااااااااااااااااااااااق..
يسلمو

 

[الكروان]

الطلاق طبعا

 

[علولي]

اشكر كل من رد على موضوعي
بس ترى الطلاق مو سهل

 

[عل ماباس]

انا عن تجربه اقول الطلاق

 

[Pepsi Cola]

اقول لاتكابرون انتوا يالحريم الحجي وايد بس الفعل ولا شي خلتصير الصجيه وربي هاللي اتسوي نفسها تنصحكم اللا اطق بعرض الحيط خلوني ساكته وضحكتني سالفة الطلاق صعب ها كثروا منها لا عيل خليج مع وحده ثانيه جنج خبله وعبيطه اللي ماعندها احساس بتسوي جذيه خلوا عندكم اشوية كرااااااااااااااااااااامه اعوذ بالله انا مع الطلاااااااااااااااااااااااااااااااااااااااااااااااااق

بالذمه هذا كلام الله يرضى فيه، اذا رب العالمين الرحمن الرحيم وانا اعني هل صفات قدر واحل للزوج بالزواج من اربع وما ملكت ايمانهم بعد، فهل معناته ان الله تعالى والعياذ بالله مناقض لصفاته حيث ان الزواج من اخرى فيه مذله طبعا ردا على كلامج خلوا عندكم شويه كرامه، وبعدين هذي اي كرامه لحرمه تطلق بسبب زواج زوجها من ثانيه والحرمه الي تطلب الطلاق بسبب زواج زوجها هذي ما عندها اهل؟ ولا رجال يمنعونها؟ ليش عبالج عادي الحرمه تروح عند اهلها تقول لهم ابي اطلق وخلاص يطلقونها، والطلاق بالاسلام من ابغض الحلال ولازم في اسباب له مثل يكون الزوج سكير او راعي بنات او قمار حشاكم مو عشان يمشي بطريج الحلال، كل البنات الي هايطوا وقالوا الطلاق اهم بوقت الصجيه الي بيسكتون ويعقدون قد عمرك سمعتوا في حرمه عندها بيت وعيال وزوجها تزوج عليها وتطلقت.
انا ما ادري عن باقي العوايل شلون بس عندنا لي بغى الزوج ياخذ الثانيه الزوجه وامها وام الزوج او ام الاثنين يروحون يخطبون له فلذلك الزواج يتم برضى الزوجه ولو كانت بش شكليات ومحد يعطي الزوج بنته اذا حرمته مو راضيه عشان جذي لازم تروح اهي او امها بالخطبه وازيدكم من الشعر بيت على ايام جداتي كانت الزوجه اهي الي تزف زوجها المعرس على زوجته الثانيه ولا الحريم بياكلونها بالحجي، بعدين انتوا لو عايشين زمان اول شنو بتسوون؟؟؟​

 

[علولي]

مشكورة على تفاعلك الطيب
وكلامك حلو بس احسها صعبة تروح تخطبله

 

[علولي]

اب
اب

 

[SeLf^CoNfiDeNce]

مادري ليش احب ادش هالموضوع بالذات و اقره الردود يعططيج الف الف عافيه يا صاحبه الموضوع
علولي

 

[sweet dashttya]

الطلاق ​

 

[sun_light]

السلام عليكم
أعتقد ان زوجة أولى أفضل من مطلقة ليس السبب هو اللقب
لكن ليش أترك له كل شيء وأخسر كل شيء علشان هو يستانس ويفتك

العبرة بالنهاية مو البداية والشاطر يضحك بالأخير ,, ولا تتركي نفسك أسيرة للعواطف

وهذا مجرد رأي

 

[غنج بدويـه]

أعوذ بالله الله لا يحدنا

 

[علولي]

مادري ليش احب ادش هالموضوع بالذات و اقره الردود يعططيج الف الف عافيه يا صاحبه الموضوع
علولي

مشكورة يالغلا
ومنورة الموضوع



واشكر كل من نورت موضوع بردها الجميل:balo: