أي إستفسار عن فرنسا ستجدون جوابة هنا

[ام جوريناد]

ماعليج امر
طريقة حجز فنادق ديزني بالنت
بس موقع مضمون غير موقعهم لاني مو قادره احجز منه

ويعطيج العافية

أفضل وأضمن موقع هو booking
وكذلك فندقي
وهذا رابط فنادق ديزني
الرابط[/COLOR]

 

[ام جوريناد]

مشكوره وبارك الله فيج
عندى سؤااال مغلبنى ؟؟ واحاتيه وااايد
انا ان شاء الله مقرره سفر لهالصيف لندن وباريس
وسبق لى ورحت العام لهم بس تبهذلت بالمترو
لان اللغه من صوب ما افهمها ومن صوب هالفرنسيين ما يعطون ويه مثل الانجليز
سؤااالى يالغلا :

اذا بحجز تذكره من باريس لدزنى شلون اعرف التوقيت والطريج اكو اكثر من محطه ينزل فيها القطار شلون ادل بروحى من غير ما اسال احد
وحتى من لندن لباريس باليورو ستار ؟؟

اذا تحطين لى صوره تبسيطيه لخط المترو والمحطات اللى يوقف عندها


وشكرا

ياهلا وغلا فيج
خوش قرار والله يوفقج بهالسفرة باريس ولندن حلوة
شوفي اختي انا خبيرة بكل اوروبا وخصوصا في التعامل مع شعوبها يعلم الله إن أكثرهم تعاون وحب للأجانب هم الشعب الفرنسي وأكبر شيء يمقتونة هو العنصرية وهالشي مجربتة بمواقف وايد .
شوفي انتي بتطلعين من لندن باليورو ستار وراح تنزلون بمحطة جار دي ليون شمال شرق باريس ومنها انصحج تاخذين تاكسي للفندق واغلب اللي بالمحطة تلقينهم عرب وكذلك سواقين التكاسي .
واي سؤال بالمترو انا حاضرة حافظة جميع محطات مترو باريس صم لكن انا للاسف اعليمية ماعرفت ليما الحين انزل صور من اعرف ابشري ومن عيوني الثنتين .

 

[ام جوريناد]

أين أنتي يا أم جوريناد ؟

موجودة وهاأنا عدت اليكن مهرولة قبل أن يفيئ الفي

 

[ام جوريناد]

حبوبه اذا بروح مع زوجي وعيالي اثنين تحت سن 12 لمده اسبوع جم يكفي مصرف ؟طبعا انا حاسبه حساب تذاكر وفندق 1500 لي 1700
يكفي مصرفي حق هناك 2000 حق اكل ومواصلات وسوق على الخفيف

ياهلا فيج بريتي
الله لايفرقكم ان شاء الله
بتكفيكم الالفين وزيادة وشوبنغ قوي مو خفيف بس لانج راصدة مبلغ حق اسبوعين

 

[ام جوريناد]

بريتى

لا ما يكفى
انتو عايله ماشاء الله يدوب التاكسى يشيلكم
حتى التكاسى يتشرطون هناك
خلو مصرفكم 3 وفوق لان الرحلات والتكاسى والتيكيت والاكل والتشرى يبيله ميزانييه
انا العام رحت لندن وباريس باريس موووووووووووووت
اعنبو دارهم حتى اجياس الجمعييه بفلوس يشاورونج الجيس الاول بلاش ( تبين جم جيس تشيلين اغراضج فيهم ؟؟؟؟)

والله اذا حددتى مصروفج بالفين لتموتون من الجووووع هنااك
تخيلى قهوه وقطعة كيكه صغيرونه ب7 وشى
وبعدين انتوا بتفيزون وبتدفعون تذاكر عوار قلب بس على 7 ايام حتى ما يمديكم تستانسون
والسوووق عذاب يقصون علينا اوت لت والاسعار اتخرع

انصحج زيدوا المبلغ والايام ما تقل عن 10 ايام اذا صج تبون تستانسون

اختي خلطة عطر البنت الغالية بريتي تقول 2000 دينار بس للتمشي والاكل يعني اهي اول ريدي دافعة التكت والسكن
انا كنت عايشة بباريس ووايد اسافر لها مايقل عن مرتين الى ثلاث مرات بالسنة واقعد فيها بالاشهر وباخصة الديرة عدل
عزة الله انج خرعتيها 2000 دينار ماتكفي لا اسمحي لي الا اتكفي وزيادة خلاص ان ضمنا السكن ترى ماكو شي الا التمشية والاكل انا مرات حتى 100 يورو مانصرفها باليوم .
اتمنى تعيدين حساباتج بالنقطة وانا معاج بسالفة حرام تصرف هالمصاريف وكل اللي بتقعدة اسبوع حتى سعر تذاكرها ماتحللة باسبوع .
تقبلي حبي لج

 

[brettey]

بعد عمري ام جوريناد انا بعد احتمال باذن الله سفرتي على الشتا لان حاليا انا حامل بس عشان احسب حسبتي وايمع
عسى ربي يحقق لج مرادج
خلطه عطر جزاج الله خير بس انا اسبوع كافي عليي او 10 ايام صج احب السفر بس ما احب اطول وايد يعني الديره الي ممكن اطول فيها اهي امريكا

 

[brettey]

بعد عمري ام جوريناد انا بعد احتمال باذن الله سفرتي على الشتا لان حاليا انا حامل بس عشان احسب حسبتي وايمع
عسى ربي يحقق لج مرادج
خلطه عطر جزاج الله خير بس انا اسبوع كافي عليي او 10 ايام صج احب السفر بس ما احب اطول وايد يعني الديره الي ممكن اطول فيها اهي امريكا

 

[ام جوريناد]

مشكورة أختي جوريناد على الموضوع

وبسأل صج باريس ونيسة ولا سمعت من أحد الأخوات بأحد المنتديات سمت باريس (باريس الخبة)

تقول مو ونيسة فا بغيت أسألج

شلون كانت يومياتكم وهل تصلح لأطفال والمراهقين إلي يبون يصيرون مثل :roadrunner: هههههههههه يعني الحركة الزايدة مو :gathering: نقعد على من قهوة لين مطعم والعكس

ورحت مره ألمانيا والشعب بارد الإحساس ويقولون أوروبا كلها نفس الشئ

ولا نحب زيارة المتاحف ومصانع الشوكولاته والأجبان على قولت الوالد أحنا يا العرب مو وجه ثقافة

وصادقة أختي خلطة عطر الأكياس بفلوس أنا كنت بألمانيا أحط بجنطتي كيس خام قطعتين لأن مو بس السوبرماركت إلا بعض المحلات بعد

ياهلا بهدوء
باريس تصلح لكل الفئات من نخبة الى لوكل الى ابسط بسيط بالعالم
ووايد ونيسة للاطفال انا عيالي يقعدون بالاشهر مايملونها ابد وشعبها حبوب وودود

 

[ام جوريناد]

أم جوريناد ........ بسرعه أبي أحسن فندق بالنظافة و المستوي ........كونكورد لافاييت أو في غيره
و أبي أحسن اللأسواق و ووووين مكان اللأوت ليت للماركات عندهم ؟؟؟؟؟؟؟؟؟بسرعه

هلا عبوورة
احسن فندق الماريوت اللي بالشانز وفنادق باريس كلها نظيفة كونكورد لافييت خلاص انتهى عصرة الذهبي وترى مو بالشانز مشي 20 دقيقية للشانز
أفضل سوق هو جاليري لافييت افضل مول فالعالم على الاطلاق واشهرها بشارع هوسمان
الفصول الاربعة في اللاديفانس
سان لازار
فال دي يورب ( جنب الاوت لت )
الاوت لت اللي بباريس جنب ديزني لاند تطلعين لة بالقطار من محطة شارل ديغول ايتوال اللي يم قوس النصر تاخذين القطار الاحمر وتنزلين بمحطة val d europe المحطة اللي قبل ديزني لاند مباشرة من تنزلين بتلقين مول اسمة فال دي يورب وهو يم هالمول مباشرة .

 

[ام جوريناد]

عزيزتي اشوفج طولتي الغيبه
على العموم ناطرينج
بسألج :عن
الحدايق أبي حدايق حلوه أبي أساميهوم
مصانع اي مصانع جلود ككاو احب المصانع
الشقق الفندقيه أسعارها اتكون مناسبه ومكانها مميز
وين نسكن في افيان وله باريس وله الاثنين
كم يوم تقترحين اننا نقعد فيها
بخلي الأسأله الباجيه حق لما اتردين على الاسأله هذي
وشكرا

ياهلا باريس فيها وايد حدائق عندج غابة بولونيا , حديقة الزهور , حدائق قصر فرساي .
مصانع بباريس ؟؟؟؟ والله اكو مصنع عطور يم جاليري لافييت اسمة فرنغرند ويبيع وتقدرين تسوين خلطة خاصة فيج بس للامانة مصنع شيكولاتة رحت للي ببلجيكا وهناك شركات توديكم بروكسل وتردكم بنفس اليوم وتشوفون مصنع الشيكولاتة اما مصنع الجلود بصراحة ماشفت الا بايطاليا وكان بميلانو بس بباريس ماعرف وين بالضبط ان كنتي ملزمة اسأل وارد لج خبر .
بالنسبة للشقق الفندقية اكو كلاريج بقلب الشانز يم ماريوت وسيفورا وهي افضل شقق بباريس لكن غالية وفية عندج شقق اداجيو ولها عدة فروع فالاوبرا وهوسمان واللاديفانس ويم ايفل وباريس 15
وشقق فرايزر باللاديفانس وبعد فية سيتادين ولها عدة فروع , افيان حلوة بس صغيرة انصحكم بباريس او نيس وموناكو وكان وانسي وليون
انا حاضرة باي سؤال

 

[brettey]

واي جد تشوقت لها يبيله باريس
ادعوا لي ان الله يرزقني سفره لها

 

[حبيبة زوجها دوم]

السلام عليكم مشكوره يا الغالية على هالموضوع الحلو انا ان شاء الله ودي اروح باريس اخر 3 لغرض تجديد شهر العسل و الفكه شوي من السؤوليه و انا رايحه انا وابو العيال لمدة 6 ايام ( المفروض كانت السفره لبيروت بعطلة فبراير بس عاد قدر الله خيره ما صارت) بس عندي جم استفسار لاني اول مره ازورها


1 ابي فندق يكون قريب من الشانز ويكون اجمالي التكلفه بحدود300 ددينار مو اكثر يعني ممكن نروح مشي للشانز

2 هل يكفينا مصرف 300 بس حق تمشي واكل و المتروو مو شرط نقعد بمطاعم هاي كلاس (شفيعا الوجبات السريعه تقزر:eh_s(15): مع العلم اني بروح يورودزني والبرج ومتحف اللوفر الحي اللاتيني

3 هضبة المونمارت وقصر فرساي و متحف الشمع يستاهلون واحد يروحلهم واذا اي هل تكفي مزانيتي و الوقت لان انا كل 5ايام يعني مو مطوله فإذا ترشحين الافضل

والشوبنغ ميزانيته بروح وبسأل عن الاوت لت يبيله يوم بروحه ولا مع روحت دزني وهل صج في بضاعه رخيصه و عاد تسوا ولا لا

ومشكوره حبيبتي ادري مصختها ستسن الف سؤال ما عليه تحملين عليميه اول مره اروح باريس:dddds:

 

[حبيبة زوجها دوم]

شدعوه بنات ولا رد بليز وبنكم

 

[aLreeeM]

اللي امجرب طيران الاتحاد شلوونه ؟؟؟ بصراحه اسعارهم وايد زينه بس اخاف اتبهذل بالترانزيت !!

دخلت توه سعر التذكره حق باريس بالصيف151 دينار !!! مع الضرايب توصل 210 وايد زييييييين

 

[aLreeeM]

حبيبه زوجها دايما !!
زيدي ال 300 شوي ما تكفي اتوقع !!

 

[حبيبة زوجها دوم]

هلا حبيبتي مشكوره في احد عبرني معقوله ما تكفي انا بس حاطتها حق 4 ايام لان لاتحسبين يوم الروحه و الرده ما راح تصرفين في وايد شرايج

 

[aLreeeM]

تكفي بس يمكن بس حق الاكل والمواصلات !!
تذكره ديزني بجم ؟؟؟ حسبي التذكره بعد

 

[غيوووض*]

مرحبا شكرا اختى على سعة صدرك فى تحمل الرد على الاسئله **** اختى حبيت اسال كم يوم يكفى انك تستانسين بفرنسا اسبوع ام 10 ايام *** وكم التكلفه لكل منهم مع شوبنغ خفيف مع العلم ان ما راح اروح بالمترو اغلبه بالتاكسى **** ولوسمحتى ابى سوق اسعاره مناسبه موغالى ولا رخيص يبيع عطور وشنط واكسسوارات وشوز وملابس اطفال **** مع العلم انى انا وزوجى وطفلين **** تقبلى تحياتى وعلى فكره ياليت تحطين الاسعار بالكويتى لانك تحطين باليورو وانا ما عرفله وشكرا

 

[abooora4]

أم جوريناد ......لو سمحتي شني الماركات الموجودة في الأوت لت ؟؟؟؟؟؟ و شنو المميز عندهم ؟؟؟؟؟

 

[abooora4]

أم جوريناد ......لو سمحتي شني الماركات الموجودة في الأوت لت ؟؟؟؟؟؟ و شنو المميز عندهم ؟؟؟؟؟