أي كتاب ترشحين اقراه في طريقي الى السفر؟

[awashamen7asha]

سلام عليكم !

ممكن كل وحده تحطلي احلى كتاب قرته و يفضل قصه عشان اندمج فيها و حجمها معقول عشان ماتثقل علي بالهاندباق.. عربي او انجليزي ماكو مشكله.. توني شفت فلم the hunger games
وين يبيعون القصه؟ تهقون الجزء الثاني حلو مثل الفلم؟؟

 

[amami al-kuwai]

بخصوص الكتاب انا من وجهة نظري تقرين لابن قيم الحوزيه كتابه روضة المحبين ونزهة المشتاقين هو كبير نوعاً ما لكن اسلوبه حلو وراح يشدج

اذا كنتي تحبين الروايات لو تاخذين لاغاثا كرستي راح تندمجين واايد

هذا اللي يحضرني الحين

 

[المهفة]

اخذى اى روايه حق ايزابيل الليندى وصدقينى مو تندمجين الا ينزلونج من الطياره غصب من الاندماج

 

[أريد حلا]

^^

وناسه موضوع شيق متابعه ردودكم للافاده

 

[قسى قلبه وخلاني]

دامك تسألين عن قصه اقري نضال للكاتبه سعاد صليبي
قصة حب روعه ما تقدرين تهدينها لين ما تخلصينها
انا توي انتهيت منها

 

[it_wasn't_me]

انا اقول خذيلج الايباد واترسيه قصص وكتب اذا ما عجبج كتاب تحصلين ثاني

 

[ذات الهمة العالية]

اسسى نفسك بالعقيدة الصحيحة

اقرئى كتاب عن التوحيد

صدقينى حياتك كلها تتغير بشكل ما تتخيله

 

[Miss.LoNeLy]

في روايات لدانيال ستيل
عندها روايات وايد منهم الهديه وابي
رواية ابي جدا جدا رائعة انصحج فيها لانه انا من بعد ماقريتها

قمت اتابع جميع الروايات للمؤلفه

 

[أوقيدمو]

بالسفر لازم بجنطتي مو اقل من ثلاث كتب غير اللي بجنطه الملابس
فتلقيني قبل السفر افتر بالمكتبات

1. لازم لازم روايه لملكة الروايات البوليسية " أجاثا كرستي" لا تمل

2. عندج امين معلوف تقريبا اسلوبه روايته نفس دان براون " الرواية التاريخية"

3. من الكتب الاجنبية بتخسري اذا ما قريتيها "wings" للمؤلفة الامريكية aprilynne pike و هذي صدقيني ان قريتي الجزء الاول بنفس تروحين تشترين باقي الاجزاء

طبعا الله يعطيها العافية جرير اللي تنلف بحرير

و عندج برنامج كود ريد (تويتر الكتب)نزليه عالايفون و تقدرين تلرجيعيلها انج تطلعين نبذة عن الكتب الاجنبية و تشوفين الملخص يعجبج و لا لاء

 

[الزورق222]

عندى فوبيا بسبب السيارات والسفر اكره القراءة فيها بس راح اجرب اقرا كتاب العصر العباسى فى السيارة بطريقى للرياض عن قريب والظاهر ان الخوف والرعب راح يزيد عصر عباسى وناس طايشة بالسواقة ..

 

[gas-26]

موضع حلو
وتعجبني الروايات التاريخية
ماحب اقرا روايات من خيال الكاتب واهتم اكثر للغة الكتابة
بجرب امين معلوف
شكرا لصاحبة الموضوع وشكرا لكل العضوات

 

[:: Diva ::]

بالنسبه لي اودي معاي أكثر من كتاب
غالباً روايه ما قريتها من قبل
شوفي شنو عندج ما مداج تقرينه
و استغلي الوقت

بس نصيحه مو تنسين حبوب اللوعه
لما اقرا بالطياره تقلب جبدي

ضروري الحبوب قبل الرحله بساعه
و اجازه سعيده و رحله مريحه حبوبه

 

[انثى عربية]

رواية بنات ايران لناهد ارشلان

ووراية حب في الزحام لتهاني الهاشمي

 

[أحلى الجياكر]

انصححج و بشدة بروايتين :
حكومة الظل
عودة الغائب
لمنذر القبانى
موجودين بجرير

كلمة روعة شوية عليهم ..
مسكت عودة الغائب من ركبت الطيارة و ما هديتها ..حتى و انا اكل قاعدة اقراها ..
نوعها ..تشويق و غموض ..من طقة دافنشى كود ..