إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[فاطمة82]

بنات على سالفت الطلاق
ابي وحده تفيدني بامور الاعانه او اي شي يفيدني انا بصراحه عندي طفلين وماني قادره على المصرف بمعاشي
ومعاشي قليل والابو ما يعطيني الا عن كل طفل 50 شلون منو عندها تجربه تقدر تفيدني

 

[عهود الحب]

أختي
روحي لمحامي قوي وارفعي قضية نفقه عليه
ان كنتي على ذمته يحكمون لج نفقة زوجية وخادمة وسايق ومسكن والخ الخ

روحي للمحامي ويساعدج


اذا تبين محامي زين اسالي قبل تروحين

ترى بعض المحامين حاشاج جلاب



الله يوفقج ويعينج

 

[درابيله]

إلـــى كـــل مـــطلــقــه ......................

أنا في الثلاثين من عمري كنت زوجه تزوجت بعد قصة حب جميله رغم معارضة أهلي لزواجي أمضيت 12 سنه لم أنجب بأبناء فقط في خدمة بيت الزوجيه طلقت بعد رحلة كفاح طويله في سبيل ألا أسمع كلمة مطلقه ولكن زوجي بقدر ما كنت أتوسل إليه ألا يلفظها يزداد تعنتا وتمسكاً بقراره وأخيراُ قال لي خلاص فأجبته مع مليار سلامه وخرجت من بيتي أحمل نفسي وتركت له كل شي سيارتي ملابسي وأثاثي وأشيائي الضروريه ...خرجت بملابس عملي بعبائتي وتوجهت لمنزل أسرتي أنا صغيرة البنات في بيت الوالد نسيت أن أخبركم أنني أعمل في جهه حكوميه فأنا مرتاحه في عملي وذلك لخبرتي في مجال عملي وعلاقتي الممتازه مع زملاء العمل وكافة المسؤولين قدم زوجي قضية طلاق وإستلمت ورقتي بسعاده وإستقرار وإستغرب من حولي من مشاعري نحو تحول حياتي إنني لم أبالي بكل شي تركته سيارتي أثاثي منزلي أموالي شاركت براتبي فيهم لم أبالي فقد خرجت من بيتي وأنا أشعر براحه مطلقه بعد أن وصلت حياتي معه لطريق مسدود ولفتره إستأنفت معه حياة فاتره لا طعم ولا لون ضاعت البهجه من حياتي وبرغم الطلاق لم أيأس فأنا لا أرتبط معه بشئ وأنا أعمل صباحا وأعود مساءً للإهتمام بوالدتي ووالدي وأخواني وأخواتي وأعيش حياتي من أجمل وأفضل مما يتخيل المرء والسبب كان منه هـــو السيــر بطريق متعـــرج وخــوض كــل مــا هـــو حــرام فأنا أردت أن أقول لكل مطلقه
( أن الطلاق ليس نهاية العالم بل بدايه لحياة جديده ) :aha:

 

[عهود الحب]

صدقتي



يارب امنحني راحة البال




يارب اكتب لي الخيره



انا رفعت قضية طلاق وجلستي الاولى هالاسبوع والله يستر




والله اتمنى اسمع بشارة طلاقي





مليت انتظار




لاتنسوني بالدعاء براحة البال والطمأنينه

 

[ملح بدويه]

عهوووود الحب الله معااااج والله يطمن باااالج


درابيله الله يسعدج بحياااتج


ادعولي بالزوج اللي يعوضني خير عن اللي شفته

 

[عهود الحب]

الله يعوضج حبيبتي والله



انا نفسيتي اي شي



عقب ما ضبطت القضية مع المحامي وسويت الي علي ومشيت حياتي



وصرت اوكي



وصل الاعلان لقضية الطلاق له



وجاي الاخ زوجي لابوي يبي يوقف القضية وجايب رضاوة وجاهيات عشان ارد له



واللحين بيت اهلي كلهم ضدي من جديد



والكل يبيني غصب ارجع له


شنو هذا احس ولاكأنك يابوزيد غزيت



عقب اقنعت اهلي رد سوالي مشكلة جديدة



لاويقولهم انا تدينت وتغيرت وصرت انسان ثاني وما امد ايدي وجايب رضاوة كبيرة مبلغ وقدره


وامي تقول ردي لاتخلين زوجج للعراقيه سوري بنات عالكلمة لاتزعلون بس هذا الصج


وانا والله كرهته حييييييييييل


حيل



ومستحيل ارجع له لاعشان عيالي ولاعشان احد ثاني


عيالي شكو ؟ اهو ابوهم انا مانكرته بس انا ماله شغل فيني


والله اني ادور بحلقه مفرغه كل ماقول وصلت ارد لنقطة البداية من جديد



الله المستعان

 

[ملح بدويه]

الله معااااج


والله الجاهيه ماراح تنفعج انت الوحيده اللي تعرفينه


واستخيييييييييييييييري وتوكلي على الله

 

[strawberry_q8]

أنا رايي من راي أختي ملح بدويه ياليت مااتسرعين بقرارج وتستخيرين ربج

 

[عهود الحب]

لالا محد نافعني


استخرت بقلبي بصراحة ماصليت استخارة


وقررت اني اكمل اجراءات الطلاق



لاني مليت بصراحة من حياتي والوضع موشي صاير



والمشكلة انه يحاول يردني له ولما الوضع يهدا راح يرد يلعوزني ويرد لاطباعه القديمة


محد نافعني وقتها



صج انه الكل ضدي بهالامر



بس انا الوحيدة الي اتحمل قراري ونتيجته


وهذي حياتي انا

 

[روزالكويت]

عهود ارجعي له طيعيني..
عشان عيالج...
خليه محررررررررررم جدام العالم وعيشي لنفسج.
الامور القضائيه نفقه وغيره تمشي ووانتى عنده..

 

[عهود الحب]

روز



رجعتي له مستحيله حتى لو بحثا عن محرم



باقي من عمري جم ؟




عشر سنين 15 سنه ثلاثين ؟


ولا حتى يوم يومين ولاشهر



مابي اعيشهم معاه بصراحه


واخر شي يهمني الناس



كلام الناس ماينفع عن تجربة

 

[متفتحة]

انا صارلي سنة 8 شهور مطلقة ××××××××××××××××

 

[متفتحة]

ما انصح بالطلاق لوكان ايش الريال شايل كل شي علي ظهره وحنا موحاسين .. يدفع الريال من معاشة الكهرباء من صوب الماجلة والعيال والسايق والخدامة كلهم بفلوس لا تلمونة اقصاد منكل صوب يحرم نفسة من اشياء خاطرة فيهم لجل البيت وهموم البيت من السوق المدرسة مشاكل اليهال ود هاذا مريض غير الخدامة مو عجبتني شوفلي غيرا وكل يوم يزيد الشيب براصة وتجيه الامراض

وحنا يالحريم اول ماينزل المعاشنا صافي بدون اقصاد نروح السوق ونطيرا علي اشياء مالها معنا ..

ــــــــــــــــــــــــــــــــــــــــــــــــــــــ

نا الحين مطلقة وعيالي 4 اللة يحفضهم ساكنة بشقه ادفع الاجار والكهرباء والخدامة وقصد السيارة ومصاريف الشقة والمدرسة من كتب ولبس .. تعبت من كثر مسؤليت اليهال والهم طلع الشيب فيني ونا توني صغيرا وقول الله يعين الريايل الي يفكرون ليل نهار وفكرون بالتجارة وشلون يجمعون المال لجل الزوجة العيال ...اول بداية الطلاق كنت مستانسة اخذت حريتي وشلخت معاشة بالمحكمة .. والله انا نادمة اني طلبت الطلاق السبب مادي دايم يلح علي ساعديني بالمادية مرة اعطية ومرة اطنش وقلت كلمة المفروض ماتنقال وزادت المشاكل اكثر من سنة وحصل الي حصل للعلم ان طليقي من نفس العائلة والريال تزوج من وحدة بكر بس كبيرة غير موضفة عمرها 31 والريال 36 بداية ضغط معاشة نصه اقصاد ونص الثاني لعيالي ... واللة كريم ننطر رزقنا

 

[نوت]

عهود الحب الله معاااج ويوفقج ويحقق لج امااانيج يااارب
وجميع البنات المتزوجات او المطلقات يارب يرزقهم من اوسع ابوابه يااااااااارب جميعا

 

[عهود الحب]

متفتحه


الطلاق مو شر دايما


انا مالومج


بس انا موحاسه بوجوده من قبل


وانا الي ادفع غالبا من قبل


انا للحين ماتطلقت


ومادري



تدرين شلون



عسى ربي يكتب لنا الخيره كلنا قولي امين




ونصيحه لاتندمين الخيره فيما اختار الله


كل شي مكتوب لنا وانتي مالج دخل باللي صار لج لانه مقدر ومكتوب



يالله خيره



نوت مشكورة يالغاليه على المشاعر الطيبة





بنات عسى ربي يسعدكم

 

[وردة-الكويت]

مرات الطلاق يكون نعمه والله

 

[موج الحزن]

ياابناااااااااات ناااار الزوج ولا جنة الاهل نصيحه لوجه الله
اصبروا اصبروا يوم زعلانه منه ويوم راضيه والدنيا تمشى احفضوا نفسكم واولادكم بظل الرجال ترا الاهل يتحملونكم يوم يومين وبعدها تشوفون المشاكل منهم ومن الحريم وانتوا براحتكم

 

[نطوووعه]

بنااااااااااااات

الله يريح بااااااالكم و يسعدكم دنيا و اااااااخره قولووو اميييييييين


بس من خلال تجربتكم و الظروف اللي مريتو فيها ودي اعرف منكم



اذا كانت المشاكل مع الزوج مو متعلقع بامور مادريه

يعني قاايم بواجباته يصرف عالبيت و ماياخذ من معاش المره


بس ماتشوووفه وااايد

وان شافته بس صرااخ و هوااااش

و واايد يقلل من شأن قيامها بعيالها و اب بيتهااا

تهقووون هالظروووف كااافيه لطلب الطلااااق والا ماتعتبر مشااكل حقيقيه؟؟ مع العلم انهم اب بداايه زواااجهم و الزوجه تحس ان مشاااعرها تجاه زووجها فترت وااايد و الحب راااااح

 

[كويتيه وبس!!]

بأختصار مشكلتي معااه انه عايش لنفسه وبس لا انا او اعيالي من ضمن الاهتمامات تدرون اصعب شعوور شنوو شنو ياخواتي بالنسبه للمرأه وزووجهااا انها ااتحس بغربه معاااااااه وهذا اللي صار لي معااااه!!!!!!! وبـــــــــــــس

 

[*مرامي*]

نطوعه بالنسبه حق نحشة الريال من البيت ترى بيد المره
سويله جو يحبه جذبيه صوبج وريحيه بالكلام لان الريال من الياهل يحب الكلمه الحلوه والمساحل
اسوء شي المره تسويه انها تتشكى حق ريلها من اهله واهلها ودوامها وافلانه وعلانه بحزة نومه والا بحزة اكله والا بحزة راحته سولفي بأشياء حلوه تفرفش تنعنش هههههههه
ناديه بأحب الاسماء لقلبه ومن هالسوالف
ولا تنسون ان كيدهن عظيم
بعدين بحطلكم سالفتي لان الحين منبطه جبدي ومالي نفس اتذكر اكثر