بجاوب على أهم الأسئله ؟؟؟
كم دام زواجك؟ شهرين معاه و6 شهور كنت معلقه ابيت أمي
هل تظنين أنك غلطتي وأنك سبب الطلاق؟
لا والحمدلله
حاسه بالظلم ؟
نصيب والحمدلله
شنو أكثر شي مضايقك بعد الطلاق؟
تصدقون بنات . انه الطلاق مو مأثر فيني ,اقول هذا شي مكتوب من الله واحمده واشكره
بس المشاكل اللي صارتلي بعد الطلاق, اول شي ردة فعل اخواني محد وقف معاي ولا واساني وانا كنت محتاجتلهم وايد
ثاني شغله كل مااحد ايي يتقدملي اهله يرفضون لاني مطلقه حتى لو الام تنقيني نقوه بعرس والا مكان من تدري اني مطلقه تعفس ويها بويهي ,للعلم انا مو ناقصني شي بس عيبي مطلقه
والمشكله الاخيره الكل يعاني منها طبعا عساني ماادش مكان والا اللي جدامي يدري اني مطلقه خصوصا اذا كان ريال راح تفكيره بعيد ويصير يفكر فيني تفكير وصخ
تشتاقين له وتتمنين تردين له ؟
وعووه لو يخلصون الرياييل مافكر فيه
شنو أكثر شي ندمتي عليه وعطي نصيحتج لنا؟
بصراحه ندمت اني تزوجت شخص مااعرفه, وهذي نصيحتي حق اللي بتتزوج
الحمدلله مجتمعنا متفتح عالاقل يقعدون مع بعض مره ومرتين وعشر..
عالاقل تعرفين طلعاته وتفكيره واسلوبه ,, علشان ماتتدبسين نفس ماتدبست انا
والله يفرج همكم ويسر امركم ..
