رد: إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥
مســـــاء الخير خواتي شلونكم
هواها كويتي شلونج يا قلبي حبيبتي طولي بالج شوي ادري انج بموقف صعب بس صدقيني اذا فكرتي عدل شلون تتصرفين راح اتحسين انج الفايزه ان شاء اللله
شوفي يا قلبي اغلب البنات لم يتزوجون يسير الريال محور حياتهم يعني يعيش ملك وما تبخلين عنه بالحجي الحلو والحركات الحلوه اطلعين كل انوثتج فيه وتسعدينهم من كل النواحي وتشغلين وكتج فيه واهو بكلمتين حلوين يملك قلب مرته ويخدرها بكلمته السحريه الي اهي "احبج" تسير عنده هالكلمه مثل كرت السحب الالي الي متى ما بقا يحصل حنان وحب من مرته ياها وسحب منها الحب والحنان ليمن يشبع بعدين يرد الوضع طبيعي والروتين العادي لكل يوم وبعد فتره سبحان الله تحسين ان في شي تغير اسلوبه تصرفاته حتى كلامه وكلمته السحريه تسير بدون اي معنى بالنسبه لج اتحسين اللمعه الي كنتي اتشوفينها بعيونه لم يقولج كلمه حلو ويبتسم تختفي ودايمن ما يجابلج ولا يحط عينه بعينج اكثر من 6 ثواني او اقل وساعات اتشوفينه يدور الشي الي يسعدج ويفرح قلبج بدون سبب يعني يداريج بعد ما سهر ويا ربعه ييج ولهان عليج ومشتاقتلج او يخليج فتره طويله من النهار لي الليل بعدين يقولج لا تعشين بنطلع نتعشى بره حتى لو كنتي بهاليوم مشقوله حدج او مواقف ثانيه يبرر فيها الي كان يسويه من ورا ظهرج ويستغفلج بسوالف مالها داعي سواء كانت خيانته بالنت او بالتلفون او حتى يواعد ويطلع معاهم انا الي ابي اقوله لج انج الحين اعصابج تلفانه عالاخر وماتقدرين تصدقين ولا كلمه من الي يقولها والحجي الي كان يخدرج فيه ويخليج تحسين ان مالكم الدنيا راح تنقثين لم يقولج ياه وما تحملين منه كلمه وحده برايي بدال ما تسوين بعمرج جذي وتخلينه عقب مداراته لخياناته وحرصه انج ما تعرفين راح يسير الوضع عادي حتى يمكن بالمستقبل تلاقينه داخل عليج بتلفونين او ثلاث يشبك جدامج مع بنات وطاقج بالطوفه او حتى يسولف جدامج بدون ما اتحسين بشي .... لا تبينيله انج تعرفين بخيانته لج حتى لو ماكان عندج دليل خلي روتينكم عادي بس مع تقيير بسيط فيه بالاول بعدين غيري كل شي ابتدي بروحج ولو اني ادري انج مالج خلق شي بس والله عشانج هالحجي مو عشان ريلج وعشان ولدج لا يضيج بينكم وتكبر المشاكل
شوفي حبيبتي ادري اني طولت عليج بالحجي بس والله اني قاعده اقولج هالحجي وانا قلبي عليج وظايق خلقي عليج خلج ذكيه وحاولي بكل الطرق انج تشغلينه فيج وفالبيت لم يدخل البيت لا تشغلين نفسج بولدج وتنسينه جابليه شوي وباقي وكتج شقليه بروحج جابلي المرايه وايد ولبسي باليوم 4 او 6 او حتى 10 بدل كل شوي طلعي شي يديد ولبسيه يعني من اول ما تقومين من النوم الصبح لي بليل ضبطي وكتج يعني الصبح لبس والعصر لبس والمغرب لبس غير وبلليل تفنني باي لبس حلو وملفت وقبل لا تنامين وانتي على السرير حطي كريمات تعطري بعد ما تتسبحين ولبسي شي حلو ناعم وكل يوم غيري بنفسج يعني يوم يشوفج بيبي ويوم يشوفج ام ويوم يشوفج مراهقه ويوم يشوفج ..... باي شكل غير شكلج ولا تقعدين تقوليله اليوم سنو سويتي وسنو صار اذا شافج جذي اكيد بيسالج بيقولج شعندج اليوم قوليله عندي راحه واستجمام حق نفسي ولا توضحيله اكثر
ادري بتقولين الحين اهو يخون وانا اتكشخله لا انتي لم تسوين جذي مو معناته مسويته حقه لا انتي قاعده ادلعين روحج قاعده اتبينيله ان اهو غلط وانتي مو مهتمه بالي سواه لانه اهو بروحه راح يتحاسب انتي الي عليج ادلعين روحج وما تهتمين بسوالفه مع الزباله
اي وبعد انتي قعدي وياه بس لا تقوليله انا حاسه انك تخوني لا قوليله اشدعوه يا بو فلان صاير ما تنشاف لا يكون تغلا
وبعدين حطي عينج بعينه وقوليله مع ابتسامه خفيفه وانتي طبعنا كاشخه وصايره غير عن البنت الي كل يوم يشوفها قوليله باباتي تر من تغلا تخلا وابتسمي وخليه شوي وردي خليه بهالفتره يفكر شنو تقصدين بالي قلتيه وبس كل يوم سوي شي يديد بس حبيبتي واسه عالاطاله
ويريت تتقبلين رايي وما تزعلين بالي قلتله
