إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[alzaiin]

رد: إذا أنتي مطلقه شاركينى؟

لا حول ولا قوة الا بالله :eh_s(14): :eh_s(14):


الله ياجرك في مصيبتك؟


عندك عيال ياسمراء؟

 

[سمراء كويتية]

رد: إذا أنتي مطلقه شاركينى؟

مشكوره يا الزين
لا الحمدالله ما عندي عيال اصر زواجي مدام الا 11 شهر أو اقل
والله لا يراوي أحد الي شفته ان شالله

 

[عهود الحب]

رد: إذا أنتي مطلقه شاركينى؟

هلا وعليكم السلام

بليزريه عسى ربي يعوضج كل خير يارب وعسى عينج ماتبجي الغالي


الزين عز الله سميتي نفسج صح عزالله مزيونة وكلج زين
انتي شلونج عساج بخير






اختي سمراء مشكلتج الحمدلله بتنحل لانه ربي سبحانه كبير

وماينسى عباده





الزين شكلج فقدتي هذرتي ههههههههههههه وتحلطمي

 

[عهود الحب]

رد: إذا أنتي مطلقه شاركينى؟

انا صارت في شغلات بحياتي غريبه شوي من يوم جت الجنطة الحلوة وبطلتها وشفتها بعيني



اول شي ابشركم قطيتها خلاص بسلة المهملات اليوم
اقنعتني اختي الكبيرة قالت انها رجس والرجس من الشيطان ومالي حاجة فيها
حسبي الله ونعم الوكيل احس براحة
طبعا ماقطيتها عادي
لا كسرت الجنطة تكسير
حسيت فيني شي كبير يمكن غضب داخلي يمكن حرة يمكن قهر
وقعدت اكسر واكسر واكسر
لقيت دشداشه له قديمة مصفطة بين هدومي مخليتها تذكار اشمها بين لحظة ولحظة هههههههه


عايشه الوهم ومعيشه روحي فيه

لا ماني باجية عسى عيوني تعصاني هالمرة
لو هالمرة بس مابي ادمع عليه






قطيتها دشداشته وجنطته ماغيرها وخلاص طست ذكرياته غير مأسوف عليها
باقي جنطة فوق لمستندات له قديمة
مخليها ماهمته
كمبيالات قديمة له ولربعه اكل عليهم الزمن وشرب
وشهادة دراسيه له قديمة

وميدالية قديمة ومسباح
وقلم


وشوية اوراق
وصور قديمة

بقطها طبعا بس لما افرغ كبتي



فصلت لنفسي غرفة نوم جديدة
نفر ونص خلاص اعلنت العزوبية للأبد < عشتو لايكون احد درى عنج ههههههه

وكبت صغيرون لي بروحي وتواليت جديد
وببلش اصبغ غرفتي توموروووووووووو او افتر توموورووو



في شغلات كثيرة ببالي اسويها


الحياة حلوة
وانا حلوة
واستاهل
ابتسم
استاهل اضحك واعيش حياتي

تدرون يمكن اتغير 180 درجة بس للافضل


حاسة حياتي مختلفه بس بوناسة موب حرقة ومرارة
تظنون اني راح اكون قوية


واقوى من كل ظروفي


انا مااظن



انا مؤمنة اني قوية انا مؤمنه اني احلى من اول
وكل مااكبر احلى واحلى
وكل ماتمر الايام
المرارة الي فيني تخف
واحس بالفرحة مثل اول



اكيد كلكم بتفرحون لي
اي تطورات بقولكم عليها

 

[miss-one]

رد: إذا أنتي مطلقه شاركينى؟

يا اختي عهود احيج علي قرارج هذا زين تسوين

عيشي حياتج والماضي قطيه وراج

الحياه ما تنتهي علي طلاق

لو انسان زين الواحد يتحسف عليه بس كان موريج الويل ما عليه حسوف

وكانت الجنطه الي قضمت ظهر البعير

عطتج دافع انه تبدين بقرار يديد يعيد بناء حياتج

الانسان يعيش مره وحده ،، خل يونس عمره

الشقا والضيم يقصر العمرر


هالله هاللله بالصبغ نبي نشوف ابداعاتج

 

[سمراء كويتية]

رد: إذا أنتي مطلقه شاركينى؟

عهود الحب ..
الحمدالله مشكلتي انحلت بطلاقي
والحين الطلاق صار عادي محد يستغربه
بس الي لاحظته ان أساس كل مشكله توصل لي الطلاق اهي الوازع الديني
محد يعرف شرع الله بالزواج بكل تفاصيله وما شالله شباب لكويت ما يعورفون بالقراآن و الشرع غير ان الله حلل 4
والله اهم شي الصحه العافيه والحمدالله على كل حااااال

 

[qa6wa_q8]

رد: إذا أنتي مطلقه شاركينى؟

اختي عهووود انااا اهنيييييييييييييييييييييييييييييييييييييييييييييييج على قرارج وللامام ولاا تطالعيين ورى وانسي الحزن وعيشي حيااتج والله يوفقج ويفرح قلبج

 

[نانصي]

رد: إذا أنتي مطلقه شاركينى؟

السلام عليكم ورحمه الله انا اختكم نوره من السعوديه يوم شفت الموضوع شدني لاني عانيت منه فتره موبسيطه وشخصيتي تغيرت كثير مع اني ماعتبر مطلقه لاني كنت مجرد مخطوبه لكن بحكم الشرع اعتبر مطلقه...اتمنى حد يريحني ويفهمني هل اختلاف البيئات في التعامل تجعل حياه الزوجين تنقلب جحيم...تعرفون وش سبب انفصالي اللسان ومادراك ماللسان ...ماقولكم انه كان شين بالعكس حبيته وحبني وفيه وايد طبايع زينه لكن ماقدرت اتحمل الانتقادات المتكرره صدقوني حسيت اني ناقصه وان مافيني شي زين واني خربوطه وماسوى ..هو اول رجل بحياتي بس انجرحت كثير وقلت يابنت بتعيشين معه بقلبك اتحملي لو بعقلك سنه وبتتطلقين فقررت ادوس على قلبي واغلب عقلي بكره فيه عيال والاختلاف واضح من الخطوبه فكيف بعد الزواج ساعات احس بالذنب واني يمكن دلوعه وماتحمل وساعات اقول وهالسؤال بوجهه لكم هل البنت تقدر تعيش مع انسان ينتقد كل شي؟؟؟؟؟؟؟؟؟؟؟

 

[alzaiin]

رد: إذا أنتي مطلقه شاركينى؟

عهود فددددددددددديتك وفديت هذرتك :33_1185028183:
شقولك الدشداشه حقته اللي قطيتها يمكنها هي اللي كانوا خداماتك يشوفونها وجسبالكم جني :dddds::dddds:


حبيبتي اللي من السعوديه اشفيه ابوالشباب من اولها انتقادات استعجل :eh_s(13):


والله انا من رايي المتواضع انك استعجلتي اهم شي اخلاقه وسلوكه وانه رجال يخاف الله والسوالف الباقيه مقدور عليها وانا اختك

هذا لسان يعني كلام دامه رجال صالح حرام كنتي تخسرينه

وبالنهايــــــــــــــــــــة الخيره بما اختاره الله

يالله يالله يا عروووووووووووسه خلينا نشوف غرفة العروس اللي من غير معرس :dddds:


الله يعوضك باللي يستاهلك يا الغاليه وجيبين صبيان وبنات حق الضابط وخواته :ioljnmlk: وتطلعين من البيت الشعبي وتسكنين فيلا 3ادوار وسرداب وبراحه وحديقه حق الضابط واخوانه وتكتبين على لوحه الباب فيلا (عهود الحب) :ggdw: :ggdw: [/COLORB]



بس لوسمحتي ممكن تاجرين علينا الشقة اللي بدور 3 :dddds:

 

[سمراء كويتية]

رد: إذا أنتي مطلقه شاركينى؟

اختي عهووود


الفتره الأولى دايما صعصبه كل شي ياخذ وقته ويرووح ويصير سوالف وضحك:ggdw:
زين تسوين انج تغيرين اثاث لون غرفتج انا سويت نفسج وجد تغيرت نفسيتيو غيري روتين حياتج
بالي تقدرين عليه
جربي شي جديد من هوايات والله يهدي بالج ويعوضج خير ان شالله


:gathering:

 

[سمراء كويتية]

رد: إذا أنتي مطلقه شاركينى؟

اختي عهووود


الفتره الأولى دايما صعبه كل شي ياخذ وقته ويرووح ويصير سوالف وضحك:ggdw:
زين تسوين انج تغيرين اثاث و لون غرفتج انا سويت نفسج وجد تغيرت نفسيتي و غيري روتين حياتج
بالي تقدرين عليه
جربي شي جديد من هوايات والله يهدي بالج ويعوضج خير ان شالله


:gathering:

 

[عهود الحب]

رد: إذا أنتي مطلقه شاركينى؟

تسلمون بنات قطوة ماقصرتي يالغالية عسى ربي يزيدج من نعيمه
مس ون فديتج ماتقصرين
الزين للحين تفكرين بالدشداشه خخخخخخخ
الي قطيتها شتوية والي نشوفها دشداشة بيضة انا ماشفت الجذب خيبه بس هن شافن
انا اختي تقول يمكن كان يعطيهن فلوس يخرعنج امانة شوفوا اهلي شلون ينظرون له
واختي تقول والله انه حاط لج طبوبة قبل دمعتج 24 ساعه بعينج ودايم اكتئاب
انا اقول اني قبل كنت مسكينة وعلى نياتي حيل

والعالم مايبي احد على النية يبي انسان اقوى من الكل
القوة بالشخصية زينة لج كـ حرمه و لعيالج



انا متأكدة اني اقوى امرأة بالعالم
تدرون ليش
علشان راح اسامح كل من اخطى بحقي


والله انها خيرة

ياسبحان الله لو انا للحين على حالي قبل جان للحين قالب ديوانيته سمرة قمار لربعه



ياسبحان الله الي يغير ولايتغير
كل شي بحياتي حلو فجأة من دون مادري
انا صرت احلى
والعالم صار احلى
وصرت اشوف شنو النعمة الي انا موحاسه فيها
صحيح تنقصني اشياء واجد
بس النقص هو سبب زود الحلا الي فيني



صواريخ حشا
صرت دبس مو عهود الحب ههههههههههه



تدرون انا تغيرت نظرتي للمراية

الحين اشوفها بشكل ثاني

اهم شي


قولوا ماشاءالله
مانزلت دمعة واحدة من زمان
بالعادة كل يوم كل يوم وترك
كل يومين ولا ثلاثة
لاعت جبدي قبل من عيوني تحرقني
الحين



انا مادري شسوي بروحي من كثر وناستي ودي اناقز



امبيه صج انه انا بنعمة
لاتقولون ليش صرتي خبلة ههههههههههههههههههههه
الظاهر مومصدقة روحي

كلمت المحامي وكان كلامه حلو وونسني انا بتطلق يابنات قريب وبسوي عيد ميلاد طلاقي
وبحط دي جي وبرقص لكم بس لاتقولون اقعدي فضحتينا عن الهبال ياعهود





ويويلها وياسواد ليلها الي تجي وماترقص
ورجاء بدون كورسيهات خلوها فرايحي هههههههههههه

 

[عهود الحب]

رد: إذا أنتي مطلقه شاركينى؟

اهم شي الاخلاق الحميدة هههههههههههههههههههه



اختي نورة الي مايعاملج كـ ملكة وانتي خطيبته
ياعيوني ماراح يعامله عدل طول حياتج معاه


لاتندم على مافات
وكل قرار انتي اتخذتيه مكتوب لج بنصيبج
يعني قضاء وقدر
وحكم ربنا مانقدر نرده يالغاليه



لاتاكلين بروحج
انتي بنت والحياة حلوة وبتضحك لج
وباجر الله بيرزقج بواحد يتوجج ملكة على قلبه واهم شي يدلعج ويدللج وماينتقد فيج





لاتندمييييييييييييييين الندم موزين ولايفيد



سمراء كويتية افا عليج فصلت غرفة رخيصونه بس عسل على جبدي
غرفة نومي طلعتها برا بالمخازن الين اجيب واحد يوديها لبيت اهلي
سرير الشقى فككته فك الله حنج الظالم
ومن الصبح عامل يدش وعامل يطلع


وعهود لابسة عباتها وتحوس بينهم



انا حياتي الحين احسن
صحيح انا على ذمته
لكن يخسي
مايهمني ولاعاد اتقبل مجرد ذكرياته تطوف براسي



تدرين ليش لأنه انا استاهل اني اعيش صح وان ظليت بقمقم الذكريات بيطلع لي مارد يزنطني ههههههههههه

الله المستعان
اكركر من اليوم من كثر خبالي يالله سترك


فديتكم بنات بروح اكمل قرقة على راس العمال

 

[نانصي]

رد: إذا أنتي مطلقه شاركينى؟

اختي الي تقول اني استعجلت بقولج شي انتي ترضين حد يسب ابوك عشان طلب يسويلك عرس؟؟؟وترضين حد يقول عن اخوانك انهم مورجال لانهم ماتهاوشو؟؟؟؟؟؟؟وترضين حد يقول عنك وسخه وانتي مهتمه بنظافتك؟؟؟تبين اكمل ولاخلاص صحيح انا فيني عيوبي وغلطاتي بس بعد انا بنت وفتحت عيني عليه هو ليه يجرحني اذا موعاجبته ليش خذاني ردك قهرني وحرقني محد فاهم ان الوحده اذا زوجها موعاجبته اجل بتعجب من سواقهم ولا راعي البقاله اساس الزواج التناغم والاحترام مو كل مايجي قط كلام متى تفهمون....:0bee2e8d89:

 

[ألوان مائيه]

رد: إذا أنتي مطلقه شاركينى؟

الاحترام هو اساس الزواج و بدون الاحترام لا وجود للحب

 

[alzaiin]

رد: إذا أنتي مطلقه شاركينى؟

يا حول الله يابنت الحلال هدي هدي الظاهر اثر عليك باللسان انتي عارضه قصتك وتبين راينا والا تبين نقول اللي انتي تبينه؟؟؟؟

يبه اسفه وحقك علي واعتبري كلامي ما انقال ولا انكتب :eh_s(1):
شوفي كلامك بالبدايه شنو كاتبه انتي ...

(ما اقولكم شين حبني وحبيته وكان زين وفيه وايد طبايع زينه بس انتقاداته المتكرره ) هذا اللي قلتيه؟؟؟

وعقبها فصلتي الموضوع(سب ابوي واخواني مو رياجيل وانتي وسخه)
هذي مو انتقادات هذي قلت ادب

بليز حبيتي حاسبي على كلامك احنا نتبادل اراء واقتراحات ونخفف من بعض مو ( نقط كلام ) .. :gathering:

وعلى فكره عيب يا ماما (متى تفهمون) :eh_s(14):


كم عمرك يا نانصي؟ :tek:

 

[alzaiin]

رد: إذا أنتي مطلقه شاركينى؟

[B]سلامي لعهود وللجميع :tek:

ماقلتي لي ممكن الايجار بالدور 3 بفيلا تبعك [/B]؟ :dddds:

 

[نانصي]

رد: إذا أنتي مطلقه شاركينى؟

عمري 29 سنه واذا ودج تقولين شي قوليه وسوري اني عصبت بس برضو ردك كان ينرفز اكثر وانا محد يقولي يماما عموما صح كنت ابي رايكم وكلا حر برايه...وكلمه متى تفهمون قصدي فيها متى تحسون ماقصدت انكم ماتفهمون فهمتيني ياعزيزتي انا موداخله اتهاوش انا داخله اتشارك معكم همومنا وشكرا:gathering:

 

[alzaiin]

رد: إذا أنتي مطلقه شاركينى؟

اكيد حبيبتي محد داخل يتهاوش والكل عنده مشاكل وهموم بس انتي الله يهديك كنتي دايسه 200
ردي كان ينرفز ؟؟؟ !!! >>>>>>>>>>> انتي متاكده انك قاريه كلامي عدل ؟؟والله مافيه شي :gr4uu: انتي قلتي وايد طبايعه زينه بس الانتقادات المتكرره فقلت اذا بس انتقادات كلام وطوفي هذي ماتعتبر مصيبه .. مقارنتن بمشاكل البنات اللي سكير واللي راعي قمار واللي مغازلجي واللي يطق واللي واللي .. بس لما عصبتي وفصلتي انه يغلط ويهين اهنيه تغير الموضوع..:eh_s(13):
عالعموم ما صار شي . وارجع واقول الخيره بما اختاره الله ... وسامحينا اذا نرفزناك بدون قصد وربي الشاهد:flower:​

 

[عهود الحب]

رد: إذا أنتي مطلقه شاركينى؟

علامكم يابنات يالله صباح خير


الزين لاتهاوشين نانصي لا ازعل عليكم ثنتينكم
نانصي ماقريتي ردي
الخطيب جاي جاي بس الصبر زين اذا الله كاتب لج عرس بتعرسين وبنفرح فيج



بالنسبة للدور الثالث ابشري باللي بتسكنج يمها عشان كل صبح مطاقق عيالنا يلجونا
يالله سترك
والله مااعتقد اني بطلع من البيت هذا الا للصليبيخات هههههههههههه
الله كريم