إجتماااااع الأمهات

[مخروووشة]

الله يعينا والله ماني عارفه شسوي

المشكله اني بصفي بنتين امهمه متوفية خايفة من اغنية اللام

 

[nero]

مخروووشه

وصي اهلهم لا يداومون يوم الاجتماع
حرام تنكسر قلوبهم صغار .. يشوفون كل طفل مع امه وامهاتهم متوفين

الله يرحمهم برحمته الواسعه

 

[أحلى مها]

السلام عليكم ورحمة الله وبركاته السنه الي فاتت اشتريت ورود من بياع الورد وانا سويت طوق ورد تاج حق البنات راح احط صورته لكم انشاء الله

بأقرب وقت وحق الصبيان اشتريت تاج مثل تاج الملكه اكيد تعرفونه من بو اميه بس شنو شلت الريش الي محطوط عليه

وحطيت له ريش طاووس طلع وايد حلو وقلت حق اهلهم يلبسون البنات نفنوف ابيض والصبيان بنطلون ابيض وتي شيرت

ابيض وطبعا اول مادخلوا النشاط سكرت الليتات وخليت اضاءه خفيفه وشغلت جهاز الليزر اكيد تعرفونه يبيعونه بمحلات

الالعاب وانا شاريته من مكتبة السنافر بس ترى عجيب اهوا جهاز صغير ومو غالي يمكن بخمسه بس لونه قوي يشبه الليزر

الي يشغلونه بالعروس و الله وفي معاه بعد اشكال تتغير يعني تختارين الشكل الي تبينه ولما وصلوا المسرح شغلت الليتات

مالت النشاط وكانت الموسيقى الي ادخلوا عليها مالت الاغنيه الي راح يغنونها حق امهم بآخر النشاط بس الدخله كانت بس

موسيقى بدون اغنيه ودخلوا طابور بنت ولد بنت ولد ورا بعض ومشوا على الزوليه الحمرا لين وصلوا المسرح وبعد كنت

مخليه كل طفل يعلق كره الغش بيده اليمين اعتقد تعرفونها الكره الي اقصدها انا شريتها من بياع الورد وكانت حتى بكرتون في ست كور تقريبا ومزينين

بورد شوي وراشينهم لون ذهبي وانا حطيت كاكاوه على كل كوره وحتى حطيت فيريرو روشيه لانه لونه ذهبي نفس لون

الكره كان شكلهم حلو وحطيت حق الكره مثل السلسله علشان اعلقها بيد كل طفل ولما وقفوا على المسرح وعقب ما صفقوا

لهم اهلهم راح كل طفل عطا امه هذي الكره الغش وحب امه والكره ترى شكلها حلو وتبقى اكثر من الورد الطبيعي الي يخترب بنفس

اليوم بس كان شكلهم الاطفال وايد حلوين ومرتبين لانه اللون الابيض حلو وايد على اليهال ويخليهم مرتبين وانشاء الله راح احط لكم

صورة تاج البنات والصبيان والكوره الغش وبالنسبه حق الدعو اشتريت العصايه الي عليها فراشه اكيد شايفينها موجود في

بو اميه بعد اخذتها انا من طيور الجنه الي بحولي اخذت اللون الابيض واصفر وردي وازرق يعني كان عنده الوان حلوه

هاديه والعصايه فيها شرايط فشسويت كتبت الدعوه ولفيتها مثل رول وربطتها بالوسط بشريطه من الشرايط وطبعا اخترت

اوراق الوانها تتناسب مع لون العصايه بس الورقه ماكانت حجمها كبير يعني قصيت كل ورقة اي فور حق اربع اجزاء

واتمنى اني افدتكم وسامحوني اذا قصرت وأي سؤال حاضر من عيوني


أحبكم بالله
:33_1185028183:

 

[UMNASER79]

تسلمين يامها على الإبداع ماشالله عليج
إذا عندج أفكار حلوة للدروس مثل للكلمة أو العدد لاتبخلين علينا

 

[أحلى مها]

بنات نسيت اقولكم عن المسابقه طبعا كانت المسايقه بين اثنين من الامهات وكل ام معاها طفلها حطيت استاندين وكل استاند عليه ورقة وسيله ويم كل استاند حطيت سله فيها صمغ ومجموع ست او سبع صور من صور اطفال الصف ولون و المسابقه اهيا إنه الام تلصق صورالاطفال الي موجودين بالسله عندها والولد يقولها اسم كل طفل واهيا تكتب الاسم تحت الصوره وحسيتها مفيده وفيها حماس وتعتمد على ذاكرة الطفل وسرعة الام ووايد استانسوا منها

 

[أحلى مها]

الله يسلمج ام ناصر وان شاء الله من عيوني راح اكتب افكار حق الدروس بأسرع وقت

 

[مخروووشة]

والله خوووووووووش افكار

نيرو قلت بس الناظرة مارضت قالت مو حل

 

[بريق الماسه]

ومسابقات الامهات ليش محد تكلم عنها ؟

 

[AL~ZaSeMa]

مرحبا

يعني الحين اجتماع الامهات شهر 11 وعلى حسب الروضة

انا باجر داقة عالروضة اسال متى بسوون الاجتماع لاني اخر 11 مسافرة واخاف يطوفني

 

[nero]

ومسابقات الامهات ليش محد تكلم عنها ؟

احنا الحمدلله مفتكين ما يبون مسابقات

نشاطنا العادي وخلاص

 

[عبير28]

افكار لاجتماع الامهات

مرحبا بغيت منكم افكار ابي لاجتماع الامهات ابي فكره البس فيها عيالى اميزهم بالنشاط لانه بس اجتماع لصفى والصف اللي يمى

ابي افكار غريبه عشان اقدر انفذها لانه الاجتماع بعد اسبوع


واتمنى تفيدونى وماتقصرون

 

[قلبي ابيض]

رد: افكار لاجتماع الامهات

سوي بطاقات حلوة (في جاهز ) لكل طالب يعلق البطاقة مثل القلادة ويكون مكتوب فيها انا احب **** يعني اسم الام ( ام الطالب ) مثلا سارة << عجيبة طريقة شرحي :tomato2:

او كل طالب يقدم وردة للأم :klhfl:

وان تذكرت شي رجعت:eh_s(6):

 

[الحياة]

انا بسوي هديه حق عيال صفي رزمانة من تصميمي وكل رزنامه خاصه فيه وكل شهر فيه له صور بالروضة وشنو يسوي بالروضة.. وبيفرحون الامهات وايد ادري لاني العام ممسويتها

واللبس مادري عنه انا عندي عبادي الشمي كبار على باندات البسهم اياه ولا ماله شغل لانه اعتقد بنكون بصختي وسلامتي.. شلبسهم..؟

 

[عهود الحب]

انا ماراح اسوي مسابقات امهات
قررت وقرار خير ان شاء الله
لأنها بتكون بالصف
وشحقه اعور قلبي دام بالصف ولاحدن درى ولاحدن شاف
واهم شي انه فوق التعب بالتجهيزات
كل صفوف ثواني مع بعض
وع محدن درى عن تعبي خاصة انه الادارة مايلحقون شلون يراقبون الوضع لاصعبة صج

 

[عهود الحب]

بنات لقيت باسواق بومية فراش كبار طبعا من زمان اهوة موجديد وحمامة كبيرة اقصد جناحينها
ومفكرة اخلي الاطفال يدشون جي يقودونهم الفراشة والحمامة وبلبسهم ابيض بابيض بنطلون وفنيلة
وعندي قلوب حب من ابومية اهمه تعليقات سيارة بخليها مثل القلادة لهم وكراكيش بايدهم
ولقيت قبعات يهبلون وبلزق عليهم عبارات حلوة مثل ياهلا وياغلا
وهكذا هلم جرا


بنتقاطط انا والي معاي ونشتري صينية حلو وترمس شاهي وترمس قهوة واصبه فوق روسهم اقصد اصبه بفناجيلهم
لاتفهموني غلط
بس حده امهات عندي ودي اقهوي ملفعهم هههههههههههههههه


مايتكلمون بس يطرشون لي الرياجيل يتهاوشون معاي
اهببببببببببي يالحريم سويكتات ويخوزززن ولي جا باجر ولا الطنطل مطرشينه يشتكي ياعيباه
على سوالف جهال وهواش جهال
وليش ماعطيتي الصبي بفك خخخخخخخخخخخخخخ
مابي اعطيه كيفي
< كبري عقلج يامره :/

 

[DoOoOoha]

ماشاءالله تبارك الرحمن

افكاركم وااايد حلوه ومفيده

وعجبتني فكره الدعوه اللي معلقه بالفراشه شكلي بسويها

انا مفكره اسوي مجله حق الام فيها كل المعلومات عن ولدها صوره وتصرفاته داخل الصف واصدقائه وكل شي

واحط الكراسي واسماء امهات الاطفال عليهم مثل ام ساره وعلى الكرسي مجله ساره

ها بالصف واحتمال نسوي درس فيه عددي عشان نسوي مسابقات ويلهون

اما بالنشاط ليمن الحين ما فكرت

فيه فكره بس سوها عندنا ان تصورين عيالج كل واحد يقول كلمه حق امه وتعرضينها على الداتا شو وان هذي هديه من عيالكم لكم

مادري شسوي فكره مميزه ؟؟؟

ساعدوني حق النشاط

 

[نورالقمر24]

فكرتج وايد حلوه انه امطالبه وعجبتني الفكره

 

[منورة]

DoOoOoha,واااااااااااااو فكرتج حلوة يمكن اسويها خصوصا انهم موفرين لنا داتا شو مايحتاج أجر


عهووووووووووووود خخخخخخخخخخخخخخخخخ اجل يهاوشونج ع بفك لو شبس شراح يسوون فيج ههههه

المهم وين سوق بو مية هذا كل اللي شفتهم مافي شي ينفع ابي شي بلبسهم واخليهم مميزين هالسنة عندي غييييييييير بطلع ابداعي عقب ماراحت اللي بالي بالج ^ـــــ^

 

[DoOoOoha]

ثانكس ثانكس اخجلتوا تواضعي

<<<< اقول عااااد


طيب شنو افكار سمعتوا فيها غريبه وجديده

عطونا الافكار خل نغير ونزيد عليها مافيه وقت يالله يميدينا نشتغل

 

[بريق الماسه]

ومسابقات الامهات ليش مو مهتمين فيها .بلييز نبي اكثر من مسابقه مشوقه للامهات .ردووا بليييييز لا تكشتون