إختي خرعتني ......

[((البرنسيسا))]

صباح الخير

شلونكم بنات إن شاء الله بخير

بنات انا امي تشتغل فتخلي اختي الي عمرها 3سنين

الصبح عندي المهم ذاك اليوم الصبح كنت بنومها مارضت

تأشر صوب مكان دراستي بالغرفة وتقول (ليال) معناها ريال

انا ماعطيت الموضوع اهميه بس صارت ماتحب تنام عندي بالفراش

وتو كنت نايمة لقيتها واقفة عند باب غرفتي تبجي( هي تنام عند امي بس احيانا تجي تنام عندي)

المهم قمت شلتها وحطيتها عندي بالفراش غفت شوي قامت تبي تنحاش مسكتها ولا تطالع الطوفة

الي صوب راسي وبجي وتبيني اهدها وحاولت اهديها ماكو فايدة تخش راسها وترفعه تطل على الطوفة وترد

تنخش وكانت مخترعة واضح انها شايفة شي مارضت تهدى الا لمن شغلت سورة البقرة ياله هدت بنات حدي

الحين خايفة اي قج قبل فترة كنت رايح سنتر بوينت وشريا منهم شمعة بزجاجة كبيرة مثل العطر ولها فوق غطى دائري

وكنت لمن اشغلها وابي اطفيها اصك الغطى وبعد فترة طويلة حيل قلبت الغطي على نياتي ولا الاقي الدخان الاسود

الي يطلع لمن تطفون الشمعه راسم قلب بالغطى انصدمت لان الشمعة دائرية شلون الدخان يصير على شكل قلب واضح

صورتها يومها وريتها حق خالاتي قلت لهم بضحكة يضهر في جني عاشق ، بنات تهقون غرفتي فيها شي حدي خايفة موقادرة انام بعد الي صار حق اختي

 

[ربي محتاجتك]

يا حياتي يمكن في شي مو طبيعي اب دارج
ارقي نفسج وحطي لج مسجلة علا سورة البقرة ولا تنامين الا يوم تشغلينها وهم ارقي اختج الصغيرة
يما الشماة شكلها مو طبيعي اشلون ينرسم قلب حب خرعتيني سمي بالرحمن وانتي تقطينها
وقولي دايما اعوذ بكلمات الله التامة من كل شيطان وهامة وكل عين لامة
وبسم الله الذي لا يضر مع اسمه شي في الارض ولا في السما وهو السميع العليم
ضرووووووووري تشغلين سورة البقرة دايما
الله يعينج

 

[((البرنسيسا))]

يا حياتي يمكن في شي مو طبيعي اب دارج
ارقي نفسج وحطي لج مسجلة علا سورة البقرة ولا تنامين الا يوم تشغلينها وهم ارقي اختج الصغيرة
يما الشماة شكلها مو طبيعي اشلون ينرسم قلب حب خرعتيني سمي بالرحمن وانتي تقطينها
وقولي دايما اعوذ بكلمات الله التامة من كل شيطان وهامة وكل عين لامة
وبسم الله الذي لا يضر مع اسمه شي في الارض ولا في السما وهو السميع العليم
ضرووووووووري تشغلين سورة البقرة دايما
الله يعينج

اي شفتي انا مصدومة شلون دخان يرسم صورة قلب وااااااضح ومن غير زوائد يعني باييين

انه مرسوم رسم حتى لمن وريت الصورة حق رفيجاتي وخالاتي عبالهم اتغشمر بس وربي اني صاجة
وحدة للاسف جذبتني ادري الي صاير يمكن مايتصدق بس الله يشهد انه صج

تسلمين ياقلبي على نصيحة

 

[HaAaDoOol]

يممه تخرع اختج

شغلي آيات قرآان ونامي

والله يعينج

 

[♥ SWeeRa ♥]

خوفتيني ..

 

[كارهه نفسي]

اليهال يشوفون اشياء احنا ما نشوفها حبيبتي رقي نفسج ودايما شغلي سورة البقره بغرفتج بسم الله الرحمن الرحيم

 

[ام الدرر]

حبوبة لا توسوسين ما كو الا العافية ان شاءالله
اختج صغيرة واحيان اذا الغرفة نورها شوي
اي شي بالغرفة يسوي خيال من الزاوية اللي هي نايمة فيها
خلي النور مفتوح وراح تشوفين ان شالله انه مافي شي ​

 

[khawla&tito]

بسم الله الرحمن الرحيم شغلي سورة البقره

 

[@sweet angel@]

كل يوم شغلي سورة لبقرة وانتي ارقي نفسج وداومي على اذكار الصباح والمساء والنوم وباذن الواحد الاحد مايصيرلج شي

حفظج الرحمن بحفظه

 

[granted]

اليهال خيالهم واسع أذكر واحنا صغار كنا نقول على غرفة يدي انها فيها ينانوه وصج كنا مستحيل ندشها بروحنا وهذا احنا كبرنا وندش غرفة يدي الله يرحمه وساعت اننام فيها
منصجج انتي عبالج يني عاشق شي سهل لا حبيبتي بتحسين بضيقه وبتشوفين اشياء وبتحلمين
صدقيني في حد مخرعها بغرفتج عشان جذي صارت تخترع

 

[HaAaDoOol]

قمت اخااااااااف الله يعينج

 

[Tulips]

لا شدعوه مس عاشق .. ماتوصل لهالدرجه
بس شوفي الجن عايشين معانا وهالشي معروف وانا سمعت انه اليهال يشوفونهم مادري صج ولا جذب ..
انتي دايما شغلي البقره بدارج وان شالله ماكو الا العافيه

 

[((البرنسيسا))]

تسلمووون يابنات ريحتوني

نسي مااقولكم انه ان انا كل مانسكن بيتنا كنا بشقة واحد من ليتات غرفتي
يطفى فجأة ومايرضى يشتغل ماخلينا مصلح الا ويبناه كلهم ماقدرو
يخلونه يتصلح واذا صلحوه بس يروحون يرد يطفى

الحين الحمدالله شرينا بيت وهم غرفتي ليت واحد فيها سوا نفس
الحركة ومو راضي يشتغل الانارة موشي لانه ليت الطافي مخرب عليها
ومرة ابوي حاول يركب ليت اول ماركبة ليت طاح بس كان يدووور حيل ابوي قال حق
اخوي لا تقول حق اختك بس انا دريت وطنشت هذا غير الاصوات الي بالليل اصوات طق

مره كنت نايمة ولا افز حسيت باحد قاعد يمي على السرير من الخرعة ماتحركت بعدين حط راسه
يمي ونام مادري من وين يتني الشجاعة قمت وبطلت البطانية مالقيت احد ووفي اشياء وايد
يعني مرة تطلعلي بالحلم حية سووودة من تحت السرير ومرة وانا بروح اتسبح
بس كل هالامور كانت قبل الحين انا الحمدالله مافيني شي صحيح تصير بعض الامور معاي مالها
تفسير مثل مرة ابوي جاب مرايا وقال بحطها بغرفتج بس انا ماعجبتني اول مادخلها وحطها انكسرت
ومرة كنت معقبة من شخص انكسر الصحن بيده ومره ابوي زفني ولا يعثر ووايد اي واحد يضايقني بشي
يصير فيه شي وانا اظل مصدوومة وساكته مابي اتكلم اكثر من جذي نفسيتي تعبت

 

[((البرنسيسا))]

انا الماضي الكئيب حذفته وراى ظهري من زمان بس انصدمت لمن شفت القلب @@

وبعدها الي صار وويا اختي خرعني

انا مااقدر الحين احطلكم الصور بس اشبك من لاب بحطها لكم

 

[اوتار الحياه]

شغلي قران ولاتنسي اذكار الصباح والمساء

 

[~ بنت الهدى ~]

يمه خفت
اختي الصغيره كله تأشر و تضحك بروحها و تنادي بأي اسم و المكان فاضي ههههه
بس ماطرى على بالي ان ممكن يكون فيه جني احس بيتنا مايغري عشان يسكن معنا جني
اسم الله علينا اعوذ بالله من الجن

 

[~ بنت الهدى ~]

قبل لاتنامين توضي و اقري آية الكرسي حبيبتي و المعوذات

 

[اشجان الليل]

شي يخوف بس ترا بنت اخوي بغرفتي كان في ستكرزه كانت تشوف الطووفه وتسوولف
قمت اخااف واطلعها برا الغرفه بس لما يكون معاي احد صرنا نكتشف كانت تشووف ستكرزه او خيال
لاتحطين شي ابالج وتوسوسن على كل حال حطي قران دوووم بدارج

 

[((البرنسيسا))]

جبت لكم الصور بس قبل لا تشوفونها بشرح لكم انا لمن كنت اشغل الشمعه كنت ادوخ حيل بس مااهتميت قلت يمكن علشان لعطور لأني ريحة العطر القوي تاذيني ولمن اطفيها نفس الشي انزعج من دخانها فكنت اصك عليها الغطى فكانت تطفى من نفسها

هذي صورة الشمعة

مااكتشفت القلب الا بعد فترة طويلة



وهذي صورة القلب



:eh_s(10)::eh_s(10)::eh_s(10)::eh_s(10):

 

[علشان شو]

والله صاجه ياعمري سمي بالله ولا تفكرين بالموضوع وووايد شغلي سوره البقره وتوكلي على الله ان شاء الله يحفظج