إختي خرعتني ......

[((البرنسيسا))]

ونعم بالله

انا مابي شي بس ابي استوعب شلون
طلع القلب اقول يمكن الجني حب يثبت حبة لحبيبتة الجنية بطريقة جديدة
ويت على راسي خخخخ او يمكن حب يلعب بس جذي لان المفروض من كثر الاستخدام الغطى
يكون كله اسود مو قلب @@

 

[ابـيـض واسـود]

يمه خفت
اختي الصغيره كله تأشر و تضحك بروحها و تنادي بأي اسم و المكان فاضي ههههه
بس ماطرى على بالي ان ممكن يكون فيه جني احس بيتنا مايغري عشان يسكن معنا جني
اسم الله علينا اعوذ بالله من الجن

ههههههههههههههههههههههههههههه عاد يقولون الجاهل لين عمر 4 سنين يشوف جنااني

 

[كويتية222]

شغلي سورة البقرة واقريها وتوضي ونامي ع طهارة

+

رقص وهالسوالف افتكي منها

وماكو الا العافية

 

[ليدي أوسكار]

ٱنتـيےح حاطه ف عرفتج صور أو رسوم أو تماثيل أو مجسمات ؟؟

 

[ملكه الآلماس]

ياعسل اذاعندك في غرفتك عرايس او دببه اومجسمات .. شيليهامن غرفتك. وعلى فكره الاطفال اللي في عمر اختك واصغر يشوفوا الجن.عشان كده حاولي ترقي نفسسسك واختك قبل الفجر والمغرب.. وشغلي سورة البقره باستمرااااااار في غرفتك وفي البيت كله.

 

[ملوكه 92]

بسم الله الرحمن الرحيم امبيه ياريتني ماقريت الحين شينومني الليله يماا

 

[((البرنسيسا))]

شغلي سورة البقرة واقريها وتوضي ونامي ع طهارة

+

رقص وهالسوالف افتكي منها

وماكو الا العافية

مشكورة حبيبتي على النصيحة

احنا الحمدالله مانسمع اغاني

 

[((البرنسيسا))]

اي عندي دببة بس كله اخشهم بالكبت
علشان امي ماتقطهم خخخخ

بس عندي بومة لونها ابيض شريتها لمن كنت صغيرة ولا زلت محتفظه فيها
وحاطتها على مكتبي وعندي راكون شفته بسنتر بويينت وينيت عليه حاطته يم لابي

 

[((البرنسيسا))]

بسم الله الرحمن الرحيم امبيه ياريتني ماقريت الحين شينومني الليله يماا

عيل شتقولين عني ههههه انا بروح انام لمن ينامون قبل لا الكل ينام واظل بروحي اخترع

 

[Patcholli]

رشي ملح خشن بزوايا غرفتج وتحت فراشج .. وشغلي سورة البقره على طول بشكل يومي

 

[دلولي]

حبيبتي تعوذي من الشيطان ولاتفكرين في مثل هالامو ترا التفكير مرض اساليني وعليك بقرائه سوره البقره وخلي اختك معاك ممكن بسم الله عليها اهي متروعه سفره المغرب وجايتها روعه وبعد ماتقرين سوره البقره انفثي في بطل ماي واشربي منه وشربي اختك ورشي بغرفتك واذا كنتي تحطين اغاني في غرفتك خفي منها وخذيلك مسجل يشغل بي ام 3 وشتري سي دي المصحف كامل القارئ احمد العجمي مشاالله يهبل صوته

 

[عادت ذكرياتي]

أعوذ بالله من الشيطان الرجيم

 

[princess-m]

شغلي سوره البقره ع طوول
وعليج باذكار الصباح والمساء
وان شاءالله ما فيج الا العافيه ​

 

[عشق الدلال]

يمكن اختج يوم نامت عندج حلمت حلم مو زين وقامت تذكر الحلم لما تجي دارج ..

 

[simply diffrent]

شغلي قرآن واقري الاذكآر

 

[فطوم 84]

شغلي البقره واقري يوميا القران والاذكار ولاتبطلين درايش اذا في بغرفتج ولاتبطلين الباب المغرب واقري الرقيه الشرعيه بماي وصبيه او رشيه بكل الغرفه وصدقيني مدام الياهل بجت وطلعت برا هذا معناته صج الغرفه فيها شي سوي اللي قلت كله واذا في بغرفتج مناظر وايييد حاولي تطلعينهم لانه هم موزينه وحاولي بدل الاشيا اللي تشترينه مامنها فايده حطي وعلقي اية كرسي بغرفه وايييد احسن والله يبعد عنك كل شر انا بصراحه بغرفتي مادخل شي الايكون فيه اسم الله او من اسماوه الحسني مواي شي تدخلينه غرفتج بالاسواق الحين اشيا محرمه ورسومات لعبدة الشيطان واشيا غريبه لازم ننتبه لهاالشي الله يستر عليج ويكافيج شر وسوي اللي قلته لج

 

[أم خشم]

الاطفال ,, لهم القدرة على انهم يشوفون الل يما نشوفه احنا يالكبار
احنا مرة بنت رفيجة اختي اشرت على السقف و جان تقول ,, ريال قاعد ينظف ,, شوفي شوفي
طبعا ما يحتاج اقول شنو صار فينا ذاك اليوم ,, هههههههههههههه
شغلي البقرة ,, بالغرفة ,, و بصوت عالي نسبيا ,, و اغتسلي بالسدرو الملح الخشن او ماء البحر بعد القراءة عليه
والله يحفظج من مكائد الشيطان ومن كل شرووره

اللهم أمين

 

[»βαzεя«]

خرعتينيييي !!!

ترا جد جد يمكن يني يحبج جد قاعده اتكلم لأنها واايد صارت اب ناس

سوره البقره شغليها بدارج على طووووووووووووول و اقري اذكار الصباح والمساء

 

[»βαzεя«]

واختج شافته .. لأن اليهال يشوفون الجن


اعوذ بالله

 

[((البرنسيسا))]

فطوم٨٤



مشكورة على النصيحة ^^