اللي ايده بالماي مو نفس اللي ايده بالنار انتوا واسمحولي ع الكلمه تتكلمون من فراغ و من راحه
تتفلسفون و لا انتوا فاهمين الوضع ولا عشتوه,,,,
انتوا حسبالكم الوحده لي تطلقت ومعاها عيال سهله؟؟ حسبالكم تفكيرها مرتاح؟؟
انا انفصلت ومعاي بنت و الحمدلله رب العالمين عيشتي هنيه عند اهلي مرتاحه
لكن ابي ريل يكون سند لي بالدنيا انا ابي اييب اخوان وخوات لبنتي
ابي افرح مع ريال يحبني واحبه وعيال وايد يملون علي دنيتي ابي بيت بروحي
ابي مملكه بروحي ابي اعيش حياه طبيعيه مثل باجي البشر شاللي يمنعني يعني طليقي يتزوج
وييب عيال ويهمل عيالي منه عادي وشي طبيعي لكن انا اذا فكرت اتزوج واييب عيال اصير ام مهمله وحرام فيني كلمه
ام ومااخاف ربي و وقلبي صخر ومادري شنو؟؟
انا اذا تزوجت بشرط بنتي معاي لكن اذا ماوافق صحيح بيكون شي صعب لكن بكون مضطره واعيش وضع صعب ولا
اعيش وضع اصعب.,,,
يعني برفض المعاريس و بقعد في شقه ببيت اهلي وبعدين؟؟ اخواني وحريم اخواني و امي وابوي كلهم عايشين حياتهم
الا انا واقفه ساعتي وماعندي اي جو ولا حياه؟؟
اكبر وتكبر بنتي,,,, وبعدين؟؟
تزوجت بنتي وخلتني وانا؟؟
ماعندي الا بنتي انا احبها واغليها لكن منو يضمن اني بعيش ليما تكبر بنتي؟؟
يمكن اتوفى ويمكن تتوفى بعيد الشر عنها؟؟
ع الاقل لي تزوجت بيكون عندي بيت وبقنع زوجي اييب بنتي و يمكن يلين قلبه ويقول ييبيها
و بيكون عندي بيت وعيال و بكون مرتاحه نفسيا وعاطفيا,,,
ويمكن اتزوج ريال يقول موافق ع بنتج و بتزوجج هل في هالحاله ارفض الزواج؟؟
و غير هذا في زواجي الثاني فرحه لي و لاهلي لان الاهل مايحبون يشوفون عيالهم متضايقين وحياتهم محطمه
