(إذا مالبستيه بالرضى رح تلبسينه بالغصب ) ؟؟؟؟؟؟؟؟

[tmtmt]

طبعا لا ...

لن قاعدين نشوف اليعض الي قاعد يلبسه بالغصب شلون قاعد يلبسه الله يهديهم

 

[đeɱɛɼɑ™]

اختي انتي تقولين انه بتطبيق هالقآنون نصلح الديرة
وانه البنت اللي تقطه بره ديرتهآ تحس بغصه .. بسس اللي نشوفه غيير
يعني ضربنآ لج امثلة حية على هالقآنون ومحنآ ذآكرين هالدول عشآن ما يحووشنآ طشآر !!

انا ادرس برة .. وشايفتهم جدآمي .. لا غصة ولا هم يحزنون
شعورهم على آخر موضة واللبس الحلوو والله جذآبين ماشاء الله.. وغير وحدة منهم كانت متحجبة اول ما تعرفت عليهآ
بعدهآ جك بم قآطه الحجآب لا و ازيدج كان معاها اخوهآ محرم !! وتقولي اخوي اللي قالي قطيه !
شتحجين وتقولين .. احنا ندري الحجاب فرض من الله -سبحآنه- موو من النآس
كل واحد يختآر طريجه بهالحيآة يا يمين يا يسآر ..
حتى رسولنآ صلى الله عليه وسلم مااااا فرض الدين على غيره .. نيي احنآ نفرضه ؟

قاعدين نضرب لج امثلة طبقت هالقآنون ونشوف شلون هالبنآت مغصوبين وبآقرب فرصة
قطوه .. شنو استفدنآ ؟؟؟ بالعكسس جذي نزيد النار حطب ونكرهم بشي اسمه حجآب بس لانه غصب

انزين خلي هالدول .. هني عندنا بالكويتْ البنت اللي مغصوبه على الحجاب من اهلهآ او حتى النقآب
لاحظي شلون لبسهآ .. و اغلبهم موووووووووو طايقين شي اسمه حجاب ..و بآقرب فرصة تكون بعيدة عن عيون
اهلهآ فصخته !! تدرين ليش ؟ لانه بالغصب
يعني بدآل ما ندعي البنآت للحجآب قاعدين انفرهم منه وماا اظن هالشي اهوه هدفج

الدين النصيحة
والدين يسر مو عسر
وعمـــــــــــره مااكان غصب

 

[بنت بابا جابر]

لالالالالالالالالالالا

طبعاً مااااكو شي غصب ...

كلنا عارفين دينا عدل و كلنا نعرف ان الحجاب فرض وندري ...

مع ان بالكويت مااافي قااانون يجبر البنت على الحجاااب مع هاااذااا أغلب بنااات الكويت متحجبااات وبناااء على رغبه البنت نفسها ...

اللي تبي تلبسه الله يهنيها واللي ماااتبي اهيا حره ...

شنو الفايده اذا جبرناااهاااا عليه ... لأن اللي تبي تلفت النظر بحجاااب او بدووونه ....

الحمدالله بالكويت عندنا ثقااافه دينيه نعرف دينا الإسلامي وماااا علينااا قاااصرأبد مشاااء الله عندنا حلقااات ذكر ودروووس دينيه بكل مكااان على مستوى رفيع وراااقي ودعوااات عاااامه لنساااء والرجااال ويحاااضرووون فيها شيوووخ من الكويت والسعوديه والبحرين ومصر وغيره وغيره و مساااجدنا عامررره يالله من فضلك... والحمدالله عايشين ومرتاااحين وكل مسؤؤؤل عن تصرفاااته ... ومااااعندنا شي غصب

 

[al7b '7ald]

وشنو هل المنحاا ألي بيصير بلبس البنات لحجاب
الحجاب للبنت نفسها ماراح يأثر على غيرها
ودام أن الموضوع فقد روحانيته هل اجبار الناس عليه بعيدله الروحانيه ?!
أختي اسمحيلي انتي حاطه هل الموضوع ونتي مايده هشي ما تبين رأي أحد فيه
تبين أييبلج احصائيات تثبت فساد المجتمعات ألي تطبق هل القانون ?
لازم الفشايل عشان تقتنعون
وشدخل سالفة البويات والجنوس بالموضوع السالفه صارت تهجم على الكويت وخلاق أهلها o_o

 

[شنكولة]

ارد واقول ياااااااااااابنات الستر زين

 

[حرية رأي]

؛
الـــســلآمـ عـلـيـكـمـ و رحـمـة الله و بـركـآتـه

قلبووو شعوله تسلمين على هالموضوع .’,~

و أنــآ أوآفقج الرأي .’,|~

و يــآليت يتطبق القــآنون .’,~

صــرنــآ انحس إن احنــآ ابدوله غربيه من لبس البنــآت الله يستر عليهـمـ .’,~

و هـمـ نطبق الحدود و إيقآف المحــلآت و قت الصــلآهـ .’,~

و بنــــآت الحجــآب فرض مو ابكيف البنت تلبسه و إلا لأ .’,~

و ترآ البنــآت هالأيــآمـ قلة أدب و ميــآعه و فصــآعه أغلبهـمـ و قليل الي الحين متربيه صح .’,~

تخيلوآ في بنــآت أعرفـهـمـ يقولون بكرهـ لآ رحنـــآ الجــآمعـه أقدر أطلب من زميلي المذكرهـ .’,~

قلت لهـمـ شكو زميلج الله يخلي الزمـيــلآت .’,~

قــآلت لآ و عــآدي مــآ فيهــآ شيء .’,~

طبعـاً البنــآت أعرفهـمـ و مــآ يمشون إلا ابكلآمـ علشــآن يتعلمون قلت لهـمـ عفواً هذآ تفكير .... .’,~

طبعـاً سكتوآ و حقدوآ علي لأنهـمـ افتشلوآ و البنــآت تدرون كـمـ أعمــآرهــ/ـ ...؟

ابـ 5 و 6 ابتدآئي أمبيه ترآ انصدمت حييييييييييييييييييل .’,~

و كل وحدهـ اتقول ويييع مابي ألبس نقاب وعع ما بي ألبس عبــآيه .’,~

و إذآ جتهـمـ وقعدت عندهـمـ وحدهـ دينه و اتخــآف ربهــآ وتنصحـهـآ انحــآشوآ .’,~

بنــآت مــآفي برآءهـ هالأيــآمـ خــلآص .’,~

كلهـمـ أتبــآع هيفـآء ونـآنسي و حليمه و الفــآسقــآت هذول و مرام .’,.....

تخيلوآ بنآت صغــآر 7 و 6 سنين يغنون | خله يروح الله لا يردهـ | و | دقني | < أغــآني طــآيحـآت فيهــآ .’,~

و الله حتى ابعزآ هالبنــآت قعدوآ يغنون | سيبا عذب حبيبه | و الي مــآت قريب منهـمـ حيل .’,~

في ابـ خــآطري كــلآمـ كثير .’,~

و طولت عليج بس من القهر ودي أصفقهـمـ كف أخليهـمـ يتأدبون .’,~

و يقولون مدامـ أمي و آبوي موآفقين مــآلـج خص و أطــآلع أمـهــآ | مسكينه مــآلهــآ قدرهـ | .’,~~

و الأبو تـعــآيرهـ ابرفيجــآتـهــآ .’,~

بنــآت أخر زمن .’,~

و أكثر شيء قــآهرني إنهــمـ حتى الصــلآهـ مــآ يهتمون فيهــآ و إذآ قلت لهــآ صلي .’,~

اتقول يوهـ أنتي مو ربي علشــآن اتحــآسبيني .’,~

طلعت عن الموضوع بس حبيت أوريج هالفئه من البـنــآت و الي عرضتهـــمـ لج و لا شيء .’,~

و كله من التيليفزيون و مسلسلات فجر السعيد و أمثــآلهــآ و الفيديو كلبــىت .’,~

و الأهل الي ســآيبين اعيــآلهـمـ .’,~

تسلمين على الموضوع قلبووو .’,~

و أنــآ مـــع هالقــآنون جملة و تفصيــلآً .’,~.........




و مـــــع السلامــــه ,,,

|~|

استغفر الله العظيم

 

[tmtmt]

كحلاء العين : مو معناة هالبنات الي تعرفينهم جذي
يعني كل البنات جذي ..

ومو معناته ان كل اليهال بهالاعمار ما عندهم براءه يعني كل اليهال جذي

صح براءة قبل غير عن الحين بس حرام نقول عن اليهال جذي

 

[Hello_kitty]

اللي تتكلم عن عبده الشيطان والبوووووووووي من قالكم بس انها مو بدول اللي طبقت الحجاب غصب لا يا حبيبتي روحي السعوديه

وشوفي اوضاعهم حدث ولا حرج من البوي لي عبده الشيطان لي ظاهره التدخين حتى بمجمعاتهم تلقين لافتات بكل مكان الرجاء من السيدات

عدم التدخين!!

وعندهم بعد ظاهره يديده مو عندنا الشذوذ يعني بنات يحبون بنات مساكين من الشفاحه والكبت الزايد قاموا يحبون نفس الجنس!!

وظاهره المعكاسات عندهم شي خيالي اصلا حتى واهم مغطيات زين ما ياكلونهم علشان جذي مو سامحين لهم بالسياقه لن

الشباب مو مخلين احد في حاله حتى ظل المره يلحقوووووووونه ..

وشوفيهم لي راحوا بره الحين يقطون مو بس الحجاب حتى العباه والشباب تصير عندهم حاله مرضيه اسمها بناااااااااااااات
يهسترون مساكين


وروحي شوفي وسالي وعيشي بالمجتمع واذا استفادوا من القانون او لأ قبل لا تفكرين تطبقين القانون اللي فاشل فشل ذريع لأن عمره الشي

ماكان بالغصب واذا في مجتمعات متعوده على السمع والطاعه وامورها كلها مسيره غصبا عليها الكويت ماكانت ولا عمرها بتكون

غير دوله حره وشعبها احرررررررررررار اللهم لك الحمد والشكر

 

[معكرونه أسبكتى يم يم]

المشاركة الأصلية كتبت بواسطة đeɱɛɼɑ™

ضده .. لانه متطبق على ارض الواقع في السعودية وايرآن
و نشوف ايرآنيآت وسعوديآت بره ديرهم قآطييينه ! يعني ما استفدنآ شي لا طبنآ وغدى شرنآ

وبعدين الحمد الله عندنا بالكويت نسبة المتحجبآت كبيــــــــــــــــــــــــــرة
ولاااااااا يمكن تجآهلهآ .. يعني هالقانون ماله داعي

اتفق مع هالراى

بس عندى تعليق بسيط ياليت فعلا اكو قانون يلزم الحريم اللى لبسهم حيل اوفر مثل هالمريضات اللى نشوفهم بالافينيوز انهم يتسترون .... لاننا لاعت جبودنا من اللحم الرخيص اللى تارس المجمع !!!!!

 

[ЄŊg.Đσ`3Ч]

آمنيتي يطبق ~
مشكووره ع الموضوع ||

 

[FiOnKa]

طبعا ضد هالقانون

اولا الكويت مو كلها مسلمين فيه مسيح ,, يعني بنفرض عليهم شي مو بعقيدتهم وله بديانتهم ؟ ,, طبعا مو من حقنه

ثانيا من عمر الدنيا و الكويت فيها سافرات و محجبات و كل وحده و قناعتها و كل انسان وزره على نفسه و الانسان مخير مو مسير

ثالثا الحجاب حجاب النفس عن المعاصي و الاغلاط قبل لا بكون باللبس و الشكل ,, صح انه لبس الحجاب فرض على كل مسلمة

لكن حجب النفس عن المعاصي و الاغلاط اهوو اللي بيخلي الدنيا تسير بسلام ,, و كلنه نعرف قصة المرة اللي تصلي و تصوم و

ملتزمة بدينها بس ما كفت اذاها و لسانها سليط على الناس و دخلت النار ,, هذا اكبر دليل على انه الدين المعامله ,,

و ممكن انسانه غير محجبه تكون عند ربها افضل من انسانه محجبه و منقبة بعد ,, و اللي علينه انه ندعي بالهدايه مو نفرض قانون قمعي

 

[ღ كحلاء العين ღ]

كحلاء العين : مو معناة هالبنات الي تعرفينهم جذي
يعني كل البنات جذي ..

ومو معناته ان كل اليهال بهالاعمار ما عندهم براءه يعني كل اليهال جذي

صح براءة قبل غير عن الحين بس حرام نقول عن اليهال جذي

؛
الـــســلآمـ عـلـيـكـمـ و رحـمـة الله و بـركـآتـه

لآ حبيبتي مو قصدي إن كل البنــآآت جذي .’,

بس حبيت إني أوضح إن في فئه يكرهون الدين ابشكل مو طبيعي .’,~

و الي عودهـمـ عليه الإعلآمـ الفــآسد .’,~

حــآولـت أنصحهـمـ ابشتى الطرق لكن مــآفي بذنـهـمـ مــآي .’,~


و مثل مــآفي الشين في الزين .’,~

و أعرف بنــآت قمة بالأخلآق و الأدب و الإلتزآمـ .’,~

تدرين وحـدهـ من أهلهـمـ ابـ 4 ابتدائي كلا تتمشى معــآهـمـ و تهــآوشـمـ لا سمعوآ أغــآني و مـآ صلوآ .’,~

و سبحــآن الله بنت معـنـهــآ صغيرهـ ربج هـآديهــآ صج أعجبتني .’,~

و في بنــآت سلمـ قلبهــمـ يــآحلوهـمـ واشزينهــمـ يهبلون وجـهـهـمـ كله نور .’,~

أنــآ بس حبيت أتبين إن البنــآت الي 24 ســآعه عالتلفزيون و البرآمج التــآفهه هذي بدون رقــآبه .’,~

حرآآآمـ يخلون الأهل عيــآلهـمـ جذي بدون رقــآبه .’,~

و هذي النتيجه .’,~

و ابردي مــآ عممت بس بينت الآثــآر السلبيه و شلون صــآر الحجــآب الإسلآمـي الصحيح أمر مرفوض عند البعض ...’,~

و مـــــع السلامــــه ,,,

|~|

 

[:: Diva ::]

ضد و بقوه !!

 

[miss_math]

اول شيء حبيبتي واضح حبج للدين

لكن الدين تسامح ومحبة ويسر

كلنا نحب الالتزام والتدين لكن ما نحب ينفرض علينا شيء معين

 

[*ريما*]

اللي تتكلم عن عبده الشيطان والبوووووووووي من قالكم بس انها مو بدول اللي طبقت الحجاب غصب لا يا حبيبتي روحي السعوديه

وشوفي اوضاعهم حدث ولا حرج من البوي لي عبده الشيطان لي ظاهره التدخين حتى بمجمعاتهم تلقين لافتات بكل مكان الرجاء من السيدات

عدم التدخين!!

وعندهم بعد ظاهره يديده مو عندنا الشذوذ يعني بنات يحبون بنات مساكين من الشفاحه والكبت الزايد قاموا يحبون نفس الجنس!!

وظاهره المعكاسات عندهم شي خيالي اصلا حتى واهم مغطيات زين ما ياكلونهم علشان جذي مو سامحين لهم بالسياقه لن

الشباب مو مخلين احد في حاله حتى ظل المره يلحقوووووووونه ..

وشوفيهم لي راحوا بره الحين يقطون مو بس الحجاب حتى العباه والشباب تصير عندهم حاله مرضيه اسمها بناااااااااااااات
يهسترون مساكين


وروحي شوفي وسالي وعيشي بالمجتمع واذا استفادوا من القانون او لأ قبل لا تفكرين تطبقين القانون اللي فاشل فشل ذريع لأن عمره الشي

ماكان بالغصب واذا في مجتمعات متعوده على السمع والطاعه وامورها كلها مسيره غصبا عليها الكويت ماكانت ولا عمرها بتكون

غير دوله حره وشعبها احرررررررررررار اللهم لك الحمد والشكر

لحظة لحظة حبوبة
عاد لية كذا لية كل هالحقد علينا وش سوينا لك
ايش هالكلام هاذا
وبعين ابقولك الظواهر اللي تتكلمين عنها بكل مكان موجودة بكل دولة
والمعاكسات هم موجودة بكل دولة
وبعدين انتي شفتي كل الشباب الا بالسعودية علشان تحكمين عليهم
ويغازلون وحدة لابسة عباية احسن من مو لابسة شي
حتى لو ضيقة بظل احسن واستر
واللي تتكلمين عنهم الا اذا راحو برى قطو الحجاب هذول عندهم نقص
وطبعا هذول فئة قليلة بالسعودية وهم شي يطبقونة بالدولة اذا طلعة كيفهم اهما الا بتحاسبون
ومين قالك انا حنا ماستفدنا من هالقانون بالعكس استفدنا منة كثييييييييير
حتى لو نلبس الحجاب غصبا عنا احسن من مانلبس ولا شي ونتحاسب
وطبعا انا ماقول انة السعودية ملاك لا طبعا كل دولة فيها الناس الا يخربون سمعة دولتهم
وانا ابفهم شي واحد لية تقلون انة السعودية مافيها حرية لية عشتو فيها
بس علشان السواقة مانبي نسوق كذا اريح والحرية الا تخليا مانلبس حجاب مانبغاها خلوها للي يبغونها
وهاذي الارض ارض الحرمين ارض الطهارة والعفة وغصبا عنا لازم نحترمها
وياليت كل وحدة تحترم نفسها وماتغلط على دولة ثانية

 

[l.6o0ofa]

والله جان زين يطبقونه
يعني عاجبكم اللي قاعدين يلبسونه البعض الود ودها تطلع ب.....

 

[شانييل]

استمتعت بالردود
وأنا مع تطبيق الحشمة باللبس على الاقل
يعني ما رضيتوا بالحجاب غصب فالافضل تطبي قالحشمة يعني مو قصير وحفر والصدر طالع
لأ لبس ساااااااااااااتر
واي بنات ذاك اليوم بالافنيوز شفت وحدة لفت إيكيا لف جنها تستعرض أو عندها هدف تبي تصييد ريايل يلحقونها
تدرون شلابسة
أسود قصيييييير والكتوف طالعة وحفر طااااايح عن الكتف والريل محنية نقشة طوووووول الساق
يعني بالذمة هذا زين وتسمونة حرية شخصية
لاااااااااااا ياعمري الحرية الشخصية مفهومة إن الواحد حر بنفسة بشرط لاااااا يسيء للآخرين
وصراحة لبسها مسيء للغير وفااضح
لا والي هالايام يتمشون بالصالحية وكل مكان النفنوف نص الركبة لأ هذا عهر
ومع إحترامي للكل على اللفظ إي وحدة تلبس جذي ببساطة تكون رخيييييييييصة
لا تقص على روحها لأنها ماراح تقص على الناس وتقول موضة لأ وأكثر أهل النار هم النساء من هالبلاوي

 

[تآعِبنْ قَلْبِيْ]

استغفر الله

حتى الحجاب صار فيه حرية شخصيه !!!

 

[arwaa3]

و الله جان زين يطبقووونه على الضوابط الإسلامية لا شعر طالع و لبس ضيق...
و لو فيه إنتهاك للحرية كان ما فرضه الله عز وجل..
يسلمووو عالموضوع...

 

[جمولة مزيونة]

صحيح ماكو شي بالغص المفروض الام تفهم بنتها و تشرح لها قضية الحجاب شرح وافي و كافي و الفروض من البنت انها ترضى و توافق لان هذا هو الصح و هذا هو الشي اللي المفروض ان تسويه


لان لو ما تحجبت بتكون غلطانة و اذا تحجبت بتكون كسبانة


كون الاهل يغصبون البنت على الحجاب هذا مو اضطهاد و تعدي على حريتها الشخصية هذا حماية لمصلحتها خوفهم عليها من عقاب الله في ام ترضى ان بنتها تكون معرضة لعقوبة رب العالمين و تسكت ؟؟ في ام تدري ان الله مو راضي عن بنتها و تسكت ؟؟؟

احنا اش عرفنا ان ربنا راضي عنا ؟؟؟ احنا نعبد الله باللي جدامنا و اللي ورانا و ما ندري اذا الله تقبل عبادتنا و الا لا ؟؟ شلون نجازف و نرمي الحجاب و لا نلبسه و نقول مو مقتنعة ؟؟؟ هو انتي تنتظرين اقتناع عشان تصلين ,, او عشان تصومين !! طيب انتي ليش مقتنعة بالدين الاسلامي بكبرة و ليش مكتوب في جوازك مسلمة اذا انتي مو مقتنعة بدينج !!

روحي غيري ديانتج لاي ديانة انتي مقتنعة فيها و طبقي كل تعاليمها احسن لج ,, لان الدين يعني التزام الدين مو خراطة تاخذين اللي يعجبج منه و تقطين الباقي وراء ظهرج بحجة عدم الاقتناع !! و تذكري ان انتي ما تتعاملين مع قوانين مدرسة و لا جامعة هذي قوانين الآهية ما فيها لعب و غشمرة !!

البنت لازم تفهم هذا كله و لازم تعرف هالكلام كله و ينقال لها قبل ما ينفرض عليها الحجاب ,, لازم البنت و هي تتربى تتربى انها راح تكبر و تلبس الحجاب فتكبر البنت و هذه الفكرة في بالها لا يمكن انها تغير منها ,, يعني موضوع تقبل البنت لفكرة الحجاب يعتمد على الاسلوب اللي تربت عليه ,, و لو تربت على الانفتاح المطلق و عدم الاكتراث بالدين اكيد ان بيكون الوضع صعب عليها ,, لكن لو تربت على الاخلاق و العفة و تربت على حب الله و رسوله فبالتالي راح ترغب هي في رضاهم لان المحب امنيته ان يرضي من احبه صح و لا لا !!

طبعا انا مع ان الحجاب ينفرض على الكل و يترافق مع هالشي تحسين التربية و تحسين اساليب تلقي البنت لامور الحجاب و المعلومات عنه من خلال البيت و المدرسة ايضا ,, يعني المسئلة محتاجة توعية و تثقيف و تربية سليمة


و طبعا انا ما احب اشوف النساء اللي يمثلون بلادي سفور لان بالنسبة لي السفور ما تمثل الاسلام اصلا ,, يعني مستحيل اتقبل وحدة سفور تحدثني عن سيرة الرسول مثلا او عن احكام الاسلام حتى لو كانت على علم و دراية بتعاليم الدين لو كانت على علم كانت طبقت ابسط شي في الدين و هو الالتزااااااااااام


مشكورة يا اختي الغالية على الموضوع الهادف و اتمنى تكثر هالنوعية من المواضيع في المنتدى تسلمين