إستعداداتنا لموسم المدارس ورمضان والعيد

[@عطر@]

أنا السنة ماني يم لا مدرسة ولا رمضان ولا عيد لأني على وجه ولادة وراح أكون نفاس وعيالي ما أدري اشلون أجهزهم بحاول ألحين اشتري للمدارس قرطاسية وشناط وأحذية والملابس ما أدري ألحق أو لا لأني مخليتهم آخر شئ بشوف شينزلون وباخذهم من الأيوب هذا إذا قدرت ولحقت والعيد ورمضان يفرجها الله مو مهم أنا المهم عيالي عاد أنا ذوقي صعب بس ميخالف السنة بشتري أي شئ

 

[ام الدلال]

والله الله يعيين الجميع بس اكسروا خاطري اللي علي وجهه ولاده الله يقوم الجميع بالسلامه ويسهل اموركم انا بديت بالاولاد شريت لهم دلاقات رياضه من النصر ولقطت جم بنطلون من سيتي سنتر وتي شيرتات والبنات بروح حق الايوب والجواتي عزكم الله بنطر النصر ينزل الجديد واااااااااي باقي وايد اغراض ما ادري الله يعيين وحق رمضان بخيط لي دراعتين وعبايه مع ملفعها والعيد الله يسهلها باول رمضان اشتري والله يعيين الجميع

 

[أنسام الربيع]

انا بقول استعداداتي بس لا تضحكون
اول شي
شريت بدلة لي ولبنتي للعيد من شهر 6
ثاني شي
بسوي القرقيعان بشهر 8
ثالث شي
بجهز ملابس حق دوامي و بشتري اغراض الروضة حق بنتي
رابع شي
بجهز حق رمضان مع بدية الدوام
خامس شي
يدش علينا رمضان واتفرغ للعبادة والذكر بدون اي التزامات ولا فرارة بالسوق بس حق اشياء بسيطة مثل الجوتي (عزكم الله) والشباصات
وعساكم من عوادة