إسقاط فوائد القروض سيخلق غطاء شعبي للحكومة هي بأمس الحاجة له -

[cat85]

بعض البنات وايد شادين حيلهم
يتحسبون وسووا السالفة حقد وحسد
كل واحد يقول رايه سواء ضد او مع
وبالنهاية ترا الشور مو بايدنا
لو بايدنا ورفضنا شبتسوون
بتعلقونا بشوارع الكوفة !!
خلكم ريلاكس واستانسوا بالعيد الوطني

اختي أنتي ما قلتي رايج بأدب.. أنتي تهجمتي ودعيتي على الناس بأن القروض والفوائد ما تطيح
اذا هذا مو حقد ولا حسد .. شنو يطلع عيل..؟؟
الانسان الطبيعي يكون موقفه حيادي دام ان ماله شغل بالموضوع اساسا.. الله يهديج

 

[بتبوتااا]

خنشوف الحين لي صار هالشي لكل حادث حديث

 

[Patcholli]

الصراحه استغرب من انانية البعض لما يقولون نرفض اسقاط القروض احنا مو ماخذين قرض ..
انزين اللي مو ماخذ قرض شنو راح يظرطك لو غيرك يطيح القرض عن ظهره ..؟؟
في ناس مقطوطه بالسجن حرام بسبة الديون والجيكات ..!!
وفي ناس اظطرت تاخذ القروض لاسباب قهريه ومصيريه مو لعب ..
انا اشوف الحل الامثل اهو تقليل القرض مو اسقاطه ..
وان التقليل يكون لفئه معينه مثلا اللي قرضهم فوق ال 80 الف ..
مو اللي ماخذ 10 الاف ولا 5 الاف .. يكون للمبالغ الضخمه واللي تكسر الظهر
مثلا اللي عليه 60 الف يقللونه له ويصير 20 الف مثلا ..

 

[كويتية222]

الرازق بالسما والحاسد بالارض اذا بيسقطون خل يسقطون سواء فوايد والا قروض

خلوا الشعب يتنفس شوي وحسبنا الله ونعم الوكيل على اللي تسبب بأزمة هالقروض وفوايدها اللي صكت ع فوايد اليهود وزادت

الغالبية ما خذوا قرض الا لحاجة والسبب غلاء كل شي

والسبه هالتجار اجارات ضو ومواد غذائية وسلع استهلاكية نار

غير احتكارهم لشغلات وايدة وبالتالي مو عارفين نوفر ولا ندخر !!​

 

[جلكسيه اس 3]

بنات قولو اللهم صل على سيدنا محمد و على اله
يبه الي له رزق راح ياخذه بالطيب ولا بالغصب
انا مادري ليش دايما تتهاوشون
ترا المهاوش ما راح ايفيد

 

[ملاك ^ الحب]

جان زين يطيحون القروض

والله تعبنا

 

[Ibelievein God]

اللي تقول ان شاءالله مايسقطونها

يمكن انتي ما اقترضتي مااحتجتي وغيرج محتاج ومايبي يطر من الناس ناس خذوا عشان يكملون بنيان بيتهم ناس خذوا عشان
صار لهم حادث وتضرروا وناس خذوا لعلاج بعد مارفضوا اوراقهم عشان ماكو واسطه واللي خذوا للزواج واللي خذوا عشان يرضون اهاليهم
انا صديقتي اتزوجت غير كويتي اهيا يتيمه وكبرت ماتقدم لها الا هذا واهوا يشتغل معاشه 200 اقترضت عشان تفتح لها شقه

انتي مسمله والمسلم مايحسد اخوه المسلم فلوس قاعده تطلع برا لكويت وناس محتاجينها بالكويت يعني حسدتي اهلج بالكويت واللي برا ماحد تكلم لهم

والدوله تقدر اتسيطر على البنوك اللي لاعبه بالاوادم لعب

 

[AF (&-&)]

ربي يفرجهااا عليناا

 

[noynoy]

ليش ليش اسقاط القروض
محد طقهم على ايدهم و قالهم اخذو القرض عشان تسافر و لا عشان تشتري سياره
و لما خذا القرض ما قرا الاوراق و وقع عليها
شكثر اوراق تبين القرض و الفوائد و المده الزمنيه
و لا ما يعرفون يقرون؟!؟!
حرام يسقطون القروض بجذي يعودون الشعب يصير استهلاكي من الدرجه الالوى
و بيفلسون الكويت
لي متا و انتو تطالبون اسقاط قروض و علاوات و زيادات و كوادر و الهبه اليديه يبون معاش حق ربه المنزل اللي ما تشتغل
ما تدرون انه هالشي يسبب تضخم للدينار الكويتي و تقل قيمته
ما تفكرون بالابعاد الاقتصاديه حق هالقرار
ما تفرون بالكويت
بس تبون تاخذون
لكن ما اقول الا الشرهه على النواب اللي اقترحو هالقرار

 

[chelabteen]

http://www.alkuwaitiah.com/ArticleDetail.aspx?id=9315



الله يفرج هم كل مديون وللعلم لا انا ولا اهلي مطلوبين بس كل كويتي يعتبر اخ واخت لي

 

[broor]

معاج فليكرمو شعب كريم و يسقطون الفوائد
واتوقع بعدها بينتعش القطاع الخاص خاصة المشاريع الصغيره

لكن اتوقع بعض النسور راح تتكسب من هالشي و تنسبه لنفسها لانه صار عادي الجذب ..


اما في حال اصدار قوانين صارمة من ناحية الفوائد و تخفيضها
فهو افضل