رد: حملة إلزمي الاستغفار ..... وستأتيك الدنيا راغمه وتسعدي في الدارين
السلام عليكم ورحمة الله وبركاته....
شلونكم خواتي ان شالله بخير..انا كنت متابعه بصمت كنت ادخل واقرا القصص واشوف التشجيع من البنات
وكنت حزتها محتاجه هالتشجيع وصرت استغفر بكثرة
اسمعوا سالفتي
انا طالبه في الجامعه ثالث سنه ولاتخصصت كنت محتارة بين التخصصات وضايعه ماني عارفه شنو اللي يناسبني
بداية دخولي الجامعه حطيت اول رغبه انجليزي وبعدها رياض اطفال
كنت ادري انهم ماراح يقبلوني انجليزي لأني ما امتحنت قدرات ودفعتي 2007 الدفعه المظلومه امنعونا من تقديم الامتحان<<<ما ادري شالحكمه
فأقبلوني رياض اطفال كنت منصدمه مو متخيله نفسي ادرس بالروضه كنت اطمح لمستوى اعلى وكل رفيجاتي اقبلوهم باول رغبه سجلوها
اللي عربي مساند اسلاميه واللي علوم ورياضيات ابتدائي ولما يسئلوني ها شنو قبلوج فيه؟؟؟كنت اقول رياض اطفال وانا مو مقتنعه
صليت استخارة وسالت ربي اني اظل على الرياض ولا أروح لتخصص الانجليزي اللي له مستقبل حلو
وكنت اقول لأمي شرايج يمه اظل على رياض الاطفال ؟؟؟كانت تقولي لأ ابيج تكونين مدرسة انجليزي ،،مستقبله حلو والتعلمين اللغه
بس مشكلتي اني راح اتاخر اذا تخصصت انجليزي يعني عشان يقبلوني لازم آخذ ثلاث مقررات كل مقرر بكورس يعني لو حسبتها يبيلي سنه ونص على ما اتخصص...كنت حدي متضايقه،،وصليت استخارة مرة ثانيه ليما قررت اني آخذ اول مقرر من هالمقررات الثلاثه
اخذته عالكورس الثاني..والحمدلله تعرفت على بنات عايشين نفس مأساتي ..وكنت استغفر طول الوقت بس الحمدلله اول مقرر سهل نجحت فيه وسجلت بالصيفي المقرر الثاني وهمن الحمدلله كان سهل ومرة الايام بسرعه ونجت فيه
وبقالي آخر مقرر واللي بعده خلاص اكون متخصصه انجليزي
المقرر الاخير كان مثل الصدمه علي يعني صج يبين ويعرف الطالبه بمستواها الانجليزي انا الحمدلله اعرف انجليزي بس ما توقعت بهالصعوبه صج الماده كانت صعبه حيييييل...والله يابنات ان اول اسبوعين كنت اطلع من المحاضرة مثل مادخلتها ماكنت افهم اي شي كلمات اول مرة تمر علي مصطلحات غريبه كأني اول مره اسمع بهاللغة كنت اطلع وانا متضايقة والله كأني شايله همووم الدنيا ،،،قلت انا خلاص مستحيل ادخل هالتخصص صعب وانا عرفت مستواي من هالماده شلون بكمل باقي المواد اذا تخصصت...تسكرت البيبان بوجهي واليأس سيطر علي
قلت خلااااص انا مو قد هالتخصص...وسبحان الله كنت كل ما اقعد مع بنت واسألها عن تخصصها تقول انجلش
وكنت متاخرة يعني رفيجاتي كانوا يسجلون 6و5مواد وانا كنت آخذ بس 3 مواد لأن المواد كلها خلصت ماباقيلي الا هالمقررات والمقرر الاخير كنت ماخذه معاه مادتين يعني أنا متاخرة وايد
فكنت اقعد بيني وبين نفسي واقول البنات اللي ادخلوا هالتخصص بشنو هم احسن مني ؟؟؟محد طلع من بطن امه عالم
وقعدت اصلي وادعي ان ربي يسهل دربي ويكتب لي طريق الخير ويسهله لي
والله يابنا كنت استغفر ورى كل صلاة 200 مرة يعني باليوم 1000 مرة
وقبل لا انام اقعد استغفر وانا رايحه للجامعه اقعد استغفر وادعي ربي اني اطلع من هالماده بتقدير سي بس كنت ابي هالدرجه لاني اذا جبت اقل منها ماراح يقبلوني
وكنت اقرا سورة البقرة ليله كل امتحان
وقرب امتحان الفاينل وكنت كل يوم اكثر من الاستغفار وليله الامتحان قريت سورة البقرة كامله وادعي ربي انه يسهل على هالامتحان
وقبل لا يبدأكنت استغفر واستغفر البنات يراجعون ويقولولي راجعي كنت اقول خلاص بتوكل على ربي وانا اللي علي سويته
واقسم لكم يابنات ان الامتحان كان سهل سهل سهل الحمدلله لك يارب قدمت عدل وكانت النتايج بعد الامتحان بيومين
والله طول هالفترة كان بالي مرتااااااح وانا اللي كنت اقول ماراح انام ولايرتاح لي بال الا ليم تطلع النتيجه
وسبحان الله قمت الصبح وصليت ورحت الجامعه اشوف درجتي
وطووووول الطريق كنت استغفر
ولما شفت درجتي انصدمت a- انا اجيب هالدرجه لا مو معقووووووووول والله الذي لا اله الا هو حتى بالمقررات اللي طافوا ماجبت هالدرجه مع انهم كانوا سهلين وهالمادة الصعبه جبت درجه ما كنت متوقعتها كلش ولا حتى احلم فيها
بس سبحان الله الله قادر على كل شي
صج الاستغفار عجييييييييييييييب ويسوي المستحيل
صدقوني بنات داوموا عالاستغفار وبتشوفون حياتكم شلون تتغير
وانا الحين الحمدلله صرت من طالبات الانجلش
ادري طولت عليكم بس حبيت اشارككم بقصتي
ولاتنسوني من صالح الدعاء...
اختكم:حلـــــــــــو الذكريات...
