إلغاء " تحيا الأمة العربية " عاش وزيرنا المليفي

[الجفووول]

؛


بصرآحه في قرارات لازم يتخذهآ أهم من سالفه الغاء تحيا الامه العربيه

 

[كرز حالي.]

وين مصدر الخبر

 

[ام عفاف الكويت]

انا شد فضووولي شنو تمديد الدراسه @@

 

[بطاطا]

مساء الخير ​

العضوات المعارضات للخبر اعتقد ما قصروا الخوات بتوضيح السبب في الفرحة اللي ( انا ) فيها و اللي مو عاجبه البعض منكـ ( ن ) ​

و الحمدلله تحققت امنيتي الف حمد و شكر ​

العضوة اللي طلبت المصدر أعتقد الصورة كبيرة وواضحة و اسم القناة موجود و ايضا الخبر بالجريدة ( الأوراق يعني ) موجود ارجو تصفح الانترنت او تصفح الجريدة عبر الانامل للتأكد من مصدر الخبر ​

العضوات اللي اتفقوا معاي ,, الصراحة توقعت في موافقة و لكن انصدمت ان في ناس معارضة القرار و لازم هالشي طبعا ارضاء الناس غاية لا تدرك ​

و اختي تقول الدين و جماد و ... الخ , تحية العلم عُرف نسويه من عمر و لازم نلتزم و نعترف فيه مثل ما نعترف بالأعراف و العادات و التقاليد اللي احنا حطيناها و اللي أكل عليها الدهر و شرب و قاعدة تناقض وايد من الدين و اشوف ما تكلمتوا عنها و لازلنا الى اليوم نسويها و الموضوع ماشي عادي محد اعترض و قال مستحدثات !!!
بس اذا يينا لتحية العلم قلنا ما يصير و بدعة و مستحدثه​

تحية العلم تعتبر قيمة من القيم اللي نعزز فيها حب الوطن و احترام الوطن و الامير
و لا تخلطون الدين بهالامور و مقارنته بقراءة القران و النشيد الوطني بالطابور
كل قيمة لابد ان تعزز من حب الوطن و الدين و الوحدة و كل قيمة لها طريقة معينة علينا احترامها
مو يعني فلان يبي نحترم الوحدة يروح و يلغي باجي القيم و الثاني يبي نحترم العلم بس ما يبي نحترم شي ثاني فلازم تنلغي !!!!
مو منطق !
اي صح .. اذا انعزف السلام الوطني بحفلة تخرج و لا باحتفالات الاعياد الوطنية و كنتوا موجودين لا توقفون لان شي مستحدث !!! ​

:eh_s(4): آآآآآآآخ بس آآآآآآآآآآآآآآخ :eh_s(4):​

يعني القرار احتمال يقرونه السنه اليايه واحتمال ينرفض
وانشاء الله ينرفض
العجب يا وزارة التربية بدل الاهتمام بهالأمور السخيفة والتافهه اهتموا بأمور التعليم والمادة التعليمية والمستوى التعليمي للارتقاء بمستوى الطالب وفكره .... والعجب من الغاء (تحيا الامة العربية) هذي الكلمة ان لم يستفد منها احد فانها لا تضر ايضآ ... إحنا عرب ولا لأ ؟! شقاعد يصير بالديره ! و شفيها إذا إعتزينا بعروبتنا من بعد ما نعتز إنا إحنا كويتيين ؟! القرار شنو بيفيد الطلاب بالمدارس ؟! بدال هالقرار خل يحطون مناهح مثل الناس للطلبه !! راح نظل نفتخر و نعتز بعروبتنا رغم كل الظروف الحاليه !! عــرب و تحيا أمتنا العربيه! ​

أتمنى من كل من يطالب بالاهتمام بالمناهج و التعليم الاهتمام بحث الابناء على الدراسة و الجد بدلا من الدلع الماصخ اللي نشوفه عند الطالبات في المدارس ..... !
مو المدرسة بروحها ترتقي بفكر الطالب و تعليمه .... ​

تمديد الدراسة للجامعة يا بنات / المحاضرات عادة تكون لي الساعة 6 او 7 المغرب لكن في اقتراح تمدد لي الساعة 10 بليل و طبعا للي حاب مو اجبار او فرض و السبب اعطاء فرصة للطلبة اللي ما يحصلون شعب مفتوحة بالصبح او العصر و تذكروا مجرد فكرة لا تنط وحدة تقول بدعة البنت لي الـ 10 برا البيت ! ​

:rerrerek:​

تحيا الكويت تحيا الكويت تحيا الكويت
عاش الامير عاش الامير عاش الامير
السلام الوطني .............. ​

يلا نستمع للاذاعة .........​

انتهى الطابور على الفصووووول ....... ​

:rerrerek:
:eh_s(17): مع احترامي لكل الآراء اللي انطرحت ... و شاكرة لكم تنويركم الموضوع ​

 

[قفشـه]

الله اكرمنا بنعمة الاسلام

زين سوه وان يت متاخر
الي كان باط جبدي ان الكويت بس اتحيي الامة العربية
وباجي العرب بمدارسهم محد

اقتراح / خل نقول تحيا دول مجلس التعاون الخليجي :ggdw:

كرمنا بالاسلام واختار لغة القران اللغه العربيه

احنا عرب واصل العرب والرسول صلى الله عليه وسلم عربي

الدول العربيه اغلبها مستعربين مو عرب وبعضهم ارمن واتراك ويونانيين واكراد

مومعقول نتخلى عن عربيتنا عشانهم!

اهم موعرب ااحنا العرب

 

[ساندريلا]

عاد الاسبوع الي طاف كان عندنا تحيه للعلم جماعيه من قلنا تحيا الامه العربيه جان وكيلتنا تقول الله عاد والامه العربييه ماشالله اخاف احسدهم كلهم على قلب واحد هههههه جنه الوزير سمعها
والله ياريت يلغي البرامج الاذاعيه لووول

 

[بطاطا]

كرمنا بالاسلام واختار لغة القران اللغه العربيه

احنا عرب واصل العرب والرسول صلى الله عليه وسلم عربي

الدول العربيه اغلبها مستعربين مو عرب وبعضهم ارمن واتراك ويونانيين واكراد

مومعقول نتخلى عن عربيتنا عشانهم!

اهم موعرب ااحنا العرب

حبيبتي قفشة
احنا عرب و اصل العرب و الرسول صلى الله عليه و سلم عربي ما قلنا شي و لا اعترضنا على ان اصلنا عربي و رسولنا الكريم من العرب !!
و ما علينا من الدول اللي قلتي مستعربين هذيل اوكي انا معاج ما علينا منهم

العرب العرب .... شنو خذينا منهم و انا اتكلم ككويت مالي شغل باي دولة ثانية , الكويت شنو خذت من العرب ( شيلوا دول الخليج هذيل غير ) ؟

اكبر دليل على فشل العرب جامعة الدولة العربية ... و لو كان فيها فايدة لنا جان ما شفتي انضمام الاردن و المغرب لنا حبووووبة

المقولة المشهورة / اتفق العرب ان لا يتفقوا << هذا الشي الوحيد اللي اتفقنا عليه ,, شلنا فيهم و شلج فيهم

حبوبة ... عطيني دولة عربية تعترف بالكويت و بفضلها عليها من بعد الله , عطيني دولة عربية تتمنى الخير للكويت , عطيني دولة عربية اذكرت الكويت بالخير , عطيني دولة عربية ما تحسد الدولة العربية اللي احسن منها , عطيني دولة عربية ساعدت الكويت لمجرد المساعدة !!!

و لو بعدد ماراح اخلص ... فرحتنا بالغاء هالجملة ما يت من فراغ حبووووبة

و لا تنسين دول الخليج بعيدة كل البعد عن هالفرحة

عاد الاسبوع الي طاف كان عندنا تحيه للعلم جماعيه من قلنا تحيا الامه العربيه جان وكيلتنا تقول الله عاد والامه العربييه ماشالله اخاف احسدهم كلهم على قلب واحد هههههه جنه الوزير سمعها
والله ياريت يلغي البرامج الاذاعيه لووول

صاجة و الله ........
و البرامج الاذاعية بالعكس حبوووووبة تفيد بس للأسف بناتنا محد ينتبه لها و لا يقدرون الجهد اللي تسويه الاذاعة
​

 

[اريج الجوري]

قرار متاخر 20 سنه ,,,

الامه العربيه اخوانا و اهلنا وحبايبنا ما دمنا البقره الحلوب اللي توزع الملايين يمين ويسار ,,,

ونصير بدو وجاهليين وبدون حضاره وتاريخ اذا وقفنا الدفع ,,,

تحيا الكويت وعاش الامير وبس ,,,

ومجلس التعاون على راسنا اهلنا وقرايبنا بس اخترب المسمى عقب ما انضمت اليمن والاردن والمغرب ,,,

المفروض نقول تيحا دول مجلس التعاون الست وبس ,,,

 

[the white heart]

ما قول الا صح لسانك يا بو ناصر مرة سمعتها منه يقول العرب مهما سووا جلدنا والإنسان ما يقدر ينسلخ من جلده .. هذه هي الحكمة

 

[سارا ديور]

ما اعتقد الدول تقول " تحيا الامة العربية " بمدارسها.. الا الكويت.. اولى ارضنا واميرنا..

أوافقج الرأي:rerrerek:

 

[برور العرباويه]

وين مصدر الخبر

المصدر هنا

___________________

انا اقول لو يلغون الطابور وايد احسن :rerrerek: ! تنكسر ريولنا من الوقفه بالطابور:eh_s(4): والله ماغير ابلة البدنيه اتفلسف على روسنا :ch12: استغفر الله :/

 

[مختلفة]

ياحرام تضحكون على العرب وانتم اردى منهم حاقدين اذا اخذلوكم حكام العرب مو معناته ان العرب يكرهكم ماقول الا انتم واشكالكم ياللى مستانسين اللى عار عار على العرب والعروبه

 

[عصير ليمون]

تحيا الأمة العربية
تحيا الأمة العربية
تحيا الأمة العربية
تحيا الأمة العربية

رح أظل أقوووووووووووولها العمر كله

 

[$بنت الأمير$]

ههههههه اسخف قراااااار سمعته بحياااتي كلهااا ولما نردد تحيا الامة العربية احنا نزرع في ابنائنا النخووووة يمكن يطلع في واحد من هالعيال خير ويحررلنا فلسطين اللي صارلها 100 سنة محتله ترى لما اقول تحيا الامة العربية فانا قاعده ادعي للعرب انهم يبقووون يعني شنو بيضركم والله امركم عجيب اذا انتووو يالعرب قاعدين تصغرووون عماركم شلووون العالم بيحترمكم مستخسرين في انفسكم حتى الدعاااء
ويكفي بس ان من العرب سيدنااا محمد صلى الله عليه وسلم اشرف واطهر شخص على وجه الارض
عشان جذي بنردد
تحيااا الامة العربية
تحيااا الامة العربية
تحياا الامة العربية

 

[$ بنت علمي $]

اصلا من قبل لايعينووون المليفي مانقوووووووولهاا,,!!!!​

 

[Om Ali 86]

احنا بمدرستنا من زمان ما نقول تحيا الامه العربية يمكن صارلنا اكثر من سنه

 

[ليان]

تحيا الكويت
عاش الأمير
الكويت للكويتيين ههههههههههههههههههههههههههههههههههه​

 

[بطاطا]

بنات اذا قلنا تحيا الامة العربية بنحرر فلسطين
شهالمنطق الغريب .؟!

عيل خل نقول تحيا شهادة الدكتوراة عشان عيالنا يطلعون دكاترة
!!!!!!!!!!!!!!!!!!!!

و مابي أعلق على موضوع النخوة و غيره من هالكلام هذا حجي مأخوذ خيره
و الله لا يغير ما بقوم حتى يغيروا ما انفسهم
خل العرب يسنعون نفسهم بعدين خل نقول تحيا الامة العربية







تعليقي :

صاجة الاخت اللي قالت :

قرار متاخر 20 سنه ,,,

الامه العربيه اخوانا و اهلنا وحبايبنا ما دمنا البقره الحلوب اللي توزع الملايين يمين ويسار ,,,

ونصير بدو وجاهليين وبدون حضاره وتاريخ اذا وقفنا الدفع ,,,

تحيا الكويت وعاش الامير وبس ,,,

ومجلس التعاون على راسنا اهلنا وقرايبنا بس اخترب المسمى عقب ما انضمت اليمن والاردن والمغرب ,,,

المفروض نقول تيحا دول مجلس التعاون الست وبس ,,,

و الله كلامج 100% صح :rerrerek:

ما يسمونه هالعرب الا المتخلفين و مستخسرين علينا النفط و النعمة
و يقولون النفط اهوا اللي مسنعكم و المفروض يطلع عندنا لانكم متخلفين :krkrkr:

و تدافعون بعد :>


تحيا الكويت
عاش الامير

السلام الوطني ترا رارارا رارارا را رااااااااااااااااااااااااااااااااااااااااااااااااااا


:eh_s(15):


!! بلا عرب بلا وجع قلب وش جانا من ورا هالعرب غير الألم غير التعب وش جانا !!​

 

[شـ ShOoNa ـونـا]

احنا صااارلنا ســنه بــنــاتــنــا مايقولون " تحيــة الامـه العـربـيــه "
من العــام مشــيــنــاه هالقراااار مو شي يــديد !!!!!!!!!!!!!!

 

[بطاطا]

احنا صااارلنا ســنه بــنــاتــنــا مايقولون " تحيــة الامـه العـربـيــه "
من العــام مشــيــنــاه هالقراااار مو شي يــديد !!!!!!!!!!!!!!

:eh_s(15)::eh_s(9)::yaaaaaarb:الحين صار رسمي :yaaaaaarb::eh_s(9)::eh_s(15):​