إللي عندها أي استفسار بخصوص الديكورات والبناء تتفضل ( للفائده فقط )

[هواي اماراتي]

اختي الفاضلة هواي اماراتي
لون أثاثك حلو مريح للعين
إن حبيتي تغيرين لونه
روحي الضجيج واسألي عن الصباغين يجددوا لون الأثاث بلون جديد ويلائم غرفتك
وإن غرفتك كبيرة حيل
ليش ماتزيدينها صوفاظ
وعندي سؤال لوسمحتي
الطريقة اللي رسمتي فيها غرفتك هذي ببرنامج؟

هلا حبيبتي .. شاكره لك ردك

انا ناويه اغير بغرفتي السيراميك والصبغ ويعتمد على الالوان اللي بختارها تناسب لون الاثات ولا ابغير لونها

المساحه الفاضيه اللي بالغرفه بخليها جلسه كنب و طاوله لتي في

,, الرسمه ببرنامج الرسام
​

 

[ahhaat]

الله يعطيكم العافية على هالموضوع الحلو عندي كم استفسار وجا في وقته
بنات وين أحصل قنفة بنفسجية سااااادة ذات ثلاث مقاعد أو ذات مقعدين بالكويت فيدوني جزاكم الله خير
وبعد أبي كبت يكون خاص للجناط قصدي جناط الإيد وين ممكن ألاقيه ؟
وغرفة المعيشة عندي كبيرة شوي مشاءالله سويت زواية منها قعدة وتكون القعدة قدام كبت التلفزيون شنو تشوورن علي أسوي بالزواية الثانية ؟

 

[نجلاء الهاشمي]

اختي الفاضلة الله يسعد صباحك

انا توني بانيه جديد ومحتاره بالاوان والديكور مساحة غرفتي 7000x5400
انا افكر اني اعمل حيطه وحده ولرق حائط والباقي لون فاتح محتاره ايش رايك
وابي بعد ديكور خفيف ومودرن محتاره ايش اسوي

وهذا رسم بسيط عملته يبين الغرفه

 

[umfares]

Pleas can you tell me the websaite for Romantic and the Domain furniture stores in kuwait

 

[انا لحبيبي .]

يعيطك العافيه

والموضوع كتير حلو ما شاء الله

انا عم بدور على طاوله ( سفرة طعام ) لون ابيض 4 كراسي وماحصلت بايكيا ولا هوم سنتر ولا صفاة الغانم ولا بانتا

وين ممكن القي ؟

 

[ام القمرات]

اختي العزيزه جيتي وجابك الله تكفين حابه اسوي سقف صالتي رسم ثلاثي الابعاد وهم بعدطوفة طوفه وحده بحجرتي مو مشكله ورق جدران او صبغ بس مولاقيه احد يرسم وطبعايصبغ ولا عارفه من وين اجيب ورق الجدران صراحه دخلن عليه بالانترنت وجنني ساعديني بلييييييز

 

[tattoma]

اختي العزيزه جيتي وجابك الله تكفين حابه اسوي سقف صالتي رسم ثلاثي الابعاد وهم بعدطوفة طوفه وحده بحجرتي مو مشكله ورق جدران او صبغ بس مولاقيه احد يرسم وطبعايصبغ ولا عارفه من وين اجيب ورق الجدران صراحه دخلن عليه بالانترنت وجنني ساعديني بلييييييز

ممكن تدزين لي المخطط وإن شاء الله أقدر أساعدج

 

[tattoma]

عساج عالقوة حبيبيتي

مشكور حبيبتي وما تقصرين

 

[tattoma]

الله يوفقك أختي الفاضلة
ويجعل ماتقدمينه في ميزان حسناتك
والله يسعدك في الدنيا والآخرة

مشكورة وما تقصرين من ذوقج
وعسى الله يوفقج ويسعدج يا رب

 

[مدام فهد]

السلام عليكم
اتمنى القى نصيحه
زوجي بعد مانتهى من البناء لاحظنا الجدران مجلس مايله مو على مستوى مستقيم مشكله واضحه اتمنى تنصحونا بشي ممكن يخفي هالعيب

 

[مدام فهد]

السلام عليكم
اتمنى القي حل لمشكله بعد مانتهي زوجي من البناء والتشطيب وكل شي لاحظنا وجود بعض جدران مجالس مايله بشكل كبير
ماندري لو فيه طريقه ممكن تخفي هالعيب

 

[om-noor]

مساء الخير
انا قاعد ابني بيتي فحابه اصمم ديكور صاله الاستقبال وماعندي خلفيه بالتصميم الداخلي فياريت اتفيديني
وشكراا

 

[ام القمرات]

اختي العزيزه انامااعرف ارسم اوانزل المخطط لكن حجرة الضيوف طوليه وهي 6×4 والباب يجي 90 سم في الزاويه على الطوفه الي قياسها 4م وارتفاع الغرفه 3 م.بس هي مغلقه من كل الجوانب والمستاجرين بيطلعون على نهاية مارس وبنجدد البيت ونسكنه, وخاطري اسوي حجرة الضيوف شكل جديدوحتى الاثاث ماادري شنوبحط وجزاك الله خير

 

[tattoma]

السلام عليكم
اتمنى القى نصيحه
زوجي بعد مانتهى من البناء لاحظنا الجدران مجلس مايله مو على مستوى مستقيم مشكله واضحه اتمنى تنصحونا بشي ممكن يخفي هالعيب

وعليكم السلام ورحمة الله

بسيطة، إذا ما حبيتوا تعدلونه بالطابوق والمعجون، ممكن تتعدل بالجبس بورد

 

[tattoma]

مساء الخير
انا قاعد ابني بيتي فحابه اصمم ديكور صاله الاستقبال وماعندي خلفيه بالتصميم الداخلي فياريت اتفيديني
وشكراا

مساء النور

إذا عندج مخطط أو المساحات على الأقل، وممكن أعرف شنو نوع التصميم في البيت: مودرن أو كلاسيك

 

[حسبي الله ويكفي]

السلام عليكم ورحمة الله وبركاته بصراحة يااخت اسماء انامتابعتك دائما واحب اسمع نصائحك حتى اني حافظه ملف عندي للردود الي تقوليها للبنات عن جد استفدت منك كثير فالله يعطيك العافية ويجزاك كل خير وحابة اسالك انا عندي الصالة بورسلان بيج فاتح وابغا ادهن الجدار بني مع اوف وايت واحط حجر كمان وعندي المجلس بورسلان ابيض ونفسي ادهن الجدار اوف وايت وادخل معاه سلفر وذهبي بس ماني عارفه كيف انسقها بحيث تطلع بشكل متناسق والله يجزاك كل خير

 

[حلوه بكيفي]

السلام عليكم

ودي افتح طوفه المطبخ على الصاله نصها يعني ويصير مطبخ تحضيري مكشوف على الصاله
بس المشكله في بلاك مال الكهربه صاير بنص الطوفه فوق. وزوجي يقول ما يصير نكسر الطوفه


بليييييز قولولي يصير اكسرها ولا كلش مافي مجال

 

[tattoma]

السلام عليكم ورحمة الله وبركاته بصراحة يااخت اسماء انامتابعتك دائما واحب اسمع نصائحك حتى اني حافظه ملف عندي للردود الي تقوليها للبنات عن جد استفدت منك كثير فالله يعطيك العافية ويجزاك كل خير وحابة اسالك انا عندي الصالة بورسلان بيج فاتح وابغا ادهن الجدار بني مع اوف وايت واحط حجر كمان وعندي المجلس بورسلان ابيض ونفسي ادهن الجدار اوف وايت وادخل معاه سلفر وذهبي بس ماني عارفه كيف انسقها بحيث تطلع بشكل متناسق والله يجزاك كل خير

وعليكم السلام ورحمة الله وبركاته
انا سعيدة جداً باهتمامج ومتابعتج الصراحة وما تقصرين

بالنسبة للصالة إذا فيها أعمدة ممكن تصبغينها بالألوان الغامقة مثل البني لأنها بارزة، والطوفة تكون اوف وايت

أما إذا ماكو أعمدة ما أفضل تدخلين لونين على الطوفة والأحسن يكون كلها لون واحد

المجلس إذا كان البورسلان أبيض وبتحطين معاه ذهبي راح يكون تكرمين كأنه حمام، وممكن إذا السقف بيج وفيه ديكور تدخلين معاه الذهبي يطلع حلو

 

[tattoma]

السلام عليكم

ودي افتح طوفه المطبخ على الصاله نصها يعني ويصير مطبخ تحضيري مكشوف على الصاله
بس المشكله في بلاك مال الكهربه صاير بنص الطوفه فوق. وزوجي يقول ما يصير نكسر الطوفه
بليييييز قولولي يصير اكسرها ولا كلش مافي مجال

وعليكم السلام ورحمة الله وبركاته

حبيبتي لا تحاتين كل شي يصير إلا في حالة وحدة، إذا كانت هذه الطوفة عمود!
أما الكهرباء ما لها أي علاقة بالتكسر ومجرد تنتقل نقطة الكهرباء من مكانها الحالي إلى مكان ثاني..

وتبين الطوفة إنها عمود إذا كانت بارزة شوي لما برا مو على خط واحد مع الطوفة، بس مرات ما يبين إلا إذا طقيتيها بيدج، وأي عامل راح يعرف

 

[حسبي الله ويكفي]

السلام عليكم ورحمة الله وبركاته الله يعطيك العافيه ويجعل كل ماتقدمينه في ميزان حسناتك يارب يعني ألغي فكرة الحجر في الصاله