إلى تفكر انها تتسلى وتحب قبل لاتتزوج تدخل بسرعة

[*آسوومه*]

يولي لا تتعبين و لا تعورين راسج ولا شي
فالطقاق
حظج يات على جذي
الله يثبتج و ينور قلبج يا رب

 

[ترانيم القصيم]

الله يكافينا الشر ,,

 

[..~Goolz]

اي خل يولي بس

وحمدي ربج يت ع جذي

 

[أإلع ـشق دلع ـهـأإ]

يآمآ نصحنآ وتكلمنآ مآكو فآيده

صدقيني حتى موضوعج مآرآح يآثر فيهم

يآمآ بنآت نصحوآ وقآلوآ موآقفهم بس لآ حيآه لمن تنآدي

يجونج بنآت الله يهديهم يقولولج مو كل الشباب جذآبين في اللي يحب لآ تظلمينهم !!

بالله شنو تردين عليهم !!

كل هذا بسبب نقص الوآزع الديني مستحيييييل بنت تخاف الله وتصلي وتقرا قرآن وتكلم شبآب ء!!!

مسكينه البنت اللي تكلم شبآب كلن ينظر لهآ نظرة اشمئزاز

سبحآن الله الله حرم الشي هذا وله حكمه


اختي ثقي بان الله يحبج وخلآج تصحين من اللي فيه غيرج غلط معآهآ ويهددهآ

اسجدي شكر لله لآنه آنقذج منه

وإتركي الطريق هذآ ولو تحذفين برنآمج البيبي يكون آحسن


الله يثبتج ويرزقج بالزوج الصالح

 

[RO0O7Y KUWAITYA]

سسسسسسبحانه .. مايحرم شي .. الا وله حكمه ..

هذول شبابنا بس للاسف ماتفهون ولا تستوعبون لين تجيكم طقه ع الراس ...


نصصصصصيحه يابنات اهتمي بطاعتج لربج واتبعي سنة نبيه

ودوري رضا والدينج وبري باخوانكج واهتمي بدراستج وهواياتج


واتركي عنج خرررررابيط لا الله ولا رسوله ولا اهلج يرضون عنهم ..... والله مايجي من هالسوالف الا الفضيحه والحجي وسيرتج الي تعطل نصيبج

 

[wide eyes]

ضااااااايق بالي والله

مب قادره انساااااااااااااه ابدن كل شي كل مكان كل اغنية كل صورة اتذكرني فيه

الله يعيني
يا خوووفي ارد اكلمه وهو متزوج الله المستعان

ادعولي يا بنات لاني بدييييت احن من الحين

 

[قلب للايجار]

معروووف الطريق هذا مو زين الحمدلله انها عدت الله يستر عليك وعلينا

 

[المـــها]

انا اول مره اشارك وشاركت بس علشان امنعك من انك ترجعين له
انا مريت باللي مريتي فيه وحاسه فيك
الله يفكك يارب ولا يبلا احد ..


اذا تبين تنسينه سوي اللي بقولك عليه
اولا : امسحي اي شي يذكرك فيه سواء من تليفونك او لاب توبك او اي شي موجود عندك
ثانيا: انسي الاغاني والافلام والمسلسلات لانها والله هي اللي تثير داخل انفسنا هالمشاعر السلبيه وتخليك تحنين للماضي
ثالثا: الزمي الاستغفار والتسبيح والذكر ،، كل ماطرى عليك قولي استغفر الله وادعي ان ربي يشيل حبه من قلبك
رابعا : انا مقتنعه وانتي بعد انه شخص مايتمتع بالممواصفات الحسنه اللي تخليك تعشقينه وتتعلقين فيه
انسان ماعنده اي قيم ولا مبادئ قاعد يكلمك وماخاف عليك ولا علي شرفك وكان وده بعد يورطك اكثر بس ربي حفظك منه
وغير كذا خاين ويغدر بالانسانه اللي عايشه معاه وحافظه بيته وعياله !
بالله عليك هذا انسان يستاهل تفكرين فيه والا تنزلين دموعك هالغاليه على فراقه
حبي نفسك اكثر وصدقيني اذا علقتي قلبك بالله والله راح تنسينه واكيد ربي بيرزقك باللي يستاهل حبك وانتي تستاهلينه

ادعي بهادعاء الطيب والله يحفظ قلبك وجوارحك عن الحرام ويغنيك بالحلال..
" اللهم املأ قلبي حبا لك ،، واقبالا عليك ،، وحياءا منك "

الله يستر علينا وجميع المسلمين ويحفظ بناتنا وشبابنا من كيد الشياطين

 

[لآلئ وردية]

الحمـدلله انهها سوالف و بيبي بس ما تعـدت اكثـر لاشيـاء تندميـن عليههَـا



الحمـدلله

هاي درس لكـل البنـات

يمكـن صعـب شوية

بس كل بنـت تمر بوقـت تبي شاب يشغـل فراغهَــا

و الشبـاب ما يتخيـرون عن بعـض

ما اقدر اعمم

بس اي شيء مو بالحـلال و لا جدام الناس

ما بيجـي من وراه خيـر

^_^

الله يهديننا كلنا و يصلـح حال المسلميـن و يكفيهـم بالحـلال

و يرزق الجميـع بالازواج الصالحيـن اللي يسـدون فراغ العاطفـي

و يحبونهـم بالحـلال



آميــن يا رب​

 

[غلآ نوآف]

الي يبيج يدق باب بيتج
واكيد ماراح يدقه الا وهو يعرفج
وانتي ماراح ترضين وماراح تقدرين توثقين فيه
الحمدلله ان الحال توقف ع كذا
احمدي ربج واشكريه
وابعدي عن هالدرب
واستغفري ربج

والحب حلاته بالعشرة
بعد الزواج
اهم شي تدعين ربج
تتزوجين شخص صالح حبوب وطيب
يراعيج ويحبج

 

[هندووو]

الحين زوجتة ماصانها تبين يصون رفيجة البنات لازم يديرون بالهم الشباب عندنا جلاب ملبسة ثياب وسلامتكم وسلامت الحاضرين

 

[@تاج الراس@]

اقولج اذا اسمه علي بلغيني
لان مار علي هالنوعية
زوج وحدة من البنات
ازهقت كل يوم والثاني جاكته عالفيس بوك )))) خخخخخ
الله يسامحهم بس
والله يصبر قلبج صدقيني بتنسين
اذا مو 100٪
علي الاقل 70٪ مع مرور الوقت ان شاء الله

واستغفري عشان ربج سبحانه ينسيلج ياه
وادعي يبرد جبدج ويوفقج حبيبتي

ونصيحه الله سبحانه وتعالي يقول
اذا بليتم فاستتروا
فلا تبلغين احد ان السالفه صارت لج
لي حبيتي تذكرين قصه للعظه
ذكريها من غير ما تنسبينها لج
يعني بدون شخصيات عشان يا سمح الله ما تصير عليج اثام لان الحين المنتدي كله دره بقصج وهالشي مو حلو
اعذريني اذا ضايقتج بكلامي وربي يوفقج يالغالية والله يستر عليج وعلي بنات المسلمين اجنعين

 

[عويتقة]

انتي ما حبيتيه انتي بس مليتي بيه الفراغ كوني متأكدة وانتي بس وهمتي روحك انك حبيتيه وعلى العموم يااااااااااااااااااااااااااااربي يرزقك بالزوج الصالح ويحبك وتحبيه وتعيشين معاه احلى واروع قصص الحب الحلااااااااااااااااال خليكي يا حبوبة على الاستغفار وتقي بالله والله كريم

 

[روانتي 12]

زين الحمدالله ماعطيتيه وجه . .
واااااااي لا تقولين ما اقدر ع فراقه ترا هذا شيطان يلعب فيج لعب قولي منو هو أسآسآ . . !
خليج عادي وترا فكرتج غلط انج تلعبين ع شباب . . ديري بالج يمكن يكون يعرفج لكن ساكت . .
المسكينه زوجته شذنبها ! وليش يخونها . . حرام فيه زوج !

 

[بلا اسم احسن]

وايد ناس يلعبون على مشاعر الناس ، أنا عايشة بظروف وايد وايد وايد صعبة يعني كلمة وحدة بس حلوة تأثر فيني ، لكن يشهد الله ما خنت ثقة أهلي فيني و تحجيت مع واحد بالبي بي بقلة أدب ، رغم إن ظروفي أتقول أسمعي بس كلمة حلوة شنو يضرج ؟؟ لكن الحمد لله فارس الأحلام بيي بعد الزواج مو الحين يعني بعد 10 سنوات أو أقل بيي

 

[احلى عروسه]

الله يرزقك بزوج الصالح

 

[عرش الأنوثه]

الله يبرد على قلبج ياقلبي
وحسبي الله ونعم الوكيل على كل ريال جذي يلعب ببنات الناس

 

[لولوه أخت دانه]

الله يستر عليج ويهديج ويوفقج

يقولون يا ماشي درب الزلق لا تأمن الطيحه

الخطأ خطأج من الأساس وعليج التوبه

التوبه تعني الإقلاع عن المعصية والندم والإستغفار والعزم على عدم العودة للذنب

تقولين تفكرين فيه !

فهل فعلا ً تبتي ؟

الله سبحانه ستر عليج لا تفضحين نفسج بالتمادي في الخطأ والإستمرار في الذنب

 

[wide eyes]

تسلموووون بنات على كلامكم الطيب

بس والله تعب عن جد تعبت احس اني تعبت من القهررررررررررر الي انا فيه

بس في شي ما خبرتكم عنه .. . . في نفس اليوم الي اكتشفت انه متزوج هو بنفسه ما قام يعطيني وجه

فجأة بعد ما كان متعلق فيني . . . هالشي عن جد قاهررررني !!!!!!
وعلى فكره انا كلمت زوجته من يوزر ثاني وهي وحدة على نياتها و عرفت انه حارمنها من كل شي !!

بس شغلها للبيت !!!!!

الله المستعاااااااان صدق هالدرب ما ورااااه خير ابد

بنات عطوني نصايح وكلام اكثرررررررر حتى لو كان قوي

 

[فدوووو]

الله يهديك ويحميك من كل شر