إلى شرطة الكويت ... متى سنشعر بالأمان ؟ قصة واقعية حدثت معي شخصيا

[Ibtisama]

على فكرة العمارة اللي يمنا اكتشفت إن فيها مساخر و بلاوي و حفلات ليلية ما نقدر ننام بسببها
و لما نتصل على 777 محد يسأل أو يعطونا إبر التخدير ( حرية شخصية ) و إن شاء الله و محد يجي
و لما نضغط عليهم يطرشون دورية من المخفر و بعيني أشوفهم عند العمارة يكلمون بالموبايل و ينزل لهم واحد من فوق و يضحكون و يروحون
تالي يدقون علي العنوان إختي غلط
و اكتشفنا السالفة
واحد من أفراد الشرطة بمخفر المنطقة ( إن شاء الله يحوشه عذاب الدنيا و الآخرة ) مأجر الشقة و الضباط كلهم مطيحين عنده
و طلعت السالفة حماة الأمن حامين الفسق و الفجور و قلة الأدب
و كثر خيره وزير الداخلية بس طرشت له كتاب بالسالفة ما سكت عفسهم فوق تحت لين بالقوة طردوهم من العمارة الموبوءة
و أخيرا قمنا ننام بهدوء و ما قمنا نشوف قلة أدب الجنس الثالث و المنحرفات اللي يصارخون بأعلى صوتهم مع أذان الفجر !!
بس السؤال هل الوزير قادر ينظف الكويت كلها ؟؟ استحالة !!
و الأهم ها الشرطة و الضباط ،، ها الجيل اللي مفروض أقسم على حماية القانون
هذيله من عياله ؟؟؟ مو عيالنا ،، أنا و إنتي و إنتي ؟؟
ليش هاذي أخلاقياتهم ،،، ليش ربيناهم غلط ؟؟؟ ليش ما فكروا فينا و الفضيحة اللي ممكن يسببونها لنا ؟؟
خلينا أيضا نحاسب نفسنا و نحاسب أعضاء مجلس أمتنا اللي يتوسطون لتجار المخدرات
خلينا نحاسب اختياراتنا و نمط حياتنا !!!

اي اشعلى بالج يا وخيتي

واحد من اهلنا ضابط يقول في شقق في بعض المناطق نلزم حدودنا ما نقرب لها لأنها شقة فلان الفلاني و فلان العلاني

اقول لج ياوخيتي قوانين بطيخ :dddds:

 

[حناينq8]

الحمدلله على سلامتج حبيبتي

الصراحه موقف الشرطه رفع ضغطي واحس ان لو بيصير لي اي شي لا سمح الله ما راح القاهم

الله الحافظ

 

[قمر^خالد]

الحمدلله على سلامتج يا ام بتول حدي اندمجت مع قصتج والله بس يحليلج والله قويه آنا لو شنو ما أسوي اللي سويتيه^^^وكات لوفر أي والله صاجة وزين سويتي يوم سويتي كتاب فيهم ^^ مو اهما الشرطة اللي عندهم البلاوي والشقق والسكر وكل شي يغضب الله بس مو كلهم أكيد^^ الله كريم ومشكورة حبيبتي

 

[@حوريه86@]

واي الله ستر الحمدلله على سلامتكم

 

[أدووويا]

خطاكم السو

 

[supermarket]

الله حفظكم

تشوفون الحرامي داخل البيت وتدشون وراه!!

زين ما سوا فيكم شي !!

 

[زهرااا]

لا حول و لا قوة الا بالله

 

[!! شوق !!]

الحين ماحليتو الموضوع .. بيتمون الهنود متابعين البيت .. وبيدرون انكم ما رديتوا ..

واكيد راح يرجعون مره ثانيه ويحاوولوووووون لانكم مو مستقرين فيه ..

ربي يحفظنا ويحفظكم .. خرعتوووني انا اهلي مسافرين ومافي الا انا والخدامه وابوي

 

[أم بتول]

شكرا خواتي

بس اليوم خالي راح البيت

و حط حماية على شبابيك الحمامات

لأن كان داش من دريشة الحمام

يلعن يومه .. اشلون فاجة بدون لا يكسره

 

[♥ąϻᴑŁ♥]

الله ستر عليج حبيبتي ..

والله يعينه على شرطتنا .!!

 

[Eng.shosha]

حسبي الله ونعم الوكيييل

ديروا باالكم .. ليش الناس مساافره فالبيوت مرااقبه
والله ستر عليييج

 

[ماما نونا]

واااااااااي يا معوده الله ستر عليج ديروا بالكم ولاتقولين لأهلج وتخربين عليهم سفرتهم بس ضبطي البيت وسكرووه عدل :0bee2e8d89:

 

[روح الدنيا]

من عذر كثرانين الحراميه من هالاشكال

 

[اسرار الغلا]

انا مره كنت مسافره وانسرق بيتنا
ولما ردينا اكتشفنا السرقه بس زوجي ما رضى نبلغ يقول شيبسوون الشرطه !!!

 

[اروى77]

هالشرطي اللي كلمتوه ماعنده سالفه وشكله ماله خلق يشتغل.. شلون يقول مايصير احد غير صاحب البيت يقدم البلاغ؟!! اصلن البلاغ من حق اي شخص لو من الشارع وشاف البيت ينسرق يحقله يقدم بلاغ ..عالعموم..الحمدلله على سلامتكم والله يحفظنا اجمعين

 

[أسرار الطبيعة]

الله المستعان

 

[noreez]

خطاااكم السوو

التلفزيون الكبير البلازما والدي في دي والستلايت والابتوب شلون بيطلعونهم اشكره جدام اليران ؟

 

[Saroon]

ما سمعتي المثل اللي يقوووووووووووووووووووول الشرطة في خربة الشعب !!

 

[غزلان]

حسبي الله عليهم

 

[عاشقه رويشد]

امبيه ماكو اخلاص بالشغل شلون يشتغلون بمخافر وقلوبهم بارده علي ديرتهم استغفر الله ياربي شي صج يحر