إلى كل من طلبت روايتي : كل ما جيت ابتدي فيك انتهيت..وكل ما جيت انتهي شفتك بدايه!!

[Tom ♥ Jerry]

.


مشكوووووووووووووووورة ع البارت يا قلبي

 

[برنسس أوراق]

الفصل الثالث

طلال مسكها ونزل فيها: تعالي
بس..

على نزلتهم انفتح الباب ودخلوا
بيت عمهم حمد وعمهم سعد وخالهم طلال وعيال خالهم خالد..
الرياييل راحوا الديوانية والبنات بالصاله..
وجدان نزلت تسلم عليهم..: الســـلام عليكم..
سلمت على حريم عمامها وراحت عند البنات..
العنوود حضنتها: عاش من شافج..والله وحشتيــني..
وجدان ابتسمت: عاشت أيامج أنا اللي اشتقت لكم..
صمود باست خدودها وتعلقت فيها: اففف شهالكشخه..وبعدين
يالخايسه شحقه ما داومتي اليوم..
وجدان ضحكت: ههههههه والله
أمس سهرت مع أخواني للفجر وطبعا مشاري الدعله نشب لي ونمت متأخر
الكل:هههههههههههههههه
صبا بمزح: وجدانوه حدج عاد
كلش ولا أخووي حبيبي..
وجدان بعد ما سلمت عالبنات قعدت وابتسمت: والله أخوج أنتي أما أنا واقف عظم ببلعومي
..صج اهو يا
أريج بقلبها[هين ياوجدان بس خل يصير اللي ببالي وأنا أوريج]: أكيد بيي..
وجدان بطيب: شلوونج جنا..يالخايسه لا تدقين ولا تسألين..
جنا بثقل تقلد الشباب:شسوي مشغوله شوي بالدراسه بس ولا يهمج بطيح عندج 24ساعه..
غزل بمزح: أكيد عشانها حلووه..
الكل: هههههههههههههههههههههه

أم عمر: وجدان يمه قومي شوفي سورنا ودت القهوة والشاي حق الرياييل ولا لا..
وجدان قامت مبتسمه: أن شاء الله يـــمه..عنوده قومي معاي..
العنود قامت: اووووك..

صبا بابتسامه: بنات قوموا نروح الحديقه أحلى وأشرح..
نهـــى بتأييد:صح بنات خلونا نروح داخل
شجون: خلوها بعد الغدى الحين
حر..
أريج بخبث[يمكن ألمح عمر]: لاا لااا الحين أحسن..قوموا يلا

قاموا كل البنات ما عدا شجوون
راحت المطبخ عند وجدان والعنوود..


بالمطبخ..
وجدان بعد ما تأكدت أن سورنا
ودت الشاي والقهوة الديوانية..خذت توست وحطت فيها جبن شرايح وخس وطماط وقصتها نصين..وصبت لها كاس شاي..وقعدت عالطاوله تاكل وتسولف
مع العنووود..
دخلت شجون: هااا أشوف قعدتوا بروحكم..ليكون بس عندكم أسرار
وجدان والعنود: هههههههههههه
العنود: لا أسرار ولا شي قعدي بس..
شجون قعدت: البنات راحوا الحديقه..
وجدان ابتسمت: شوي ونروح لهم..صج بنات شرايكم بعد ما نعطل نقول لأهلنا أننا بنسافر السعودية مع بعض..
العنود بحماس: آآي والله يبتيها منها عمره ومنها سفره
شجون: ليش متى تبدأ عطلة الصيف
وجدان: باجي بس أسبوعيـــن
وخلاص..
شجون أعجبتها الفكره: يعني نقعد 15يوم بالسعودية والله فكــــــره..
العنود تحمست: أخخ أصلا وناسه..جمعة بنات نطلع وننام
وناكل ونلعب ونشتري مع بعض..
وجدان قامت بعد ما خلصت أكل: عيل أنا بروح أسلم على عمامي وأقووول لأبووي وأنتوا انطروني
العنود: تكفين وجووود أقنعيهم
وجدان طلعت:ههههههه أووك..

راحت فوق خذت قميص أسود
ربط عالصدر ولبسته وراحت الديوانية..

بالديوانية...
كانوا كل الشباب والرجال مجتمعين يتقهوون ويسولفون..

أبوعمر شافها وابتسم:تعالي يبه
حياج..سلمي على عمامج وخوالج..
وجدان بحيا: الســـلام عليكم..
الكل سكت: وعليكم السلام..
وجدان راحت لعمها أبوجراح وباست راسه: شلووونك عمي..
أبوجراح ابتسم لها: تمام..أنتي شلوونج..
وجدان بابتسامه: أنا بخير الحمدلله أسال عنكم بس..
وراحت لخالها أبو مشاري وباست راسه: شلووونك خالي..وينك ما تنشاف..
مناف ضحك:ههههه لاهي مع مرته اليونانية حتى أحنا عياله ناسينا
الكل:هههههههههههههههههههههه
أبومشاري: ما عليج منه..[وقعدها عنده]قولي لي أنتي شلونج
وجدان طالعت مشاري: أنا بخير
بس ولدك ياخالي ناشب في بلعومي
مشاري فج عيونه: أنـــــــــا..
الكل:ههههههههههههههههههههه
وجدان ضحكت:هههههههه إيه أنت..نسيت شسويت أمس..
مشاري التفت لطلال:شوف هذي أختك أنا بذبحها
طلال ضحك:ههههههههههههههه
خلاص وجدان..اسكتي عنه..

وجدان قامت وتخصرت: أصلا أنا
ما ييت أشوف خشتك..ييت لأبوي
..وراحت قعدت عند أبوها..
أبو عمر ابتسم: هلا بحبيبتي..ها شعندج
وجدان حطت إيدها على صدره
وبهمس: بابا مو الدراسه تنتهي بعد أسبوعين..
أبوعمر: أيه صح..بس شحقه هالمقدمه..
وجدان بصوت خافت:شرايك تقول لهم أننا بنسافر السعودية
مع بعض..عفيه بابا والله بستانس مع البنات..
أبو عمر ابتسم: من عيوووني الحين أقول لهم..

وبناحية الشباب..
زياد كان ساكت ويطالعها بنظرات أعجاب[الحين هذي وجدان اللي قبل جم سنة كانت طفله وكنت ألعب أنا وياها..آآه شحلاتها قمر قمر عالأرض]


أبو عمر بصوت عالي: ياجماعه
وجدان طلبت طلب منكم وتبي الموافقه..
الكل سكت والتفت له..
الوليد بنظرة غرور: وجدان بنتك
وحيدتك وأكيد طلباتها أوامر..
وجدان رفعت حاجبها وبثقه:أقول ياولد خالتي مو جنك تقولها
بدون نفس..ليكون مو عاجبتك بس..
أبو عمر يسكتها: ها ياجماعه شقلتوا..وجدان تقول بتسافر السعودية بالعطله منها عمره وتغير جو ومنها تستانس مع البنــات..
أبوفهد: والله أنا ما عندي مانع..منو يحصل فرصه يشوف بيت ربه ويقول لا..
أبومشاري: وأنا بعد موافق..وبالمره أخلي مرتي أم روز تعتمر كل مره تطلبني وأجل..
أبو جراح: دام اتفقتوا أكيد ماني رافض..
طلال بحماس: أووف..وأخيرا بنغير جوو الدراسه..زهقنا
الكل:ههههههههههههههههههههههه
وجدان قامت: عيل أرووح أبلغ البنات..
أبو عمر: وقولي لأمج تنجب لنا الغدى..متنا يووع..


عامر بهمس: عموور قوووم نطلع..ما زهقت من سوالفهم..
عمر ضحك:هههههههه مو بس جذي..ولد عمك مشعلووه زهقني بريحة الزقاير..طقت جبدي..
عامر ابتسم: قوووم بس قوم..

قاموا وطلعوا برا..

عمر: روح أنت وأنا بروح حمام ولاحقك..
عامر ابتسم: لا بنطرك..

راحوا المغاســـل..ودخل عمر الحمام..وعامر وقف يطالع نفسه بالمرايه..

أريج كانت بتدخل تدور عمر وشافت عامر واقف وراحت له تحسبه عمر..وبدلع: ها ياولد عمي أشوفك برووحك..
عامر تفأجا فيها وبلبسها الضيق
ووقاحتها وطالعها باستحقار: ناطر أخووي أنتي اللي شعندج هني..أتوقع هذا مكان رياييل..
طلع عمر وشافها وسمع كل شي..
أريج بدلع تقرب منهم وتلعب بشعرها: أدري بس هناك ملل
قلت أشوف الشباب يمكن سوالفهم حلوه وتفتح النفس..

قاطعهم صوت شجون..
شجون بحده: أريج شتسوين هني..ما أتوقع البراد هني..مو قلتي عطشانه..
الكل التفت لها..
أريج توترت وخافت تنكشف: أدري بس كنت ماره بالصدفه وقلت أسلم..عادي ما فيها شي..

عمر وعامر طلعوا وخلوهم..بس وقفتهم جملة شجون..

شجون بحده بعد ما تأكدت أنهم طلعوا: أريج عمر لو يبيج جان يا
بنفسه وخطبج..مو تقعدين تترزين عنده..ترى أنتي محد خربج غير أمي..تحشي رأسج وتصدقينها..ترى الريال ما يحب البنت اللي تقط نفسها عليه..
أريج عصبت: جب بس جب..وسدي حلجج..كلمة ثانية وتشوفين شي ما يسرج..وخليج
بطيبتج وغبائج ونشوف شلون بتتزوجين..
وراحت عنها..

عند باب الحديقه..
عمر كان مصدوم من الكلام اللي سمعه..ومعجب بموقف شجون وعقليتها..
عامر مسك جتفه: لاااا تفكر

 

[برنسس أوراق]

عامر مسك جتفه: لاااا تفكر بتفاهات..اتركها عنك..
عمر بهدوء: مو أريج اللي هامتني..أصلا أنا أدري من زمان
أنها حاطه عينها علي وروحاتها وجياتها عندنا بس عشان تتقرب مني بس موقف شجون صدمني
..كنت أتوقع أنهم خوات نفس الطينه..
عامر ابتسم: واكتشفت أنك غلطان..
عمر ابتسم وسرح بشجون: مو
بس جذي..اكتشفت شخصيتها..طيبه وهاديه ومتفتحه و...
عامر قاطعه بضحكه: وحبيتها هههههههههههههههههههههههههههه
عمر تنهد : تصدق عاد دخلت قلبي..
عامر ميت ضحك: ههههه امش بس امش وأنت ساكت..


عند النافووووره..
كانوا البنات[ العنود _ غزل _ نهى _ أريج _ شجون _ صمود _ جنا _ صبا _ لمى _ روز _ فجر _ أبرار]

صبا بضحك: اسمعوا هالنكته بنات..قسم بالله لما سمعتها فطست ضحك..واحد اشترى نعال مقاس 40 وبعد أسبوع
رجعه وأخذ مقاس 30 ,ليش؟
قص أظافره..
كل البنات: هههههههههههههههههه
يت وجدان متحمسه: بنـــــات عندي لكم خبر حصري..بالعطله
بنسافر السعودية كلنا مع بعض
..
البنات بصرخة حماس: يـــــس
هههههههههههههههه
صمود: صج وجووود من قالج..
وجدان ابتسمت: أنا رحت عند أبوي وقلته وسأل عمامي ووافقوا..
غزل: وااااااااو حماس بنسافر مع بعض..بنفلها ونستهبل أخر وناسه..
جنا بثقل حطت رجل على رجل: عـــاااادي كل صيف نسافر شالجديد
نهى بمزح: أمووووت أنا ياثقيل..
الكل ضحك: هههههههههههههههه

بعدها راحوا البنات يتغدون..وبعد الغــدى اجتمعوا كلهم بالصاله يسولفون ويشربون شاي..

أم فهد بمكر: والله زين ما فكرتوا..عالأقل نكوون مع بعض أحسن وأونس..

بدر كان منقرف من جنا ولبسها الشبابي البحت..جينز خصر واطي وحزام عريض وسلاسل حديد طايحه منه..وبلوزه واسعه نص كم وشعرها قاصته سبايكي..ولابسه نيدية وحاطه رجل على رجل..وبهمس لمشاري: شايف اللي أنا أشوفه..وووع ياخي قررررف
..
مشاري كتم ضحكته غصب: مراهقه وعقلها طاير..شعليك منها..عندها أهل وبكيفها
بدر بقهر: ياخي أنا هذي ما أطيقها لا إهي ولا أخوها مشعلووه..ما ينبلع غثيث ووصخ
وقذر
مشاري بهمس: سبحان الله اللي
يشوفه اهو وفهد ما يقول أنهم أخوان..ياخي فرق السما عن الأرض..


أما عند فهد ومشعل وجراح..
فهد متضايق وبهمس: مشعلووه
طف هالزقاير خنقتنا فيها..ما تحس ما عندك دم من يينا وإهي بحلجك..لا وأختك الزفت جنووه حسبالها أنها ولد طاع شلووون تتصرف وشلابسه..شلووون خليتها تيي بهالشكل..والله لو أنا شايفها جان كسرت ريلها قبل ما تطلع بهالشكل..وفوق هذا أريجووه تبتسم وفاكه الكشره تحسب عمر ميت
عليها..
مشعل بلا مبالاه طفى الزقاير:
خلاص طفيناها بس اسكت ما تسوى علينا هالمحاضره..
جراح: شفيك يافهد شكلك مقهور..
فهد بضيق: والله اللي عنده هالأخوان بيكره عمره..
جراح بهدوء: طووول بالك أنت الكبير وهم صغار ومراهقين ومصيرهم يعقلووون..
فهد تنهد وسكت...

عبدالعزيز: روزووه اليوم تنامين
عندنا وغصب عن خشمج بعد مو بكيفج..
روز ضحكت وهي تشوف عيون
طلال ومشعل طايره فيها: هههههههههههههه افف افف شكلك مشتاق بقوووه
عبدالعزيز قرص خدودها: ههههههههههه المهم تجين عندنا
ونسهر مع بعض..


وبعد السوالف والضحك الكل قام وخذا عياله وراح لبيته..



وجدان صعدت غرفتها وقطت قميصها وفصخت صندلها وحذفت نفسها فوق السرير بتعب وهي تشوف الساعه 5 المغرب:آآآه ياراسي أحسه بينفجر..
دخلوا عليها عمر وعامـــر..

وجدان شافتهم: خيــــــر أنت وياه..
عامر ضحك وقعد عندها فوق السرير وتربع: ههههههههه ولااا شي بنسولف معاج بس..
وجدان قامت وفصخت تراجيها:
وأنا مالي خلق..أحس راسي بينفجر من الصداع..
عمر: خذتي بندول..
وجدان بهمس بطيء: لاااااااااا أصلا ما كلت إلا توسته وشاي..حتى ما تغديت..ما أشتهي..

ودخلت غرفة التبديـــل...

دخلوا سعود وطلال وبــــــدر
..
سعود : وينها وجدان..
عامر: تبدل...
طلال كان فاصخ بلوزته..وقف عند مراية أختها: اففف كل هذا عطور ومكياج حشى لو عروس
مو جذي..
وجدان من غرفة التبديل..ضحكت: هههههه اخلص شتبي
..
طلال ابتسم: أبي مزيل عرق..
عمر ضحك: هههههه اللـــه يفشلك أخذ من أي واحد منا..
وجدان تضحك: هههههههه عندك بالدرج الأوووول..بس يمكن مو نفس النوع اللي تستعمله..
وطلعت لابسه شورت بنفسجي
وبدي كت أبيض وفيه قلوب بنفسجية..
وشافته أخذ المزيل ويرش على نفسه..
وجدان ضحكت وهي تدزه: ههههههه وووع شهالقرف اطلع
برا..
طلال ضحك:هههههههه وخــري
بس
الكل:ههههههههههههههههههههههه

دخلت عليهم أم عمر: أنتو هني وأنا أدور عليكم..
وجدان تربعت فوق سريرها عند
عامر: تفضلي يمه حيـــاج..
أم عمر ابتسمت: قومي أنتي كلمي رفيجتج شوق عالتلفون..
وجدان تمددت على بطنها وخذت السماعه:خلاص أنا أحاجيها من عندي..[وردت]..هلا
شووق حبيبتي شلونج..
شوق بابتسامه: هلا فيج ياقلبي
أنا بخير أسال عنج..أنتي شلونج شخبارج..
وجدان منغثه من طلال اللي يحرك ريشه على جتوفها: أنا تمام..[لحظه شوق]..اففف طليل وربي نرفزتني وخـــر..
طلال ضحك وقعدها بحضنه وصار يلعب بشعرها..
وجدان ملت منه: أيه شووق..اسمعج
شوق: تدرين اليوم من شفت بالجامعه
وجدان بفضول: منوووو..
شوق: تذكرين الطالبه اللي صارت لها السالفه بثالث وأنتي أنقذتيها وبعدين اختفت..
وجدان تجبست بحضن طلال وصفر وجهها وبخوف: أيـــه..
شوق: اليوم شفتها..توها مستجده ويايه تسحب أوراقها..متغيره وايد بس عرفت أنها كانت بكندا تتعالج وتزوجت 3 مرات وتطلقت..
وجدان بصوت متقطع: أها..أوكي شوق أنا أحاجيج بعدين..
باي..
أخوانها لاحظوا خوفها وارتباكها
: شفيج..
وجدان بصوت مبحوح: ولا شي..
قامت بسرعه ودخلت الحمام وقفلت الباب وقعدت تبجي بصوت مكتوم..

عمر خاف عليها وقام بسرعه وطق الباب وأخوانه وراه: وجدان بطلي الباب شوي..وجدان بحاجيج..وجــــــدان..
وجدان ما ترد بس تبجي بصوت
عالي..
طلال : وخر أنا أحاجيها..وطق الباب..وجدان بطلي وحاجيني..منوو هذي وشتبي منج..وجــدان
..وجدان بطلي ولا بكسر الباب..

وجدان ما ترد بس تتأوه وذكرى الحادث تمر ببالها من أمس ومو قادره تنمحي..ومكالمة شووق زادتها..قعدت بأرض الحمام ودفنت راسها بريولها وبجت...

طلال عصب: وجـــدان بكسر الباب..
وجدان ما ترد...
طلال تنفس بسرعه: 123..ودز
الباب بقوووه وانفتح..
ودخلوا كلهم..وشهقوا من منظرها..
طلال بسرعه راح لها ورفع وجهها بخوف: وجدان حبيبتي شفيج..
وجدان تشاهق: شفت البــ البنت
اللي أمس كلمتكم عنها..توها شوق تقول لي أنها شافتها اليوم بالجامعه..كانت تعالج بكندا..وأنها تزوجت وتطلقت 3 مرات..[وتمسح دموعها] ط..طلال أنا خايفه..أنا مابي أشوفها
..أنا مابي أصير مثلها..
طلال سكت حس أنه مقهور ما قدر يسوي شي بس خذاها بحضنه بعنف يهديها: خلاص وجدان..حبيبتي أنتي..ترى عادي


يتبع

 

[Zozαĺiиaђ]

شكله عمر بيحب شجون و اريج راح تسوي سالفه و تكره اختها :/

الله يستر :/

فهد و شجون مساكين موقعهم غلط بعايلتهم

و الله يعين و جداان .. اشوا اخوانها كانوا موجودين عشان يخففون عليها

الله يعطيج العافيه :**
ناطريينج متى البارت الياي ؟؟*

 

[Tom ♥ Jerry]

.

وااااي واعليا !

تسلمين حياتي .، كرهت اريج مليقه و خفيفه

تسلمين ع البارت يا قلبي

 

[Zainabo]

ثينكس عالبارت والقصة حللللوة
وبصراحه ماحبيت اريج
يلا كملي ناطرين

 

[برشلونيه q8]

امبي القصه رووعه عجيبه حبيت وجدان و اخوانها و مشاري و العنود و شجون اكثر شي

نبي بااارت ان شاء الله متى البارت الياي ؟

 

[برنسس أوراق]

يسلمووو عالردود الحلوووه بناات..ودي ارد عليكم وحده وحده بس وايد ما شاء الله ما اقدر..

مابي احرق احداث القصه..بتشوفون شبيصير بكل شخصيه..

وبنزل كل يوم بارت لان الروايه جاهزه..فالبارت راح يكون الصبح نازل

 

[Tom ♥ Jerry]

.،


اب !

 

[Zainabo]

اليوم ماراح تنزلين باارت

 

[mf6nt el3lat]

.


بعــد قلبي كملي

.​

 

[احكي يا شهرزاد]

وووواي وايد حلوه الروايه ناطرينج حبيبتي كل روايه لج احلى من ثانيه

 

[Zozαĺiиaђ]

ويتنق

 

[برشلونيه q8]

اليوم ليش ماكو بارت

بس ماعليه الروايه عجيب و ننطر الاحداث شكلها تشوق

 

[Zozαĺiиaђ]

اوراااااق ويينج

متى بتنزلييين باااارت ؟؟

حدي متشووقه اعرف شيصييير !

ناااطرييينج

 

[برنسس أوراق]

سوري عالتأخير بس امس قالوا ان الكيبل البحري للنت انقطع ويبيله يوم كامل يتصلح وما شبك معاي..يلا الحين بعوضكم ببارتين

&الفصل الرابع&

عمر شالها ورفعها عن الأرض وباس جبينها: وجدان لا تخافين من شي دام أحنا معاج..
وجدان ما ردت بس حضنته وظلت تبجي..
بدر بضيق: وجدان خلاص عاد
مسحي دموعج..وخلي هالبنت تولي..
وجدان رفعت راسها وبتوتر: آ آ بروح عند بابا..
وطلعت بسرعه وراحت غرفة أمها وأبوها..

فتحت الباب بسرعه وشافت أبوها متمدد بفراشه..ركضت له ورفعت عنه اللحاف ونامت معاه
وحطت راسه على صدره وتمسكت فيه بقوووووه: بابا ضمني..بابا أنا خايفه..لا تتركني
..بابا أنا أحبك..
أبو عمر كان خايف عليها ومصدوم..خذاها بحضنه: أنا معاج يابابا لا تخافين..
والتفت لعياله اللي دخلوا وراها..
: شفيكم..شلي صار...
دخلت أم عمر وخافت لما شافتهم: شصاير شفيـــكم..وجدان شفيها..
أبو عمر أشر لهم يقعدون ويسكتون..
ظل يطالع بوجدان اللي نايمه بحضنه..ولما غفت سدحها وغطاها عدل..وطبعا وجدان متمسكه بيده عشان تضمن أنه ما يتركها..
عمر بقلق: يبه أنت تعرف وجدان شفيها..ليش تخاف جذي
..إهي قالت لنا عن سالفة البنت بس ما فهمت خوفها ليش..
أبو عمر تنهد: اللي ما تعرفونه أن وجدان بعد ما صار الحادث صار فيها حالة نفسيه وصارت تخاف من الظلام وتخاف تبقى بروحها وصارت تتخيل أنها مكان هالبنت وما تنام الليل من الكوابيس وطبعا ما تلاشى خوفها إلا بعد 3 سنين لما بلغت وعرفت أنها تقدر تدافع عن نفسها وأن عندها أحد يحميها..
بدر: انزين يبه ما عالجتوها..وجدان خوفها مرضي ولازم تتعالج قبل ما تنتكس حالتها..
أبو عمر: سألت وعرفت أنها ما راح تتعالج إلا إذا أقتنعت بنفسها أنها تقدر تواجه مخاوفها وأن لها أحد يحميها وتحس معاه بالأمان..
كلهم سكتوا وصاروا يطالعون ببعض..
أم عمر قامت: أنا بروح أسوي عصير ليمون تشربه وتهدأ أعصابها..
أبو عمر: يلا ياعمر خذ أخوك وروحوا الشغل تأخرتوا..أنا ببقى
معاها..
عمر وعامر قاموا غصب عنهم وهم متوترين عليها..
طلال تنهد وقام: أنا طالع حاس أني مخنوق..
سعود وقف: خذني معاك..
بدر قام: أنا بروح أريح حاس أني تعبان حـــدي..

ـــــــــــــــــــــــــــــــــــــــــ
بفيلااا أبو مشـــاري الأولى..

الساعه 8 بالليل...


صبا ولمى وروز قاعدين جدام التلفزيون يطالعون فلم هندي ومندمجين معاه وجدامهم عالطاولة أنواع الشبسات والجلكسي والكولا..

لمى تاكل شبس: روز الحين أمج عادي تقعد بروحها بالبيت..
روز مندمجه مع الفلم وتاكل جلكسي: إيه عادي أصلا أهي جذي تحب تختلي بنفسها وايد وأنا أحب اترك لها الجو مع بابا..

صبا تشرب كولا وتشفط: روز تدرين أول ما أبوي قالنا أنه متزوج وعنده بنت انصدمنا وطبعا كرهناج وقلنا بندبر خطط
عشان نطفشج..بس لما شفناج
وعرفناج عدل طلعتي عسل بس بصراحه أمج أغار منها..
روز ابتسمت: وأنا ما ألومج لأني
أدري أنها أمج وأكيد بتخافين عليها..بس أهم شي عندي أني أحبكم وتحبوني..
لمى: اشششششش ازعجتونا..
تابعوا وأنتوا ساكتين..
بعدها سكتوا وصاروا يطالعون الفلم..

بنفس الوقت..نزلت أم مشاري من فوق وشافتهم..وبحـــقد..: أنتي عندنا ياروز
روز ابتسمت وقامت: أيه اشتقت لأخواني وقلت أيي أسهر معاهم
اليوم..
أم مشاري بسخرية: لاااا زين..والله وطلع فيج خير يابنت نيرون
وييتي تسألين عنا..
روز انصدمت من كلامها وحبست دموعها غصب..
صبا بحده: يـــمه شفيج عليها..روز دايم تيي وتسأل عنا..
روز بصوت مبحوح: خليها ياصبا
..[والتفت لأم مشاري]..خالتي أنا مالي دخل بخلافج مع أبوي وأمي..ومالي ذنب إذا أبوي طلقج عشانها..أهم شي عندي بالدنيا هذي أن علاقتي مع أخواني ما تتأثر بخرابيطكم..

وطلعت بسرعه فوق ودموعها تسابقها..بدلت ملابسها بجينز وبلوزه وخذت سويجها وفونها ونزلت طايره..

لمى وصبا: روز..روز لحظه روز
..
لكنها ما ردت وطلعت تركــض..

ركبت سيارتها بسرعه وشخطت فيها وهي ما تشوف من دموعها
..

بنفس الوقت..كانوا أخوانها مشاري ومناف وعبدالعزيز توهم جايين من برا..وخافوا من شكلها..وركضوا بسرعه داخل..
عبدالعزيز بسرعه: شفيها..ليكون صاير شي
مناف: امشوا نشوف بسرعه..

دخلوا داخل..

مشاري بخوف: يمه..شفيكم شصاير..وليش روز طالعه تركض..
صبا تخصرت: أمي سمعتها كلام
نفس السم..
أم مشاري بحده: طلعتوني أنا الغلطانة الحين..إهي اللي مسويه نفسها ياعنني حساسه..
اسمع أنت وياه بنت اليونانية هذي ما أبيها تدخل بيتي مره ثانية سمعتـــوا..
مناف عصب: يمه الله يهداج..روز أنا اللي قلت لها تيي عندنا..يمــــــه روز بنت وأحنا خايفين عليها..لازم تكون تحت عينا طول الوقت..
أم مشاري بصراخ: وأنا مالي شغل..أختك تبيها وخايف عليها شوفها برا بيتي..سمعت..
وخلتهم وصعدت غرفتها..

مشاري قعد وحط إيدينه بشعره من القهر: يــــــالله..ياللــــــــــــــــــه..
صبا حطت إيدها على جتفه: طوول بالك ياخوووي..روز عاقله ومستحيل تغلط..بس دق
عليها شوفها وين..
مشاري تنهد: مناف دق عليها..خل ترجع..قول لها مشاري يبيج
..
مناف بضيق: إن شاء الله الحين
أدق عليها..
ـــــــــــــــــــــــــــــــــــــــــ

بسيارة روز..كانت موقفتها عند البحـــر..وحاطه راسها عالسكان وتبجي بحرقة قلب: آآآه ياربي آآآآه..شذنبي أنا أتعذب وأنظلم بدون سبب..شذبني..إهى إهى إهى إهى إهى إهى إهى إهى إهى إهى إهى..
وقطع عليها نغمة التلفوون.[ضعنا وتغربنا بزمن يشتري ويبيع..ندفع سعادتنا ثمن وبغمرة جراحه نضيع]
منـــاف الغالي يتصل بك...
روز مسحت دموعها وردت غصب: هلا مناف..
مناف بسرعه وبقلق: روز ارجعي البيت..
روز بصوت مبحوح: مناف لا تخاف علي..أنا تعبانه شوووي
وحاسه أني مخنوقه وبقعد بروحي..
مناف بأصرار: روز ياقلبي أنتي..تعالي عشان نتفاهم..ترى كلنا خايفين عليج ومشاري يبيج بيكلمج..
روز تحاول تتماسك: اسمحلي ياخووي..ما أقدر أجي..أصلا ما فيني حيل أتحرك خطوة وحده..أنت تعال أنا عند البحر..
مناف تنهد: خلاص خليج هناك وأحنا بنييج..باااااااي..

روز سكرت وحطت راسها عالسكان وظلت تبجي بروحها..

وبعد دقايق..انفتح الباب ودخل مشاري يمها..ومناف وعبدالعزيز
بالمرتبه اللي ورى..
مشاري رفع راسها بيده وشاف
عيونها المليانة دمووووع: روز صدقيني كل الكلام اللي تقوله أمي من دافع الغيره مو الكره..بس إهي شايله بقلبها عشان أبووي طلقها عشان أمج..المفروض تكونين قوووووية ياروز ومو أي شي يكسرج..وبعدين للحين ما تعودتي صار لج عشر سنين معانا وما عرفتي
أمي عدل..

 

[برنسس أوراق]

روز صرخت بقهر وهي تشاهق
: مشــ مشاري هذي مو أول مره..أمك أنا ما أكرهها بالعكس أتمنى رضاها بس بنفس الوقت ما أرضى بالظلم على نفسي..مشـــاري تدري ليش أنا قطعتكم من ست شهور ولا صرت إيي إلا اليوم عشان بس مناف طلبني واستحيت أرده..
مشاري أمك مره شافتني مع الطباخ بالمطبخ تدري شقالت لي..قالت لي حتى الطباخ حطيتي عينج عليه..ما كفاج الفراره والمغازل بالأسوقه والمجمعات..بذمتك هذا كلام ينقال لوحده توها ما تعدت الــ19..ليش شنو شايفتني..صايعه ولا ما عندي أحد يظفني..صج أبووي معطيني حريه بس أنا أعرف أحافظ على نفسي وسمعتي وما أحتاج
تذكير من أحد..

وفتحت الباب ونزلت..

مشاري كان مصدوم بأمه..أول مره يدري أن تفكيرها ساذج وسطحي..وعصب: صبــــــرني
يارب..صبــــــرني..
عبدالعزيز شد على جتفه: طول
بالك ياخوي..لابد تنفرج بيوم..
مناف نزل وراح لها وشافها واقفه جدام البحر تبجي وتتأمل أمواجه العاتيه..
بدون مقدمات روز قطت نفسها
بحضنه وفرغت شحنة الخوف والضياع اللي فيــها..
مناف ما قال شي بس حضنها وتركها براحتها..

بالسياره..
وسط الانفعال والصراخ..دق فووون روز:
[ضعنا وتغربنا بزمن..يشتري فينا ويبيع..ندفع سعادتنا ثمن وبغمرة جراحه نضيع]
مشاري ابتسم بألم: حتى نغمتها
حزينه..
عبدالعزيز : أمها تدق..
فتح الشباك وناداها..روز أمج تدق عليج..
بسرعه يت روز ووراها مناف..

ردت..طبعا بالفصحى:
نيرون: روز حبيبتي أيـــن أنتي؟..
روز ابتسمت بألم: أمي قولي ما
لديكي بدون مقدمات..؟
نيرون ابتسمت: كنت أريد أن أخرج للقاء صديقي فريناند وزوجته وأردت أن أطمئنك فقط
..
روز بعصبيه: لماذا تصرين على افتعال المشاكل..ألم ينهاك أبي عن روية فريناند هذا؟
نيرون بحده: أتريديني أن أتخلى عن أصدقائي لأجل أبيك..هو موافق فلا دخل لكي بنا..
روز بدون نفس: شـــت..حسنا
أنتي حره..وسكرت بوجهها..
عبدالعزيز فجرها ضحك:
هههههههههههههههههههههههههههههههههه أمووووت بالفصحى أنا..
روز غصب عنها ضحكت: هههههههههههههههه
مشاري ابتسم: منو فريناند هذا
روز تنهدت: صديقها..اهو يوناني
ومتزوج ومقيم هني..وأمي تحب
تروح له وأبوي ما يحبه..يتضايق منه وجم مره نهاها عنه بس
إهي تشوف حسب وجهة نظرها أنها حرية شخصية..
مشاري بجدية: ما عليج منها..دام أبوي موجود بكيفهــم..
عبدالعزيز: انزين خلاص خلونا نمشي..تركنا صبا ولمى يحاتونا..
روز : أنتوا روحوا أنا بروح بيتنا..
مناف خربط شعرها: لااا ياحلوه
أنا بظل معاج وبنفرفر بكل مكان ونتعشى بعد..
مشاري ابتسم وهو يفتح الباب: عيل أحنا نروح..ولااا تنسين تعالي عندنا..بنسهر مع بعض..
روز باعتراض: آآ
مشاري بحده: رووووووز..
روز ابتسمت: خلاص بكيفك..ههههههههههههه

ـــــــــــــــــــــــــــــــــــــــــ

مستشفى الــ..الخاص..
الساعه 8:30

بمكتب عمر..
كان مشغول بأوراقه..ومو حاس
بالوقت..

انفتح الباب ودخل زياد لابس بالطو المستشفى..

زياد بابتسامه: عمووووور ما خلصت صارت ثمان ونص..
عمر طالع ساعته: اووووووه والله ما حسيت بالوقت..كان عندي مراجعين وايد اليوم..
زياد قام وفصخ البالطو: قووووم بس قوم تأخرنا..أنا ميت من اليوع وهلكان حدي..
عمر ابتسم وقام اهو بعد فصخ
البالطو..
وبنفس اللحظه دخل عامــر: توووني ييت أشوفك..[وقعد]ها زيوووود أخبار طب الأسنان وياك..حلووو ولا يلوع الجبد..
عمر وعامر: هههههههههههههههه
زياد ابتسم: تتطنز حضرتك عالأقل طب الأسنان أحلى من أنك تلعب بعيووون الناس..
عمر ضحك:ههههههههه خلاص أنت وياه لا تقعدون اتخانقون..امشوا يلا..تأخرنا..
عامر وزياد قاموا وطلعوا. .
زياد ركب سيارته وراح..
وعامر ركب مع أخوه وراحوا عالبيت..

وبنص الطريج..
عمر: دقيت على أبووووي..
عامر ابتسم: إيه تو قبل ما أييك دق علي عشان تأخرنا وسألته عن وجدان..يقول كانت نايمه طول الوقت وتوها قعدت..

عمر ابتسم وسكت...وأول ما وصلوا..صفط السياره ونزل مع أخوه..
عمر وعامر: الســلام عليكم..
الكل: وعليكم السلام..
أم عمر: يلا يايمه صعدوا غسلوا
وبدلوا علما أنجب العشاء..
عمر صعد: أي والله ترى ميت من يوعي..
أبو عمر: شلووون الشغل اليوم..
عامر ابتسم وهو يفصخ بلوزته: تمام..بس وايد كان عندنا مراجعين وحالات ليزك عشان جذي تأخرنا..
أبو عمر: الله يعطيكم العافيه..قوم غسل وانزل عشان تتعشى
معانا..

عامر ابتسم وقام بيصعد الدرج..وعلى صعدته كانت وجدان نازله
بهدوء وشعرها مفتوح كله ولابسه شورت سماوي لفوق الركبه وبلوزه بيضا بسماوي علاق عريض عالرقبه..
عامر ابتسم وقرص خدودها: مســااااااء الخير ياحلوووو..
وجدان ابتسمت: مســــااااء النووووور..
عامر صعد ونزلت وجدان وراحت عند أبوها وقعدت وحطت راسها على صدره..

طلال يتحرش: شدعوى عليج..كلفتي على نفسج بهالشورت..
سعود ضحك من قلب:هههههههه
ههههههههههههه وأنت شعليك..
أبو عمر كتم ضحكته: بس عاد كلش ولااا وجدان حبيبتي..
وجدان رفعت حواجبها له تقهره
: هههههههههه ويك ويك ويك فشلووووه..هههههههههههه وبعدين لو مقهور ألبس شورت من قاضبك..
بدر مات ضحك: وووع عاد من زين الريول..كلها شعر..هههههههههههههههههههههههههههه
طلال حذف عليها خدادية: عدال
يعني أنت اللي مرقعها..ههههههه

يت أم عمر وناداتهم: يلا ياعيال قوموا عالعشا وبسكم هواش..

ـــــــــــــــــــــــــــــــــــــــــ

في فيلااا أبو جراح..
الساعه 9..

كانوا قاعدين عالعشا...

العنوود: يبــه باجر بروووح السوق؟!
أبو جراح ابتسم: بكيفج بس خلي أخوانج يودونج..
جراح ياكل ورق عنب: أنا باجر
مشغووول لراسي..
زياد: وأنا بعد عندي مراجعين الصبح بالعياده..
ناصر ضحك:هههههههههه يعني قطيتوها براسي
العنوود وغزل ونهى: عفيــــه نصوووووور
ناصر يضحك عليهم: ههههههههه
آســــف مواعد الربع بطلع معاهم..
العنوود صرخت: لااااااا نصووور
..
وقاموا له ثلاثتهم وطاحوا فيه بوس وناصر متشقق ضحك...

أم جراح ضحكت على بناتها: هههههههههه خلاص أنتي وياها خلووه يتعشى..
ناصر ميت ضحك: ههههههههههه
وو..طــــاخ..[طاح من الكرسي
وطاحوا فوقه ثلاثتهم]..آآآآآآآه ههههههههههههههه خلاص موافق أوديكم..بس وخروا وخــــــــــروا
الكل: هههههههههههههههههههههه
زياد يضحك على شكله: هههههه
شعليك 3 بنات طايحين فوقك تبويــس..ههههههههههههههههههه
ناصر قام وعدل نفسه وقعد ياكل: هههههههههه حتى بهـذي حاسدني..
أبو جراح كتم ضحكته: خلاص أكلوا وأنتوا ساكتيــــن..

ـــــــــــــــــــــــــــــــــــــــــ

 

[برنسس أوراق]

‏&الفصل الخامس&

في فيلاا أبوو فهد..
الساعه عشر..

بغرفة مشعل..
كان قاعد يدز مسجات حق بنت توه تعرف عليها:..
[مساء اللوز والفستق عليهم زبدة البندق يا أجمل من خلق ربي أذا شافك حجر يــــنطق ]

ثواني وردت عليه بصوت مايع..
رغد: مســــاااااااااء العسل والبوسات على خدودك الحلووة
..شلونك حبيبي اشتقتلك..
مشعل ابتسم بخبث: ياعمري أنتي..يابعد جبدي هالصوت..فديتج أنا..أنا ميت من شووووقي
وقلت أدق أسمع صوتج..
رغد بدلع: اممممم حبيبي فوني
ما فيه شحن..
مشعل بقلبه[بدينــــا]: أفاااا..دقايق ويكون فوونج مشحون لا
ومليان رصيد..
رغد استانست: خلاص حبيبي أشحن فووني وأكلمك
مشعل ولع زقاره وحاط الهتفون بأذنه وبنفس الوقت يطقطق عالاب توب: حبيبي أنتي
..دقايق وبرسلج رصيد وأنا بدق عليج لأني ما أرضى أخسر حبيبتي..
رغد بنفسها[صج غبي]: أوووك ياقلبي..وسكرت..

وبعد دقايق مشعل أرسل لها كرت تعئبة بــ 20دينار ودق عليها..
مشعل بهمس: تدرين رغوووده
حبيبتي من أول ما شفتج قلت أنج الوحيده اللي أبيها زوجه لي
وأم عيالي..
رغد بخبث: ليش شنوو اللي عجبك فيني..
مشعل عض شفايفه: كــــلج على بعض تهبلين..صوتج وطولج وخصرج وصدرج..آآآآه ياقلبي..
رغد بدلع: سلامة قلبــــــــك من الآه ياروووحي..
مشعل : حبيبتي شرايج آ..[وسمع دقة الباب]..لحظه قلبي فيه أحد يدق الباب..
وبصوت عالي: نعم..
انفتح الباب ودخلت صمود واختنقت من ريحة الدخان: كح كح كح..ووع مشعلوه بطل الدريشه..
مشعل بدون نفس: اخلصي شتبيــــن..
صمود رفعت حاجب: أبووووي يبيك تحت موو أنا..
مشعل بنرفزه: انزين قلبي ويهج
وأنا الحين بيي..
صمود تنرفزت..طلعت وصفقت الباب..
مشعل رجع لرغد: حبيبتي أنا أحاجيج بعدين..بروح أشوف أبوي شيبي..
رغد: أوووك باااي ياقلبي..أحبــك
مشعل ابتسم بخبث: وأنا أمووت
فيج ياعسل..يلا باااي..
سكر منها ونزل تحت..


بالحديقه..
شجوون بروحها قاعده تتمرجح..

يت صمود متنرفزه وقعدت عالطاوله..
شجون ابتسمت: افف اففف شفيج شهالنفس الخايسه..
صمود بحده: أنا ما أدري شلون أبوي ساكت لهم ومخليهم براحتهم..مشعلووه طول الوقت حاط الهتفون بأذنه ويغازل وذبحنا بالزقاير..وجنوووه صبيك
وما ينقعد معاها..وأريجووه العوده طول الوقت تخطط إهي
وأمي على عمر..ما فيه غيرنا أنا
وأنتي وفهد ضايع حقنا بهالبيت..

شجوون تنهدت..كل شي قالته أختها صح..: أنا معاج بكل اللي قلتيه بس مالنا إلا الفرج وربج بيفرجها وبيي نصيبنا وبنتزوج ونرتاح..وأريج إذا بتظل جذي تخطط وتدبر ومستذبحه عالزواج..عمرها ما بتتزوج ولا بيدق بابنا أحد..
صمود تنهدت وسكتت وصارت تفكر بكلام أختها..


بغرفة أم فهــــد..

أم فهد بخبث:شوفي أنا عندي حل أحسن..شرايج تروحين له العياده..وتسوين نفسج بتفحصين عيونج وهناك تغرينه بالكلام الحلوو..واللبس..
أريج استانست: صــــــــج أنا شلووون طافتني هذي..خلاص من باجر أروح له العياده وأتقرب منه..على الله يحس فيني وأتزوج وأفتك قربت أعنس
..

ـــــــــــــــــــــــــــــــــــــــــ

ثاني يوووم الصــــبح..الساعه 10:30..بالجامعه..كلية الأداب..

وجدان وصمود كانوا توهم طالعين من المحاضره ونازلين عالدرج..
صمود: ياااااه صدعت..أحس راسي بينفجر من المعلومات..
وجدان ابتسمت: امشي نرووح ناخذ كوفي ونقعد بالــ..[وسكتت..بلعت ريجها بخوف وهي تشوف نفس البنت مع شوق]
صمود حست فيها: وجدان شفيج..؟!
وجدان صعدت بسرعه مره ثانية
عشان محد يشوفها: تعــــالي بسرعه بسرعه مابيها تشوفني!
صمود باستغراب: منهــــي!!
وجدان ما ردت لحد ما تأكدت أن
شوق والبنت تعدوها..وصارت تتنفس بخووف وصدرها يطلع وينزل..طاحت الكتب من إيدها:نفســــها..إهي نفسها ما تغيرت
وايد..
صمود بقلق مسكت إيدها: وجدان شفيج عن منوو تحجين..
وجدان بتوتر سريع: أبي طلال..صمود أبي أروح لطلال..
وراحت تركض..وصمود بسرعه
جمعت أغراضها من الأرض وراحت تركض وراها..
وجدان تركض عالدرج بسرعه وكان زحمه..بنات وشباب اللي صاعد واللي نازل..
صمود بعيد عنها: وجــــــــدان
لحظه وجدان..وقفي شووووي..
وو[شافت وجدان دعمت بواحد كان نازل بقوووه]هــــــــى..

وجدان تتأوه ولثتها انجرحت ونزفت من قوة التصادم: آآآآآآه

الشاب بخوف مسكها من خصرها قبل من تطيح على راسها..وربعه واقفين معاه..: آسف آسف ما انتبهت لج..
صمود يت لهم: أحنا اللي آسفين
..يلا وجدان..
وجدان ما ردت وكملت طريجها ركض وهي ماسكه حلجها اللي
ما وقف نزف..

ركضت بسرعه ولما وصلت عند
القاعه اللي فيها محاضرة طلال
فتحت الباب بقوووه: طــــــلال
..[وتلفتت بين الطلاب المستغربين]طلال وينــــــــك..
طلال كان مندمج يكتب مع الدكتور..وشهق من منظرها وقط القلم وركض لها وطنش الدكتور: وجــــدان شفيج..من سوى فيج جذي..[ورفع وجهها
بيده]
وجدان بدموع وماسكه حلجها: شفتها..عالدرج شفتها..نفس البنت..آ
قاطعتهم صمود اللي كانت تلهث
من المسافه اللي ركضتها: يمه قلبي بيوقف..أبي نفس..
طلال طلع من القاعه وسكر الباب وبخوف وهو مو فاهم شي: صمود وجدان شفيكم تحجوا طيحتوا قلبي..
وجدان ما ردت بس حطت راسها بصدره وصارت تهدي أنفاسها..
صمود بأنفاس متسارعه: ما أدري كنا نازلين عالدرج نسولف
وفجأه صارخت نفسها نفسها نفس البنت..أبي طلال..وركضت وقطت كتبها ومن السرعه دعمت بواحد ونزفت لثتها من قوة التصادم..
طلال تنهد ورفع وجه وجدان عن بلوزته اللي امتلت دم: أشوف وجهج..[وشاف جرح غزير بلثتها وواحد من أسنانها بينكسر] لثتج متعوره حيل..
ومسك إيدها..امشي أوديج يشوفج زياد..
صمود: وأنا..أيي ولا أقعد أنطركم..
طلال ابتسم: لااا تعالي يمكن نتأخر..

نزلوا كلهم وصعدوا بسيارة طلال الهمر السودا وحركوا بسرعه عالمستشفى..

بالسياره..
صمود كانت تشوف وجدان خايفه وتنزف بغزاره والكلينكس
كله خلص وامتلئ دم..: طلال بيصفى دمها..
طلال بخوف وهو يسوق بسرعه: شسوي ما تشوفين الزحمه..دوري لج شي حطيه على جرحها عشان ينضغط ويوقف..
صمود توهقت..ما لقت إلا الربطه اللي لافتها على إيدها..شالتها وصفطتها وقربت جدام..وعطتها لوجدان: وجدان حطي هذي يمكن يوقف الدم..
وجدان خذتها وحطتها داخل حلجها بهدوء وسندت راسها لورى وهي دايخه من كثر الدم اللي نزفته..

عشر دقايق ووقف طلال عند المستشفى الخاص حق أبوه..
نزل بسرعه وفتح لها الباب وشالها على إيدينه..
طلال بسرعه: يلا صمووود انزلي بسرعه وراي..

نزلت صمود وراحت معــــاه..


دخل طلال يركض والممرضات
بسرعه راحوا له يساعدونه لأنهم يعرفونه..
طلال راح لعيادة زيــــاد وفتح
عليه الباب بسرعه..
زياد كان مشغول مع ياهل يحشي له سن..واخترع من فتحة الباب:نعــــ...طــــلال..شفيك..

 

[برنسس أوراق]

زياد كان مشغول مع ياهل يحشي له سن..واخترع من فتحة الباب:نعــــ...طــــلال..شفيك..
طلال بسرعه دخل وحط وجدان عالسرير بعد ما قام الطفل: زياد بسرعه لثتها مجروحه..
زياد اختبص وترك اللي بيــــده
..وراح له..:طول بالك واقعد أنت وارتاح..[ونادى السكرتير]سمير
لا تحول لي ولا موعد ولا أتصال
..أووكي
سمير : تؤمر يا دكتور..وطلع وسكر الباب..
زياد راح لوجدان اللي متمدده عالسرير وفوقها رف الأجهزه..وانحنى لها..
طلال قاعد عالكراسي الجلـــد..ومتوتر وصمود قاعده يمه:أنا برووح أشوف عمر وعامر..
صمود: خذني معاك عشان يعرف يشتغل..
طلال ابتسم: اوووك تعالي..
[والتفت لزياد اللي منهمك بالشغل]بروح طمني ها..
زياد مركز عالجرح وبدون ما يلتفت: أوووكي..
طلعوا وبقى زياد بروحه مع وجدان..

وجدان كانت خايفه ومسكت بأيد زياد اللي مسك فيها معقم:
آآآ شوووووي شووي ترى أنا خوافه..
زياد طالع بعيونهــــا وابتسم : ههههههههه سمي ولا تخافيــن..

وجدان سكتت وسرحت بعيونه وابتسامته..
زياد كان حاس فيها وبنظراتها بس مركز بشغله..عقم الجرح ونظفه
وجدان صرخت من الألم ودمعت وشدت على إيده: آآآآآآهـ آآآآآآآه..
زياد ميت عليها..ابتســــم: وجدان ترى ما أقدر أركز..قاعد تشوشيني..
وجدان بعفويه: انزيــــن يعوور شسوي..
زياد ذايب: ههههههه تونااا ما خيطنا الجرح..
وجدان شهقت وكانت بتقوم:تخيط الجرح..[وتألمت]آآآآآآآه..
زياد مسك الأبره وبدأ يخيط: ثبتي نفسج..
وجدان تمسكت بأيدينه بشده حتى طبعت أصابعها على جلده..
وظلت تصرخ وتبــــجي لحد ما خلص زياد..
ووجدان من التعب على طول غمضت عيونها ونامت..
زياد ابتسم..أخذ كلينكس وقرب منها وانحنى لوجهها ومسح دموعها وسرح بوجهها..: يــــالله
شنوو هالوجه ملائكي..
ظل واقف جدامها دقايق يتأملها
وما انتبه إلا متأخر..
بسرعه رفع السماعه وضغط رقم 2: سمير بلغ الدكتور عمر أن عملية الأنسه وجدان خلصت
..
سمير : تؤمر يادكتور..حبلغه فورا
..
زياد سكر وراح المغسله..نزع التسوس وغسل إيدينه وعقمهم
..
انفتح الباب ودخلوا عمر وعامر
وطلال وصمود..
عمر راح لها وشافها نايمه وباس
جبينها: ها طمنا..
زياد طلع من الحمام وابتسم وهو يقعد على مكتبه: تطمن..جرح بسيط بلثتها وخيطناه..
طلال: بس نزفت وايــــــــد..
زياد بهدوء وبثقه: أدري..لازم إذا
قعدت نعطيها أورنج فرش..لأنها
بتحس بدوخه من ألم التخدير والنزيف..بس تعال قولي شصار
..
طلال قعد جدامه عالكراسي الجلد: ما أدري أنا كنت بالمحاضره وتفأجات فيها تفتح
الباب وكانت تنزف..
صمود : كنت معاها..كنت مستعيله بتصعد ودعمت بواحد
بقوووه وتعورت..
عامر ابتسم: أهم شي أنها بخير
..وإلا أنت ياطليل طيحت قلبي لما شفت بلوزتك دم..
طلال ضحك:ههههههههه شسوي
أنا بعد اخترعت خرعه تسوى حياتي وكنت مختبص..
عمر: انزين روح أنت وصل صمود ووجدان خلها ترجع معانا
..
طلال قام والتفت لصمود: يلا قومي..يبيلي أخذ شاور عند فهيدان وأعدل مزاجي..
صمود ضحكت:ههههههه حياك..

مشوا بيطلعون..وانفتح الباب وكانت أريج..
صمود بصدمه: أريــــــــج..
أريج توترت: السلام عليكم..صمود أنتي شيابج..مو بالجامعه
..
طلال بدون نفس: كانت مع وجدان انجرحت لثتها ويت تساعدنا..أنتي اللي زيارتج غريبه..
صمود عرفت نوايا أختها وبحده راحت لها وهمست:أريج روحي البيت وهناك نتفاهم..
أريج خافت تفضحها عند فهد أو
أبوها وسكتت: ها أوووكي أنتي روحي وأنا ألحقج..عندي موعد
مع دكتورة النسا..
طلال ما يحب أريج: يلا صمود عشان أوصلج تأخرنا..

طلعت صمود مع طلال..وبقت أريج واقفه..
زياد باستغراب: ليش واقفه مو عندج موعد روحي قبل ما يسكر الدور..
أريج تنرفزت أن خطتها خربت: هااا أيه رايحه..مع السلامه..
زياد بجديه: أحس هالبنت غريبه
..ما أدري تصرفاتها مو مفهومه..

عمر تنهد: أريج ما عندها موعد ولا شي..أريج تحبني بس يالآسف أني ما أحبها
زياد انصدم: تحــــــــبك..
عامر: والأهم أن عمر مو معطيها ويه..بس أهي مصره..
زياد بجديه: وليش ما تحبها..صج
جرئية شوي بس ترى حلوووه وبنت عمك
عمر : المشكله أني أحــــب شجووون أختها..
زياد انصدم صج: لا تقــــــوول!
عمر ابتسم: هذا اللي صار!!
زياد: انزين وشبتسوي..
عمر: أمس كنت أفكر وخذت قرار..أبكلم أبوي عشان يخطبها
لي..
عامر: وبنفس الوقت تعرف أريج أنك مو نصيبها..
قطع عليها تأوهات وجدان..
عمر وعامر فزوا لها بسرعه..

وجدان فتحت عيونها وحطت إيدها على حلجها المورم..: آآآه
عمر ابتسم وهو يساعدها تقوم: حمدلله عالسلامه..
وجدان ابتسمت وماسكه خدها اليسار بألم: الله يسلمك..
عامر شالها من خصرها وقعدها عالكراسي الجلد وقعدوا معاها: خرعنا عليج طلال..
وجدان ابتسمت: شفت نفس البنت اليووووم
عمر : شقلنا أمس..مو قلنا ننسى
ومالج شغل فيها..
زياد كان يسمع بس مو فاهم شي..ففضل السكوت وقام عشان يتركهم براحتهم: شباب بروح أييب لنا كوفي وأييب عصير
حق وجدان..
عامر ابتسم له: مشــــكووووور
يابو نايف..
زياد ابتسم وطلع..يفكر[منو البنت اللي تتكلم عنها وجدان؟ وشقصده عمر لما قال ننسى؟ وشنو الموقف اللي يخلي وجدان تخاف من هالبنت؟]

ـــــــــــــــــــــــــــــــــــــــــ

بفيلااا أبوووو الوليد..الساعه
12:30 الظهر..

دخلت أبرار وبيدها كتبها وشنطتها
..توها جاية من الجامعه وبأذنها الهتفون تكلم تلفون: إيه إيه..شافت أمها والوليد..لحظه: مســــااء الخير..
أم وليد: هلا مساء النووووور..
وينها فجر
أبرار: ييت بسيارتي أنا..إهي عندها محاضره بتيي بروحها..

ومشت بتصعد..: بصعد أريح شوي..مو تقعدوني مابي غدا..
وصعدت..

الوليد رجع لسوالفه: يمه بسألج
الحين روز بنت خالي خالد جم عمرها؟
أم الوليد باستغراب: بنت اليونانية
..اممم ما أدري أتوقع 18سنة بس ليش تسأل..
الوليد ابتسم: لااا بس شفتها أمس ولفتت نظري..بصراحه يمــــــــه البنت قطعه..
أم الوليد طقته على فخذه: عيب استح على ويهك..هذي بنت خالك..وإذا عاجبتك أخطبها
الوليد ضحك: هههههههه لا يبه لا..لا يحوشك..مو أنا اللي أخذ أي وحده..أنا الوليد طلال الـــ..
أم الوليد ضحكت على غرور ولدها : ههههههههه اسكت بس لا تطيح وتنكسر رقبتك..


فوق بغرفة أبرار..
للحين تكلم وتلبس بنفس الوقت..
أبرار تزرر قميص بيجامتها: حبيبي أنت صدقني ما أقدر ..
مشعل ابتسم: برور حبيبتي مشتاقلج تعرفين يعني شنو مشتاق لج..
أبرار قطت نفسها داخل سريرها
وتمددت على بطنها: اممممم أفكر..
مشعل بهمس: بدون تفكير أنا مشتاقلج بشوفج..وبعدين شدعوى أنا مشعل ولد عم بنت
خالتج..
أبرار ضحكت من قلب: ههههههه
وأنا شنوو ذابحني غير أنك مشعل سعد الــ..أصلا أنا حبيت وجدان لأني عرفتك عن طريقها
..خلاص قرر الوقت والمكان وأنا أيي..
مشعل ابتسم بخبث: فديت روحج أنا..الساعه 8 بمطعم الــــ..شرايج

 

[برنسس أوراق]

أبرار بابتسامه: ماشي حبيبي..أخليك أنا الحين..نعسانة حدي وبنام..
مشعل بهمس: نوووم العوافي ياقلبي..سي يو
أبرار: سي يو تو..
>>طبعا هذا مشعل ولد أبو فهد
ولد عم وجدان..وأبرار ما تصير له..تصير بنت خالة وجدان وعن طريقها تعرفت عليه وعجبها وتطورت علاقتهم للتلفووون واللقاءات..بس الفرق أن مشعل يتسلى بعلاقه وأبرار تضيع وقتها مع معاكسات الشباب ومشعل الوحيد اللي حبته..

ـــــــــــــــــــــــــــــــــــــــــ

بفيلااا أبو مشــــاري الأولى..
الساعه 2 الظهر..

كانت لمى توها يايه من الكليه..سلمت على أهلها وصعدت تبدل عشان تنزل تتغدى..

شافت روز وعبدالعزيز نازلين عالدرج..
لمى: هــــــــااي
روز وعزيز: هايــــــــــــات
لمى: شنو عزوز ما داومت أنت..
عبدالعزيز ابتسم: لااا ما عندي محاضرات اليوم..الدكاتره معتذرين..
روز : وأنا طبعا ما عندي دوام هالكورس..
لمى ضحكت وصعدت:ههههههه
ياحظج..

نزلت روز مع عبدالعزيز وقعدت..
أم مشاري بنبرة سخرية: ليش ليكون ما يبتي نسبه تدخلج الجامعه..
روز مسكت أعصابها وابتسمت: لااا ياخالتي..يبت 97% بس قلت أريح هالكورس وبقدم عالكورس الثاني..
أم مشاري بصوت واطي: عفيه قلب 97 إيه أجنبيه أكيد ذابحه روحها بهالكتب
روز ما سمعت: قلتي شي خالتي..
أم مشاري[تخلخلت حنوجج أنتي وأمج]: لاااا ما قلت شي..

دخلوا مشاري ومناف جايين من الشغل..وصبا جايه من الجامعه: الســــلام عليكم
الكل: وعليكم السلام..
أم مشاري وقفت: يلا يايمه روحوا بدلوا وأنا بنجب الغدى..
وراحت..
مشاري ومناف ما صعدوا..قطوا
سويجاتهم وقعدوا..
صبا صعدت تضحك:ههههههههه عالأقل غسلوا عشان يروح التعب..
مناف ضحك: ههههههه مالج شغل..

قطع الصوت نغمة فووون روز: [ضعنا وتغربنا بزمن يشتري فينا ويبيع..ندفع سعادتنا ثمن وبغمرة جراحه نضيع]
مشاري: وأنتي للحين ما غيرتيها..روز ابتسمت: أحبها[شافت المتصل: My Dad] وردت: شدعوى ناسيني من أمس..عالأقل قول عندي بنت شحلاتها اسأل عنها
أبومشاري ضحك: هههههههههه أمس كنت مشغول وما فضيت إلا اليووم..أنتي وينج مشتاقلج..
روز ابتسمت: أنا في بيتك..أحم أحم..عند My Barthers..
عبدالعزيز صفقها كف على راسها: هههههه تحجي عدل..
روز قامت وقعدت فوقه بقووه وعبدالعزيز صرخ: أخخخخخخخخ..
روز ترفع له حواجبها : إيه بابا أسمعك..
أبومشاري يسمعهم ويضحك: هههههههه شعندج أنتي..حتى هناك محد سالم منج
روز ضحكت:هههههه سلامتك بس شوي عزيز يبيله تأديب..
أبومشاري يضحك: ههههههههههه
انزين بعد الغدا تعالي بشوفج..
روز ابتسمت: اووك داد..بااااااااي
..سكرت وطاحت بعزيز طق: شتبي أنت شتبي
مشاري ومناف وصبا ولمى ميتين ضحك: ههههههههههههههههههههههههههههههههههههههههههههههههههههه

عبدالعزيز ميت ضحك وروز قاعده على بطنه وتشد شعره: هههههههههههه شقلت أنا الحين..وخري عني ذبحتيني..
روز بضحك: لاا آ...
قطع عليها صراخ أم مشاري..: يــــــــاسلام

.....

يلا عاد جذي خلص البارت..طويل مو تقولون..يلا شغلوا توقعاتكم لمفآجات البارت الياي