إلي شايلة مرارتها تدخل

[بتبوتااا]

سلام عليكم
بتبوتا - بنت الديرة
حبايبي انا مثل ما قتلكم توني ماصارلي شهر مسوية العملية ترى سهالة واكيد يلبسونج لبس العمليات وقلتلكم بعد العملية اكيد عوار مكان الفتحات وتحسيت عوار داخلي مكان المعدة وبعدين شوي شوي يخف العوار
يعني انا الحين ماأحس بولا شي
وانا ما سويت منظار على طول الدكتور سوالي سونار وبمستشفى خاص
وقرر العملية بعد 3 ايام .
( وعلى فكرة لاتتاخرون بالعملية اذا في حصوات وايد صغيرة لان انا الدكتور قالي ان مايبي اي وحدة تروح حق الكلى . ومستشفيات الحكومة ترى طوالة ومواعييد فان شاء الله تقومون بالسلامة وتفتكون من العوار المؤلم الي كان اييني ومجربته وماتنامون منة الصراحة )
وبالسلامة ومشكورين على الردود

مشكووره حبووبه انا الدكتور الي رايحتله وايد قالولي عنه زين وعلى قولت المثل المصري الي تعرفو احسن من الي متعرفهووش والله كريم انشالله انا الحين اشكثر اطوف مواعيدي وعاد تدرين مواعيد العدان من وين لي وين بس لما ايي العوار اقول اليوم اسوي العمليه وبس يروح اكشت واطووف..

 

[dana777]

يسلموووووووووو

 

[صمت الجروح]

السلام عليكم بنات
الظاهر كل اللي بالمنتدى فيهم مراره هههههههههههههههه
على العموم آنا حالتي من حالت بتبوتا لما تعورني المراره أقول باجر بروح آخذ موعد للعملية ولما يروح خلاص انسى بس مو زين ممكن يسبب هالشي التهاب حاد بالمكان وانفجار للمراره .......
الله يهدينا ونخلص مواعيدنا والعملية بسرعه ......
بس كشكوشا حبيبتي بجم سوولج العملية بالمستشفى الخاص ؟؟؟؟؟؟؟؟؟؟

 

[عذاري1976]

صديقتي شايلتها من فتره سألتها تقول غسلي ايدك من الضعف

 

[بتبوتااا]

ووووووووووووووي يامعوده بلا ضعف بلايحزنون العوار لما ايي تقولين خل اصير درام بس افتك من العوار وانا اليوم بالتحديد حاشني العوار وقلت اجباري بروح اسوي العمليه وافتك اف اف اف العوار يذبح والله والي سوتها بالعدان تفيدني الله يخليكم خوو انا اسمع بلاوي اشكثر ان كان بالخاص ولا الحكومه وواعتقد الحكومه احسن لانه تمر عليه حالات وايده واكيد تعود على العمليه..

 

[QASHQOOOOSHA]

صمت الجروح
انا سويت العملية بمستشفى السلام 800 دينار
بس عنايتهم صج بالدقايق يمرون عليج
وانا الصراحة صارتلي وايد صدف مو حلوة مع المستشفيات الحكومية فعشان جذي بعد ما اجازف اروح
قط فلوسك بالشمس واقعد بالظلال
على قولتهم
( على فكرة شوفو صور العملية حطتهم بنت الكويت اليوم بالمنتدي وايد موضح العملية ونفسها بالضبط بالمناضيير

 

[أسيرة قلبه]

انا انشاء الله بسويها عن قريب


بنات اللي مسوين العمليه تعرفون جم حصوه عندكم

انا عندي اربع صغار بس هم احتاج عمليه

 

[QASHQOOOOSHA]

بتيت
انا ما قالولي جم حصوه بس سويت سونار وقالي فيها حصوات
فلمن سويت العمليه تفاجأت فيهم
كانو 4 حصوات بس شنوووووو ؟؟؟؟
كل وحده شكل اكبر وحده كبر الزيتونه والثلاث الباجي اصغرمنها بشوي
وحده جنها حبه الذرة