إمكانية الحمل مع ضعف هرمون البروجسترون

[مشاعر الروح]

السلام عليكم و رحمة الله و بركاته


عندي استفسار بما ان هالقسم قسم حوامل عسى الله يسهل عليكم ان شاء الله

انا عندي هرمون البروجسترون ضعيف 0.9 و اهو الطبيعي 29 تقول الدكتورة احتمالل ما يصير حمل بس ماكو شي على الله بعيد في ناس عندهم هالهرمون ضعيف و احملوا
و لما سويت بحث بالنت لقيت ان اذا كان هالهرمون ضعيف و صار حمل احتمال كبيير انه ينزل لان بطانة الرحم تكون ضعيفة
و انا الحين الدورة ماخرتني سبعة ايام تقريبا و ناوية باجر اسوي تحليل لان قالت الدكتورة لا تستعجلين بالتحليل يمكن ما يبين
فالحين انا خايفة احمل و ينزل

فمن كان عندها هالهرمون ضعيف و حملت و ثبت لها الحمل؟!!

 

[شموسة كيوت]

هرمون البرجسترون هو هرمون الحليب؟؟؟؟


اذا هو

الدكتورة قالت لي عادي في سيدات كتار حملو ومعهم هرمون الحليب بس مدري هو اللي تقصدينة او لا

لان هرمون الحليب له اسم قريب من البرجسترون

 

[زوجي قلبي]

ان شاء الله ربي يثبت حملك ع خيييييييير

 

[مواصله]

البروجسترون هو هرمون التبويض

انا استخدمت حبوب المانع 5 سنوات وبعدها حاولت احمل ومايصير حمل لمدة سنه

سويت تحاليل طلع معاي ضعف بهرمون البروجسترون وبطانة الرحم ضعيفه

وكل شهر اخذ كلوميد واحيانا ابر تنشيط وكم مره اخذت دوفستون(تقوي البطانه)

ومع العلاج ومتابعة التبويض

فضل الله حملت

 

[سيرين عبد النور]

لا حبيبتي هرمون الحليب اهوا هرمون البرولاكتين
غير هرمون الحمل اللي اهوا البروجسترون

واذا كان الهرمون ضعيف وفيه حمل ليش ما تعطيج مثبتات!!!

 

[جبنة بيضة]

ممكن يصير مافي شي بعيد عن رب العالمين

 

[مشاعر الروح]

مشكورين خواتي عل الردود

انا اقصد هرمون البروجسترون عندي ضعيف اللي اهو هرمون التبويض فالحين ماادري هل ممكن اكون حامل على الرغم من ضعفه لو ما يصير لان دورتي ماخرتني و اخاف اكون حامل و اسقط لا سمح الله بسبة ضعف الهرمون

 

[حزينه 22]

انشاءالله تكونين حامل ويثبته لج رب العالمين مافي شي بعيد عن الله

 

[غلا الكويت 2010]

حبيبتي انشاالله اتكونين حامل واتبشرينا

بنات انا حبيت اسألكم انا سويت تحليل الرجسترون بالمواساة والنتيجة طلعت كالآتي

progesterone 45.96
follicular : 06-4.7
ovulatory : 2.4-9.4
luteal : 5.3-86
postmenopause: 03-2.5

بنات الله يخليكم اللي عندها فكرة اتقولي هل هو طبيعي عندي ام لا ؟

وجزاكم الله الف خير ورزقكم الله بالذرية الصالحة ...

 

[AVE.NJ]

انه كان 20 وماحملت
ترا اذا الله كاتبلج راح تحملين هذي ارزاق
الله يرزقج الذريه الصالحه

 

[غلا الكويت 2010]

بنات الله يخليكم جاوبوني وين اصحاب الخبرة هل النسبة طبيعية ؟


والله يرزقني واياكم بالذرية الصالحة ...

 

[Violetta]

في تحاميل ترفع النسبه

 

[Violetta]

اذا صار حمل انشالله راح يعطونج اياها
و عليج بالدعاء كل شي بييد ربج

 

[Violetta]

و اذا شاكه بالحمل سوي تحليل حمل هرموني