إنخطبت و محتاااااره

[Habibat Abooha]

لاتحاتين حبيبتي اخطي خطوتج ووافقي

الله يوفقج ويريج بالج

 

[" ام حمود "]

المهم انتي مرتاحه واهوه ارتاح لج شنو المشكله !!
عشان اهوه ابيض حييل ، امج قالت لج اهوه طالب وحده حنطاوويه
مايبي وحده نفسسه بيضه حييل
ياختيء توكلي ع الله ومافي شي لا توسوسين الله يووفقج يارررب ..

 

[ظل الياسميـن]

اللون مومقياس انج ترفضينه
اهم شئ الاخلاق والصلاح

استخيري
الله يوفقج ان شاء الله

 

[أحلا اثنين]

استخيري وتوكلي على الله
والله يقدم لك اللي فيه الخير

 

[كليـ دلعـ]

اشرطي


عليه يسوي تان

ابد الآبدين

وارتاااحي

 

[سارة ة]

استخيري

 

[رمال من ذهب]

وافقي وتوكلي على الله

دايما الريال الابيض يحب السمره
والريال الاسمر يحب البيضه

 

[خُزام]

أول شي سالفة الطول فأهم شي انه مو اقصر منج
و زين انه بالكعب تصيرين طوله مو أطول منه مو مشكله هاذي
وإذا على لون البشرة شوفي أهم شي تكونين انتي مرتاحة حق
شخصيته و ملامحه ومتقبله شكله الخارجي العام ومو نافره منه
إذا انتي متقبله شكله وملامحه وبس تحاتين سالفة اللون
لا تفكرين وايد و دام تقدمولج و اهو واهله موافقين وراضيين
يعني ما عندهم سوالف تحسس
اخذي ورقة وكتبي كل بخاطرج والإيجابيات والسلبيات
وفكري بنفسج عدل و استخيري كذا مرة وادعي ربج مرة ومرتين وثلاث
اذا كان فيه خير لج يكتبه من نصيبج واذا كان فيه شر يبعده عنج

 

[Killer^Girl]

لاتطوفين الريال من ايديج عشان شي سطحي مثل هذا
ولاتصيرين حساسه وخليج واثقه من نفسج
الملح كله بالحنطاويات وراح تتميزين بينهم
الله يكتب لج الي فيه الخير

 

[موت وميلاد]

سبحان الله نفس الحاله

انا الحين يايني واحد ابيض واشقر وعيونه ملونه ماجنه كويتي بس دام الدين والاخلاق موجودين مومهم الشكل

 

[زهرة البرتغال]

استخيري


واعقليها وتوكلي





لاتعترضين على الخلقه


اعترضي ع الاخلاق ان كان في سبب مقنع!!





ولشكل انا نفسج ماحب البيض ولا اقصر مني


ولكن

الحنطاويه اجمل من البشره البيضه لعلمج يعني....



البنات لاحضيهمم؟

يحطون تان وهالسوالف




ف انتي محتاجه الى ثقه بالنفس اكثر؟؟





جدا عادي الموضوع


توكلي ع الله


الله يوفقج يارب


ولاتصرين انسانه سطحيه



خبرينا بالاخبار السعيده

 

[ضحكه طفل]

الله يكتب لج اللى فيه خير يارب وطمنينا عنج

 

[غـرامـي أنـت]

عاااااااااااااااادي ما فيها شي ياقلبي

الله يكتب لك اللي فيه الخير

 

[graphy*]

شكرا بنات ما قصرتوا اقدر ردودكم السنعه :*

 

[رقـة الاحسـآس]

اذا مرتاحه توكلي على الله
بس اذا يعني نص نص احسن بلاها لان طول عمرج بيلازمج التفكير
اهم شي تكونين مقتنعه فيه اقتناع تااااااام

 

[عاشقة هواك]

وينه هالاشقر عطينياه 

يعني الولد خوش ولد وتبين احسن منه بعد بصراحه فسقانه

احمدي ربج علا النعمه واهم شي انج استخرتي والله يتمم علا خير انشالله

ههههههههههههههههه اي والله فسقانه

ما تبينه عطينا

 

[مرايــــــــم]

اهـم شـي انـج استخرتـــي
واللــــــه يوفقـــــج يكتـب اللـــي
فيــــــه الخيـــر

 

[مــلاك]

والله حاسه فيج انا وايد احب الريال يكون طويل وحنطاوي ولابرونز بس عاد هذي احلام المراهقه وبدايه الشباب لكن لما نكبر لا لازم نقيس الامور بالعقل ونشوف الزواج بشكل صحيح ونطالع لي بعيد شوي يعني الشكل مهم صح لكن مو الاهم الاهم شخصيته اسلوبه شكله العام مريح مقبول اهله ناس طيبين زينين اخلاقه حلوه سمعته وظيفته تعليمه هذا كله اهم وانا شايفه كل شي فيه زين فلاتحتارين صلي وادعي الله يشرح قلبج واخذي لج فتره خطوبه اذا عادي عندكم عشان تقربين منه اكثر يمكن راح تحسين انه هالبياض اللي محيرج ماله اهي اهميه يم طيبته واخلاقه وحسن تعامله وعسى الله يوفقج

 

[اميره1980]

لا حول و لا قوة الا بالله
الحين الشكل اهو اللي رادج عن الزواج و تكملين نص دينج ؟؟
قولي الحمدلله على الصحة و العافية ما يالج ريال مريض و لا فيه عله او اخلاقه مو زينة بعدين شكله و لا لونه شبفيدج فيه؟
توكلي على الله

 

[مملوحة_الوصايف]

ذكرتيني بواحد معاي بالدوام والله كل ما اشووفه اكره لوني احس اني جلحه من كثر ما اهو ابيض معنى حنطاويه فاتحه او مايله للبياض اكثر بس اهو ابيض ابيض جنه اجنبي تحسين لونه نقاء وصفاء او شفايفه ورديه لوووووووووول اهو جنه مو متزوج وانا ورفيجتي كل ما شفناه قلنا الله يعين الي بتاخذه لانها بتعاااني معاه لازم عنايه بجسمها او لوونها وحمامات مغربيه 24 ساعه هههه بس صدقيني لو يصير هالشي صجي مثلا ويخبطني والله ماراح افكر جذي اهو شافني واختارني وعاجبه لوني لو يبي جان طلب وحده نفسه جذي ونفس بياضه او خذا وحده من اهله نفس طقته نصيحه مني وافقي والله يوفقج