إن كيـدهن عـظـيـم :-)) ... والله لا اتعبك اتعبك ليما تقول ليما تقول مابي اتزوج مابي !

[Pippa]

’



مرحبااااااااا .....



شخبااري من زمان موكاتبه موضوع حدي حدي مشتاااااااااااااقتلكم ...






موضوعي اليوم يونس مرح كوميديا :krkrkr:...






تذكرون دلال في ساهر الليل 1 ...

http://www.youtube.com/watch?v=Pu5bRVECX_o&feature=related





احيانا يتقدم شخص غير مرغوب فيه سواء كانت البنت تحب غيره او حتى ماتحب , بس الشخص ماتبيه ماتبلعه :eh_s(4):...



وفي حالات يصعب رفض هذا الشخص بسبب العلاقات العائليه او المصالح المتبادله:eh_s(1): ..



فـ بهذه الحاله ليس لدى الانثى غير كيدها .. لتنحيش عريس الغفلة :rerrerek:





خلوني اقولكم احد هذه المواقف :

وحده ياها ريال ويوم قعدت معاه قالتله ترى آنا احب التفرفر على البحر و القز ...قال انحش ياولد هذي مافيها انوثه ههههههههههههههههاااي :ggdw:







شرااااااايكم كل وحده تقول موقف مثل جذي او فكره نونَس عمرنآ بدال هالمواضيع الي تييب النكد:eh_s(7): ..​

 

[حبي لله اشد]

لووووووووول مافهمت شنو المشكله!

 

[KOKO_284I]

مره تقدملي واحد وانا ما ابي امي واختي حنوا علي تكفين قعدي معاه وانا ما ابيه

المهم قعدت معاه جان يقولي ابيج تقعدين عند امي وتنزلين تحت واتساعدينا ... جان اقعد عندها ممكن بس اساعدها هذي شغله بكيفي انزل ما انزل براحتي .

قال ابي عبايه عالراس ... قتله انا البس اللي عالجتف

قال ما ابي تشتغلين وانا اعطيج معاش ... قتله انا اسفه بس ما اهد شغلي

جان يقولهم مابيها هذي قويه ...... وانا مستانسه وحاسه بمتعته الانتصار

لمه خذيت زوجي حبيبي : ))))))))))))))))

 

[غلااا الرووح]

ماقد صار لى مواقف مثل كذا بس اذا صار بعلمك

 

[Tom ♥ Jerry]

,


لوووووووووووووووووول !

مآ سمعت عن مثل هالمواقف .، الموضوع وآيد حلووو
و فكرته يديده و تونس حدها


بس القسم مو مناسب بنقله قسم الحياه الزوجيه

 

[بيتي بوب بس كويتيه]

تذكرت مره خطبني واحد الله يصلحه
يقول ما احب اطلع واذا اطلعج عالبحر بس وتلبسين عبايه ونقاب
وما تشتغلين
ولا اقول لامي قوليلهم دورلك وحده فيها كل المواصفات ليش تاخذون
وحده ما تلبس عبايه اساسا وتشتغل وتحب الهياته

وطبعا بعدين غير رأيه وشروطه ولا اقول لامي مابيه
وطبعا يوم إخواني اسألو عنه طلع الاخ راعي ديره فيها خرابيط ويبي يطلع عقده علي *

 

[Gifts&Occaions]

ماصار معاي موقف من هلنوع

 

[tbola]

هههههههههه قصصكم حلووووه اب اب اب

 

[جولينار]

اذكرسالفة اخت جدتي دايم يسولفون فيها

يعني زمان أول


غصبوها على واحد وزوجوها


ويقولون كانت تزيد الملح ع الأكل


وتلف طرحتها بطريقة مو مرتبة يعني كأنها هبله ههههههههه


وزوجها صابر كان يحبها


ومره جاهم ابوها وزينت العشا السنع


واستغرب زوجها من طبخها السنع وعرف انها تسوي كل هالشغلات عشان يعافها وقام طلقها


بصراحة اعجبتني عزة نفسه



وهي تزوجت واحد ثاني تبيه وجابت منه عيال والحين متوفيه الله يرحمها وبناتها جدات

 

[Tulips]

وصلني برودكاست اليوم عن وحده زوجها قرر يتزوج عليها وبعرسه اتفقت مع الطقاقه انها اتغني هالاغنيه مقابل 10 ريال سعودي .. مادري جم كويتي

و فعلا غنتها الطقاقه بعرسه

" اتخسي والله وتعقب "

http://www.youtube.com/watch?v=72ajbeZgvEk

و سمعت وايد بعد سوالف عن كيد الحريم .. بس ماتحظرني غير هالسالفه

 

[! بــدويه وآآيــد !]

،



اعرف وحده من اهلنا دايما اشوفها بالعشيات وهالسوالف المهم اهي كبيره عمرها الحين 37 مو متزوجه ومملوحه وجسمها يهبل ومربيه بنت اختها وتموت عليها وتموت بالجهال بس تبوسهم وتلملم فيهم

عاد سألت امي ليش ماتزوجت ؟

قالت امي لما كان عمرها 20 امها نامت بالمستشفى وعشقها الدكتور الي يعالج امها وهي عشقته وخطبها ولما طلعت امها من المستشفى ملج عليها " امها قعدت شهرين بالمستشفى " وكاانت تعشق ترابه وتوفى بحادث قبل عرسهم بشهر وحلفت ماتاخذ غيره

واهلها خلوها على راحتها لما كملت 30 وصاروا غصب يدخلونها على الرجال واهله الي جاي يخطبها عشان يشوفونها
لما احد يخطبها تروح تلبس دراعه تفشل وتحط عليها طحين وتعصر البصل وترشرش فيه وتسوي روحها مجنونه وتضحك

تقول امي انها للحين كل يوم تشوف تجهيزها الي صار له 16 سنه مالبست منه شي وتبجي عليه


< قلبت الموضوع من مضحك لي مبكي بس شسوي طرت علي السالفه

وصج فاقده مواااضيعج يااحلوهاااا


متااابعه

 

[حدى عنيده]

وي ذكرتيني بايام اول قبل كل ماكان يتقدملي واحد ارفضه بس جي ماكو سبب كنت ماحب المسؤليه احب الحريه المهم كانت امي تغصبني ع اني ادش ع اهل المعرس . المهم كنت كل مادش ع احد باي يخطب بس اتحكحك وبشكل رهيب يعني من ادش واقعد احك شعري بشكل مقرف والناس تلوع جبدهم مني وعقب تطيح فيني امي طق لاني احرجتها لين تقدملي ريلي اهو كان شايفني بالجامعه ياي ياخذ اخته عقب تقدملي ودرت امي ان في ناس بيون يخطبوني طقتني طق قبل لا اشوفهم علشان ما اتحكحك عند الاوادم وتزوجته وياليتني تحكحكت عند اهله ولا خذيته

 

[غلاي رورو]

وصلني برودكاست اليوم عن وحده زوجها قرر يتزوج عليها وبعرسه اتفقت مع الطقاقه انها اتغني هالاغنيه مقابل 10 ريال سعودي .. مادري جم كويتي

و فعلا غنتها الطقاقه بعرسه

" اتخسي والله وتعقب "

http://www.youtube.com/watch?v=72ajbeZgvEk

و سمعت وايد بعد سوالف عن كيد الحريم .. بس ماتحظرني غير هالسالفه

بس تصحيح معلومه لك حبيبتي هي دفعت 10الاف ريال سعودي عشان الطقاقه تغني لها الاغنيه مو 10 ريال اممم تقريبا تطلع بالكويتي الف دينار
وبث:eh_s(17):

 

[ملوكـه]

<< توني والده
والكماااااااااااام مااسح كل شيء براسي
ابي اتذكر ناسيه

لووووول

 

[un$hine$]

اعرف وحدة يوم يخطبونها وامها تدخل غصب تحط مكياج تطلع كانها بهلوان مع انه حلوة بس تبشع نفسها وتسوي حركات مجنونة لين العريس يبطل وبالاخير تزوجت واحد رغم انها هبلت فيه وطلعت بهلوان قدامه بس رجعت وافقت عليه

 

[αмάι]

لووووووووووووووووووووووووووول سوالفكم تونس
والغنيه بجد فله وناسه تخسى والله وتعقب اعجبتني حلال عليها

 

[La t7atini]

لــوووول
للأسف مآذكر مواقف جذي !

ثآنكس ع الموضوع

 

[جنون الغيم]

مواقفكم قويه بس حلوه *

 

[بنت عطا]

ههههههههههههههههههههههههه

اما العضوه التي تحكحك مووووووصج هههههههههه

 

[Salamat]

والله هي قسمه ونصيب
او انها تقبل والا ما تقبل

مثل وحدة ابوها جبرها على العريس وهي بتنحشه باي طريقه لما قعدت معاه شافته حدددددده ذرابه وشيك قامت تلعب بخشمها طول ما هي قاعده معاه !!!!!
لوعت جبده الله يرجها
انحاش وما رضى يقول لاهلها ليش

حراااام
قولي ما ابي وخلاص