ااااااااااااااااااااااااخ با قلبي والله تعبت حتى لرمضان موراضين يطخون :(

[ريمـا]

شيء طبيعي راح نقووول لج
صيري رسميه معااهم
ولاتعطينهم ويه
واهم ماعلى الواحد كرااامته
اهل زوجي على عيني وراسي
بس يتطاولون علي
نووووووووووووووو

 

[صباح الليل]

الله يعينج عليهم ياقلبي
بس شتسوين تحملي مهما يكون هذيا اهل بنيتج
الله يهديهم انشالله
حبيبتي مبين انج حيل طيبه وعلى نياتج
ووكل واحد يتعامل باصله وتربيته
لاتغيرين نفسج وطنشي كل شي تسمعينه
راح ترتاحين
وحاولي تقللين من زياراتج يعني الواجب لاتطوفينه
وبس

 

[**وقفة فرس**]

حبوبة...السنة فيها ثلاث مناسبات رمضان وعيد الفطر وعيد الضحية روحيلهم ربع ساعة يشوفون بنتهم وخلاص واجد عليهم هالهيلق المشافيح...وقبل كل هذا عطي هالمفضحة 50 دينار صكي حلجها قوليلها هذا الدين والفوائد بعد....

 

[Tom ♥ Jerry]

.

حبيبتي آنتي روحيلهم و زوريهم و خل تشوفهم بنتج
بس مو تأخذين و تعطين معآهم و لا تدخلين عمرج معآهم
لأنه أهمه مآ عرفوآ قدرج :/ !
ليه متى هالآهآنآت .. و عسى الله يهديهم و يهدي النفوس يارب

 

[LeeMa q8]

الله يعينج ياقلبي ...


خليج رسميه حيييل وياهم ... بس بالمنااسبات وبين فتره وفتره زوريهم وخفي زيارتج يعني ساعه وبس

والله يسخرهم لج يارب ويخليلج بنوتج اتذكر سميتها حوور صح ؟!

عسى الله يحليها لج يارب ويسخرلج كل من حولج ..

 

[om al ghaleen]

حبيبتي الحين عرفتي نيتهم وشنو في قلوبهم
خلاص لاتروحين لهم دام يغثونج

واذا بيشوفون بنت ولدهم يوديها ريلج لهم جم ساعه وترد لج
يعني صدقيني الناس اللي ماتحترمج مو مجبوره تقدرينهم !


والله يعنيج

\\

 

[انصاريه قمره]

واااااااااااي كريهيييييين اهل ريلج حبيبتي لا ترووحين لهم موو كفوو هالاشكااال
بس روحي بالمناسبات وخلج رسميه قعدي بو نص ساعه ساعه وطلعي
صج لي قالوا ان اكرمت الكريم ملكته وان اكرمت اللئيم تمرداا

 

[يمة يادلبي]

امبيه الله يعينج شهالاهل
امبين ان كرهج انغرس فيهم ومهما اتسوين ومهما اتساحلين ومهما تدهنين سيرهم ماراح يبين بعينهم
فخليج بعيدة عنهم ولا تحتكين فيهم كلش مللش وألزم ماعليج نفسيتج وبنتج وريلج والي يبي قربج حياه والي مايبي بالطقاق الي يطقه

 

[الأميرة الحزينة]

انا متابعه مواضيعج من الصيف اللي فات .. صراحه الله يعينج عليهم لأن حمولتج نفس اللي عندي واراهنج اللي عندي اجيد كل شي ياخذونه بسوء نيه مابي اتذكر ياما سمعت وللحين بس حمدلله دام ريلج معاج لا تعورين راسج ولا تقطعينهم عن الحلال والحرام بس خلي علاقتج رسميه ولا تسوين شي زود ..عشان لا تنغثين زيادة (( لا تعطي كثيرا حتى لا تندم كثيرا؟)) انا اتبعت هالمبدأ والحين مرتاحه اذا يو اشيلهم فوق راسي واروحلهم بيدي كل شي محد يقدر يبطل حلجه بكلمه وريلي راضيته وحمدلله لا تتعبين عمرج معاهم ولا تحاولين تغيرينهم لأن هالشي صعب تعودي تتأقلمين عليهم ورفعي الجام ولا تقهرين روحج ما ينفع الا جذي .. موفقه حبيبتي :aha:

 

[أم@الحلوين]

الله يعييييييينج عليهم :eh_s(2):

خلي زياراتج لهم رسميه حيييييييل يعني كلمه ورد غطاهاا وكسري عينهم ومثل ماقلتي عامليهم بأخلاقج لا بأخلاقهم

وصدقيني راح ايي اليوم اللي يعرفون قيمتج ويحسبولج ألف حساب والله يهديهم يارب

والله يخلي بنوتج وتفرحين فيها عروس ياااااااارب ويسعدج انتي وريلج دوووووووووووم ..

 

[BiiShOoO]

الله يعينج و يصبرج و الصراااحة لو انا مكانننج ماراوحلهم الا بالمناسبات و من فترة لي فترة بس عشان يشوفون بنتهم و لا اني اتحمل الغثا

الزم ماعلي راحتي و كرامتي و ريلي دام ريلي مريحني مالي شغل بالناس

 

[(m & m)]

ههههههههههههههههههههههههههه

استغفر الله اللهم لا شماته

حرم انا متابعه ردودج على البنات في المنتدى

مبين عليج وحده فاهمه و قوية شخصيه

وانا متاكده ان اهل زوجج و مشاكلهم انتي تقدرين تتصرفين معاهم

بدون ما احد يقولج شنو تسوين

ولا باب النجار مخلع ؟ لووووول

 

[ورق عنب]

نصيحة خلج رسمية وبالمناسبات واتصلي تلفون على خالتج كسؤال عنها وجذي .. خففي عنهم زيارات ... ريلج اهله كيفه يروح لهم اي وقت وخل ياخذ بنته معاهم تشوف اهلها ومرات انتي روحي مع البنت جذي يعني ... حماتج رديلها ال 20 دينار شدعوه سوت انج ماخذه فلوسها !!!!!!!!!!!!!!!!!!! وخلي شغلج بروحج ولا يدرون عنه واقري الاذكار ..

 

[الاسطورة]

اهلا وسهلا
حرووم
ولج وحشه


مالج شغل فيهم
لاتروحين وتردين عليهم وايد
اللهم بالمناسبات وجبي وخلاص

واذا على حماتج اشتري حق بنتها نفنوف بقيمه
الي دفعته لج
وقوليلها هذا بدال ال20 الي تطالبينا
وان الدنيا حياة وممات
ولازم اتحسسينها انها اغلطت عليج
بس بطريقه حلووه
علشان لا تمسكها عليج

وسلامتج

 

[حرم راشد الماجد]

ههههههههههههههههههههههههههه

استغفر الله اللهم لا شماته

حرم انا متابعه ردودج على البنات في المنتدى

مبين عليج وحده فاهمه و قوية شخصيه

وانا متاكده ان اهل زوجج و مشاكلهم انتي تقدرين تتصرفين معاهم

بدون ما احد يقولج شنو تسوين

ولا باب النجار مخلع ؟ لووووول

بصراحه مادري شلون اتصرف معاهم

اذا بعدت عنهم وكفيت خيري شري وقعدت ببيتي يو يتلزقون ويسوون روحهم بيموتون علي
واذا قمت اروح لهم اشتغلو علي مغثه وقهر
وللعلم انا نمت عندهم عقب ما اهما حنو علي عشان ننام عندهم على اساس ان يبون بنتهم تتعود عليهم

وبعدين حركاتهم مادري شلون يعني اخته للي كانت تبجي وتصرخ وتقول اني خذت فلوسها بنفس اليوم كانت تسولف معاي وشايله بنتي وتحببها


انا احس اني بداومه مادري شنو نوعيتهم بالضبط هما يكرهوني ولا يحبوني ولا شنو السالفه مادريييييييييييييييي

لا والمشكله ان يدقدقون علينا اذا تأخرنا عليهم ويسسووون روحهم يحاتونا

ياربي ليش يسوون جذي

اللي اعرفه ان الشخص جدامج يا يحبج ويحبلج الخير يا يكرهج وما يبي يشوف رقعة ويهج

دامهم يكرهوني ليش يبونا نزورهم وننام عندهم .....الخ ؟؟؟؟؟
:nocommint:

 

[(m & m)]

ياحلوج يا حرم ,,

تدرين انا قريت جم موقف كتبتيه

وتحليلي للي قام يصير كالاتي

اهل زوجج يحبون تكون عايلتهم مترابطه مهما كانت الظروف

يحبون اليمعه و العزايم

لكن مكر النساء بعايلتهم موجود

يبونج تنامين عنهم عشان يدققون عليج

ويلاقون عليج اي زله يتكلمون عنها بينهم

يحبونج بس مو لله كوني ثعلب لا ينقص عليج

لا يخدعج الكلام المعسول انتي مريتي بجم موقف

لابد تكونين الحين فاهمتهم عدل لا تعيشين بدوامه

الامور واضحه جدا ما تحتاج لتفسير

في النهايه اهما الخسرانين

راح يخسونج بتصرفاتهم الشينه

ولا تحتكين فيهم وايد عشان لا يتكلمون عنج او يمسكون عليج ممسك

 

[غلا رشرشها]

الله يسخرهم لج ...

و الله يصبرج عليهم .. و صيري رسمية ابرك لج ..

 

[سيدة الذوق]

شوفي ادري ماتقدرين ماتروحين لهم الان قلبج طيب

وتبين بنتج يكون لها سند .. انا اقول روحي وتحملي اللي تشوفينه

سكتي عنهم حشاج خليج القافله وهم الهو هو

يعني لاتلقين لهم بال ابتسمي وبس

ولاتروحين دايم

 

[روحي تحبه غصب]

رد: رد : ااااااااااااااااااااااااخ با قلبي والله تعبت حتى لرمضان موراضين يطخون

حبيبتي سوي اللي عليج وبس يعني اوصليهم سلمي عليهم وخل يشوفون بنتج حتى لو مايبون على الاقل اسمج وصلتي وبطيتي عيونهم بسنعج
بس حبيبتي لااااااااااااااااااا تخلينهم شغلج الشاغل يعني مو كله تفكرين فيهم ودورين رضاهم لا جذي حيل بتتعبين مثل ماقلتلج اوصليهم وبس وخلي شغلج الشاغل ربج وزوجج اذا راضيتي ربج وراضيتي زوجج بتعيشين حياتج مستانسه ))))

:eh_s(15)::eh_s(15):معاها حق:eh_s(15)::eh_s(15):

 

[hneen2]

شوفي نا ما احب اشيشج عليهم لان مهما كان خذيل اهل ريلج وانتي ما شالله عليج عقلج كبير وعارفه تدبرين الامور لو وحده ثانيه جان ما وطوطت عندهم بس انا اقول اذا قادره تتحملين غثاهم علشان ريلج وبنتج وصدرج وسيع كان بها الله ياجرج ان شالله ولا الحل الثاني تواجهينهم وتشوفين اهم شسالفتهم علشان تعرفين راسج من ريولج احسن قعدي معاهم قعده صراحه شوفي اهم شنو مايتهم وشلي بقلبهم علشان ترتاحين والله يعينج عليهم صراحه