ابحث عن هالروايه .... ساعدوني !!!!!

[دنيا صغيره]

من زمان وانا ادور على روايه ( زنزانه 60 ) لعزيزه المفرج مو لاقيتها ....

[url=http://www.0zz0.com] [/URL]
​

 

[GofiSho]

تبينها إلكتروني ولا أسم مكتبة موجودة فيها حبيبتي ؟

 

[amami al-kuwai]

دوري بجرير او بمكاتب اللي بحولي صوب النقره اتوقع تلقين

 

[اريج الجوري]

ما اعرفها ..

 

[فـلـ 50 ـس]

أهلا عزيزتي ..

قبل سنتين تقريبا قريت هالرواية بمكتبة الكلية ,
و بعد ما انتهيت منها راسلت الاستاذه عزيزة المفرج - على ايميلها المنشور بزاويتها في جريدة الوطن -
وقلت لها اني كنت اتغيب عن بعض المحاضرات حتى اتمكن من قراءة الرواية في المكتبة وبعد ما انتهي منه اضعه بالرفوف العليا حتى لا تستعيره احد الطالبات

وعندما سألتها عن مكان بيعه بالكويت قالت ان المكتبة اوقفت طباعته من فترة - نسيت اسم المكتبة اعتقد تقع بشارع خلدون -


​

 

[فـلـ 50 ـس]

بالمناسبة الرواية واقعيه و مؤثرة جدا تحكي من خلالها الاستاذه عزيزة عن لحظات أسرها من الكويت الى العراق ... حتى فك اسرها وعودتها للكويت بعد التحرير
​

 

[أريد حلا]

^ ^

رووووعه الرواية شكلها ،، بس بين فتره وفتره يجب على الناشر يرد يطبعها علشان تتوزع

انشااءلله الخوات يفيدونج


واتصلي على المكتبات حبوبه قبل لا تروحين الجرير مافيها شيء

دايم كل ما اروح كله مخلصين وما ييبون حق الروايات القديمه​

 

[دنيا صغيره]

GofiSho
اي شي اهم شي اقراها ..اذا عندك رابط تحميل ارسيله الله يعافيك


amami al-kuwai
دورتها عندنا في السعوديه في جرير ما لقيتها

اريج الجوري
مشكوره على المرور ...هي روايه واقعيه عن احداث الغزو العراقي

فـلـ 50 ـس
مشكوره حبيبتي على التوضيح ... احس الروايه حلوه وانا احب هالنوعيات الروايات الواقعيه

أريد حلا
مشكوره على المرور ... فعلا واضح انها طبعت مره وخلصت المفروض تطبع مره ثانيه .... وجرير عندنا في السعوديه مثل ما قلتي ما يجدد باستمرار تلقين روايات قديمه ...

 

[فـلـ 50 ـس]

عزيزتي دنيا صغيرة انا حصلت على هالرواية
من خلال موقع تبادل الكتب http://bookstoreq8-com.webs.com/

والرواية موجودة عندي حاليًا .. وانا حابة اهديها لج
إذا كنتي بالكويت ممكن تراسليني ع الخاص .
​

 

[دنيا صغيره]

فـلـ 50 ـس

تسلمين حياتي كلك ذوق .....لكن انا من السعوديه وهالموقع رسلت لصاحبته اسال خدمه التوصيل لنا لكن قالت انه ان شالله قريب بيوفرون خدمه التوصيل لدول الخليج


الله يعطيك العافيه والله احرجتيني بذوقك
​

 

[دنيا صغيره]

ابشركم اخيراحصلت على الروايه .... عن طريق الاخت (Miss.LoNeLy) الله يعطيها العافيه ويجزاها خير .... فرحت كثير بمعرفتي على اخت طبيه مثلها و بحصولي على هالروايه الي من زمان ادور عليها