ابداعاتج أول ماسقتي سياره..تعالوا سولفولي عطوني أمل لووووول

[دلوعة*ريلي]

ههههههههههههههههههههههههههههههههههههههههه
يحليلج
انا الحمدالله من قبل لا اتززوج كنت اسوق وقبل لااتدرب كانت امي وابوي واخواني يدربوني بالبر ومرات اشوي بالشارع والحمدالله لمن دربتني المدربه قالت لي ماشاء الله شاطره سياقتج اوكي هههههههههههههههههههههههه
طبعا اول ماخذيت الليسن قاعده اصفط بالكراج ولا ادعم الطوفه وطيح دعاميه السياره :23_asmilies-com: <<<<<<<<<<<<<<<< الحبيبه داشه رالي لووووووووووووووول ههههههههههههههههههههههههههههههههههههههههههههههههههههههههههههه وبعدين الحمدالله امي علمتني اروح الاماكن البعيده والحمدالله سياقتي تمام والفال لج ان شاء الله :eh_s(9):

 

[اشتياق]

لووووووووووووووووووووووووووووووول

بس مابي تدعم

 

[G!RLooNa]

:

ااااااايه هههههههههههههههههههههههههههههههههههههههههههههههههه

اذكر مع المدربه بالشاره قاعده اتدرب قامت ودتني صوب المنطقه العاشرة ! فا قبل الاشاره بالف متر وقفت بنص الشارع !! احس طقتها البوهه ليش وقفت؟] قلت عشان ماحب احتك بالناس احب اوقف في الوسع خخخخخخخخخخخخخخخخخخخ ! عقدتها بعيشتهاا قامت اهي الي تسووق عني ههههههههه


الموقف الثاني كنت مدبره واسطه ورحت حق التراي -فا الي موصينه علي حب يسهل علي امتحان السواقه قالي جدام لجنة التحكيم روووووووحي جداااااااااااااااااااااام وبعدين ردي قري ! انا هني اوكي ( وحدي ثقه )


رحت مشيت مشيت - وقفت - يلا الحين ارجع بالسيارة قري - ورجعي رجعي رجعي وركبي الرصيف وكملي وكملي - الي قام الواسطه يصرخ طلعي برررررررررررررررررررررررررره ههههههههههههههههههههههههههههههه

رحت ابي اعرف شلون اطلع بره ماعرفت لقيت سياير هنود واقفين ينطرون التراي رحت صفطت وياهم - والواسطه يصرخ طلعي مناك طلعي - وانا مفهيه حدي ههههههههههههههههههههههههههههههههههه

زين ما طقوني

انا كنت هبله بالسواقه
واخاااااااااااف ولي يومج فيني فوبيا الحوادث بس التدريب ايام عصيبه لين طحت بمدربه جااامده هبلت قلبي تدربني على شارع الخليج وبالسالميه الناس يدربون بمشرف واهي تدربني بالشوارع السريعه والخليج لين خلاص مات احساسي وصرت ابتون وانام على الناس والله لي اليوم العالم ياتافلين بوجهي يا يعلقون لي بالهرن لوووووووول
طبعا الليسن اخذته بالواسطه

:dddds::dddds::dddds:

خخخخخخخخخخخخخخ والله البنات فلمممم

_________________________________________________________________
ويه يا اشتياق انا شقول و شخلي :dddds:

لازم والله نادر ما تلقين بنت فلته من البدايه

هذول الشباب اللي راضعين السواقه

المهم

خل اقول جزء لا يتجزأ من ابداعاتي :dddds:

اول شي انا اللي دربتني مدربه غبيه و ما استوعبت اني ما تدربت الا لما خلنا التدريب و خذيت الليسن :dddds:

يلعن خيرها شنو كانت قرقيه تصكككك راسي و نبره صوتها عاليه امبييييه صراخ صراخ

تخيلي كانت تقولي فصخي الجوتي والله لما طلعت الليسن ماعرف اسوق بجوتي افصخه :eh_s(16):

بعدين ابوي لما مسكني قام يقولي ليش تفصخينه جذي ماراح تعرفين الا وانتي فاصخه الجوتي :eh_s(11):

حسبي الله عليها

التدريب الصجي كان عقب ما خذيت الليسن ابوي دربني

ولااااااااااااازم زف و ضغاط اتنرفز اتنرفزززز

قبل لا اطلع الليسن باسبوع اول مره بطلع بالسياره وياي امي و انا طالعه من الفريج دووووووووووووم دعمت سياره

عقبها امي حرمت تطلع وياي صار عندها فوبيا

كله ويا ابوي

دلاله طبعا صفرررررررررررر

امبييييه والله لي الجمعيه و المستوصف ماعرف اروح

من قرطبه لي السره والجابريه مادل :dddds:

بعدين اكتشفت اني مادل لاني اتنرفز واتوتر من اللي وياي بالسياره عشان جذي كلش ماكنت اركز عالدرب

طبعا الرصيف عد وخربط جم مره طاقه رصيف

ماكنت اعرف اقدر المسافات كلش

كله احس اني بطق الرصيف ولا السياره

احس المسافه قريبه حيل وتطلع بعيده

مره بافنيوز بالنزله عند المواقف جان احك الطوفه اللي على جنب :dddds:

و مره برد قري مثل ساحه مواقف و كان اكو صعده يعني طاقه بريك خفيف مو راضيه ترد قري مادري شلون حطيت ريلي وردت السياره طاااااااااايره قري بغيت ادعم 4 سيارات مره وحده :dddds:

المطبه اخفف قبل المطبه بوايد على ما اوصل المطبه الا السياره واقفه :dddds:

لفه السكان عاليوترن هم كانت مأزمتني

الدوار مأسات ثانيه لانه المدربه حسبي الله عليها ماكانت معلمتني على شي وطبعا هذا كله ماعرفته الا عقب لما مسكت السكان بروحي

و مره وحده طلعت بشارع منطقه رونق سايد

و مره على جسر كنت ماشيه 80 يمكن بالجسر لازم تخففين لانه عالنزله ماتدرين شنو ساعات فجاه يوقف الشارع وانا عالسنه ولا سياره واقفه خربانه و دشيت فيها الا شعره الله ستر

و مره بمواقف افنيوز كنا بنصعد و زحمه فوقفت بنص الصعده عرفتو و جدامي و وراي سيارات وانا بنص الصعده...انا ابوي قايلي لي وقفت باشاره احط السياره عال n ابوشها على قولته

جان الذكيه انا شسوي وانا واقفه بالصعده السياره مايله اقوم احط السياره عال n :dddds:

السياره نزلت لي تحت الله ستر و حطيت ريلي عالبرييييييييييييييييييييييييييييييييييييييييييييييييييييييييك اشوا ما دعمتها لانه كانت بتدعم اللي وراها واللي وراها ويصير حادث مليون سياره ونفس هالموقف صارلي بس العكس سياره صبيان يهال شكلهم ما عندهم ليسن و اهما اللي كانو بنص الصعده هم بمواقف افنيوز و قلت شكلهم بسوون نفس اللي مره سويته :dddds:
و الحمار يغمز لي من منظرته خخخخ شوي ولا اشوف السياره راده علي انا ديييييييييييييييييييييييييييييييييييييييييييييد ايدي عالهرن حتى اهما اخترعو بس اشوا مادعموني و نزل صبي من السياره يشوف سيارتي وسيارتهم يقولي ماصار شي :dddds:

اممممم شنو بعد والله وايد مواقف

اي كنت اذا مريت يم شاحنه ولا باص واااااي قلبي يدق يدق يدق اسمع دقاته

و كنت اخاف من شوارع الفرجان الشارع اللي رايح راد و لي الحين اخاف منهم بس الحين مو اخاف بالسواقه لا اخاف احد يطلع بويهي وتوا الاسبوع اللي طاف وحده طالعه بويهي ماسكه السايد اليسار

اي و وقت التدريب ما كنت احب اوقف بالاشاره اول وحده امبيييييه اول ما تشب يدقدقون هرنات زين نطرو مهيا طايره الدنيا

و مره كنت واقفه اول وحده بالاشاره ييت بحرك اللي يمي ما حرك جان اوقف :dddds: مادري ليش عبالي انا مخرفه ماشبت الاشاره تقولي امشي امشي انتي الصح :dddds:

و كنت لي مريت بشارع وناس بطوفون من اليوترن اخفف اطق بريك تقولي ليش تطقين بريك اهما ينطرونج تطوفين مو انتي تنطرينهم

خخخخ

و ابداعات وايد

بس لا الحين فرق 360 درجه

واحب السواقه احلى شي ماحب احد ايبني و يوديني احب بروحي اروح و ايي

بس سؤال ليش الحين قررتي تسوقين ولا انتي ودج منزمان و خايفه _03BA:

 

[لمسه حزن]

رد : ابداعاتج أول ماسقتي سياره..تعالوا سولفولي عطوني أمل لووووول

هههههههه

الموضوع مو صج

ومواقفكم شي

عاد انا تدربت مع مدرب

بس شنو لعوزني

مو طبيع يو لله و سيااارته كانت قرررررمبع

بمعنى الكلمه احس من تمشي

مو ناقصها الا موسيقى مالت بوهباااش

هههههههه

ولله كنت فصله و غرامي السرعه

وهو يقولي انتي تعلمي تسوقين

بعدين دوسي على البانزين

واول شي تعلمته السفطه و اخر شي

تعلمته الاستداااره

والموقف الي يقهر خلاني ادور

ساعتين بنفس الشارع

حتى الناس تطالع تقول مينونه هذي و لا شنو

رايحه راده بنفس الشارع

ههههه و لله كل ما تذكر ودي ابجي

من القهر

بس اهم شي اني نجحت من غير

واسطااات

 

[shmoo5 2ntha]

رد : ابداعاتج أول ماسقتي سياره..تعالوا سولفولي عطوني أمل لووووول

لوووووووووووووووووووووووووووووووووووول

كلنا جذي بالأول أمبيه نفشل خخخ

تدرين آنا أول مابديت اتدرب كنت أسبوع كامل ماقدر انام من رجولي حسيت إني إنشليت وربي أقوم من النوم أشوف رجولي موجوده وإلا لأ

من الخووووووووف طبعا لأن اول ماتسوقني تحوشج ام ركب

والحمدلله تدربت وتدربت وتدربت لما قلت بسسسسسسسسسسسسسسسسسسسسسسسسسسس

لني خوافه قلت حق أبوي ماراح أسوق إلا لما أتمكن صح

دشيت التراي والحمدلله يارب نجحت بذراعي على قولت أخوي خخخ

حتى الصفطه سويتها الحمدلله يارب

وألحين أتحدى أي ريال بالشارع لووووووووووووووووووووووووووووووووووول

الحمدلله يارب

عادي حبوبه بس أول شي بعدين تتعودين وتصيرين تسرعين وتقحصين خخخخ

الله يحفظج يارب وبشرينا لما تاخذين الليسن

 

[pinks]

انا اول شي تدربت بعدين خذيت ليسن بواسطه بعدين تدربت مره ثانيه لووول

وهم كان ماكو فايده ماعرف اسوق لدرجه اني قلت حق ابوي خلاص مابيها السياره كل الناس يعرفون يسوقون الا انا

واهم شي لاتخافين من الناس الي يطق لج هرن طقي له هرنين لوول وكشتي فيهم

وصدقيني بتمر الايام وبتحسين روحج قياده :>

 

[اشتياق]

لوووووووووووووووووووووووووووووووووووووووووووووول جيرولنا
بالضبط بالضبط بالضبط نفس اللي خايفه منه واحسه خخخخخخخخخخخخخخخخخخخخخخخخخخ والله جنج تتكلمين عني

خخخخخخخخخخخخخخخخخخخخخخخخخخ بدعتوا بناااااات
انا اقول ليش يكرهون سياقة المره ماينلامون لوووووووووول

احب السياقه من زمااان والحين فرصه اتعلم واحقق شي من اللي احبه :fun:

 

[al-musk]

لوووووووووووول من صجج انا جاية بسفط السيارة بعد ماخلصت تقريبا تدريب وفجأة احك بسيارة ابوي..طبعا مت من الخرعة وادق على المدرب ويجيب بوليش ونخفي الجريمة ومحد درا ومرت السنين بعدين قتله..لان كان شخط خفيف وراح..طبعا ابوي وجهه لاتعليق

 

[Un-6be3iya]

ثاني رد لي بالموضوع :tomato2:


أمس اليمعة الصبح اخوي قال بروح بيت يدتي وانا تبرعت اوديه من الفروانية لي العميرية:krkrkr:
و اطلع بنت ابوي وانا دااايسة واشوف اخوي متيبس ع الكشن طبعا اهو اول مرة يركب معاي ههههههههههههههههههههه :dddds:
طول الطريج احاجيه حاقرني بس يوزع ابتسامات يخاف يسولف معاي يلهيني بس عند الاشارة يقعد يقرق :dddds:
وبعدين شغلت المسجل حاطه اناشيد جان يسكره يقول انتي مو مضمونة ليلحين ركزي بالطريج :dddds:
شغلته قلتله انا ماعرف اسوق بـ هدوووء :krkrkr:
و دايسة حدي ماشية ولا 140:krkrkr:
اول ماسفطت عند باب بيت يدتي ولا اخوي ينزل من السيارة ويسجد ع الارض ههههههههههههههههههههههههههههههههههههههههههههههههههههههههههه تخيلو بالشااارع !!
اقوله ليش @@
يقول عشان وصلت بالسلامة الحمدلله لك يااارب :eh_s(1):



و بعد قبل فترة كنت طالعة بسيارة أمي بروحي < مقزرتها على سيارة امي ليلحين ماخذولي سيارة :dddds:
سيارتها إنفوي الجام الجانبية شطولها قطيعة وانا حمارة بتقدير المسافات :dddds:
و ياية دايسة ولا اكفخ الجامة الجانبية بـ درام زبالة "حشاكم " عوووود شكبره بالشارع هههههههههههههههههههههههههههههههههههههههههههههههههههههههههه طبعا انا ما استوعبت بس سمعت صوت شي انطق حيل اطالع ولا الجامة مجفسة لي داخل يوم نزلت عند الباب ولا مشخطة صايرة تلوع الجبد :krkrkr:
طبعا مستحيل اقول الصج عشان مايخلوني اطلع مرة ثانية !!:dddds:
نزلت سويت روحي مخترعة جان اقولها يماااا يا واحد حمار كفخني وانا ماشية ههههههههههههههههههههههههههه وامي من خوفها علي عدت السالفة وقعدت تقول حسبي الله عليه الاثول :dddds::dddds:

 

[بنت السلاطين :)]

رد : ابداعاتج أول ماسقتي سياره..تعالوا سولفولي عطوني أمل لووووول

هههههههههههه اشتياااق انتي نفس حااااااالتي قاعده ادرررب

وسوااااقتي ماااشي حالها ؛)

 

[Un-6be3iya]

هههههههههههههه توني ياية من برا يايبة اخوي
طول الطريج رابط حزام الامان
انا عمري ماربطته ولا اذكر ان احد ركب معاي وربطه بس الاخ يبي يأمن على عمره !!
و طول الطريج ماخله دعاء ماقاله هههههههههههههههههه
وانا معصبة بزحمة الفروانية ماظل صعيدي ماصرخت بويهه
و اخوي متسمر بمكانه مخترع ههههههههههههههههههههههههههه
بعد انا شكو اهمة يقطون روحهم وحمير مايعرفون يسوقوون !

 

[*sweetgirl*]

انا الحمدالله بالتدريب شااطره بس حتى بالسفطه لان حاط لي علامات اسويها وثبت مكانهم وشلون طريقتهم بس مع الممارسه تعلمت الحين شلون اسفط اول كنت لازم السياره بره

واول مره بالتراي سقطت وثاني مره بالواسطه هههه

اما يوم ريلي سلمني السياره قالي بره الشارع العام مابي اشوفج فيه حدج مستوصف وجمعيه وكانو كلهم يمي قرااب

تخيلو ارووح كل مكااان الا سفطه السياره ماعرف اسفط بالمواقف هههههه بس مره مسكني اخوي قالي يالله يا انا يا انتي مع المسافط
وداني المستوصف وشفنا موقف قالي دخلي قلت ماعرف وقفت قال اقولج دخلي << تحدي ههههه

دخلت وانا تعابير ويهي من الوناسه تضحك خخخخخ اقول صج صج سفط اخيييرا ولولشت هههههههههه << اتوقع اخوي يقول شفيها الغبيه هذي
بس كنت وااايد اخاف اسوق كله ادوده وكله اعتمد على اخوي بمشاويري وحصلت زف من امي تقول خلاص ماصارت اعتمدي على نفسج حق شنو هالليسن ووصت اخوي مايوديني مكان واضطريت اسوق

بعدها ريلي شاف سواقتي وقالي يالله روحي الطريج مفتوح لج هع قمت شوي شوي الحق خواني للمجمعات لمن تعلمت رهبه كبدايه بس بعدين ونااسه

والحين الحمدالله سواقتي راكده كبدايه لازم رصيف اصعد وريلي يمدح سواقتي امشي على القوانين ههههه

 

[ضحكه مستعاره]

اشتياق نصيحة اخت
تدربي عند مدرب مو مدربه

شوفي لج مدرب مضبوط

الحريم مايفهمووووووون

والنصيحه الاهم بعد ماتاخذين الليسن لاشفتي مره بالشارع وخري عنها ترى تدرعم عليح عادي ويمكن فوقها تخزج
وانسي انسي انسي انها تفتح لج طريج مستحيييييييييل

والمصفط لاتدربج عليه واجد لانه عمرج ماراح تعرفين تصفطين الا بالممارسه

انا لي 8 شهور اسوق واذا صفطت بين سيارتين اتوهق خصوصا اذا كانت المصافط ضيجه

 

[دمع القلوب]

انا صارلي اقل من سنه اسوق تسحك السيارات 4مره والسيارات اللي ااجرها اعدمها الا شعره آخر سياره دفعت لمكتب التاجير 1400 بعد الموت والا كانو بياخذون 6 آلاف لوووووول

والمشوار من البيت للجمعيه ب5 دقايق اقعد ساعه الا ربع

ولااا اقول لامي ابي اشتري جيب في اكس آر لاند كروز موديل السنه قالت اي هين لما تحج البقر على قرونها

بس الحمد لله ما ذبحت من خلق الله احد

جت سليمه لوووووووول

 

[دمع القلوب]

اي اي ومره يعني بصير طيبه وبونس عيالي قلت بوديكم الروضه اليوم

وجتنا اللفه اللي مادري شسمها بس المفروض اخفف عشان الف

انا دايسه 80 ما خففت جان تلف السياره كلها عالجنب اليمين وطمرت الرصيف ووقفت وخفت وعيالي يبجون يقولون خلي بابا يجي ما نبي نروح معاج انتي بتموتينا ههههههههههههههههههههههه

شرايكم فيني

ترى ماخذه الليسن واسطه حتى بدون تراي لووووووووول

 

[باربيه قطوه]

انا قلت حق امي بروح ويا اختي اتمشى بمنطقتنا بين لبيوت
تخيلو تخيلو مادري شلون وصلت المقابر هههههههههههههههههههههههههه

 

[دراما كوين]

ههههههههههه
مو صججج
بس غريبه اشتياااق للحين ماتسوقين

 

[اشتياق]

:0bee2e8d89:

:0bee2e8d89:


:0bee2e8d89:




:eh_s(16):

منحبببببببببببببببببببببببببطه :eh_s(16):

والله منقهره :eh_s(16):

اليوم السياره اتطوطح يمين ويسار وموقادره اتحكم بالسكان

تقولي دوسي بااااااااانزين شحقه اتطالعين وراااااااااااااااا

اقولها شفيج ؟بركز منو بالضبط اللي راح يدعمني عشان اعرفه لووووووووووووووووووووووووووووووووووووووول:krkrkr:

وااااااااااااي بناااااااااااااااات حالتي كسييييييييييييفه وترايي مابقى عليه شي بعد يومين :eh_s(16):


ادعوووووووووووولي تكفووووووووووووووووووووووووون:yaaaaaarb:


موطبيعيه اخوج كسر خاطري فقيّر لوووووووووووووووووووووول

ومواقفكم بنااااااات مو صج تقطع الامل خخخخخخخخخخخخخخخخخخخخخخخخخخخخخخخخخخخ :fun:

 

[سمراءوافتخر]

السلام عليكم
الله يوفقج ويسير التراي يا رب يا كريم

 

[اشتياق]

هلا وغلا تسلمين ياقلبي عالدعوه الحلوه