(((...... ابره الظهر.....وتأثيرها.......)))

[؛؛حلاوه؛؛]

رد : (((...... ابره الظهر.....وتأثيرها.......)))

ثنتين من بنات عمي خذوها بالصباح حيييييييل يمدحونها يقولون ماحسوا بشي


مالج شغل بكلام البنات كله ينقلون كلام يسمعونه مو من تجاربهم

 

[غـلا الـروقـي]

رد : (((...... ابره الظهر.....وتأثيرها.......)))

حبيبتي ترا ابره الظهر احسن من الكمام الكمام مع مرور الوقت يسبب نسيان

انا اخذت ابره ظهر بس كان الدكتور يهددني بلعمليه لاني لعوزته

بس ترا عطاني اياها خفيفه احس فيه لي مسك رجلي معن اهو يقولي تراني معورج انا اقول لا بس ماسكني

بس حسيت عوااار بجليتي قالي هذي طلوووق عادي

وعقب ماولدت طبعا بالابره+الكمام
مشوني وقالو لازم تحركين ريولج حتى لو على سرير
والعوار عقب كم يوم راح

انا احسه عادي بس على حسب المستشفى والدكتور

 

[كريستال]

رد : (((...... ابره الظهر.....وتأثيرها.......)))

على حسب اللي يعطيها

اهم شي دكتور التخدير

 

[sun**]

رد : (((...... ابره الظهر.....وتأثيرها.......)))

اب اب

 

[((غلا))]

رد : (((...... ابره الظهر.....وتأثيرها.......)))

اخذتها بحملى الثانى الولادة كانت فضيعة ولا شي حسيت فيه ابد بس الصداع اثناء الولادة صدعت شوى ويابولى بنادول وراح بس الم الظهر اللى بطنى بط صراحة تقريبا سنه اشكى من ظهرى ولا اقدر اقعد بدون ما اسند ظهرى بس هم راح اخذا بولاتى الياية ولا عوار الولادة على فكرة انا اعتقد الم ظهرى لأنى تحركت اثنا ماكانت الدكتورة تعطينى الأبرة لفيت على الدكتورة كنت بشوف شقاعدة تسوى وفامت تصرخ على لاتتحركين انا بعد ما خلصت

 

[Zen&7ala]

رد : (((...... ابره الظهر.....وتأثيرها.......)))

انا توني ماخذتها !!


الحمد الله و الشكر في ناس تبالغ الصراحة و الحافظ رب العالمين هذا اول شي

و الابره ترى ببريطانيا و كل مكان يستعملونها يعني اكيد ددايرين بالهم

و الابره تستعمل في الحكومة يعني ماراح يحطونها اذا تضر

انا عن نفسي استعملتها وااايد ريحتني !! بس لما سوييت بوش ما قدرت و هذا عيبها لان ما تحسين بنفسج فلازم تكونين واعيه

و تسويين من قلب

اما االام الظهر و الصداع هذا طبيعي بعد الولاده و ماله شغل بابره الظهر بس لان الناس تبالغ فتربط الالام بابره الظهر

ليش الي تولد من غير ابره ظهر ماكو صداع ولا الام ظهر ؟؟

 

[saratee]

استخيييييييييري الله ....انا استخرت ومايندري وين الخيره

 

[مرايم2009]

انا جربتها بولادتي الثانيه برويال حياه الحمد الله رب العالمين مافي اثار جانبيه عادي لا عوار ظهر ولا صداع يمكن هبوط بس بسيط جدا والحمد الله

 

[خابت هقواتي]

والله احيانا استغفر الله البنات مادري شيبون
لا تبالغون وايد وحرام عليكم اكثر من مره اشوف لي وحده تذمها وهي فيها فايده حيل حلوه
هذي نعمه من رب العالمين ولا له علاقه بطعم الامومه ولا اذا متي تعبتي خلاص حسيتي بطعم الامومه
ماله علاقه انتي مجرد بتشوفين الياهل جدامج والله قلبج يطير له
بخصوص ابرة الظهر انا جربتها وكنت بجريه
وجربتها وكان فاتح٤ سانتي والي يمي وحولي يصارخون من الالم
وانا نغزات خفيفه تيي وتروح ما احس بشي
يوم زاد علي الشد لتحت البيبي يبي يطلع اهني صج حسيت بعوار بس ماطولت الا شوي وولدت
بس الدكتور ماثبتها عدل عشان جذي قمت احس ولا جنه فيه مسكن وانا يمكن السبب كنت اتقلب وايد واتحرك
والمفروض تكونين ثابته ماتحركين وايد لانها بالظهر
بس كانت عجيبه حيييييل
والله ماحسيت الا شوي واخر شي ماطولت
بس يابنات كافي كل يوم وحده تحذير ووحده مادري شتقول
لا تخوفون البنات ع الفاضي
مو اي احد يعطي ابرة الظهر ما يعطيها الا استشاري متمكن
والله العظيم مرت اخوي قالت مابي اخذها كانت خايفه
وبعدين اقنعتها قالت باخذها بس امها حلفتها ماتاخذها يوم طلعت من الولاده تبجي وتهاوش امها
تقول كله منج انتي السبب الي حلفتيني ما اخذها
اصلا امها ماتعرفها وسامعه عنها بس يعني مو مجربتها بس ع كلام الحريم قالت لها ماتاخذينها
والله مرت ابوي كانت تقنعني ما اخذها وكنت مصره اخذها
وقامت تقولي شنو تسوي وشلل ومادري شنو !
قلت لها انتي ماجربتيها شدراج ! قالت لا بس الحريم تقول ...
يعني الي مو مجربها لا يقعد تفلسف
وصح تسوي عوار بالظهر وطبيعي لانها ابره مثبته بالظهر اكيد ينغزج ظهرج شوي
بس مايطول ولا يتعب الم بسيط عادي جدااااا
اتوقع تحملتي الولاده وتعبها ماتقدرين تتحملين نغزة ابره !
والدوخه مالها علاقه بالابره ..
الدوخه من اي مسكن تصير في دوخه وغثيان
والدليل الي تاخذ كمام اول ماتقوم ع طول ييها هبوط او ترجع وينغمى عليها
والشد بالولاده يسبب دوار وصداع
تعب الولاده له سبب بهذا كله
يعني الابره مالها علاقه يابنات .. لا تربطون هالشغلات بالابره
والله يابنات والله والله اني استخدمتها والله شاهد علي
الرحم فاتح فوق ال٤ سانتي وما احس باي شي حتا الفحص الي يلوع الجبد ماتحسين فيه وايد
لاتسمعون كلام البنات ..
هذي نعمه من رب العالمين وتخفف الالم
لحد يقول شلل ومادري شنو
والله انصدمت يوم خدامتنا تشرح لي يوم ولادتها
طريقة ابرة الظهر طلعو حتا بالهند يعطونها
واهني مسوينها سالفه
وبعدين الي بتاخذ الابره خل تاخذها بالسر
تفك روحها من فلسفة بعض الحريم
لا مجربه او مختلطه عندها الامور ع بالها اذا تعبت بالولاده من الابره
وتيي تفلسف وتسوي روحها فاهمه
.
.

 

[sغديرs]

انا خذيها تهههههبل صح صج نعمه اسميها ابره ألرحمه والحمد الله ماشفت اثار جانبيه بس بالنفاس الام ظهر خفيفه وراحت الحمدالله وآلام الظهر مو من الأبره من الحمل والثقل اللي في بطنج .. انا انصح فيها مليوووون بالأميه?

 

[CuTe KuwaiTia]

الله يسهل ان شاء الله احس ان ابرة الظهر نعمة

 

[Talyan Rose]

صباح الخير
اخذيها وانتي مغمضة
مالها آثار وانا خليت دكتورتي تشرح لي بالضبط وين يدخلون الابره
بس بشرط الي يعطيج اياها يكون استشاري مو اختصاصي
انا اخذتها برويال حياة عند دكتور عمر الخطيب تبارك الله يهبل
وكل الخرابيط الي تنقال تسوي شلل وتسوي مادري ايش خرابيط
توكلي على الله واخذيها
واصلا كل دكاترة التوليد ينصحون فيها
وبامريكا اصلا الوحده ما تولد الا معطينها الايبيديورال الي اهيا ابره الظهر

 

[Talyan Rose]

اصلا لمن ولدت خلصت دعيت حق الي صنع ابره الظهر ههههه

 

[noha33]

ابرة الظهر احلى اختراع بالعالم
لو جربتي الم طلعة البيبي راح تتحسفين مليون مرة انج ما خذيتيها
انا خذيتها مرتين
وما تسوي اي شي
بالعكس تستمتعين بالولادة ومافي عوار

 

[queen2020]

طيب بنات حتى وقت الخياطه ماتحسون بالألم؟