ابغي رايكم؟؟

[شموووخ اماراتيه]

السلام عليكم ورحمة الله وبركاته

اشحالكم بنااات فديتكم ابغي رايكم

ان شاء الله عرسي قرب وأبغي اطلع مميزه فالعرس

أنا بيضا شو لون العدسات والصبغه اللي يناسبني خاطري أصبغ وأغيرر لاني دايما شعري لون أسود
وللون الفستان أحلى الأبيض أو السكري؟

أتريا ردووودكم:eh_s(17):

 

[ام غازي 2012]

وعليكم السلام

مبروك مقدمن

افضل شي للعروس الشعر الاسود لانه صج ملك الالوان
واذا حابه تغيرين غيره بعد سبوع شهر بس احلي شي
علي العروس الاسود
والبدله خليها بيضه

 

[شموووخ اماراتيه]

الله يباارك فيج يا قلبي

مشكووره فديتج

أبغي اراء أكثر

 

[شموووخ اماراتيه]

أنا شفت عروس تهبل باللون البني الفاتح وغيرها 180 درجه

 

[مييريآ]

نصيحة لاتصبغين ، لانج عروس وكل يوم لازم تسوين تسريحة واستشوار وغيره

مع الصبغه بيخرب زيادة ، تقدرين تسوين هاي لايت ناعم ، وبالنسبة للعدسات جيبي اخضر من فريش لوك

لانه هادي ويطلع شكل العين احلى وما يبين اوفر مع الميك اب

 

[Riema]

انا مع البنات لاتصبغيين

تكلع العرووس شكلها باهت اذا فتحت لون شعرهااا

خلج ع لون شعرج لاتغيريينه لااحقه بعدين تجي مناسبه وغيري

 

[al_sheikha]

نصيحه لا تصبغين مافي احلا من الاسود

واذا انتي بيضا حييل البسي اوف وايت بيطلععع يجنن عليج

والله يتمم عليج ان شاءلله

 

[مذهلة2013]

لاتصبغين حبيبتي

اما البدله اكييييييييييييييد بيضه

 

[حرم آلشيخ]

لآ تصبغييييين , احلى ع آلعروس آسود , أنا ان شاءالله نآوية قبل عرسي آرد شعري آسود .
,أما عآلفستآن كيففج هذا شي راجعلج , بس انا أفضل أوف وآيت .

آلله يوفقج

 

[كلي هداوه]

اذا شعرج لونين مثل صبغي اما اذا سود لا تصبغين خليه اسود
والعروس عليها احلي عليها الابيض ~
وكل ناس لهم وجهه نظر~
الله يوفقج ويوفقتنا ويتمم علينأ علي خير يااربييي

 

[التوق]

حلو الاسود الفحمي وحلو البني الجوكلت
والبدله اكييييد بيضه
موفقهه

 

[شموووخ اماراتيه]

مشكووين عالردود أقنعتوني أخليه أسود

والله يوفقكم ويسعدكم