ابلات الروضة تكفون ساعدوني معصبة حدي

[كادي الكويتية]

السلام عليكم

شلونكم يا ابلات

انا وحدة حدي يائسة
اللحين اقولكم قصتي

انا ادرس رياض اطفال بالجامعة سنه ثالثة يعني ما اقدر اغير تخصصي

المهم انا الاسبوع اللي طاف رحت زيارة ميدانية لروضه ولقيت رفيجة خالتي هناك مدرسة بالروضه
المهم هذي المدرسة كانت تدرس مع خالتي بالكلية تخصص خالتي علوم
اللحين خالتي السنه الجاية تصير ناظرة وهذي للحينها مدرسة
انا هني صار فيني احباط يعني بظل طول عمري مدرسة
الناس تكبر وانا بظل انا
اشمعنى رياض الاطفال مافيه ترقيات
وكم مشرفه في بالروضة
اللي يعانون من هالشي يشاركوني
ياريت تقولولي ان انا فاهمة غلط لاني دشيت تربية كلة علشان رياض الاطفال بس اللحين ندمانه:0bee2e8d89:

 

[rr202rr]

فعلا الترقيه يالله تمشي بس على الاقل الرياض افضل من غيرها انتي تبين الترقيات بسرعه لييييش اصلا التدريس بالرياض ممتع اذا كنتي في مكان مناسب وبيئه متعاونه
انا ما افكر بالترقيات لاني حااااابه التدريس
وجهة نظر والله يوفقج

 

[^ليلاس^]

تو الناس على هالحجي حبيبتي تخرجي بالاول

ماتدرين على وقتج على ما تتخرجين شيصير

 

[عهود الحب]

تخرجي اول
ولاحقه على رزقج
انا لي 15 سنة مدرسة ولا فكروا يرقوني لمشرفة
مروا علي مشرفات
مايعرفون وين الله قاطهم
الواسطة سيدة الموقف
والتخصصات الثانية موشرط يترقون بسرعة

ممكن يترقون بس ترى في غالبية كبيرة يرفضون الترقية لأنه تعب مومثل الرياض

 

[Loora]

ذاك اليوم شفت لقاء الوزيره نوريه الصبيح

وقالت ان الترقيه برياض الاطفال بطيئه ,,,, بسبب

ان المدرسات برياضيات كلهم ((كويتيات)) وهذا الشي يخلي الفرصه تقل بالترقيه

بعكس ,,,,, المدارس الثانيه مثلا بالثانويه ,,,, تقريبا يكون نصها كويتيات والنص الثاني وافدات مثل ( مدرسات العلوم والرياضيات والانقليزي والعربي) ,,,,,,,, وبهالحاله المدرسه بالثانيه اترقى اسرع ( لان الاولويه للمدرسة الكويتيه )

بس من ضمن الحلول ,,,, ان راح يكون بكل روضه مشرفين بدل من المشرفة الوحده ,,,, علشان اتزيد فرصة الترقيه للمدرسات برياض الاطفال


واتمنى اني اكوووون فدتج

 

[طيرشلوا]

شخبارى حل الوزيرة اى روضة الى مافيها مشرفتين
احنا بالجهراء مافية ولاروضة مشرفة وحدة من سنين
يعنى هذا مو حل خل يفكونا من هالواسطات والعالم الى تمسك بالكرسى ما تهدة سنين ومنين واحنابخير

 

[عشوشه]

حبيباتي أنا أتصور كل ما على المنصب زاد التعب و زادت المسؤوليات و كل واحد ووجهة نظره و طبعا احنا ما عندنا ترقيات الا بطلعة الروح فيا تحبين شغلج و تبدعين بدون ما تركزين على الترقيات لأنج راح تاخذين الدرجات و العلاوات و يزيد معاشج بس بدون مسمى وظيفي أو خيارج الثاني تشتغلين بالتربيه أربع سنين و بعدين تطلعين لأي وزاره ثانيه بس تحتاجين دزه علشان تطلعين بس أعتقد عقب ما تجربين المجال ماراح تطلعين هاهاهاهاها

 

[Arosha]

انا اشوف الترقيه في التربيه حالها حال المدرسه العاديه تكرف اكثر وشغل وعوار قلب اكثر يا حلات اليهال والله يخلونج تحسين انج ليلحين من عمرهم تحبينهم ويحبونج لو ترقيه بمكان اداري اكثر احسن بس بالتربيه ليش ما منه فايده كلهم اوصلوا شستفادوا وشنو سوو ؟

 

[دار السكون]

صج كلامج حبيبتي كادي الترقية في الرياض بطيئة جدا .... لاومرات بعد يوقفونها سنين علشان مافيه شواغر بس المهم العمل نفسه مريح وحلو وبعدين انتي تقدرين تبدعين في عملج وتكونين مميزة حتى وانت مدرسة انا شكثر شفت مدرسات اشطر من مشرفاتهم ومعروفات على مستوى المنطقة بعد .

 

[كادي الكويتية]

مشكورين حبايبي على الردود
بس فعلا انا حابة المجال
وراح اكمل ماجستسر فية
وراح ابدع انشالله سواء ترقيت ولا لا
مع انه قهر ان الواحد يكرف ويدري ان مافي مقابل

 

[moone GRL]

يا ماااالج من الاحباطات توج من زيارة بس انصدمتي شلون بعد الوظيفة


مابي احبطج بس صدقيني الوضع بالرياض مزري والترقيات صعبة الناس تمشي وتروح وتترقى ومدرسات الرياض يتخللون والله اني اعرف مدرسات فوق ال 15 سنة وهي ليلحين مدرسة ما ترقت

 

[malak_009]

كسرتي خاطري اللة يعينج من البلاوي اللي بتشوفينها في حقل رياض الأطفال هذا شيء من لا شيء
بس اللي يهون عليج إذا كنتي في روضة مسنعه وغير جذيه كتبي نقل على طول وبدون تفكير
وموفقة

 

[*أم*خالد*]

يا تحبين اليهال ومجابلهم او قبي من التخصص وشوفيلج شوفه .. حتى لو سنه ثالثه شوفي شنو تقدرين تاخذين تخصص مساند

مابي احبط فيج بس ياعمري هذا الواقع

هذا مستقبل وترى النقل من التربية بعد 10 سنوات مو 4

شوفي وين مستقبلج