ابلات تعالو قولو لنا وين بتروحون بالعيد

[fri2010]

السلام عليكم ورحمة الله وبركاته

اشلونكم ابلات كل عام وانتو بخير :eh_s(7):

عيدكم مبارك مقدما :eh_s(9):

وين بتروحون بالعيد وشنهي برامجكم له :bbbiu:

خلونا نستانس على اخر ايام في العطله :rerrerek:​

 

[بنات حواء2]

اهلين فراي
انا عن نفسي اول يوم زواره
ثاني يوم زواره
الطلعه بالعيد تصير مو شي بسبب الزحمه
ثالث يوم بودي زنوب العاب بدورلها العاب بمجمع عن الحر
و بعض المرات انا و اهل ريلي كللللنه نروح نقعد علبحر اذا الجو يساعد اما اذا مايساعد نروح كلنه مطعم و نزعجهم و نطلع
ههههههههههه
و بس

 

[اخت اخوانها]

أول يوم ماااااأطلع الا المغرب
لأني أروح صلاة العيد مع العايلة ونرد نتريق وبعدين البس واضببببط الميك اب
وبعدها الزوارة ببيتنا ونتغدا وووبعدها عاااازمتهم عالعشاء >>> اجهز للدوام وللعيد وخابه عمري واعزم بعد ههههههه


يلا اهم شئ الوناسة والرزق عند رب العالمين


احببببببكم ويااارب ينعاد عليكم وعلى احباءكم بكل خيييير وسعااااادة

 

[fri2010]

ينعاد عليكم بصحه وسلامه يارب

وانا احبكم والله

وتتونسون بالعافيه ان شاء الله

 

[MisS *-* BMW]

اهلين هلا والله فراااي

أياااااااااامج سعييييده حبيبتي

والله اناا عن نفسي بيت يدي زوااره وبيت خالي

وبعدين بليل شكلي برد احط راسي واناام هههههههههه واعدل نومتي حق الدواام لانها حدها معفووسه

وثاني يوم العيد مادري يمكن اطلع أروح 360 مع بنات عمي ,,

وثالث يوم العيد بطلع ويا اهلي وخواتي ورياييلهم فندق كراون بلازا عشاا ,,

وبعد اسبوووع حجزنا حق مسرحيه طرطنجي مالت طارق العليييييي ,,

و ولكم حق الدواااااااام وحدي مستاااانسه ,, وبشترك بناادي رياضي بعد علشان النفسيه :rerrerek:

 

[fri2010]

والله زين تسوين

ومعاج حق لازم نشوف لنا حل مع تعديله النوم لووول

ان شاء الله من العايدين والفايزين

 

[صدقني@صعبه]

كل عآم وانتوا بألف خيييير
انا عن نفسي اول يوم الصبح بيت جدي ابو ابوي
والعصر بيت جدي ابو امي
وثاني يوم اسوي جوله مع امي أعايد الجماعه رازه وجهي
وثالث يوم نطلع شله بنات لمجمع
وان شاء الله اقدر اعدل نومتي حدها معتفسه

 

[ذكريات عشاق]

كل عام وانتوا بخخير
وعيدكم مبارك
اول يوم نروح سهرانين لازم بيت خوالي
ونتغدى عندهم والعصر ارد البيت وانام مبجر عشان بعدل نومتي للدوام
وثاني يوم امي تروح تزور وتعياد انا مااحب اروح فاروح انا وخواتي مجمع عن الححر ونخلي اليهال يلعبون
اما ثالث يوم ورابع يوم عندنا عروس وهم ماراح اروح ابقعد بالبيت
مااحب اطلع بالعيد الزحمة تملل وتكرهج بالطلعه
وهم عشان اتهيا نفسيا للدوام

 

[fri2010]

ايه والله وناسه غدا العيد ويمعه الاهل

بس لازم فيها طلعه للمجمعات والمطاعم

وايامكم سعيده يارب

 

[fri2010]

للرفع

 

[Bronzya kwt]

كل عااام وانتووو بخيييير

اول يوم العيد مع التعب واللويه نتيمع ابيت يدي لي العصر

تالي يا اروح مع بنات خالتي او ارد بيتنا نتيمع فيه

وثاني يوم زوارة بيت عمي العود هم نظل لي العصر تالي لازم نرد البيت نتيمع عند

رفيجة الماما وثالث يوم فري نكون مخططين نطلع وايينا احد فجأه

عاد لازم اروح ازهب حق الدوام ماسويت شي

عاد لازم اتقوليلنا شنو البروقرام مالج بالعيد :$

 

[fri2010]

وانتي بخير وصحه وسلامه

الله يدوم هاليمعه ان شاء الله

بالنسبه لي ماكو بروغرام لحد الحين يعني بس زوارات فقط

 

[سراب فوفو]

صباح الخير وكل عام وانتو بخير
بلنسبه لي اول يوم زواره وثانى يوم ستي سنتر وباجي الايام كلا مطاعم لوووول وين نروح بهل الحو الحار *

 

[( المـلاك )]

عاد انا من النوع اللي ما يواطن الزحمه خير شر
والعيد اللهم ياكافي الاوادم كلها بالشارع
الشوارع توقف ما تتحرك
فالطلعه بتكون ممله و وراها صداع من الزحمة و الطواله بالسياره
و لي وصلتي المكان المطلوب الا راسج بينفجر ما تشتهين تسوين جذي

اذكر السنه اللي طافت تمينا ساعتين وشي بالشارع حتى اذكر كنا بخط البحر
وعلى ما وصلت المطعم من كثر الدوخه والصداع ماقدرت اكل وحسيت اني برجع من ريحه الاكل
ردينا البيت علطول

فـ من هذا المنطلق ههههههههههه
مستحيييييييل اطلع بالعيد
ماغير الزوارات
اول يوم و ثاني يوم
بالبيت العود هني وبالبيت العود هناك
من الصبح لي الليل و نفس الشي من الصبح لي الليل
اما ثالث يوم فانا مخططة اني احكر عمري و اواصل لي ثاني يوم عشان اعدل نومتي المعفوسه

ادري مخطط كئيب
بس صراحه زحمة الشوارع والاماكن اهي اللي تحدنا نروح زواراتنا ونرد بيوتنا
ولي عقب العيد نعيش الحياه طبيعيه
ولا بعد يمكن نسوي الاشياء اللي ودنا نسويها بالعيد

 

[EviL^^GirL]

مسافره :eh_s(9):

 

[درة أهل الطولات]

ما قررت للحين لكن اكيد السينماااااااااااااا على القائمة

 

[اخت اخوانها]

ايڤل قيرل: ترووحين وتردين بالسلاااامة

 

[ذكريات عشاق]

اب اب اب

 

[fri2010]

تصدقون بنات نبهتوني على سالفه مهمه

انا لما نرجع من الزواره انام

حلوه هالفكره

 

[PuPa^^SWeeT]

انا عيدي كله زوارات



يعني يمكن بس اخر يوم الاحد بشوف وين بنودي اليهال