ابني ما كمل سنه وتعبني بعصبيته اللي لا تطاااااق !!!!

[وردة الدوحه]

السلام عليكم يا أمهات






الله يجزانا الجنه على التعب والويل اللي نشوفه من الاولاد والتربيه قولو امين

اني ويز انا ما عندي الا ولد واحد الله يحفظه الشهر الجاي راح يكمل سنه باذن الله

بس ما شاااء الله عليه ذكي جداااااااااااااااا لدرجه انه نطق بكلمات قبل ولد عمه اللي عمره سنه وربع

وايد حركي لدرجه اني أمس بالصدفه حطيته بالارض يحبي ما وعيت الا راكبلي على الدرج !! اوف مت من الخرعه

واذا حاطته بحظني وقاعده اسولف يقعد يتسلقني ويحط ريله على كتفي وراسي ليما يطلع فوق الكرسي او القنفه اللي قاعده عليها

وطبعا غير التمسك في الطاولات والكراسي والطيحات اللي تخرع !

بالنسبه للعصبيه أنا دايما احط اللوم على زوجي لانه من كان الولد في الاربعين من يصيح يقوم ويشله ليما يسكت أقوله يابن الحلال لاتعوده على الشيل يقول لا يقطع قلبي وهو يصيح أقوله بتندم يقول لا ان شاء الله

المهم صار الولد الحين اذا اخذنا من يده شي بيضره او مثلا حط شي مثل لعبه صغيره في حلجه ابي اطلعها يقعد يصيح بطريقه هيستيريه ويقعد يحذف راسه على ورا ومرات هالحذفه تصيدني في خشمي وساعات في رقبتي تقعد تعورني يوم كاامل !!
ومن العصبيه ساعات يصارخ من غير دموع يقعد يشد على يده وريوله بالقوووووو ويطلع الصرخه من جوفه لدرجه انه صوته يصير مبحوح

اليوم صارت الحركه بعد قاعد يلعب عن باب الصاله قلت حق الخدامه تشيله عشان محد يفتح الباب في ويهه بس شالته الخدامه قعد يرفس ويصيح ويشد على يده وريوله

جهزت له الشاور طبعا مأساه ليما فصخت ملابسه وحطيته في البانيو قعد يلعب ساعه يوم جيت بطلعه بعد نفس المناحه تعبني اليوم وخوفني عليه بنفس الوقت ..

ألحين عطيته الخدامه وقتلها ترضعه عشان ينام ويهدى شوي لانه لازم ينام بعد الظهر ساعتين تقريبا .

قولولي يا أمهات ياخبره هل ابني طبيعي ؟؟ وهل يحتاج لدكتور يفحص حالته ؟؟ أنا وايد أحاتيه :eh_s(2):

 

[noo7a]

امبي جنه تتكلمين على ولدي
ذاك اليوم بالجمعيه حاط علاقه المصاصه الطرف الي يشبك بالملابس بحلجه
اخذتها منه اخاف يجرح لثته
امبيييي انا اخذتها منه فضحني كل من بالجمعيه يطالعوني بنظره حقد عبالهم طاقته
لان صرخته و بجيته جنه مقروص

 

[وردة الدوحه]

^ ^ ^ ^ ^ ^

هههههههههه


شالحل يا ربي

يعني هالشي طبيعي ؟

 

[@ام يوسف@]

اااااااااااااااااااااااب

 

[ام الحلوااات]

اللـــه يـــعـــيـــنــــج

 

[مواصله]

شوفي بهالعمر ليما سنتين ان شفتي الجاهل هاااادئ ومايحووس ويتشيطن معناتها فيه شي

يعني هالحاله شيئ طبيعي مرحلة استكشاف وصبري يبدى يمشي الله يحفظه بتتعبين اكثر معاه

اما ع العصبيه والعناد سبحان الله طبع واكثر الجهال يمرون بهالمرحله من هالعمر بالذات

 

[aljooorya22]

عادي لاتحاتين حبيبتي

 

[وردة الدوحه]

تسلمون حبيباتي طمنتوني

الله يهديه يارب

 

[شيوومه]

عااااادي حبيبتي

هذا طبع باليهال العناد والعصبيه بهالعمر شي طبيعي لاتحاتين

 

[روح الأحزان]

حبيبتي هالجيل اغلبهم صايرين عصبيين عادي لاتحاتين وخليج ريلاكس معاه كثر ماتقدرين

 

[Um Tuki]

نفس ولدي يقط روحه ورى .. و اتعب لما ألبسه الحفاظة ما ششاء الله صار شيطان مع ان عمره 10 شهور ..


و بالنسبة لـ صاحبة الموضوع حرام عليج تخلين الخادمة تعطيه الحليب وتنومه ماتجوفين الفيديوات ؟؟

حتى وانتي موجودة ماتحسين شتسوي بالياهل .. يمكن هالعصبية بعد يكون لها يد ..

الا الخادمة لا تمسك الياهل .. خليها تسوي شغل البيت كله

 

[om.googi]

عندنا وعندج خير ,, نفس النمووونة ..

ذكي وفطين وشطانه وبلاسة وحركي وكل شي ههههههههههه

انا اقولج خل يطلع كل مافي جعبته الحين .. النوع هذا لا كبر بيصير هادي عادي ترا مافي داعي للدكتور ولا شي ..

واذا قط نفسه لي ورا خليه عادي شيليه وعينج مو عليه وعدليه وخليه يبجي لين يشبع ( سوي نفسج مو مهتمة ).. ترا الاولاد أذكياء بهالسالفة يبون يلفتون الانتباه وياخذون اللي يبونه ,, والبنات أخس بسالفة اقط راسي لي ورا يمه منهم ..

ولدج نسخة ولدي بالضبط أعصااااااااااااااااااب .. لدرجة انه لما ينام تلقينه متسبح عرق والسنترال ثلاجة ..

لا تحاتين راح تخف تدريجيا لا بدا يسووولف عدل ..

خليج وياه سولفي وياه ع طول لا تخلينه
واذا عندج كام صوريه واهو يبجي أو يقط راسه لي ورا ( فيديو + لقطات ) وخليه يشووفهم بعد 5 أو 6 أشهر ,, شوفي شراح يقول لج .. خليه يطيح لا تهتمين بس صوري ولا تقولين يعور قلبي ..
( ع كثر ماهو أعصاب راح تشوفين حنيته بنتايج الفيديو )

اهو يبي أحد يشيله بس مو كل وقت !! راح ياخذها لعب ودلع ويضحك عليج واهو قاعد يبجي .. استغلاليين << هيـــّا شالتنـي !!

كثر طيحات ولدي ما شفت خاصة عالمناطق الكويتية ( الخشم + اليبهة ) هههههههههه

والله يخليلج ولدج .. ​

 

[وردة الدوحه]

فديتكم ما قصرتوا بالردود اللي تريح

اختي البيبيه هي لما ترقده جدامي ما تتخشش وياه واجوفها واطل عليه كل شوي

وبعدين هالخدامه عندي من قبل لا اولد ومختبرتها وااايد زينه بس اكيد مستحسل اامن فيها 100 بالميه

بس ساعات ودج حد يساعدج ..

ام جوجي الله يعطيج الف عافيه وما شالله قلبج وايد قوي انا قلبي يتقطع لي طاح ولدي او صاح

احس انا اللي غلطت في حقه هههههههههه تأنيب قوي

الله يعين يارب وسالفة التصوير أنا ويدته طاحين فيه تصوير لا تحاتين أم الدلائل الصوتيه والمرئيه

هههههههههه

 

[alreemmohamad]

حبيبتي دايما خليه يلعب في الماي بيتغير واااااااايد عن تجربه
وعليج بالرقيه الشرعيه
وحاولي دايما تسوين له جو مع اليهال اللي من سنه واكبر

 

[hooryah q8]

كل اليهال بهالعمر جذي حنه و عناد و صراخ و بجي
بس انتي حاولي مرات لي قعد يبجي اطنشينه لين يبطل من هالحركه يشوفج ماتهتمين له
لانه بهالتصرف يبي يلفت انتباهج و تعطينه الي يبيه

و البنات ماقصروا معاج و الله يخليلج اوليدج و اتشوفينه معرس يارب

 

[ابوره الحلوه]

وأي الله يعينج نفس الحاله أنا بنتي جذي عصبيه وايد اذا خذيت منها شي تبجي وتطق راسها بالطاوله احترت معاها مادري شسوي عسى ربي يهديهم وصبرنا

 

[ام ناصر 2009]

عادي لاتحاتين حبيبتي للحين ماشفتي شي
لي صار ثلاث سنين فوق واااااااااااي​

 

[A boss]

حبيبتي نصيحتي حق النوعيه من الاطفال يبيله حضانه زينه اتغير طبعه اتعلمه يسمع كلام الابله و يطلق طاقته اهناك اول ما يكما سنه و 9 شهور دخلي حضانه بس اهم شي في اختيار الحضانه المناسبه و اي استفسار انا حاضر و هم لا تصارخون عليه حقروه لين يسكت